Olive Cafe (已結業)

慶祝友人生日，來了荃灣這間西式餐廳食晚飯。，這個鹹豬手做到好出色，大大隻的豬手外皮燒得好脆身，肉質夠嫩滑和有肉香，配上酸椰菜能減低鹹豬手的膩感，另外伴上的薯角味道也不錯，十分香脆。主菜和薯菜也好有水準。 , 但是在節日慶祝的時候來食也是不錯的選擇。滿足

星期四晚荃灣晚餐人不太多，七點到沒訂位都立刻有位入位，當晚只有兩個set dinner，一個意粉 一個西冷牛扒，識得食更係叫牛扒$138。另一個就點了餐牌上的豬仔骨配羊扒$168。Set Din沙律或餐湯，選了沙律，正正常常。牛扒先到，肉質入口即溶，很不錯。可惜，再來的羊扒，十分令人失望，兩件羊扒都有百份之八十都係肥肉，根本不可能吃下去。最後甜品加$20只能選三十蚊的cheese cake，之前在大埔分店都可以在甜品餐牌任選。賣相味道都可以，但在另一分店食過更抵，這裡就總覺美中不足了。

間唔中約開朋友食lunch 都會黎呢間Olive, 今日黎到居然有卡位坐，暗暗高興。誰不知惡夢開始，拎起餐牌後發現枱面有好多麵包碎，明顯上手食完無抹枱，即刻話俾侍應知佢就淨係抹嗰一部份，但其實張枱都仲有好多碎，佢都應該見到，但見佢反應平淡，見慣不怪咁，心寒！紐西蘭肉眼扒（$85)，叫左7成熟，食落比較靱，無牛味，肉質麻麻，原本都無乜期望但無諗過差成咁呢款唔推介

在我懂得怎樣下廚後，情人節應該不用外出吃飯吧，哈哈。其實這天外出用膳真心覺得貴，為什麼同樣的食品在這天便特別貴？雖然是節日，真的有這個需要嗎？這次選擇了Olive Cafe，之前來過覺得食物質素也不錯，只是服務一般，這家的情人節套餐也算是合理，加上男友沒有來過，所以便選擇了這家。只有特飲及主菜可二選一外，其餘也是定好的。 場內沒有太多佈置，有數個心型氣球作裝飾。前菜：小龍蝦、燒呑拿魚配沙律配黑松露醋汁。呑拿魚肥美鮮嫩，黑松露醋汁作點綴好看，略嫌少了一些，小龍蝦沒有吃。我們點了沒有酒精的Love forever，有益力多及汽水，味道特別，酸甜適中。紅椒濃湯配煙鴨胸，沒有喝到紅椒的味道，但味道濃郁。 焗三文魚、大蒜酥盒海鮮忌廉濃汁三文魚厚肉多汁，配上薯容，特出其層次感。鵝肝醬焗牛柳配牛肝菌汁牛枊肉質鮮嫩，配上醬汁更突出牛肉的味道。如果配菜可以多一點便更好。甜品時間，有我最喜歡的心太軟，面頭更有心心酥，心心酥沒有什麼味道，可以配粉紅色的cream，或配心太軟的朱古力，心太軟軟身，流心朱古力香濃。

我住咗荃灣六年間野只幫襯過兩次一次係五年前，因為食品質素一般，價錢亦唔算好平，所以我冇再去；我同我老公最鍾意俾機會食店，所以就算明知佢質素一般，我哋都好想再試多次，為佢平反又好，比自己日後多個機會，。 今日再去首先點左四隻焗蠔四隻全部都係離開咗個殼而且全部都聲聲地，好明顯係完全唔新鮮我個肉眼扒係餐二百幾蚊再加一以呢塊扒嘅質素，絕對唔算抵我叫佢俾個牛扒芥辣我都要食咗半塊扒，啲芥辣先至嚟到，然後我哋坐嗰個位好近佢哋點菜個快板個個都會行過嚟果塊板度圍埋傾計傾計都唔緊要傾計大聲都算啦句句都係粗口句句都係話緊啲客有笑個鬼佬客完全唔知點解可以咁大聲講粗口我全程起碼聽到不下10句完全影響咗我同我老公食飯嘅氣氛算啦講返食物食物來講佢唔算太差不過肯定唔會值＄500以佢哋嘅服務質素同埋食品質素＄200兩個人先至合理

朋友仔生日，嚟咗依度，平日都好多人，原本諗住靜靜地傾下偈！😅但原來依度都好熱鬧！牛扒唔錯，叫5成就真係5成，因為我好怕熟過頭！我最鐘意係佢個頭盤！到最後其實好飽，但係點都要叫甜品，可惜無我想要嘅法式燉蛋！

突然想食意粉，加上男朋友揸車，所以搵有免費泊車的商場食晚餐。最後揀左呢間olive cafe...由於本人唔食牛，而set dinner 好多都係牛，所以揀左一個set : 長蝦鴨胸蕃茄燴飯。之後散叫一個自選意粉 + $48 轉set.前菜就揀左炸蠔同沙律個蠔唔錯，好好味個沙津就配左士多啤梨醬，我本人麻麻地。而我再散叫左炸薯皮，呢個真心唔掂到左主菜，個蕃茄燴飯真心唔錯，好開胃。但當中個鴨胸好硬身😑😑而自選意粉，我揀左煙肉+蟹肉+雜菌配忌廉蛋黃汁天使麵。好明顯係卡邦尼睇樣就幾好，不過好可惜個汁好油，食到成嘴油而飲品方面就正正常常。最後因爲+$48 轉餐，所以有埋甜品。揀左木糠布丁。個布丁其實幾好味，但由於之前食得太飽，我食左少少就食唔落，男朋友幫手食哂。今次衰在揀錯左自選意粉，其實都唔錯！

有質素的餐廳，環境舒服，平民價錢，我最愛這餐廳有自選材料、汁及配意粉，我每次一家十口左右到這餐廳用膳，都會按照家人不同口味點2-3 款意粉， 自選蟹肉大蝦蛋黃意大利飯不錯！非常適合家人口味，主菜有牛扒推介。

2016-11-5 ㈥3:45下午茶在Oliver cafe,女服務員送來杯奶昔她手掃到杯頂cream,她好自動話換令一杯给我,我回覆換杯顶cream便可。正當覺得她好服務時但接著就遇到不可思意服務....用玻璃壺的芒果花茶一直未到,我們食完意粉,就問下女短髪服務員追花茶未到,她無回覆。我們看見較遲來的人都有花茶了,我們再追問服務員,同樣她無回覆,我們食完High Tea set再追問下令一位長髪服務員花茶和pizza,一樣無回覆,不久我們就揾令一位資力高女服務員她還向我們説對唔住唔好意思,不久花茶從令ㄧ人用咖啡壺和咖啡杯送上枱,我想佰幾元1個的 high tea set主要介绍用玻璃壺火盆但欠俸,她還説用晒無壼,講sorry都無,這是甚麼店呀!我與家人享受下午茶我都算了。但還有pizza未到,已接近5:00茶都快喝完,我再追問只看見短、長髪两位女和男服務员望住部電腦细語無落單,我便追問她們,我向她們說已經追過咁多次都無幫我們check真D,現在說無落單,接著行來了高瘦著恤衫男仕就問我咁現在要,還是唔要,他態度其差,我答要,不到7分鐘便送上枱。全部過程無應該有的服務態度無講句sorry

今日同老公加埋2個好姐妹諗食咩？一個姐妹話想食好西……哈哈哈!我就話不如落荃新天地吖!有間我想食但次次都等好耐而放棄嘅地方，一講個名大家都話正，然後諂齊坐車落去，到咗門口都有小貓4，5隻等位，我哋等咗個大約15mins就有位，大家太肚餓急著睇菜單，叫咗4個不同食品，煙鴨胸飯，天使麵，牛扒，豬膝等，套餐加錢叫埋飲品，餐湯，甜品!餐湯係南瓜什菜湯，口感淡及唔夠濃郁，天使麵非常好食，煙韌彈牙!老公個豬膝十分之好食，肥瘦剛好又唔韌，最驚喜喺個配菜薯容，好似有牛奶味，我哋幾個女的每人抽咗老公個薯容水一啖，真係冇得輸!牛扒賣相唔錯，冇試味，但見到有2塊同配菜粗薯條，抽水一條薯條又係好正，外脆內軟，正到呢？反而個煙鴨胸飯冇乜特別，咖啡我最愛，一杯細到可以一啖飲晒嘅份量，只係加$5都冇可能係大杯，但個咖啡濃度很好，十分之啱我口味!最1後個cheers cake真係好唔得，餅底唔夠脆之外，個味仲怪怪哋，帶點咸味，唔知係咪特色嚟嘅呢？總括嚟講個午餐都很正，下次會試晚餐的!

9月係生日月，所以最近食既，都係生日飯，haha前菜(跟餐)um...其實無咩特別煙3文魚他他同以前做法唔同左以前係藍莓醬，而家轉左木瓜醬，超級唔好食以後都唔敢再叫黎食自選意粉揀左煙3文魚白味天使麵好好食，味道非常足夠牛扒還不錯，正常牛扒不過不失啦係度慶祝生日都唔錯叫個小蛋糕又可以係碟上寫埋字非常有心思但蛋糕唔太好食的

中秋節諗住搵間平靚正既餐廳當慶祝黎到呢間餐廳第一個印象唔差黎到先見到原來7點半前埋單有8折😱😱總次早d黎環境服務態度都十分好呢度有set dinner,不過頭盤唔係咁岩自己口味所以我地決定散叫我地點左一個自選pasta$118一個芝麻果仁脆香羊扒$178蒜茸包$20加兩位餐湯餐飲$28*2開始既餐包十分出色、外脆內軟、好好食餐湯係菜湯、都有唔錯既水準因為有唔錯既開始令我地對主菜都好期待但真係太失望了Pasta淡而無味羊扒更差、炸皮太厚羊肉更加係乾到冇得再乾唯一好少少只有個香草醬埋單總數唔算太貴$409只係主菜太令人失望

我們點了幾款食物，味道尚可但價錢偏貴了一點。反而想講餐廳環境不錯但很嘈，加上播放的音樂嘈上加嘈。另外侍應服務很不專業。一開始枱上只有每人一隻細碟，我們食餐包時就用呢隻碟。到主菜來了，侍應不醒目拿幾隻碟給我們，要我們問才給我們。最後食完想要甜品，問侍應可否餐轉有甜品那款，他有猶豫似要問人，但又見佢行來行去，又唔拎甜品menu給我們，等了一陣才問另一位高級啲佢話得和給menu我們。當時枱面全是主菜，pizza的碟等等，甜品來了，沒人會收碟，放底甜品便走了。我特意不問看他們會否拿碟給我們吃甜品，亦沒問我們是否share。到另一個甜品送來，高級那位才叫侍應先幫我收碟，因根本沒地方放下甜品。那些侍應只會執走了客人的枱，不會留意用餐客人的情況，實在不專業。

是日到了荃灣大會堂，除了替友人做點事之外，也不忘購買之後兩三個月的話劇門票。本來想到荃灣大會堂內的悠閒閣吃下午茶的，聽說他們也是社會企業，也是弱勢社群就業的。但原來他們最近處於裝修施工期間，暫停營業，也只好另覓Cafe。對面廣場記得有一家有玫瑰咖啡飲的Olive，於是又躲進來了。原來他們閒日的下午，除了Tea set之外，還有一個叫做Late Lunch的menu。食的是Lunch份量的東西，但價錢卻比較相宜。而且這個Late Lunch由2:30去到6點。你估這個menu的服務對象主要是甚麼人？對了，是商場裡服務業的同事們。記得之前有位在附近做門市的朋友說過，一般的午市時間是他們最繁忙的，而且retail shop很多也是11點左右才開門，當然不會12點、1點就去食lunch。所以一般打工仔12-2的午飯高峰期，就是retail最繁忙的時間。到了3點左右，都會陸續的放飯，準備6點後的放工時間，又一個retail的繁忙時間。如果只有tea menu，或許價錢差不多，但份量會相對較小，吃的東西也像是小食多一點。為了照顧不是一般午飯時間又想吃飽一點的，最好就是揀這個late lunch。浪

百幾蚊一個set dinner，有包，湯，野飲，主菜，而且排都幾大塊，夠飽之餘仲食唔曬，算係幾抵食，如果攞埋味道黎講，百幾蚊我就覺得唔抵。佢個牛排我叫5成熟，但真係韌到切唔開，咬都咬得好辛苦。另外，唔好係出面睇佢裝修得靚，但其實環境好嘈，我知呢個係餐廳控制唔到，但真係好嘈。完全唔expect一間西餐廳可以嘈到咁。結論，唔會再去第二次，寧願比貴小小食outbacx仲好食。