NINETYs (K11購物藝術館)

營業中

休息中

今日(16/9)14:08 我陪馬來西亞朋友叫左杯Americano外賣，落完單咖啡機的職員行開左，過左5分鐘都無人返黎沖咖啡。我朋友好正常咁問其他預備緊餐廳野食的職員幾時會有人沖咖啡，突然有個比較高及肥的女職員走過黎，以極惡劣的態度對答：肥女職員：您地做咩架？我朋友：等緊杯咖啡肥女職員：幾時落單架？我朋友，5-6分鐘前肥女職員：等下，無咁快！我從來未試過係coffee shop見過咁差態度的職員，完美顯示咩叫不耐煩，唔想做的面色。雖然最終佢都有沖杯咖啡比我哋，但全程黑面，語氣極差。連我個馬來西亞朋友都話未見過一餐餐廳/coffee shop的職員態度可以咁差。如果唔係見Openrice食評幾好，我都唔會介紹比朋友，完全影衰晒香港餐飲業，我亦一定會同所有朋友share呢件事。

今朝一早洗完牙 諗住食個brunch去做gym 嚟到K11 Art Mall嘅NINETYs 食個brunch 🍽️ 有全日適用嘅menu 同Brunch Board menu 睇咗Brunch Board menu係類似Muji cafe嗰類高級多餸飯 做運動前唔想食太飽 都係揀其他嘢食算🤣 最後我哋揀咗呢度嘅signature NINETYs All Day Brekkie 全日特色早餐 同埋遠近馳名叉燒牛角包漢堡 仲有兩杯嘢飲 matcha espresso latte & espresso tonic 🍽️ 🍳 NINETYs All Day Brekkie 全日特色早餐呢個all day breakfast都幾豐富 有比較common嘅炒蛋、牛油果、羽衣甘藍、煙三文魚、蘑菇、香腸 仲有比較驚喜嘅croffle同叉燒 兩樣都比較罕見而味道都唔錯 croffle充滿牛油香 而叉燒有啲入口即化嘅感覺😂😂 🍔 遠近馳名叉燒牛角包漢堡Burger個包比較特別 係用牛角包 叉燒就比all day breakfast嗰幾片厚 仲有少量沙律菜同炒蛋 餡料太豐富 比較難一大啖咬落個burger度

試咗個brunch set，4個配菜+飯/包🤩第一個set叫咗sourdough配烤紫薯、蟹皇醬炒蛋、烤雞扒、希臘乳酪。有一塊sourdough，略嫌有啲少🥹 但係啲配菜都唔少，紫薯上有啲白芝麻粒，令口感豐富啲；雞扒味道就正正常常。反而係炒蛋有驚喜！個蟹皇醬好香，加上個蛋炒得好滑😍 第二個set就叫咗明太子鰻魚汁飯配蘑菇沙律、羽衣甘藍、燒牛舌、車厘茄配水牛芝士。飯都唔少，但係感覺個明太子味唔出😢 牛舌都幾香同淋👍🏻 其他配菜就正正常常😌Overall，感覺食物都唔錯同幾豐富👍🏻

2回挑戰~今次係第二次黎，上次覺得幾好食，所以今次又黎試下佢其他菜！ 都係揀左4款配菜 $158+$10🌟 韓式辣泡菜飯｜就係汁飯，有Ｄ飯素幾好食🌟 蟹皇醬炒蛋 | 份量幾多，有少少鹹，送飯幾好🌟 冰鎮秋葵配蒜茸辣椒油｜份量有D少～…🌟 西京燒比目魚 (+$10)｜ 呢個有D唔開心，加左錢原來得細細碟，朋友叫左個唔洗加錢的叉燒好大件下😭🌟 希臘乳酪‧蜜糖‧穀麥 | 呢個就上次都食左好好味~配菜依然係無圖睇，如果食物黎到同心目中有差距就會有D唔開心！同埋今次個位通風麻麻好大陣煎魚味～！ 扣左少少分，咖啡無得跟餐加購，要原價就不太抵～🏠店名：NINETYs🚘地址：尖沙咀河內道18號K11購物藝術館地下G17A&B號舖

本身喺K11 Art Mall 行街，行到攰就去咗呢間餐廳飲杯嘢休息。我叫咗一杯蜜桃烏龍茶，味道還好。不過，我飲到一半，拎起隻玻璃杯放返落台面，隻杯就無啦啦爆咗，搞到成身都係飲品。當時我即刻通知店員，聽到佢「唉」咗一聲，好似麻煩到佢咁，我即係講唔好意思，但我當時無用力擺低隻杯，亦唔係有心。另一位幫手執玻璃嘅店員就好好，問我有冇受傷。所以我建議餐廳唔好貪靚而用薄玻璃杯，用返厚啲嘅玻璃杯等客人食得安心。我諗經過呢次事件後，應該唔會再幫襯，飲杯嘢都爆玻璃都幾嚇人，出街食咁多次嘢都未試過😅

鍾意飲咖啡嘅我，竟然冇嚟過Ninety’s嘅分店，睇睇下，原來都有好幾間分店已經無營業了。呢間位於K11嘅分店個廚房都算係open kitchen同埋地方都幾大，坐落都唔錯！我哋三個女仔加一個小朋友就叫左d野食同埋最主要係我要飲咖啡，夜麻麻成六七點先飲🤣同埋我見呢間分店好忙，得一個waiter做嘢，雖然係自助落單🥹✨和牛面頰溫泉蛋飯呢個飯係幾樣嘢食之中最好食嘅，舊和牛面頰超級淋，可能煮得耐嘅關係超級入味，配埋溫泉蛋好好食。✨牛油果意粉呢個意粉我朋友唔多鍾意，佢話就咁牛油果意粉dry得滯，因為其實本身牛油果係冇乜味，所以食落個味道就係牛油果及烚意粉，可能配返雞肉或者大蝦嘅話就會好啲。✨清酒煮蜆蜆肉好鮮甜，都飲咗幾啖湯底✨White Latte本人一定係飲Nutty 豆ge，唔飲Fruity，好滑好飲，提提大家點熱嘅話一定要選Extra Hot，唔係佢杯咖啡只會係和暖不是熱的。

想食得有營健康❤️一嚐位於尖沙咀K11購物藝術館𥚃的「NINETYs」 店舖環境開揚 坐得舒服Brunch Board 大致上可選麵包🥖/飯🍚 然後加配四至六款配菜 配菜有二十幾款選擇 自由度非常高👏為食妹👧🏻選了酸種麵包🥖+穀麥希臘乳酪+士多啤梨牛油果沙律🥗+溫泉蛋+烤日本扇貝份量看似少少 🤏加加埋埋一d都唔少😆牛油果沙律放少少鋪上麵包 味道更添層次👍🏿酸種麵包🥖蘸上蛋漿 口感香滑軟熟 忍唔住追加麵包🥖烤日本扇貝鮮甜肥美朋友選了酸種麵包🥖+黑麥麵包🥯+雜莓乳酪+香甜椰菜花🥦+穀麥希臘乳酪+蘑菇沙律麵包蘸上乳酪同樣吸引🤩椰菜花甜辣甜辣好開胃兩款Brunch Board 也不錯 下次要試埋其他配料🤩

諗住食少少Tea，見佢份量唔多，就試吓，飲品：🧋−Iced Latte唔錯☕️−奶香烏龍，本來諗住飲奶茶，但原來係啲烏龍茶葉有奶味，並唔會落奶⋯⋯不過落order時無睇得咁仔細🫢食物：🥐−杏仁牛角包，無焗返熱，太甜🧇−牛角包窩夫（豆腐雪糕配芝麻醬），窩夫味道唔錯，豆腐雪糕無乜味，芝麻醬怪怪哋，似乎係有少少酸定乜嘢咁🫢唔識講🥲咁嘅話，可能下次食返意粉或者飯嗰啲會好啲，見其他客都係主要食熱食⋯⋯

Lunch 食好D！第一次黎NINETYs，餐廳唔算大但幾開揚，裝修偏向木系～Lunch 係可以自由選擇4~6款配菜，有20幾款選擇，有部份需要加錢，感覺幾豐富！今次揀左4款配菜 $158🌟 明太子鰻魚汁飯｜就係汁飯，沒有鰻魚的😅不過都可以，有Ｄ飯素幾好食🌟 水煮嫩蛋配黑松露油醋汁 (+$10) | 幾特別的水煮蛋，帶酸味既🌟 紅菜頭牛油果沙律配新鮮菠蘿｜心目中係一粒粒切好既沙律，出到黎原來係一pat pat 😅🤣 朋友話搽麵包幾好食，但我主食叫左飯，就咁食有Ｄ鹹🌟 黑椒燒牛舌｜ 燜得夠淋，但味道偏淡🌟 希臘乳酪‧蜜糖‧穀麥 | 好味~ 有食甜品的感覺，口感又豐富🌟 Flat White｜就係一般既Flat White，無乜特別印象🌟 菠蘿冷萃咖啡｜朋友叫的，佢話覺得味道好奇怪😅建議如果揀配菜時有圖睇更加好！因為心目中配菜既樣同實際食得既樣有唔同時會有DD失望，不過整體都還可以，勝在夠多選擇！🏠店名：NINETYs🚘地址：尖沙咀河內道18號K11購物藝術館地下G17A&B號舖

今日到K11吃午餐，午餐嘅時分，Cafe坐滿了人，很難先找到座位。這兒沒有午餐供應只有散點，今日試一試brunch box 。這個brunch box $158。我選擇了酸種麵包、蟹黃醬炒蛋乳酪、慢煮叉燒、黑椒煮牛舌。其實慢煮叉燒真係非常一般，味道係甜甜地的豬柳，口感軟腍，但沒有真叉燒嘅口感和甘香。黑椒燒牛舌口感軟身，有少少黑椒味，感覺平平。反而乳酪就幾好食，有啲脆脆，加上蜜糖，拌以乳酪，味道唔錯。蟹黃醬炒蛋嘅份量好多，炒蛋唔係最滑嗰種，但係有少少味，但唔覺得好有蟹味，味道係ok. 麵包口感比較煙靭有少少硬身整個branch box內容豐富份量亦都非常飽肚，酸種麵包感覺平平，有D硬。Flat white配上提子乾, 有少少提升咖啡堅果味, 口感香滑,又有咖啡嘅甘香味道，而且質感醇厚, 味道唔錯。

聽講呢間幾好食，終於有機會黎試下舖頭唔算大，但用左木系裝修，感覺悠閒同幾舒服2點幾到，只有半滿，點知到3點幾已經全院滿座，果然有料到！同朋友share, 叫左5個配菜brunch set $178明太子鰻魚汁飯。。。一般，只有少量鰻魚汁甜酸椰菜花。。。怪怪的，不太夾蟹皇醬炒蛋。。。沒有蟹皇味黑椒燒牛舌。。。算ok西京燒比目魚(+$10)。。。魚很滑，5個之中最好食下午茶餐$88焦糖牛角包窩夫（配豆腐雪糕及芝麻奶蓋）熱烘烘的窩夫加上凍冰冰雪糕，冰火交融，好味茶餐加$9轉cappuccino 咭上有註明咖啡由多國咖啡豆製成，味道多層次，更有杏仁作小吃，讚德國班㦸配檸檬雪葩$88味道一般

🍱Brunch Board 4個配菜 $158🍠香草烤紫薯+🍗香烤雞扒+🍖慢煮叉燒+🍚韓式辣醬泡菜飯+🍨希臘乳酪，蜜糖，穀麥多款配菜自由組合，可以自選4-6款配菜，跟飯或麵包，配菜紫薯🍠甜綿密稔身，雞扒煎得好香🍗，慢煮叉燒🍖甜甜地唔肥，略嫌唔夠稔，用左羽衣甘藍鋪底😝，希臘乳酪🍨口感豐富酸甜開胃，整體所有配菜都唔錯👍🥘三文魚籽溫泉蛋海膽（米形粉）$168最特別既系米形粉，用左海膽煮，米形粉口感似risotto 濕潤滑溜😝，加上爽脆三文魚籽，口感豐富而且鮮，仲有流心溫泉蛋🍳🥞德國大班戟 $88即叫即整上枱熱辣辣，班戟似蛋餅，中規中舉，配糖漿同埋柚子雪糕🍨，柚子雪糕有柚子肉清新😝.✨餐廳主打咖啡同埋澳洲菜，燈光柔和，開放式廚房空間感十足， 中間仲有棵樹，環境同座位舒適，QRcode自助下單，座位安排上可以改善，可能人手唔夠安排入座較慢.

專程過香港試的一間咖啡店 #NINETYS ，今次尖沙咀K11 Art Mall 個間，一出地鐵站商場入面比較就腳易搵。中午食飯時段較多人，有機會需要等位，今次安排我地坐餐廳中間圓台，呢張圓枱中間圍住一棵樹設計特別。木系裝修加柔和燈光，整體用餐環境幾舒服。▼Brunch Board with bakery 4 Sides HKD 148-Sourdough -Sweet and Sour Cauliflower-Grilled UK Sausages w/ Berries jam-Mushroom Salad-Black Truffle Scrambled EggsNINETYs SOM TUM - AVOCADO HKD 208AMERICANO HKD 35LATTE (OAT) HKD 50▼中午時段有Brunch Board Set 選擇，可自選四至六款配菜，跟飯類或兩片麵包，今次揀4款配菜—甜酸椰菜花、烤英國香腸、蘑菇沙拉和黑松露炒蛋（配酸種麵包）。其中印象較深刻係黑松露炒蛋，成碟份量多，嫩滑又十分香口，配麵包一流。.牛油果大蝦沙律🥗呢個組合無得輸，清新健康之選。食物質素不錯

We stumbled across an old favourite in a different location, so Wifey and I had to try it out - @ninetyscoffee 🤗.📍 NINETYs (K11購物藝術館) (Tsim Sha Tsui)Shop G17A&B, G/F, K11 Art Mall, 18 Hanoi Road, Tsim Sha Tsui.We used to love visiting their Queen’s Rd store at Wanchai but heard it had closed. So seeing it at K11 made us happy again 🥰.They do a great all day brunch menu & some decent coffees to go with it all 👌🏻.Our order:~ Scrambled Eggs on Sourdough Toast (炒蛋多士) with Bonito & Crab Fat Scrambled

 Boston Lobster Barley Risotto:   Boston Lobster Barley Risotto at R Ninetys Tsim Sha Tsui, I was immediately transported to culinary bliss. The dish arrived elegantly plated, with generous chunks of succulent lobster delicately nestled atop a bed of creamy barley risotto.The lobster, perfectly cooked to tender perfection, imparted a rich sweetness that harmonized beautifully with the earthy notes of the barley. Each grain of risotto was infused with the essence of the sea, thanks to a decadent