NUTTEA (萬廸廣場) (已結業)

Nuttea 奶蓋系列飲過一次係會返唔到轉頭好香堅果味仲有少少果仁粒平時飲開四季春堅果奶蓋茶今次飲招牌伯爵茶朱古力奶蓋 $48朱古力奶蓋超香濃，厚身，表面再加上朱古力粉但係缺少咗啲果仁粒少少鹹又帶有好濃朱古力味每次都會先飲晒啲奶蓋奶蓋先係精粹伯爵茶夠味但個人覺得茶同朱古力奶蓋要分開飲，夾埋一齊飲反而變咗普通奶茶下一次我都會揀返普通堅果奶蓋，咁先食得到最香濃堅果味萬迪店做到10月13號租約期滿超級唔捨得😭😭😭

好鍾意NUTTEA嘅堅果奶蓋茶系列，每次經過NUTTEA，都要買返杯😀今次order 烏龍堅果奶蓋茶，奶蓋同以前一樣出色，有濃烈嘅果仁香味，質感好厚實，加上粒粒堅果，令飲品層次分明；烏龍茶都好香，但由於那個味太濃，掩蓋咗茶香，有少少失色另外，由於佢係想用堅果奶，所以那個有濃濃嘅堅果味，就算對奶有敏感嘅人，都可以飲用

//15 08 23 晴天🌞18:23 新蒲崗 萬迪廣場@nuttea_hk / 奶蓋沒奶，還稱得上奶蓋？ /傳統奶蓋由牛奶及芝士製成🧀，入口鹹香，別具滋味。但怕肥嘅朋友，就唔可以經常飲啊！因為奶蓋嘅熱量相當驚人，飲一杯就已經等於食咗一碗飯🍚。不過由今日起，終於唔洗再擔心啦～因為源自台灣嘅「NUTTEA」已經進駐香港🧡。「NUTTEA」倡導「Love Animals ,Peace With Earth🌍」概念，其飲品絕無添加：動物奶以及化工奶精。每日嚴選五種特殊堅果：核桃、腰果、榛果、杏仁、夏威夷果，經冷壓萃取、烘焙、乳化等，創造出唔同種類嘅堅果奶蓋茶。正因為選用醇厚濃香 ———「堅果奶」，除咗適合一班減肥嘅朋友之外，亦都特別適合一班素食嘅朋友。/「🕊️友善動物，善待地球」，方能讓自己變得更美麗！-繽紛火龍果堅果奶蓋 (微糖) HKD$40 ————————————————————————鹹甜嘅奶蓋散發住陣陣堅果香味 口感非常綿密、紮實飲完會有一種飽肚感用新鮮紅肉火龍果做茶底 另外混合埋西瓜汁味道非常清爽 兼且純天然飲嘅時候仲會啜到粒粒火龍果籽因為揀咗微糖 味道稍為偏淡啲啲只要將奶蓋攪

好耐冇嚟過呢一間分店，今次特登嚟呢間分店就想飲無牛奶無咖啡因的飲品，見到有藜麥燕麥堅果奶茶，我就問紋身女店員有無咖啡因？她答我無，以為用無咖啡因的茶，我就揀咗佢，點知飲落口有茶味⋯⋯我對咖啡因敏感，所以俾咗我屋企人飲～之後我上台灣官方網見到一樣的餐單，就pm問客服，客服回覆那個藜麥燕麥堅果奶茶是有咖啡因，如果不要咖啡因就飲堅果奶系列，證明我無搞錯，香港呢間分店個紋身女客服亂答我，而且問佢問題時，店內都係兩個客人又唔係好忙，但係有啲唔耐煩，皺晒眉頭，又冇笑容⋯⋯呢啲反應都算啦，唔好俾錯訊息我，我特登行嚟買，又買咗啲唔啱飲嘅飲品⋯⋯好失望⋯⋯講返味道，買咗兩杯飲品，普通，賣相不太吸引，無咩堅果味，唔知係咪加水多定係點呢

週末中午嚟到呢間nuttea我係當時唯一嘅客人，店內亦只有一位店員落單嘅時候，該位年輕紋身女店員全程冇望過我亦唔講你好多謝，俾收據係「隊」俾我惜字如金，什至可以話係「死老豆樣」兩杯嘢飲合共$96，加上咁嘅服務態度，實在貴得離譜等咗近15分鐘，店員終於整完我兩杯飲品仲要我係當時第一個客人，慢到咁唔講我以為去咗高級法國餐廳慢食同埋店員係唔會通知你啲飲品ready，你要自己去張枱度搵我理解nuttea好想扮做social responsibility 所以掛住大大張banner話唔會主動俾飲管但因為我杯飲品加咗寒天，唔用飲管我要點食到？最後發現我嘅擔心係多餘因為佢根本冇加到寒天俾我但錢就收足又貴，又態度差，又慢，又漏單真係永不錄用

:*・☆・飲品・☆・* :🧋黑糖涷堅果奶茶 — $39✨香濃堅果味✅好細嘅堅果粒粒✅無搶走奶茶味:*・☆・環境・☆・* :🪵日系清新風🌿📸有樹木飾物同打卡坐位—————————個人評評分❤️：7.5/10性價比💸：6.5/10環境📸：8/10回頭🤓：會—————————

🥤🥤🥤台式手搖飲品周圍都有，有時想突然飲下野，都會諗起依間，有好多唔同味道既堅果奶俾大家簡連鎖手搖飲品店，全港大約有十間分店，今次巧合去到新蒲崗，唯一少有既分店設有座位，牆上亦有少少裝飾俾大家影相蘋果脆脆楓糖堅果奶蓋茶($40)先飲到奶蓋一層，厚奶十足，再有甜甜地既蘋果茶，同奶蓋好夾，佢額外有脆脆係入面，增加飲品既層次感，飲之餘有少少脆脆咬口，飲完一飲確實好飽肚好多時都有節日限定，都會配搭唔同既味道去溶入堅果奶，大家得閒都可以試下

多謝老細請下午茶☕️嘢🥰🥰一共叫咗8杯嘢飲仲有可送貨😍😍檸好堅果🌰奶 微糖好檸檬🍋亞。好正❤️❤️宇治金時堅果🌰奶蓋茶 微糖 去冰可以走冰，真係好貼心服務🫶🏻香芋堅果🌰 微糖 少冰濃香芋加堅果🌰 好好味😋仲可以有熱飲四季春堅果🌰好蓋茶 無糖 去冰好健康，好有茶味❤️🥰滿杯柚惑好足料，柚子好甜👍🏻❤️烏龍堅果🌰茶來自台灣烏龍茶加堅果🌰，搭配都好岩🥰🥰每個人消費大約$35-47下次會再飲❤️❤️

熱咖啡但係唔熱，似係放涼左嘅冷氣室溫。🥲 比以前稀咗好多，冇咩啡味，亦冇咩堅果奶味，似係「堅果咖啡奶水」🥲🥲🥲以前好鍾意飲，希望你哋可以留意或改善一下。🥲

平時好少去新蒲崗，咁啱去釣蝦見到樓下有間Nuttea就試吓😚呢間平時就聽得多，但無乜機會試到😂出名用堅果奶而唔係牛奶，啱晒對奶敏感嘅人試👍🏻粉紅荔枝堅果奶蓋茶 $46角落評分：🌕🌕🌕🌕🌑奶蓋好好味，帶點甜甜嘅果仁香味，就咁食都已經好正而且又一啲都唔溜😍食落總似食緊雪糕咁🤤加埋啲杏仁粒粒好有口感👍🏻至於茶底就偏玫瑰味，荔枝味唔太飲得出😕好彩底層有唔少荔枝肉同啲堅果粒，令到成杯野整體都唔錯嘅體驗🥰

見到有芒芒堅果奶蓋茶期間限定即刻叫咗！omgggg真係世一勁好飲🥺有一絲絲芒果肉夾埋啲奶蓋真係想像唔到有人可以抵擋到 就算走甜都勁好飲 nuttea除咗貴同飲完肥真係冇缺點😂

今日嚟到新蒲崗，喺享樂烘焙買咗少少麵包之後有啲頸渴，上咗嚟呢一間NUTTEA，第一次飲榛子奶，口感幾特別，不過都有要彈嘅地方。佢嘅奶蓋係用上榛子奶打，鹹鹹地甜甜地，但唔會好似芝士奶蓋咁令人飽滯，感覺幾新鮮。🍵宇治抹茶堅果奶蓋茶 $32超鍾意飲抹茶，但係我好怕飲到底見到一粒粒嘅抹茶粉，好可惜今次呢一杯出現咗咁嘅情況，飲到最底嘅時候食到苦澀味，可惜可惜。🍫伯爵朱古力堅果奶蓋茶 $35伯爵茶底幾好，朋友讚佢夠晒香，而估唔到佢同朱古力都幾夾，順滑得來都有啲層次，成件事都幾滿足。🥝滿杯奇異果 $32奇異果唔會太酸，一粒粒嘅奇異果粹亦都增加咗佢嘅口感同埋獨特，朋友認為佢好適合初夏嘅感覺。但係，佢都希望多番少少果肉可以咬下。🍎四季春水果茶 $32水果好新鮮，不過略嫌佢甜咗少少，如果真係要叫嘅朋友記得叫少甜！🇹🇼 臺灣紅玉堅果奶蓋茶題外話，我見佢鋪仔雖然好細，但都有空間俾你坐低嚟飲，只可惜而家疫情所以未能夠開放，希望遲吓可以過嚟Chill——————為食分界線——————📍 NUTTEA (萬迪廣場) (新蒲崗)新蒲崗大有街3號萬迪廣場1樓D號舖 推介指數 🤰🤰🤰🤰(4/5)好味指數 🤰🤰🤰🤰(4/5

因為工作關係有時見到啲同事都會買外賣返辦公室食，有一次見到幾位美少女一人一杯嘢飲，咁咪八卦問吓佢囉！佢哋話呢杯係堅果類嘅飲品，仲話好好飲成日買嘅，咁咪襯下熱鬧買杯飲吓囉！結果，係真係好飲㗎啵！咁我叫咗杯榛子奶，重點係面頭有芝士奶蓋然後有一D碎嘅榛子果仁，一路飲一路好有咬口，唔係一般台式飲品珍珠奶茶嗰啲feel，奶香甜度果仁嘅香混為一體，係值得一試嘅飲品嚟嘅。❤️❤️❤️😬😬😬

珍珠竟然係硬到一個點 未煮好，分店同事竟然話煮嘅時間未控制好 。但要我下次落單再買嘅時候 再補多份珍珠 奶蓋出色好飲，本著試下其他點知就中伏了下次煮完麻煩試好先俾客人啦 ，咁樣嘅體驗非常唔好

以前曾經飲過一次芝士奶蓋茶，但覺得唔夾唔好飲，自此之後都冇再飲過奶蓋茶～😅 不過見好多食評都推介NUTTEA嘅堅果奶蓋茶飲，所以今次終於黎到試吓！我今次就試咗「芒芒堅果奶蓋茶」～🥭首先用附送嘅小匙直接品嘗奶蓋，我覺得堅果奶蓋比起常見嘅芝士奶蓋好味好多～ 食落甜甜的、有好香堅果味，而且質感很綿滑～💕 綠茶茶底嘅茶味夠濃，配上啖啖嘅新鮮芒果肉，飲落好fresh、好清新～😋飲完一杯都有d飽、買黎做下午茶就岩晒～