影片
港鐵中環站 K 出口, 步行約2分鐘
繼續閱讀
電話號碼
28913988
附加資料
由1月1日起, 逢星期日休息
營業時間
今日營業
12:00 - 15:00
18:00 - 22:00
星期一至六
12:00 - 15:00
18:00 - 22:00
星期日
全日休息
*Bar Area: 12:00-22:00
以上資料只供參考, 請與餐廳確認詳情
有關獎賞計劃
相關文章
這間日式酒吧餐廳位於中環的渣打銀行大廈，主打多元化的日式料理，包括壽司Omakase、鐵板燒及燒鳥。店內大部份食材均日本直送的新鮮上乘食材，更融入創作元素。餐廳環境分多個區域，招牌橢圓型酒吧兩邊設有用餐區，主餐區設有壽司吧枱及鐵板燒，還會不定期安排駐場DJ在晚上打碟。坐在廚師吧枱能欣賞師傅們的製作過程，師傅在江戶前壽司的基礎上，加入新派元素及做法充滿個人特色。日式漬物自家製醃薑，原條醃製更有口感，酸酸甜甜，爽口清脆。壽司拼盤(8貫) - $428兵庫縣真蠔海中牛奶之稱，蠔身肥美肉厚嫩滑鮮甜。赤貝鮮艷紅潤的赤貝非常彈牙清爽，鮮甜帶有海潮香氣。秋刀魚秋季當造的魚之一，銀灰色的魚皮下紅潤的魚肉特別肥美，魚肉的油香和濃郁的魚味交錯。鰤魚即野生油甘魚，秋季特別當造，魚肉更加爽身，風味更佳。牡丹蝦蝦肉肥碩極具彈性，濃厚的甘甜味餘韻悠長。超拖羅蔥醬油漬令魚肉變得緊緻，細密的纖維更有口感。拖羅如雪花般的脂肪，有好重的魚油甘香，入口即溶，魚子醬提鮮。穴子星鰻比起河鰻更加香糯，汁燒後金黃色的魚皮，包著雪白的魚肉，更加甜身及順滑。玉子蛋糕由雞蛋及魚蓉等製成，類似海綿蛋糕，有濃厚的鹹鮮甜味。燒鵝肝壽司 - $108外脆內軟的鵝肝豐腴得入口即化，滿嘴油脂的甘香，柚子蘿蔔平衡膩感。火炙牡丹蝦 - $88鮮甜彈牙的牡丹蝦加上燒香的蝦頭膏，爽口之餘，又有濃郁的蝦味。火炙帆立貝蟹膏 - $88/2件超大粒日本北海道帶子，厚厚的肉身超有口感，入口有著甜美柔軟的質感，極具彈性；自家製蟹膏採用時令的松葉蟹製作，吃昆布長大的蟹膏略帶綠色，精緻細膩，有豐富獨特的蟹味。
繼續閱讀
位於中環商業區的日本餐廳，啱晒打工仔放工約朋友chill下🍻餐廳裝潢時尚又有氣派，以黑金色為主調，穿過酒吧區，就會進入用餐區，提供鐵板燒、廚師發板和日式料理。💫黑毛和牛壽喜燒黑毛和牛品質極佳，顏色接近粉紅色，白色的油花密密麻麻的密佈於肉上，口感極度嫩滑，令人忍不住一口接一口地吃下去！壽喜燒醬汁十分香甜，但卻不會搶了黑毛和牛的滋味，黑毛和牛吸收了結合湯汁和肉汁的精華，又濃又香，令人齒頰留香。在冬天食一塊沾上蛋汁的極品和牛就絕對暖心又暖胃啦！💫特上松葉蟹甲羅石鍋飯賣相好吸引既石鍋飯！有creamy入口即溶的海膽，加埋蟹膏、蟹肉和蟹籽，鮮味十足！將所有配料混合紫菜和三文魚籽一齊食，淡淡都食到幸福嘅滋味！💫藍鰭吞拿魚腩吞拿魚肥美之魚腩, 是全條藍鰭吞拿魚中最肥美的部份!! 拖羅佈滿精緻的魚油花紋, 口感入口即化, 油香四溢而又鮮甜無比, 完全不膩, 真係回味無窮！💫燒白鱔燒白鱔，外層燒得香脆，鱔肉亦燒得剛好，多汁又彈牙，真係可以encore 多幾串！💫燒北海道帆立貝帆立貝大大串好新鮮，有炙燒過所以帶點焦香味，食落口感彈牙，味道鮮甜！💫鹿兒島茶美黑豚荔枝卷豚肉肉質嫩滑，味道濃郁，加入荔枝肉爆汁好juicy，荔枝的甜更能突出豚肉的鮮味！💫燒鵝肝釀名古屋雞翼燒雞翼就食得多，釀左鵝肝嘅雞翼真係第一次食！雞皮燒到好香脆，雞肉肉質香嫩，咬開有滿滿鹹香惹味既鵝肝，好特別！💫炸多士香蔥辛辣吞拿魚蓉即剁的碎吞拿魚腩幼細香滑，軟綿綿的口感，香蔥辛辣更惹味，配埋一口一粒的炸多士，口感層次好豐富！💫宇治抹茶北海道牛乳布甸抹茶味好濃郁，呢個布甸可以食到好濃郁既3.6牛乳，加埋紅豆perfect match 💯
繼續閱讀
最近我去咗一間位於中環嘅高級日式餐廳，真係好有驚喜！餐廳環境好靚，氣氛輕鬆，適合朋友聚會或者慶祝特別日子🫶🏻🥰吞拿魚腩三文魚子卷呢道菜視覺同味覺都好享受。鮮美嘅吞拿魚腩同彈牙嘅三文魚子包住，一口咬落去，海味十足，食完真係回味無窮🥹🥹特上刺身盛盒有七款唔同刺身👍🏻拖羅、赤貝等每一款都新鮮，切工好靚😌特別係拖羅，油脂豐富，入口即化，真係好正！🤩特上松葉蟹甲羅石鍋飯一上枱就聞到香味，蟹肉好鮮甜，配合飯粒Q彈，味道層次好豐富😋👍🏻時令海膽炒飯呢道真係令人驚喜😆海膽嘅鮮味同炒飯嘅米香完美結合，完全唔油膩，口感一流，令人忍唔住多食幾口😆🩷香煎日本廣島蠔蠔肉鮮嫩，外脆內滑，配上特製醬汁，味道更加出色☺️每一口都感受到海鮮嘅新鮮，真係好味😋
繼續閱讀
中環居酒屋ODDS真係一間唔容錯過嘅餐廳，食材新鮮到好似瞬間被傳送到日本咁，真係唔係一般嘅日本餐廳可以媲美。首先講下火炙壽司拼盤（8貫），呢個拼盤包括三文魚、拖羅、帆立貝、穴子、和牛、左口魚、牡丹蝦等等，每一貫都係極品。三文魚同拖羅入口即化，帆立貝同牡丹蝦鮮甜得嚟仲有少少海水味，穴子同和牛更係火炙得啱啱好，帶出勁香嘅炭燒味，食完真係回味無窮。然後到串燒類別，燒鵝肝釀名古屋雞翼係必試，雞翼一咬落去鵝肝爆汁，香濃嘅鵝肝同嫩滑嘅雞翼絕配；佐賀和牛肋條，肉質鮮嫩，脂肪分佈均勻，入口即溶；燒雞軟骨同燒鵪鶉蛋都非常唔錯，香脆可口，簡單但有驚喜。鐵板燒方面，清酒煮日本時令生蠔係巨型兼鮮甜，淡淡嘅清酒香提升咗生蠔嘅海味。香煎日本廣島蠔嘅醬汁極之美味，濃郁豐富，令每一口都充滿驚喜。鐵板燒帆立貝更係鮮甜到不得了，煎得啱啱好，保留住帆立貝嘅原汁原味。最後唔可以唔提嘅係日本產四國曉蛋和牛肉炒飯，橙紅色嘅蛋黃撈埋入充滿和牛嘅炒飯，每一啖都係極之香滑，蛋黃嘅濃郁同和牛嘅鮮美互相輝映，真係一試難忘。總括嚟講，ODDS每一道菜都係用心製作，唔單止食材新鮮，師傅嘅技術亦係一流，絕對值得一試！
繼續閱讀
同老闆同客人，一共四個人一齊去食晏，老闆話呢度幾好，於是就嘗試嗌個極尚刺身set 嚟，希望食吓好嘢，點知中晒伏！！！嗰啲刺身完全食唔落口，吞拿魚簡直好似擦子膠一樣，而且上菜十分之慢，老闆個串燒套餐第一個上咗，但係我哋其他三個人都一路未到，結果就要等到啲嘢食凍晒試到速度上菜速度做，唔好質素又差不會再光顧Lubuds系列啲刺身都好差，穴同呢間嘅刺身水平一樣差。。。 所以食刺身唔建議啦，如果食就考慮下其他啦
繼續閱讀
您可能會有興趣的...