影片
營業時間
今日營業
08:00 - 21:15
星期一至五
07:30 - 21:15
星期六至日
08:00 - 21:15
公眾假期
08:00 - 21:15
以上資料只供參考, 請與餐廳確認詳情
呢一份下午茶餐叫做經典炸魚薯條配黑松露蛋黃醬，連埋一杯熱嘅即磨咖啡，味道比想像之中好，以$48黎講，呢件炸魚柳嘅質素都算係唔錯，炸粉唔會太厚，唔會食極都食唔到魚柳，不過啲薯條就差少少，唔知係overcooked定係返炸，食落去有少少韌，感覺上唔係新鮮即叫即炸嘅，不過48蚊有炸魚有薯條仲有杯嘢飲唔敢有咁高要求啦。除咗有黑松露蛋黃醬之外，佢另外跟多一包沙律醬同埋蕃茄醬，其實佢個黑松露蛋黃醬味道已經唔錯，包沙律醬好似有啲浪費。
繼續閱讀
估唔到依家super sandwich 都有即叫即炒，叫左個冬陰功炒意粉，好好食，再叫多一杯coffee,店員收餐盤上年紀姨姨好有禮貌，依家快餐店有這個服務都好小見。
繼續閱讀
收工唔想食咁多嘢 又食健康啲 就嚟咗食沙律三文治 呢度有樣野好就係可以自選沙律🥗 每日都有幾款唔同嘅沙律任你配搭 佢又唔同Combo可以睇你嘅肚餓程度而選擇 今次我就揀咗食公司三文治加一個沙律 套餐嚟講都唔算太貴 而三文治都會係新鮮整 非常之大份
繼續閱讀
其實本來諗住飲杯嘢等人，點知見到呢一個38蚊嘅餐，估計應該唔會好豐富啦，咁飲杯嘢都要廿幾蚊，所以就照呢個下午茶餐啦，點知原來佢有一碗雜菜湯螺絲粉，再加兩件碎蛋沙律酥盒，再跟多一杯即磨咖啡，杯咖啡都唔細杯㗎，究竟係平時飲杯嘢貴定係呢個餐真係平呢。味道方面基本上冇乜要求，而佢呢度係ok嘅。
繼續閱讀
食得多重口味，有時都想食light少少。salad可以選擇大或小，大約$60-80，有紅菜頭、蘋果雞肉、薯仔雞蛋和羽衣甘藍甘荀等幾款可以選擇，都幾好食，食材搭配得不錯，亦都新鮮。沙律醬都比較多，濃味一啲，可能都唔算特別幫助減肥😂😂炸魚柳意大利粉，魚柳新鮮炸起，脆口，意粉偏淋身，整體感覺唔錯，好食。焗薯熱辣辣，薯仔外脆內軟，配上三文魚蛋沙律或肉醬，一如既往好食。加10幾蚊可以加配小食，芝士肉醬薯條味道濃郁，抵食❤️
繼續閱讀