影片
開飯介紹
提供各式韓式甜品，主打鮮果雪奶，每碗冰品奶味濃郁，配上新鮮水果及練奶，每啖口感紮實。
繼續閱讀
營業時間
今日營業
14:00 - 02:00
星期一至五
14:00 - 02:00
星期六至日
13:00 - 02:00
公眾假期
13:00 - 02:00
公眾假期前夕
14:00 - 02:00
以上資料只供參考, 請與餐廳確認詳情
-
網上訂座服務暫停
相關文章
雙重開心果小山園焙茶雪奶💚 開心果味勁重 入面仲有好多果仁所以整體食落好有咬口食到底下仲有大量焙茶粉 兩者味道都係好夾同埋佢個牛奶冰底進步咗好多！食到底都唔淡味-濃郁上面係配Hiogen-Duzs雪糕中間有一層紅豆蓉 同抹茶粉唔使落煉奶都已經好夠味！奶香比以前更加濃郁✅抹茶雪冰真係超級朋友都話個冰底比以前更加滑 另外追加咗年糕 黃豆粉年糕好煙靭-壓軸出場就係紅豆麻糬吐司外脆內軟 加入煉奶勁香甜裏面有超大舊麻糬同埋紅豆雖然味道偏甜 但超好食想講呢個真係進步最大！比以前大份咗之餘入面嘅配料份量都多咗🩷
繼續閱讀
Bookmark 咗好耐嘅小店，終於要去試試，上次放假特登同男朋友去咗食。我哋坐低後，每人點咗一杯飲品先，解解渴。我點咗一杯韓式蜜瓜鮮奶（$48），蜜瓜幾鮮甜，奶味濃郁；佢個杯就係海洋荒島（$54），gimmick荔枝味沙冰，好夏日海洋風情，幾得意架。男人唔太好甜野，所以都點咗一碟韓式炸醬麵（$65）比佢食，費事逼佢望住我係咁食甜品嘛，哈哈。。。甜品方面， 我哋兩個人share呢個韓式綠寶石香甜蜜瓜雪奶 （$79），其實主要都係我食多d，哈哈。而家蜜瓜當造，所以舊舊都好清甜，個冰隱隱約約都有蜜瓜香味，頂上面仲有個蜜瓜雪糕，啱晒我啦，因為我真係好鍾意食蜜瓜。
繼續閱讀
呢一間甜品店好近旺角地鐵站，一出去旺角中心隔離已經係，夜晚真係勁多人排隊，好旺場。餐牌上面菜式種類都唔少，除咗韓式主菜，鹹食之外，主打嘅甜品有雪奶、窩夫、特式飲品等等。韓式炸醬麵 $65：香港食過唔少炸醬麵個炸醬勁濃勁厚，搞到醬多過麵。呢個反而啱啱好，薄薄地，唔會太多醬一pat野咁。雙重開心果小山園焙茶雪奶 $78：雪奶個口感好特別，好輕飄飄，食落口即溶，好似食緊雪花咁。佢哋仲用牛奶而唔係水去整冰，所以多一份牛奶甜香。如果想甜d d，可以額外加煉奶添！個冰上面鋪咗d杏仁碎片、開心果粒、原粒杏仁，同埋有一塊waffle脆片，所以食落都好有口感、好多層次，抵讚！
繼續閱讀
夜晚同朋友行完街，最岩梗係食返碗甜品補補腳⻣力LA！這間雪奶都是用牛奶刨成冰，再加入不同水果配料，見到網上好多人都係度打卡，我梗係要影埋一份LA ！韓式特級香滑醉人草莓雪奶(HK$68)，配料有士多啤梨、年糕和QQ小丸子。超足量士多啤梨與芝士蛋糕出奇地夾。旁邊還附有煉奶，跟牛奶冰拌在一起吃，大滿足！開心果奶蓋焙茶麻薯窩夫 $82窩夫4層疊起嚟，中間有d 開心果醬，又有d 開心果碎碎，好有口感呢～同埋重點係佢地個Presentation 真係好靚，影相打卡一流，野食又高質，唔怪得咁多人都排曬隊幫襯LA 😋
繼續閱讀
下午茶時段，我同個friend都口痕，想食甜嘢，加上頭先lunch食咗好少嘢，咁就順便醫下肚，見到出面個甜品模型櫃，已經流晒口水。我哋嗌咗兩款比較飽肚嘅甜品，一款係韓式草莓奶油雪糕吐司 $68。佢用咗厚身吐司，更有口感。外皮烘過，幾脆口。吐司上面放咗切片嘅士多啤梨、忌廉，上面仲有士多啤梨糖漿，同埋伴碟嘅一球士多啤梨味雪糕，幾好食架。另一款就點咗個冰，雙重開心果小山園焙茶雪奶 $78，見幾枱都係必點之物，應該唔錯嘅。雪奶入口即溶，好軟綿綿，加上香濃奶味，又散發淡香嘅焙茶味，好夾呀。
繼續閱讀
您可能會有興趣的...