影片
港鐵西營盤站 C 出口, 步行約3分鐘
繼續閱讀
電話號碼
29888124
開飯介紹
主打傳統法國菜，設有下午菜套餐、全日早餐、四人套餐等。餐廳環境溫馨，適合與伴侶約會，或大型聚餐。
繼續閱讀
附加資料
Off Town Kitchen, located on High Street in Sai Ying Pun, is a combination of European Restaurant and Bakery. The restaurant offers a European homelike atmosphere, such relaxing ambiance best for fami
營業時間
今日營業
12:00 - 22:00
星期一
全日休息
星期二至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關餐廳
有關獎賞計劃
優惠
88折
【中西區】$100 通用現金券 **無限兌換**
$88
$100
相關文章
喺香港地食情人節套餐，好多時都會中伏。2025年又再次唔信邪，去咗西營盤高街去試吓新嘅餐廳。呢間Off Town Kitchen係一間標榜法國農村菜嘅餐廳。去到呢間餐廳，驚訝地發現地方非常淺窄，枱同枱之間嘅空間好少。但係佢哋嘅服務都非常貼心，整咗一個位置俾客人放隨身物品。呢個我覺得值得稱讚嘅。情人節餐當然就比較貴，今日個Menu價值$888，兩個人食差唔多$2000。所以對佢期望都會比較高雖然餐廳環境有啲淺窄，裝修亦都麻麻地。環境好似坊間嘅清水樓，連牆紙都未有嗰種。望一望佢個餐牌，唔係好覺係法國農村菜。反而好似一般嘅西餐。不過希望都係好食嘅。餐廳第一個上咗兩塊好細好細嘅麵包，冇錯，只有兩塊。size就好似一個成年人手掌嘅¼。黎左都唔係好覺 😥我哋試咗兩個唔同嘅頭盤，第一個係鵝肝。鵝肝煎得香濃香脆，內裏保持鬆軟。味道香濃。呢個做得唔錯。另一個頭盤係蝦，唔覺佢有咩特別。蝦肉比較結實，但係唔覺係一啲新鮮嘅海蝦。似係冰鮮蝦。羅勒葉蕃茄汁有少少辣，味道都尚算唔錯。但係以咁貴嘅價錢期望可能有少少落差。接住落嚟就係個美式華都夫沙律，味道可以。但係呢個沙律喺屋企都做到。性價比唔高。呢個自家製闊條麵味道算唔錯，但係本身以為會比較煙靭，點知可能煮得有啲過時，軟腍腍。冇咗意大利麵應有嘅咬口。神奇嘅係個意大利麵一啖係熱，下一啖只係常溫。唔多似係新鮮煮出嚟。有點失望。終於到咗主角，呢個Wellington混合咗鵝潤腸，個味道未必個個人都接受到。但係我自己覺得唔錯。酥皮係脆，用美國安格斯牛柳都可以話係唔錯。牛扒質地鬆軟，有濃烈嘅肉香。唔會煎過龍。情人節嘅甜品當然一定要有雪糕。拿破崙tiramisu蛋糕都算係一個比較破格嘅甜品。但係本身拿破崙蛋糕嘅脆皮應該係鬆脆，但係呢一個就變咗硬脆。味道雖然唔錯，但係口感差少少。其實總體嚟講食物嘅質素唔算太好，$888一位呢個價錢我個期望就會高啲。如果呢個套餐係價值$488，都算抵食。情人節嘅餐廳其實好講氣氛，以為法國菜嘅氣氛會比較好。點知後面有一台會高談闊論同大講粗口嘅中年女人同男人。🤦🏻♂️真係破壞晒氣氛。佢哋嘈到我哋坐對面想講嘢都講唔到。呢台嘅客人質素簡直非常差。嘈到我只想快啲食完快啲走。其實高街好多間唔同嘅餐廳，競爭都好大。下次再去試吓其他餐廳啦。
繼續閱讀
一間細細的餐廳，目測大約坐16至18人，所以一定要book位啦。節日關係，佢哋只供應聖誕set menu。一睇價錢大家都嘩一聲，冇諗過這種小店lunch要$900😱 不過食完之後就覺得物有所值，亦能感受到廚師嘅用心。洋蔥湯香濃，燒豬髀皮脆肉嫩，威靈頓牛扒牛肉好香腍又唔肥，酥皮仲係脆的。Mussels 個汁好好味😋 最驚喜就係甜品，薑餅人好靚，個酥皮撻好脆又唔油膩👍🏻 值得推介的小店👍🏻
繼續閱讀
以前都幫襯過呢間小店起碼都有六七次了，初初同老公及家人嚟，最近呢一次星期三和兩個女朋友嚟，預先訂咗mussels; Beef Wellington ; roast pig. 咁我哋準時到啦，發覺原來食Beef Wellington 的話，就一定要叫二人套餐的，要每人$788 +1 ，但係我哋又想食mussels, 又想食佢嗰個German pasta，同埋又訂咗roast pig, 邊度會食得晒，只是三個人。所以我哋放棄咗食Beef Wellington了。咁結果mussels, German pasta，roast pig and roast chicken. 3 三個甜品+2 杯tea + 1 杯latte。埋單$2277 ，我哋覺得有啲貴，尤其是個Mussels 差唔多$650+其實價錢比想像中貴，唔係一個大問題。佢啲mussels 特登去買同埋都好新鮮。但係失望嘅就係有以下幾點，希望老闆娘睇到，可以改進。但係嗰晚老闆娘唔喺度的。1） 佢哋個Menu好唔Flexible，點解beef wellington 唔可以獨立叫呢？2） 佢嗰個Ala carte Menu縮晒水，比以前嘅選擇爭得遠。每樣只係得兩三樣嘢揀，我哋想叫牛扒，夥計又話老闆娘喺唔喺度整唔到。真係拗晒頭。牛扒咋喎。所以我哋先揀咗嗰個Roast Chicken。3) 嗰個German pasta同以前做法都唔同， pasta冇以前嘅煙靭感，但加咗好多牛肉塊喺面度，其實都唔係難食嘅，不過想食以前嘅口味就冇咗，同埋成碟有些少鹹。4） 我哋叫咗兩杯Camomile tea，來到嗰個茶杯細到不得了，不但只望上去令到你唔係好想飲嗰杯茶，其實我哋飲咗兩三啖已經飲完。之後我就叫嗰火記拎一杯滾水嚟再將個茶包放入滾水度再飲。以前我記得我都叫過茶，個杯係大大地好正常的。真係希望老闆娘Kobi睇到，可以將間餐廳改善返。嗰晚得兩台啫，食物出得得頗快，夥計都幾好招呼的。
繼續閱讀
朋友為我地揀嘅小小西餐廳，環境cozy 睇得出店主花左唔小心機佈置。點菜時，主廚有貼心提醒我地套餐嘅份量比較多，我地4個女仔，點左一個威靈頓2人set,再加一份乳豬已經好夠，每一樣食物亦都好好食，特別係份威靈頓，味道超好，酥皮亦唔油膩。因為生日，主廚亦好貼心幫我地打埋燈影相😆 我地4個都覺得好值得encore❤️
繼續閱讀
朋友建議去這間小店試一試，冇所謂啦 ，食得就食。 去到，嘩！原來這麼細，地方好少， 茶餐廳可能還寬敞，不到20個坐位，身體也不敢大動作。 見樓夥記只得一個 好忙， 添加飲水自己去攞啦。 廚房就有兩位。威靈頓牛柳要晚上才有，lunch就是要預訂。後來說有貨可以落單。大鄉裡，我第一次食威靈頓牛柳，賣相好靚。 放入焗爐前，拿給我哋看看，拍拍照。 焗完之後 ，未切開之前 又都再拿給我哋看看，拍拍照。我以前未食過，所以冇得比較。只覺得啲牛肉就好軟熟， 用蘑菇用包住嘅皮好好食。 頭盤和甜品都是正常 ok.好奇怪，平時食肉量不多的我，可以食曬整個餐。 這是不是叫做嘴刁 。因為一個套餐要$1734 每人要$867.🤪🤪最後我覺得地方真係太細， 人多會好嘈，又冇服務， 而要收咁嘅價錢，係唔balance。 地方，環境和氣氛都冇。所以下次都唔會再去。( to my surprise, 洗手間就好乾淨和闊落）
繼續閱讀