Oddies (已結業)

小妹真係超中意食雪糕！oddies霧起得咁快又點會錯過！？雪糕幼滑有奶香！夠實淨，溶嘅速度唔快，混埋中間嘅朱古力醬同餅醉口感好好，朱古力醬唔過甜有可可嘅香味！餅碎keep住仲脆！非常好！雞蛋仔外脆內軟，有蛋味！比好多什麼雞蛋仔專賣店還要做得好！仲要好大杯，兩個人食都感覺好飽！呢個係一個稱心滿意嘅雪糕！

適逢有事要前往灣仔，便特地來試試傳聞中的雞蛋仔雪糕，店面很窄，差點看漏眼。當天天氣尚有點涼意，加上久咳未癒，猶豫是否淨點雞蛋仔，但難得山長水遠來到，加上未吃午飯，便點了Night Wolf。等了十分鐘左右便出爐，新鮮焗製的雞蛋仔脆口，但朱古力味略嫌不足，感覺也不是特別出色……雪糕方便口感濃厚，但奶味比較cha cha 稍為遜色，朱古力味也不及godiva 濃……底部的熱情果凍很酸，或者舖上面會比較好……試過覺得味道一般，但視覺較果一流，除非順道經過，否則應該沒下次……

以雞蛋仔雪糕為題既甜品店，就會聯想到oddies！初初開張時食過，朱古力醬係雞蛋仔流出來，十分十分好吃難得今日下午冇人排隊。The night wolf朱古力為主既雞蛋仔雪糕 。雞蛋仔即叫即做，熱熱的。但雞蛋仔中既朱古力好像比以前冇咁濃郁。感覺整體只是普通雞蛋仔配雪糕，並不特別。希望下次可吃回以前的流心朱古力雞蛋仔

雞蛋仔雪糕旺到外國終於有機會吃到最有保證的oddies!店面極小有點難找因為即做雞蛋仔 人也不少所以也等了十來分鐘先試他們的招牌！最常見的The night wolf朱古力軟雪糕很濃郁是輕盈滑溜的類型配雞蛋仔很不錯！底下的熱情果 Gelato有開胃作用唯一不足應該是雞蛋仔沒外面的專門店脆但因為是配料問題不大～這款反而帶清香淡淡香味配奶味濃的軟雪糕雞蛋仔更有芝士餡料配搭很巧妙2種口味2種風格都很多元化沒有想像中飽肚是新式雪糕相當好的選擇

The mob$55黑芝麻麻糬雞蛋仔/意大利低脂牛奶軟雪糕/蘋果柚子果凍/自家制抹茶雪糕/檸檬脆脆/特濃抹茶醬沒想到麻糬感覺咁強烈而有雞蛋仔香，牛奶雪糕偏甜左少少但和其他一起食就剛好，柚子果凍反而濃檸檬味好清新而口感少少硬身和其他軟雪糕配合竟然好好味，抹茶雪糕濃而硬身，應該落奶份量吾太多，絕對食到抹茶原本的香。反而抹茶醬和檸檬脆脆就一般了。整體係沒想到有驚喜好味和飽肚，以這個價錢有這質素係驚喜，唯一吾好就係連企位都冇，要係街企係度食。

雞蛋仔已經進化到連臘腸味都有  每粒雞蛋仔都有細細粒既臘腸係入面 臘腸既油同味落唒去蛋漿入面 散發濃郁既香味~雞蛋仔既餡好飽滿 亦做到外脆內軟既感覺 唯一扣分既係有d油膩 會食到成手油 不過食落去其實又唔係太食到個油膩感整體我覺得係好好食既 不過前提係你真係要中意食臘腸Delightious 指數: 9.5

食過好多次啦 每次都覺得質素不錯 推出新作好吸引 終於搵到機會去試👏🏻 三款signature雞蛋仔雪糕 餐牌上冇walley😱好驚已經推出完啦 原來係玻璃上面仲有寫✨Where's Walley ($56)✨分量依然同之前一樣墜手🗿層次感分明 顏色交錯透出紅色的雞蛋仔中 插上重點的walley朱古力😏 可愛得不忍心吃 就先食雞蛋仔 紅絲絨味道很淡 意想不到cream cheese很多 暖暖地在口腔溶化配合煙煙韌韌 香脆的感覺 雞蛋仔果然不錯 特別叫左扭紋雪糕 濃郁朱古力配上淡淡雲呢拿雪糕加埋一冷一熱的雞蛋仔感覺很刺激 很喜歡這樣吃😆下面的薑味gelato質感滑溜 唔會太辣卻清新開胃 平日排隊人龍不多 即叫即整 其實等左陣先有得食

Oddies 在灣仔舖開舖不久已試過，一直都覺得好鍾意，雞蛋仔加雪糕，配答唔錯，當然依家市面上多咗好多類似的，但我總覺得佢味道比較好。呢個係Night Wolf 上面係朱古力雞蛋仔配低糖軟雪糕，中間有D脆脆粒加奶凍，底層有香蕉雪糕，好豐富有層次感，食落會有多重口味，陣係雪糕已經分別有軟有硬有朱古力有雲咩嗱有香蕉味，絕對有誠意唔係就咁把軟雪糕加到雞蛋仔上，朱古力雞蛋仔好濃朱古力味，因為即時整熱辣辣配上凍嘅軟雪糕，超正 。

oddies不嬲都鐘意玩唔同味既雞蛋仔，今次，竟然出左泡菜年糕雞蛋仔！WHAT!?泡菜年糕雞蛋仔，你試過未？煙煙ＵＮ　ＵＮ既年煙加上又甜又辣既kimchi，估唔到又幾夾。雞蛋仔較淋唔太脆。粒粒都足料，淋淋地又好爽口，口感十足，熱辣辣緊出黎特別好食，值得一試。

night wolf $50知道前陣子興咩 香港十大必食雪糕，其中1間喺灣仔區仲要咁近練歌，當然1試。店舖小小，但雪糕嘅配式卻好多又特別。都係試左最普通嘅雞蛋仔朱古力雪糕， night wolf.特濃朱古力rich嘅程度係比食緊1粒特濃朱古力更濃郁，香滑，個種深啡濃到似不可分割般。加上有雞蛋仔，食法可分開，可搣1粒點一啲朱古力雪糕，當醬點，一份雪糕，2種食法。個雞蛋仔絕對熱辣辣夠脆夠香，內面軟綿綿，仲要係薄皮，咁先貼近雞蛋仔機個鐵板，做到呢個效果。下次試有啲名好伏嘅味道。

雞蛋仔同雪糕都出奇地好食! 初頭以為佢地既賣點只係雪糕同下面啲配料 諗住雞蛋仔應該普普通通點知雞蛋仔好好食外面好脆 入面都幾煙un 朱古力味都幾濃除左略甜之外成個雞蛋仔真係好食雪糕既朱古力味都好香濃食左幾啖之後有擔心過會好膩不過雪糕下面有香蕉蓉同埋柚子味既布甸中和番佢既份量已經唔成問題不過最好同人share因為都真係幾大份下

剛好係灣仔做完野，女朋友等我，話要食咩雪糕雞蛋仔，心諗，雪糕同雞蛋仔有咩關係呢？原來係新興咗一派嘅甜品嚟。咁我梗係陪佢去食啦。鋪頭細細但好好生意，鋪頭出面都有幾個人等緊，我地要咗一個night wolf，係由朱古力軟雪糕，牛油酥，焦糖香蕉雪糕，熱情果奶凍，脆脆片同brownie朱古力碎雞蛋仔整成嘅。一杯好大杯，配料好豐富而每樣都好出色。朱古力雪糕又滑又濃，雪糕5會好快溶，好實淨。焦糖香蕉雪糕亦好有驚喜，香蕉味好香但一啲都5假，同朱古力好配搭。雞蛋仔有足足一大底，食到一粒粒嘅朱古力碎，brownie濃郁令到雞蛋仔味道更加香濃。雞蛋仔外脆內軟，5會過份實心，兩個人分享就岩岩好下一次一定會再嚟試下其他味道！

一早就聽身邊朋友反復提起Oddies的大名，於是晚上與好友專程走過去。選了Night Wolf同The Mob兩款，雪糕分量很大Night Wolf的雞蛋仔裡面加了朱古力，略苦澀的味道搭配雪糕不錯。The Mob的雞蛋仔加了芝麻~~基於本人對於雞蛋仔香脆可口且雞蛋分量夠足，顆粒飽滿的苛刻要求~這間的雞蛋仔軟塌塌，掰下來是一種從軟餅上捏下來的感覺，吃入口雞蛋仔的香味不夠。雖說有新意的加入不同材料，但最簡單的雞蛋仔做的不到位，在本人心中扣分很多。講到雪糕。兩者雪糕的層次感都很強。Night Wolf里有檸檬味的布丁之類的來緩衝雪糕同雞蛋仔的甜膩。朱古力搭配vanilla的味道okThe Mob用的是橙味的布丁，朋友說有點像小時候吃過的藥的果味~不太喜歡。但抹茶的味道好極了，完全大愛。50幾的價格主要是買了好吃的雪糕的感覺，如果你渴望的是脆脆的散髮香氣的飽滿雞蛋仔，那還是另尋他出吧...

我最鍾意試新嘢！去食飯唔鍾意去重複嘅餐廳，如果有得揀，返工唔計XD！！2015年嘅最後1日早放工，約咗朋友未夠鐘，就去灣仔行下。結果見到上一陣好出面嘅雞蛋仔店，雖然我一直都知道佢嘅存在，自己亦都有介紹過畀朋友，不過真係第一次嚟到門前。一場嚟到，就買返個試下先。鹹味雞蛋仔已經唔係咩新鮮事，2年前荃灣有店舖已經推出。不過，臘腸味、泡菜味等又真係第一次見！你敢出，我敢食！連朋友都話要挑戰，試「臘腸味」（$22）！當雞蛋仔仲喺店員手上嘅時候，我已經聞到好香嘅「臘味」味！嘩！真係用咗臘腸啵！影完相，即刻趁熱食！雞蛋仔咬落真係外脆內軟，真係好耐無食過咁有口感嘅雞蛋仔。食到中間，發現多咗一股鹹香！嘩！臘腸呀！哈哈！食食下雞蛋仔食到臘腸肉嘅感覺原來係咁興奮！真係每一粒雞蛋仔中間都有真．臘腸！呢個驚喜 moment 一定要影嚟留念啦！臘腸食起嚟唔會覺得好油，因為鐵模發熱把雞蛋仔漿烘熟嘅過程中，臘腸嘅油脂已經溶化，滲入咗雞蛋仔裡面，所以，其實雞蛋仔散發出陣陣臘味嘅甘香。臘腸細細粒，鹹鹹哋，同甜甜哋加少少奶香味嘅雞蛋仔，原來可以咁夾！我同朋友竟然食到停唔到口呀！話口未完，最後一粒雞蛋仔都未咬完，朋友已經講定

做完苦力，總想吃點甜食，上Openrice看了一會，記起之前見過的雞蛋仔加雪糕，便二話不說到Oddies去。門外排隊者眾，原來大家都在等即叫即製的雞蛋仔。思前想後，點了個看似沒有那麼膩的 The Mob (自欺欺人)。 外型非常搶鏡，至少有五個途人偷偷張望。牛奶雪糕加綠茶雪糕，軟綿滑溜，body 又實在，不會食完口中如無物。綠茶醬味道甘甜濃厚，茶香突出，蘋果柚子果凍酸甜解膩又令人胃口大開。 黑芝麻麻糬雞蛋仔有若隱若現的芝麻香，麻糬更使雞蛋仔多了一份軟糯口感。 怪在每幾口便咬到硬物，初初以為是蛋殻不以為然，後來仔細看才發現是另有乾坤，我猜想是芝麻原材料混合了沙石未有篩走所至。回到店內跟店員反映，她們都立刻調查材料，希望能找到原因。