One & A Half

營業中

休息中

在YOHO商場中,一家名不見經傳的餐廳悄然吸引了我的目光。首先是它舒適宜人的用餐環境,放眼望去,靜謐優雅的氛圍令人感到放鬆。更加難能可貴的是,這裡的價格相當實惠,沒有讓人望而卻步。我點了一份「博多明太子忌廉意粉配軟殼蟹天婦羅」作為晚餐,這是一個相當豐富的套餐。明太子醬汁與意粉的搭配別具風味,而軟殼蟹更是一道難得的佳餚。它外酥內嫩,鮮甜可口。此外,套餐還包括了湯品、小菜等配料,令人大飽口福。最令我難忘的是,餐廳位於落地窗邊,我一邊優雅地用餐,一邊欣賞著窗外的夕陽美景,真是一種超凡的用餐體驗。

週末約了好友到元朗Yoho Mall逛街，前一日已上網睇完要去哪間餐廳。選擇了這間「One & A Half」，再預先訂好位，避免等候。Brunch set相當豐富，包括了味噌湯、沙律、前菜、茶碗蒸、主食、白飯、甜品和飲品。茶碗蒸入口滑溜，小小一碗但都有冬菇、鳴門卷在內。前菜選了吉列廣島蠔，有3隻，外層炸至十分脆身。而主食唐揚雞排肉質juicy，配以松露蛋黃醬幾香口。甜品方面就點了一個迷你什莓醬雪糕新地，雪糕質感柔滑，牛奶味突出。覺得這個甜品蠻特別的！外層是以雪糕包裹着，切開就是tiramisu蛋糕。伴有玉米脆片、爆炸糖，隨著入口後的爆炸口感，終於明白為何命名為炸彈蛋糕了。Tiramisu偏重酒味，中間還夾雜了咖啡凍。另外蛋糕旁還配有幾塊蕨餅。Brunch set配了一杯熱鮮奶咖啡，拉花不錯，入口充滿奶香味。

趁暑假仲得閒，約咗朋友同佢個b女去high tea，b女好乖，全程食嘢都訓左覺，無吵到餐廳入面其他人，我地可以安心嘆返個tea。呢個high tea set有4款咸食，7款甜食，甜品比較多，咸既比較日式。呢個係黑松露野菌芝士酥盒，有一片黑松露系頂，仲有啲芝士，酥盒入面有啲忌廉嘅餡。炸忌廉蟹肉薯餅都好食，入面啲忌廉餡幾滑。呢個係牛油果醬煙三文魚牛角酥，用咗牛角包壓成窩夫模樣，微微脆。食完咸就食甜！甜品最吸引我嘅係雪糕，個眼神好盞鬼，比利時朱古力味都幾濃，不過太細支，一啖就無左！呢個係芒果忌廉泡芙，芒果肉幾甜，入面係吉士醬。2杯都叫咗冰果茶，甜甜地，有啲似水蜜桃味。連埋加一$300有找，元朗比較少呢種3層既下午茶Set，而且要就返朋友帶住個b女，所以我地至在有個舒服又近既地方傾下計聚下。

放假同媽媽去YOHO high tea，見到呢間有三層下午茶食，知道媽媽好鍾意呢類型既下午茶，所以就入去食啦！High Tea Set $258免費跟2杯冰果茶/熱玄米茶，其他飲品需要額外收費。Tea set食物種類都幾豐富，媽媽一見到就心心眼，仲話應該都可以食得飽。上層：比利時朱古力迷你筒開心果忌廉牛油蛋糕芒果忌廉泡芙檸檬芝士餅中層：提子鬆餅什莓拿破崙卷芒果椰汁奇亞籽冰粉底層：牛油果醬煙三文魚牛角酥炙燒黑白芝麻吞拿魚玉子串黑松露鴨菌芝士酥盒忌廉蟹肉薯餅整體覺得咸點好食過甜品，不過價錢比起酒店級數平一半，呢個high tea set都多野食，打卡影相幾靚！

某一天，我跟朋友經過形點，在等待睇戲前入咗呢間店，因為見到啲雪糕好似好有特色就進店試試，誰不知道這裏員工有歧視我朋友的想法，在選擇位置的時候，我最初以為因為店裏面要休息關閉部份不給客人坐，後來才知道原來才知道佢聽到我朋友說話說話帶有國語口音，那個員工態度惡劣大聲說唔可以隨便坐，仲帶有歧視眼光，一間味道普通員工歧視客人的餐廳，令到我呢個土生土長的香港人感到羞恥，一啲待客之道都冇，令客人不會再有光顧的想法😡😡

What a surprisingly nice and worth-trying restaurant in Yuen long which offers good food😍 I enjoy the dinner so much !!! We ate for 1.5 hrs… so jeng 😍 . Worth to give it a try. 👍🏻 The only environment and food are so beautifully decorated. We found the restaurant is fabulous so we seat in and had super nice catch up . We can park car and enjoy the parking discount in the shopping mall. I found the tea set is so wonderful 👍🏻Love it so much 🫶🏻 it’s very full !!! No matter salty one or sweet one !

餐廳cafe咁既裝修，已經覺得好吸引。餐廳仲有戶外用餐區，如果天氣冇咁熱，應該好舒服，今日同🐷先生過嚟試吓佢個dinner🔸芒果牛油果煙三文魚沙律賣相💯分，煙三文魚卷到成朵花咁好靚，芒果又好甜，配埋沙律菜個醋汁好開胃🔸香辣蕃茄汁配麵包超有儀式感啊，佢連埋個爐一齊上，青口份量都唔少，香辣蕃茄汁好惹味🔸明太子忌廉扁意配軟殼蟹天婦羅跟餐有前菜、沙律、蒸蛋🥚同水果茶，雖然跟餐野偏細，但都滿足左心多既我💕每條意粉都比明太子忌廉包裹住，而且意粉嘅口感非常好，真係會唔覺唔覺食晒😚原隻軟殼蟹炸到脆卜卜擺上去意粉上面，好夾👍🏻餐廳門口買埋軟雪糕，見到佢買一送一，可惜今日已經食到好飽，下次再試😌

係Yoho同朋友食飯，決定試下呢間好特別嘅日式fusion菜。Weekday dinner set有好飲足料嘅麵豉湯，入面有好多豆腐，昆布，冬菇，湯一啲都唔咸。茶碗蒸都好好食，個蛋好滑，有菇同嗚門卷同埋雞肉。烏冬非常煙韌，而個湯底好重醬油味，份量都啱啱好。黑松露醬好香同好creamy，同雞扒好夾。雞扒炸得好脆，炸皮好薄，而且一啲都唔油膩，非常好食。Ice Mocha 好重咖啡味，唔會好甜同飲到好滯。經典提拉米蘇炸彈蛋糕呢個甜品好特別，咖啡味好香，有啲爆炸脆脆，加埋cream同蛋糕底，口感好得意，份量都啱啱好，唔會好飽滯。

約咗朋友去Yoho食飯，諗唔到食咩，咁岩經過呢間，見到做緊半價，就入去試吓。餐廳環境都幾靚，但就比較迫。半價商品，日日不同，我這天是意粉半價另外見set都幾多野食幾吸引，所以叫咗個Bento Menu $158入面包咗沙律，日式前菜，湯，茶碗蒸，飲品再加自選前菜，飯/麵，主菜，甜品總共9樣嘢全部味道都唔錯，我哋前菜加咗$20可以再加一樣，所以揀咗炸蠔同炸蝦，兩樣都好脆好好食。飲品冰果茶就好淡，唔好飲甜品雪糕係MVP, 好有驚喜，係有質素嘅雪糕！雖然係Mini版，但份量其實都唔算少。櫻花蝦魷魚汁扁意粉 $148（再半價）份量都多，有超多櫻花蝦，味道口感豐富。

今日嚟元朗睇戲，係yoho見到呢間有啲幾特別嘅fusion菜同甜品就決定試下😍佢有個晚市二人餐，$468包湯 沙律 前菜 一個main course，一款意粉/risotto 同埋甜品，好似好抵食！但因為我哋食唔到咁多，所以最後都係散嗌🫣佢有唔少好特別嘅意粉，我就嗌咗火炙帶子海膽三文魚子味噌扁意粉🍝 ($158)。意粉好重海膽味，一啲都唔腥，重點係非常多三文魚子！係啖啖都有三文魚子，食到好滿足😌帶子都好新鮮好淋~之後杯ice mocha 都好好飲，好濃味唔會好甜，其實佢嘅咖啡味比較突出，鍾意飲mocha嘅人要試下😍Staff好nice，服務態度好好，會同我哋點頭微笑🤣🤣👍🏻佢都有唔少2人枱，好啱情侶嚟食！不過都見到有一枱坐到6-7人，約frd或者同屋企人嚟食都無問題！仲有佢有好多甜品可以揀😍推薦！

𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ · ▎平日喺 ʏᴏʜᴏ ᴍᴀʟʟ 都會俾餐廳門口「 買一送一雪糕🍦」吸引住眼球 🙈耐唔耐都有唔少人食完飯排隊買雪糕咁啱想食下 ᴛᴇᴀ 就嚟試下 ᴏɴᴇ & ᴀ ʜᴀʟꜰ餐廳用餐區分別有 室內同埋室外共兩個依排間唔中落大雨 就無揀到喺室外 ᴄʜɪʟʟ自助掃 ᴄᴏᴅᴇ 落單 食物質素還蠻不錯呢 如果雨天經過 想商場食 ᴛᴇᴀ 醫肚都唔差 「 溫泉蛋卡邦尼扁意粉 」 意粉好掛汁 味道偏忌廉-  溫泉蛋 - 放喺碟中間 配襯紫菜外圍 睇落幾靚咁 「 泡菜豬肉卷意大利飯 」將豬肉片包住泡菜們 再放上煎煎猛煎 外表焦脆 內裏濕潤 口感幾唔錯  是日冰果茶 喺一杯「 桃味冰果茶 」正正常常 有驚喜嘅喺「 焦糖香蕉提拉米蘇牛角穌窩夫 」為係傳統 ᴛɪʀᴀᴍɪꜱᴜ 伴 牛角穌窩夫 原來誤會了 香甜焦糖香蕉 ᴛɪʀᴀᴍɪꜱᴜ ᴄʀᴇᴀᴍ 伴上滿滿可可粉 擺盤美美的 前者焦糖脆片 朋友超滿意 再配襯ᴛɪʀᴀᴍɪꜱᴜ 牛角穌窩夫 口感豐富 又唔會覺得膩☺️最後喺門口換左個「KUROMI 夏日 Q 萌雪糕🍦💜」香芋口味 食落去好重香芋香 🍦💜 份量亦都好大支足夠

收工個陣有股想食日式西餐既衝動，睇下附近有咩選擇，見到One & A Half新開張無耐，決定試下味道如何。閒日有weekday套餐，我同老婆一人叫左個，老婆叫左Weekday Dinner Set Menu，有日式前菜，沙律，味噌湯，茶碗蒸，主菜係博多明太子忌廉扁意粉配軟殼蟹天婦羅。配菜款式多多，睇到人眼花撩亂，明太子意粉滿滿忌廉同明太子，口感creamy，軟殼蟹原隻奉上，份量十足。我叫左Weekday Dinner Bento Menu，有前菜，沙律，味噌湯，茶碗蒸，日式燴牛肉配白飯。前菜都有八款可供選擇，我揀左月見燒雞肉棒，雞肉棒沾上蛋黃混合甜醬油來食，燴牛肉口感唔會柴口，調味十足，配白飯食剛剛好。

放工番黎過左Yoho mall搵食，行左好耐最終入左One & a half叫左兩個定食🍱⭕️有味噌湯⭕️沙律⭕️茶碗蒸⭕️飲品⭕️主菜🍱主菜我叫左明太子軟殼蟹意粉，意粉軟硬適中，醬汁唔會太稀，啱啱好掛到個面，軟殼蟹都炸得啱啱好😇🍱🐻👨🏽叫左日式燴牛肉，牛肉勁軟淋又入味😇，最好食嘅係蘿蔔😂勁淋，仲叫咗個小食見燒雞肉捧，🐻👨🏽至愛🫶🏻🐻平時行過呢度剩係見門口好多味嘅雪糕，原來佢哋嘅定食都好唔錯架🥰

尋日搵雪糕食，見到好大個banner有雪糕賣，咁就去買啦，點知個收錢店員勁冇禮貌，好似阻住佢做嘢咁，全部說話冇尾音，唔該同多謝都冇，唔係話買杯雪糕要你感激我…而係成個過程0尊，咁唔想做我生意就唔好收我錢啦，趕我走啦，今時今日咁嘅大環境你都仲可以咁樣做服務性行業，就睇你做到幾耐啦，跟住過咗1小時唔夠就開始肚痛，我老婆食阿華田味就冇事，但我食牛奶味就出事，可能落唔夠消毒粉落啲雪糕度啫，其實肚痛就事少，但個L樣禮貌差就事大囉！

本身係yoho行過見到間舖menu食物賣相唔差，咁啱星期二見佢意粉半價，就諗住下試啦。點知中晒伏，本身自己係食得濃味的人，叫左個和風露旬牛肉扁意粉，一來到賣相都ok,但一食就知中伏，咸到要叫侍應俾杯水，飲左兩杯水都唔掂☹️！完全係飲完水陣咸味一直係口度…….之後食乜都覺得咸！另外侍應態度都好差，黑口黑面，叫佢俾碟share野食，好似完全無回事，又趕收工咁樣，成日掛住睇電話，咁嘅服務態度同食物質素真係無下次！！！