Oliver's Super Sandwiches

營業中

休息中

朝早路經APM，時間倘早，決定食個早餐未諗到食咩，咁啱見有Super sandwiches，就食個西式早餐。唔想食咁飽，少少哋食個煙三文魚粟米炒蛋。雖然有煙三文魚，但係個炒蛋偏淡。凍檸茶冇叫少甜但係甜度就啱啱好。

好一段時間冇幫襯過佢既下午茶，以前最愛既牛油果芝士火腿飛碟已經冇左發現價錢又加左價，下午茶好似愈來愈唔抵食，就算會員有九折都仰咁話。公司三文治睇落最吸引，價錢反而算合理，而且一定食得飽。最後決定佢左。三文治送上枱，感覺好健康清新。用烘左底既麥包，裏面既生菜新鮮，咬落索索聲，蕃茄既分量亦不少。肉類分量唔多，啱曬我。醬汁分量啱啱好，唔洗驚會食肥人。 餐飲叫了熱檸茶，中規中規。下午茶時段冇咩人，幾好hea,又夠靜。不過食肉獸就唔適合去呢問啦

從冇去過呢一間三文治店食嘢，最近一次表姐帶咗我去食下午茶，之後我就同老公再嚟另外一間分店食下午茶。比較唔到邊間好食D，因上次叫左冇咩點食 (Share)。不過我覺得佢係一個食下午茶不錯的地方。環境比較擠迫， 以自助形式點餐。一望個餐牌，二話不說就揀左上次都有揀過的餐，個餐好豐富，兩塊熱香餅、兩隻雞翼、兩件三文治加一杯熱檸茶。熱檸茶又苦又酸雞翼雖然唔係好食，不過起碼冇雪味。 熱香餅有啲乾，三文治有吞拿魚，口感都算豐富。另外就點左一份自選沙律， 揀咗紅菜頭沙律同埋粟米沙律，成分沙律感覺清新，不過如包埋飲品會值D。

雖然今日都是工作天，但我比平時早出門，所以可以有足夠的時間嘆個靚早餐，揀左係公司附近的呢間餐廳早餐都有好多唔同選擇架，我個人比較貪心，鐘意咩都食下咁，呢個set 都好豐富，有多士、薯餅、炒蛋、腸、蕃茄同埋蕃茄濃湯螺絲粉，仲包埋野飲添。多士仲會俾埋果jam 同牛油你個蕃茄螺絲粉好掂呀，個湯好濃，鐘意蕃茄的朋友仔一定like個炒蛋相對就較一般，下次轉太陽蛋可能會較好留意返奶茶係茶包奶茶，唔鐘意既可揀熱茶咖啡或其他凍飲。食完個豐富早餐，先有力氣去支撐一天的工作💪🏻💪🏻

經過星期六、日，瘋狂食食食之後，決定今日黎個清清地既green Monday lunch。我叫左一盒大沙律，唔好以為食沙律會唔多飽，呢盒沙律真係KO左我，其實裏面有d咩蔬果我真係數唔晒，不過我就最鐘意食紅菜頭同蘋果，好新鮮，原來裏面係有類似火腿定火雞肉之類既野，唔好意思，green Monday 計劃失敗。同事就食呢個魚柳包，見到d粗薯條，忍唔住偷食左，外脆內軟，無得頂，同事話個魚柳包好好食，不過食得有d論盡，因為個包好大份。

一不小心睡過了頭 慌忙衝出門口目的只為趕上吃期待已久的早餐會這裹的早餐供應至11:30 比起一般的至11時 多了半小時的buffer 不猶疑點了我至愛的炒蛋pancake 餐 還外加了一客通粉羅宋湯通粉 熱騰騰的呈除了雜菜 還喝得到肉的鮮味通粉的軟硬度正合我意不會太淋或太硬唯一要挑的是份量太少接下來是蕃茄炒蛋半太熟 不要期望是很流心的那種可是是滑的重頭戲是兩塊香噴噴的熱香餅很香的牛油味卻一點也不油本身已有微甜加上serum 是極品隨餐送的咖啡普通貨色吧

今日大約12點黎到APM既Oliver’s Super Sandwiches食Lunch，呢個時間都唔算多人，唔使排隊就買到食物。呢度既Lunch Menu都有好多選擇，大致上分為兩類，一類係意大利粉，另一類係意大利包，最後我選擇左J3: 蜜味火腿、車打芝士、蘑菇配意大利包及熱奶茶，值錢只係$68。買完之後，會俾個號碼牌，之後搵位坐低就OK，會有專人送餐。我大約等左5分鐘左右，個餐就送黎，個包味道都唔錯，奶茶好夠熱。

星期五下午同朋友去apm行街，諗住食個late lunch。Food court無嘢啱心水就去咗Super Sandwich。餐廳光猛乾淨。靠牆枱會坐得舒服啲，坐中間6人大枱有機會要同人搭枱~下午茶都算多選擇。我地叫咗兩樣食物share。碎蛋沙律焗薯伴沙律，熱咖啡($56)。焗薯一向都係佢地信心之作，滿滿嘅蛋沙律令薯仔唔會太乾身。沙律有麵包粒，煙肉，芝士。足料。咖啡係美式咖啡，不過我鍾意多奶，所以覺得麻麻地。經典熱狗配薯條，熱咖啡($48)除咗面頭見到嘅茄汁同芥末醬，熱狗腸下面仲有酸瓜碎，可以減低油膩感。大愛薯條一般。總結係，兩人傾下密計又好，一人玩下手機又好，唔一定要去Starbxxxs 坐嘅~香港仲有好多選擇。

今次主要係為左酥皮湯去搵食的。酥皮湯，多數都係高價品，不論係連鎖快餐店定係高級西餐廳，酥皮湯都係要額外加錢先有的。此外，連鎖店有時仲要等promotion先有得食。係Oliver’s super sandwich 食酥皮湯都唔係必然有的，因為佢地有分店係無酥皮湯供應的，但呢間位於商場入面的分店就有供應，真心方便突然想食的我。先黎睇睇個餐牌先，68蚊有酥皮湯，主食加餐飲，價值認真唔錯。酥皮湯焗起真係好吸引，個酥皮焗的夠脹又夠酥。A餐意粉正路野，個肉醬果邊比較好食。B餐個焗薯好正，可能本身係薯仔控。焗薯份量都唔夠，夠飽肚。C餐就係法包。d配料睇落就比較普通，食落不過不失，可能係個人唔太識欣賞。其實係短期內食過兩次，所以已經試齊曬3個餐。但兩次個酥皮湯水準有出入，呢個就得個香，但外觀唔夠吸引。餐飲就例牌coffee or tea。如果好似我gum鍾意多奶，佢地都好細心gum額外用細杯俾你，服務值得加分

今天約咗個朋友放咗工去觀塘，去咗APM，經過呢間餐廳，見到個晚餐餐牌幾吸引，有湯，主菜同飲品都係$68。我地兩個人都叫咗A餐，諗住意粉應該飽肚過焗薯。係出面counter比咗錢，再坐埋位會有人送餐，幾方便食客！終於我個餐到枱，雖然好似未賣相唔係好吸引，同參考圖片有D出入，但食落味道不差，熱騰騰，好香香草味，差唔多食完，服務員就送上新鮮出爐香噴噴的酥皮湯，一流呀！ 如果喜歡酥味湯的朋友，可以一試！呢個價錢算係咁！

在APM搵食真係幾多選擇，就係太多選擇又太多人，臨近新年就更難搵食，周圍都係人，終於黎到Oliver Super sandwiches, 見到有酥皮湯+焗薯+沙律+熱茶=$68一向有幫襯開Oliver super sandwiches, 知道食物有番一定的水準，好味又健康的晚餐不二之選

我對呢間餐廳印象唔錯，因為有時想食得健康D又快D，食呢間就係最好既選擇。今次係附近買野，順便過來食飯，觀塘多餐廳，不過講到最方便一定係apm入面既餐廳，方便好重要。餐廳唔大，都算坐得舒服，唔趕客。叫了一份煙三文魚意粉$48。賣相真係好頹下，只是將一撻醬淋係意粉上面，見過已經有D失望。意粉有幾粒三文魚、蘑菇同蜆肉，配料份量適中，都不會旨意有什麼驚喜，食落白汁味道淡，攤凍左白汁乾曬最大問題係餐廳衛生，睇落企理，但係不時有D蚊滋飛來飛去。趕極一陣又飛過來，用餐環境值得改善。

是夜想簡簡單單的吃個輕盈晚餐,友人便提議了super sandwich~餐廳除了提供三文治,沙津和意粉,當然少不了小妹很愛吃的焗薯~看到焗薯的配料選擇,小妹很快便鎖定了目標---煙三文魚碎蛋沙律焗薯其實也很久沒吃過它們家的焗薯了,第一口吃下去,是那熟悉味道呢~薯味夠香~煙三文魚碎蛋沙律焗薯上面的材料十分足料豐富，碎蛋富蛋香而芳香軟綿，而煙三文魚，份量算給得慷慨,且煙燻味濃，肉質嫩滑在旁的凱撒沙律夠新鮮，菜夠爽甜,淋上沙律醬汁,配上煙肉碎和麵包粒，口感就更顯豐富了！美味得吃完一個已想馬上追加一個呢

星期日去開apm shopping，行到肚餓就四圍揾野食。係星期日呢lunch hour呢個咁繁忙咁多人既日子，間間餐廳都要排好耐，竟然見到super sandwiches係唔使等位，雖然一間始都想食好少少，因為嫌super sandwiches有啲頹，但因為太肚餓，所以都係去左食🙈其實今次係等一次食super sandwiches，因為覺得佢只係食啲咁普通既野食唔值呢個價但完來唔係呢😋呢個挪威三文魚蜆肉忌廉汁扁意粉好足料，三文魚同蜆肉都好多，啖啖肉，個汁又唔會好漏，冇左平時忌廉汁個種好heavy既感覺，成個pasta個味好match，好食！唯一美中不足就係份量太少了，我一個女仔食完都係僅僅夠咋😕公司三文治好足料，有肉又有菜，啲沙律醬個甜酸比例啱啱好，好開胃👍🏻

大部份香港人做嘢都好忙，食飯時間亦都唔好多，所以一份快靚正嘅午餐對於打工一族來講係非常重要。係午餐時間經過APM，見到有好多OL排隊等位食飯，由於我自己唔想等太耐，所以我就選擇買外賣。今次order左呢份外賣三文治，等候嘅時間大概只係需要5分鐘左右，喺繁忙時間嚟講，都算係好快蜜味火腿。車打芝士。蘑菇配意大利包一份＄54，份量嚟講係足夠一個女仔當lunch，但係＄54我就覺得有小小偏貴（但如果去到中環嘅話，呢份三文治$54又會變得合理🤷🏻‍♀️）而味道方面，都食得出裏面嘅材料係新鮮嘅，蘑菇juicy，芝士份量十足，麵包不會焗到又乾又硬，唔錯呢份lunch 無論係上菜速度，味道，又或者係份量，其實我都覺得滿意嘅唯一要挑剔嘅就只係價錢。或者下次試吓佢哋嘅意粉啦，意粉嘅價格相對地就好似比三文治經濟d，而且仲飽肚d添