Neway Karaoke Box (已結業)

Usually I go to CEO but when I got there, they said all the rooms on the buffet floor were booked and would not be available until 10pm which was ridiculous because it was only 5:40pm that day and there was nobody waiting at the lounge area.On my previous visits the rooms were always available on the buffet floor.Since I was allocated a room on a different floor I cancelled the booking as it was pointless paying for a room where you need to walk up and down, back and forth.So I left this branch

我們公司一幫找食的人，幾乎已食過晒公司附近的大小食肆。想來想去，又想試一試未食過的地方，同事建議了上來食 K lunch。天樂里的這一間 Neway，人流不多，中午時段亦真是沒有太多人在場在唱，來者都是學生，而且 K lunch 限4點正要交房，好明顯他們 target 的是學生放學。去過多次 Neway，去過多間不同的分店。天樂里的這一家算是整潔，而且這一個時段人流不多，安排到一個比較大的房給我們，也是令我們開心的。 唱 K lunch，食的不是 buffet，入房時派了一張紙仔，午市的套餐分了4個價錢，有同事點了一個抵食的，越式肥牛湯米線，先評。這一個米線，味道完全不出眾，而且又不夠熱，太硬身的米線令人吃得不舒服，而且牛肉同樣是又硬又鞋，湯不夠熱而令到芽菜浸極也不熟，是一個失敗的湯米線。 另一同事點上的，是豐富類型的意式海鮮燴意粉，單是看配料，已經看得出是不夠豐富，青口的雪味重，燴意粉的汁又太過稀，同事吃了幾口便放棄。我試了一試，也覺得是必要放棄它。

無可否認，唱K包午餐連飲品，只需六十多元，的確非常抵玩。但單論食物質素而言，實在要給它一個喊臉。1)海南雞飯：全場最掂的食物，雞肉尚算嫰滑，而且調味得宜，但油飯略為過咸。2)石頭鍋飯：以為會熱辣辣上枱，怎料大失所望。配料有大量芽菜、少量超韌肉片，泡菜醬頗嗆喉。3)海鮮火煱：最正是那隻巨型帶子，吃時覺得自己很豪。湯底沒甚麼味道，配粉絲吃算是一般。4)咖喱斑塊飯：斑塊是炸起的，但外層並不香脆。咖喱帶微甜，但質地過稀。5)吉列龍脷意粉：龍脷的肉質有點梅，而且超級極之非常咸，吃一件已叫停。其實唱K志不在食，尤其面對如此質素的午餐，還是多走一場覓食好了！

三美來訪, 當然還有餘興節目 (其實是主菜!), 就是來唱 K!由於一日前預訂可不限時任唱, 再加 K-Buffet 9 折, 我當然已一早訂定了啦。提早訂座的另一個好處是, 我們獲分配到一間超巨大的房間! 那間房應該可以坐十來廿人啊! 我們 4 個人, 就顯得有點空蕩了。還是說回有關吃的吧。K-Buffet 的地方不算大, 吃得到的東西大家大概可以想像得到; 我們輪著出去夾了一大堆東西回來。 女友 Y 身懷六甲, 不能吃生冷食物, 所以我們吃的多是熟食, 我自己也只是夾了一次那些沙律雜菜而已。也對放在酒精爐上加熱的東西從沒什麼興趣, 出到去發現竟然有串燒拿啊, 弄串燒的哥哥長期預備了一些燒好了的串燒給像我這些費事等的人, 雖然不太熱但都比其他東西好吃吖。圖中的是燒茄子、燒冬菇和雞軟骨。雞軟骨幾甘香, 搭燒蔬菜吃就沒那麼油膩嘛。另外還吃了豬頸肉和些燒丸類等。 另外一樣蠻有趣的是火鍋。有三幾個火鍋爐, 旁邊有一個大凍櫃, 隨便把材料放到鍋子裡, 加湯開爐烚烚烚就得了。我們不約而同用了較清淡的杞子湯底來烚 (另一款湯底是麻辣), 烚的也多是蔬菜如生菜、白菜、芋絲等等, 難吃 (或好吃) 極

2009-8-15(星期六)我與友人，一行3人，唱7:00-9:30時段，每位連加一收$158。湯類有『忌廉湯、蓮子蛋茶、冬瓜豬骨湯』，打邊爐有生根、肥牛、青口、白菜、菠菜、生菜等可選–且有麻辣湯底都幾辣及杞子清湯可選擇。有鹽焗雞全翼及〝香腸、墨魚丸、牛丸、獅子狗卷、龍蝦丸、台灣貢丸時串燒–有職員專門負責〞。有雀巢約20多杯芒果口味小杯裝雪糕。有泡菜、冷盤魷魚及螺肉、冷粟米粒、冷紅腰豆、沙律菜可選。有正方形椰絲朱古力、忌廉類雪糕仔、啫喱杯有黑加侖子及芒果口味。熱盤有麥樂雞及哈哈笑炸物，咖喱魚蛋豬皮白蘿蔔豬紅大雜燴，八味粉全隻雞，全隻油雞，咕嚕魚塊，煎三文魚，雞尾腸半件蕃茄，芝士焗青口，蒸牛肉球燒賣。

4月17日, 好耐都冇喺夜晚唱K, 而家仲有六折優惠添. 加埋食 BUFFET都係$128一個人, 好抵呀! 同呀菲二個人又可以唱多d~::: DINNER K BUFFET ::: $128@其實種類都算多, 同酒店嘅分別係冇咗生蠔等一d比較貴價食物. 湯, 魚生, 沙律, 熟食, 自助打邊爐, 甜品, 生果呢d見慣見熟嘅都一慨不漏~ 最鍾意就係每樣都攞d返房一路唱一路食, 好食嘅就再ENCORE~ 熟食因為去得快, REFILL速度快, 又會間唔中轉款, 所以對熟食嘅欣賞程度比較高~ 炒飯, 意粉, 通粉, 牛仔骨, 青口, 餃子都幾好食~ 比較差係湯同甜品, 湯稀到好似水咁, 甜品只有d好似擦膠嘅蛋糕… 不過如果係為食得多款同食得飽, 已經好足夠~感覺上呢間NEWAY食物都幾多, 當然冠軍多野食梗係去CEO啦, 但普遍neway呢間係算唔錯. 熟食真係多選擇~ 咁樣價錢, 又唱埋K, 一大班人或者黎HEA時間都十分超值~

Can't believe nowadays K lunch provide "rock" rice. Of course, the taste was not very good and do not taste like korea's, but it was really very hot. Comparing to other k-lunch set, this is already said to be very outstanding.complimentary 2 drinks and cost just 45, good!

灣仔這間Neway的Lunch K的石頭鍋飯算是近期內小記吃過最好的Lunch K......由於場內細房明顯不足...故獲派了一間大房...三個人拿了一間大房....感覺好空洞...但很自由~~主菜來了~店內的石頭鍋飯於不同日子有不同款式...現時試過了日式鰻魚石頭鍋飯和日式炸雞(鰻魚汁)石頭鍋飯兩款的味道也不錯,一併推介給朋友後也有不錯的評價以50左右要吃一個石頭鍋飯的話...也可以考慮這兒~順帶一提....這個分店的K Buffet沒甚麼特別好的啦...

尋日有fd生日,今日黎唱k補祝。我黎過好多次,覺得lee naway ge食物同服務比其他分店好得多,所以今次都揀返黎lee度唱。我尋日打去book今日5點半6個,我問佢地送蛋糕香檳ge問題,個staff好有禮貌好nice好詳細咁講我知。我自己因為又有個蛋糕,今日未夠鐘我囉左個蛋糕上去睇下可唔可以放低係個雪櫃度,個staff又好好人咁幫我好快搞掂左。雖然未去消費,但佢地ge服務態度真係幾好。準時去到,6點開始buffet。食物種類都幾多,而且當盤食物冇晒個時又會好快換新1盤。炸蝦反卷蟹籽壽司：唔錯的,裏面嚿炸蝦都算大嚿,而且d飯食個時又唔會話散。三文魚,八爪魚,甜蝦：又算新鮮。三文魚佢切到好厚;八爪魚普通,甜蝦好味。壕油菜心,焗西蘭花：我今次先發現原來有菜,我覺得幾好幾健康,食d肉ge同時亦有菜。炒飯：唔記得係咩炒飯,係k場黎講係ok的。飯炒得乾身,粒粒分明,唔會1嚿嚿。而且有d雜豆等ge配料。腸：唔知咩腸,佢好似用d茄汁焗,個汁同個腸幾match,幾好。pizza：基本上我係為pizza而黎,因為佢係即叫即整。佢d pizza有厚同薄揀,我要左厚批;要左千島汁,雜錦海鮮,白菇,腸。之

11 January 2007 (Thur) - 晚飯呢間Neway都算較新，除咗歌比較多啲之外，就連食物亦比較豐富同乾淨，我見其他Neway buffet呢個位總係比較污漕，而且就算人哋種類好似好多咁，但係都唔係太好食，但係呢度既食物水準比較高，所以我都幾鍾意！覺得最好食居然係佢個咖喱魷魚，超好味，食完想再食，就連魚生都幾新鮮，仲有個特色嘢，就即整pizza，你order 完啲配料想要咩，佢會搵人轉頭攞比你，正！總括呢間neway係真係比較正！

平安夜的好合理消費平安夜, 同老公銅鑼灣買完聖誕禮物後, book 17:00pm到呢間Neway唱K加Dinner Buffet.到達後, 我2公婆比間6人房我, 職員同我講2次今晚消費多小及2.5小時後交房, 如沒有客人可以最盡唱到10:00pm. 18:00pm後有K Buffet, 食物都OK la,如下:湯: 海鮮湯和烏雞湯沙律: 罐頭什果沙律和薯仔沙律咁上下剌身: 我只記得三文魚(因為我只食三文魚)凍蝦熱盤: 咖喱魚旦, 咖喱尤魚, 腸仔, 油菜, 炒飯, 燒鴨, 白汁魚柳意粉, 咕嚕肉, 冬菇鴨掌……..輪流上特式: 即焗Pizza, 車仔麵冷盤: 螺, 瀨尿蝦甜品: 生果, 蛋糕, 渣渣, 雪糕最後20:45pm職員才叫我埋單. 本人要求比較低, $98再加一, 又可以消磨3個多鐘, 靜靜地有得玩又有得食. 平安夜就咁渡過.

佳節當前約埋三五知己唱K天樂里呢間以前都去過但裝修完都係第一次本身對佢地所提供的K BUFFET信心不大但今次又有別一番風味雖然我地被安排係二樓而K BUFFET就係一樓都幾唔方便但間中都有服務員主動幫你捧餐食物種類及級數都比以往進步不少熱蔁不時轉款唔會食黎食去都果D日本刺身同冷麵就限額供應當然刺身感覺上就無酒店的咁新鮮啦最特別係有即烘PIZZA同火總要係落完ORDER唔使等有人送到房俾你果隻唱K果間房本來都好逼後來黎多左人我地要求轉房佢地提供一間有WINNING打的超正可能唔係假期前夕的關係我地唱到兩點幾都無人趕喎九個人任唱任食包兩杯非酒精飲品重要叫左45枝百威啤酒每人都唔使$300 真係玩得好開心的一晚

好耐無寫開飯喇，一寫就嬲到爆，事緣前日到此店慶祝友人生日，誰不知有個男侍應，一個唔該，將成盤飲品倒落我們其中一個女友人的裙上，我們雖知這是意外，好似DoDo姐話齋：意外是意料之外！但最激氣是那個侍應的態度，一句對唔住都無不特止，叫佢拎毛巾俾我地抹，佢居然好寸咁話：我想刮埋檯面的水先！！咁既服務態度，就算裝修有幾靚，buffet有幾好食，我地都唔會再幫襯，何況唔係！！真係嬲到爆！！

昨晚，阿A，阿M同其餘6位老友鬼鬼出黎唱一咀兼食下哩間卡拉OK個buffet．之前都有幫襯過，覺得麻麻地，我地有哩個體育既精神，一於去試下裝修後既又係點．嘩！好多野食：蝦，賴尿蝦，蜆，青口，魚，菜，齋菜，三文魚，八爪魚，冷麵，打邊爐（肥牛，豆卜，金菇菜，冬菇），沙律，Pizza．甜品有燉蛋，Cheese cake，Tiramisu，薄荷蛋糕；雪糕有朱古力，蜜瓜，雲尼拿碎朱古力，芒果味，最好味係蜜瓜味．HK$69包兩杯無酒精飲品，花生果盤另計，加一，訂房可享85折．8個人2個果盤，5個花生，貴到short左．我飲左一杯熱菊蜜，甜到漏，之後飲熱蔘蜜，好好多．

好耐都無試過又食buffet又唱K啦, 個friend介紹話lee間Neway K 新d 無咁舊, 即管又試吓啦!因為係平日晚, 所以每位$69, 包Buffet + 2杯無酒飲品, 不過, Nuts 收$49, 果盤$79!!! 好貴呀!!!之不過, 佢地的Buffet又真係幾得Woh, 有泠盤(salad bar,青口,凍蝦,瀨尿蝦), 熱盤(雞扒,魚旦,燒鴨,多沙的炒聖子) + 甜品不只, 最驚喜係有壽司吧, 有剌身(三文魚.蝦.瀨尿蝦.蟹柳& 帶子) , 壽司& 三文魚手券. 重有沙嗲串燒(雞/豬), 煎腸粉. 另外值得推介的就係個湯, 有3款選擇, 我選咗 雞腳湯, 好鬼好飲!因為有好多嘢食, 攪到我呢個"為食鬼"掛住食, 唱每一首歌個口都重咬住食物, 唱到好難聽!!! 佢地最哀就係准唱2個鐘&30 分鐘, 要顧住唱又要顧住食, 唔易ka!