NZ餐館 (已結業)

因為收工時間比較夜，來了好幾次都沒吃到這家的全隻烤雞。今晚決定打電話先留一隻試試。*烤全雞*$88本來是被$88這個好價吸引，誰知道一吃便知龍與鳳。餐廳選用紐西蘭走地雞，光在門口看也覺得好好吃。腌料搭配得宜，雞皮已經很有味道，經理說烤雞需時1個多小時，但裡面的肉一點也不老，而且好滑。配上不同的自家製醬汁，也有分同的風味。我比較喜歡芥末甜酸醬，酸酸甜甜好開胃。否則，吃一隻真的吃不完其實，我本來點的醬是1和3。可惜，霹靂辣椒醬不辣椒，只是霹靂的草腥🙄肉桂蘋果醬都okay，喜歡清淡的會好點。*咖哩牛腩飯*$66話說這是招牌菜，但盡是失望。牛腩一半太韌一半太膩。快餐店比它還好🤦🏿‍♀️*清酒燒雞中翼*上次來的時候試了，腌料大至上跟烤全雞差不多。不過因為雞翼比較小，很入味。試不到烤全雞的，這個都是首選哦！外加：影烤全雞會有coupon送。整體而言，這家燒烤我比較有信心

一早起身當然要食一個豐富嘅早餐喇~呢個地方，方便泊車，門口已經有好多車位比客人隨便泊，而且佢分外場同內場，外場可以帶寵物，有時會見到好多可愛嘅狗狗ga~好開心餐廳咁有心思去佈置，聖誕、新年都裝飾得美美的。早餐種類唔算少，而且配搭都幾特別，係茶餐廳價錢($22-$35)西餐廳嘅配搭，不枉我地千里迢迢嚟食無論平貴，都要好食先得，一人叫咗一個早餐歐陸早餐個牛角包係暖架，牛油栗米粒好香牛油味，雞扒亦唔會煎到乾爭爭，略遜就係個火腿炒蛋，唔夠滑~香菇精選係咸牛肉炒蛋，呢個配搭係唔會出事ga~而且咸牛肉份量都唔少！至於個厚多士真係敗筆，因為無烘過，呢次真係圖片只供參考喇~不得不提，係佢用不锈綱杯去盛熱飲，食完成個早餐都仲係熱辣辣，啱哂冬天喇~另外，佢地既服務都好好，個個講嘢有尾音又有多謝咁~仲要有埋笑容，真係抵讚

有日經過錦田，聽講附近有個叫天空之城，入面有好多食肆，就諗住黎試下啦。行左個圈，無咩心水，正準備走既時候，門口呢間餐廳嘅女侍應走出嚟熱烈地拉客。經過一番強烈既鼓勵同埋一句「信我一次，入面好多野食架」，我地決定信佢一次。入面真係好多野食，有串燒/燒系列、西餐、泰國菜、中菜同海南雞。呢度既多元化媲美一間港式茶餐廳，故佢既味道亦係茶餐廳質素。- 煎魚 配黑松露通粉先叫左呢個set dinner，有一個頭盤、餐包、餐湯、主菜、甜品同野飲。睇落又真係幾豐富，有圖有真相，而味道就正正好似張圖咁- 英倫蜆肉菠菜湯呢個湯係散叫嘅，相比上面個茶餐廳式忌廉湯真係好飲好多，好足料，已是全晚亮點。- BBQ系列 燒扇貝 燒茄子 泰式串燒燒扇貝同泰式串燒真心唔太差，不過個燒茄子就唔係好夠火喉。總括嚟講，呢度食物質素真係一般，不過環境都唔錯戶外可以食煙，一班朋友既話坐喺度吹水感覺都幾chill。而呢個天空之城入面都有唔少餐廳，食野既下次可以去第二間啦。

先講個飯真係好想知個廚食過意大利飯未，煮到好似好旱既劣質大米咁款，完全無晒意大利飯既質感，輪到個汁佢餐牌話泡菜湯煮，但係食落似人地食盛既菜汁加埋佢啲飯真係冷飯菜汁完美配搭🙄，之後就要講呢個飯既主菜韓牛又鞋又乾又硬，兩個字講晒（把鬼）

3狗窩的二公子因為關節問題，所以長期腰及腳痛，起身也十分困難，所以為了緩和牠的痛症，我們每星期都帶牠去針灸及做物理治療，由於我家是個迷你動物園，所以每天起來都要先清理小寶貝們的籠子及安排放風時間，才到3兄弟外出，所以每逢見醫生的日子，我們也不能先吃午餐，正好今天天氣許可，二公子見完醫生後，我們就帶3兄弟到附近的餐廳共享下午茶，因為之前有些狗友都帶過寶貝來NZ餐館吃飯，所以我們不用再找尋那間餐廳可以帶狗，直接就開車到NZ餐館⋯NZ餐館位於天空之城，地方寬趟又有免費泊車位，所以都吸引不少駕使人士進來用餐下午茶的價錢合理午餐也很算經濟下載程式加入會員還有甜品送，Nosir一早就下載了登登⋯送的就是這件芒果蛋糕，柔軟又不會太甜帶著狗狗的我們只能在露天位置坐，幸好這裡露天位置很大，又有頂遮頭，不怕下雨也不怕太陽了﹗我們還可以推寵物車讓EAGLE可以舒服的在自己的位置上⋯凍華田和凍奶茶是跟下午茶餐的好久沒吃公司三文治了，這裡的公司三文治全部焊底的，有雞肉、蛋、蕃茄私材料，配沙律醬，Husky看來也很想一起吃呢Nosir點的雞脾沙律，雞脾不算很大隻，但炸得很香脆，沙律以雜果為主香港適合帶狗狗一起用餐

駕駛人士表示呢度最最方便就係門口有位泊車⋯唔洗搵位擺低架車行兩步就有飯食既感覺非常好！落車第一眼望到環境有驚喜，感覺好似去左泰國果啲特色餐廳咁⋯揀左個非吸煙 坐角落既位置朋友推介咸豬手同燒春雞⋯不過兩個人食量大概只能選其一⋯因為仲要食其他野咖嘛⋯我地最後點左煙三文魚凱撒沙律-不過不失但唔會專登Encore 下次想試金柚大蝦沙律燒紐西蘭西冷牛扒燒得幾嫩無過火個醬汁應該係蜜糖芥末稍為甜左少少燒咸豬手呢個咸豬手唔會太咸⋯因為平時就算去好出名食德國豬手既餐廳都會整到太咸，但呢個味道岩岩好..！而且可以選擇碎上⋯切好晒，食得好方便，肉質好嫩滑⋯皮可以再脆啲就更完美！但已經好滿意 又唔會太漏！食完會想再食！個醬汁都好配合好好味燒珍寶帶子個人喜好都係鍾意食帶子既剌身多啲⋯因為燒完會無左鮮味⋯不過呢隻燒得岩岩好⋯口感都唔錯既燒牛舌呢個非常好味！燒得岩岩好⋯好有口感⋯表面輕微香脆，但肉質好嫩！配上泰式酸酸甜甜少少辣好惹味因為我地食晚餐⋯坐呢個位出面既燈光都有一種浪漫氣氛不過影得唔係幾清楚美中不足係餐廳入面有少量蚊蟲可能因為呢度附近多植物無可避免上菜速度唔算快 但唔會太過份地慢⋯始終某啲菜色製作需時⋯成餐

今日要去爾巒附近做野，所以就去對面NZ餐廳食個Tea餐廳環境舒適，有室外吸煙區，有室內冷氣區，任君選擇，非常適合揸車人士，附近有車位供應。下午茶時間既選擇都好多，我就選咗炸雞肶沙律，配冬奶茶，多謝$37奶茶正常，可惜主角炸雞肶好勁雪味，完全冇法食得落肚，令我非常失望😢😢

天空之城有好幾間餐廳，搭車來應該唔太方便，不過如果揸車嘅話都算多位泊車。另外一個好處就係室外嘅地方可以帶埋狗仔來，所以放假呢度都幾熱鬧架。室內嘅位置都係木枱木凳，簡簡單單。午餐有咖喱牛腩飯食，估唔到呢度嘅咖喱牛腩竟然好好食👍🏼👍🏼👍🏼咖喱香而不辣，牛腩好林好入味，撈飯食都好正。午餐嘅牛扒唔係啲咩靚貨，不過都幾林，唔會過熟，邊位都可以煎得脆脆地👍🏼粗薯條好似啱啱炸起咁，夠熱夠脆👍🏼

今日黎到爾巒返工，好驚附近冇野食，點知同事話一出街口都吾少，佢推介這間給我們，就二人一齊去試啦。大約2點去到吾多人，見到仲有午餐牌就去食啦，選擇都吾少喎，最貴扒70都有都抵食。今次叫左咖喱豬扒和海南雞飯一齊食，最後每人57都價錢抵食，食品就普通。湯係羅宋或中湯，我地選了羅宋，味道意外吾錯喎而且菜都吾少，只係份量太少了。咖喱豬有2大片和一個骨都ok 啦，豬扒夠厚口感好，但咖喱偏甜。海南雞吾得，好鞋又冇味，飯都係冇味，醬汁正常，菜好硬。失望…

已不止一次來這間餐廳，丁麵一向偏淋，所以落單時已說明想要硬身一點，侍應表示冇問題。另外叫了一件奶油多。結果，麵來了，同之前冇分別，一樣係淋。難食。食完，再等，由落單起已有超過20分鐘，奶油多仍未到。當時人不多，只有數枱客，唔見得好忙。追單，侍應話「跟緊」，轉個頭問「會唔會轉第二樣野食」。有就有，冇就冇，唔明點解要叫我轉，轉完又要等。估計其實係漏單，因為轉頭已送上來。不止一次出錯及食物亦很馬虎，一直都冇進步。令人失望！

每次入到元朗都嘆個午餐，環境清幽，今次點了春雞飯，春雞肉嫩皮脆，醬汁見我多叫两盆，就知醬汁好味，40元正可以閒嘆午餐，值回票價。待應態度良好，細心周到，值得讚賞。

上班前偶然會經過天空之城，今天就在此快速吃過午餐，我喜歡吃辣，今天想吃咖喱，於是點了一份午餐。午餐附湯、主菜、飯和飲品例湯我選了中式例湯冬瓜薏米湯，裡面有一件冬瓜，清甜，不錯。主菜的蕃茄咖喱雞飯伴薄餅（$55)著實嚇了我一大跳，可謂與名字風馬牛不相及。從前吃的正宗巴基斯坦和印度咖喱，咖喱汁都是用上大量的新鮮蕃茄和洋蔥來烹調，滿腦子以為這道蕃茄咖喱雞飯就是類似的做法，可惜與期望並不相乎，這個極其量只能稱為茄膏燴雞，當中稍微一點咖喱的香料都吃不出來，整個汁料的味道就單一地只嚐到茄膏的酸，或許它被命名為茄香燴雞更正確，現在稱為咖喱則完全誤導了客人點菜。雞件質感不錯無沒什麼味道，雞還雞，汁還汁，兩者或許只是在上碟前一刻才混在一起的，份量足夠，還有點沙律菜伴著吃，但薄餅則有一點肥膩，沒Naan bread 好吃。總結：餐牌就是餐廳的侍應，是提供客人菜式資料的工具，菜式的命名直接影響客人對菜式的認知和期望，希望餐廳會留意。雖然食物仍有改善的空間，亦談不上差勁。環境不俗，有半露天的園林雅座，也有戶外座位，環境清靜，氣氛舒適悠閒，算是一個假日郊遊拍拖時不錯的選擇。

今日原本專登揸車諗住去隔離一間好好食嘅茶餐食晏，點知人家原來逢星期一休息。係無選擇嘅情況之下，唯有去呢間佢係隔離嘅NZ餐廳，就係咁賴•晒•嘢•...我從來冇食過咁難食嘅海南雞飯：- 啲雞肉係霉嘅，完全唔新鮮- 啲飯落得太多水，煲到溶溶爛爛盛為＄55間餐廳喺正繁忙嘅馬路隔離，沙塵滾滾，嘈喧巴閉，仲要有烏蠅飛來飛去...好耐之前食過一次早餐，自己煮都好食過佢。今次又再來幫襯，簡直係同自己過唔去。隔離間餐廳好食過佢好多倍，早知揸車返屋企煲公仔麵冇咁嬲！Blacklisted!

環境非常舒服，一向比較鐘意有得坐室外的餐廳，感覺無咁焗速！呢間餐廳，基本上是全室外，但有額遮頭，落雨都唔怕，仲要樓底勁高，好涼快！食品味道就唔太欣賞😅湯，加得太多水蒜蓉飽，似放左好耐澳洲生蠔coffin bay，無味的，唔知係咪洗得太乾淨，連啲海水味都沖晒煎銀鱈魚，煮法奇怪，似泰菜咁，好唔夾薯條，唔錯，夠粗，有口感鵝肝，超薄片生蝦，我食一隻已經唔想食！無味道⋯⋯ 醬汁好似甜豉油+水⋯ 😖藍青口意粉，呢碟係成餐飯，最好食既一碟！環境很好，但食物質素有好大進步空間！

Very nice service with high quality meals! Oysters from Aussie for 6 are only $98😳😳😳 fresh and delicious!!!