One Restaurant

營業中

休息中

食材好新鮮，味道好正，食物全部有驚喜，炸物特別好吃，煙肉芝士薯條，炸洋蔥圈，西班牙饭，意大利粉等等。。價錢又抵。平均每個人都係2xx。祇是泊位不大方便。狗狗之友值得去。

因為住深井都食到冇咩好食，呢間餐廳都開左一段時間，都未試過，今日下午終於試試。Order左個肉眼扒配意粉，肉眼扒要求7成熟，肉質好好，幾juicy，味道亦唔錯👍另外都order左燒雞配意粉，雞脾位都好滑，係雞胸會鞋口啲，但整體都唔錯，覺得幾有驚喜，可以再幫襯😊 可能餐廳位置唔起眼先會比較靜，見佢都試業左一段時間，每次行過想入都見到冇乜人，但今次試完覺得可以推介一下，加上餐廳內在環境都幾靚，裝修幾有feel，假期chill下都係一個好選擇。

老實講，今次嘅食評係我深井行之中一次好得意嘅體驗。One Restaurant畀我一啲好homey，又有少少高級嘅感覺，好似一間潛藏喺呢個老社區嘅寶藏咁。首先，講吓個「自家古法深井燒鵝法式清湯」，真係有種「發咗大財」嘅感覺！個湯串咗傳統同創新，d燒鵝味濃郁得黎又唔會太油膩，正！啲燒鵝皮又脆口，佢哋點算會做到咁完美㗎？好得意嘅配搭，令人一試難忘。再講吓主菜，我揀咗個「西班牙辣腸炒美國大蝦仁佐帕丁娜燴菜」。個菜有火侯、又有層次，辣腸同大蝦仁搭得好，口感係真係一流嘅。蝦仁彈牙，辣腸得意，每一啖都係一次美味嘅爆發。嚟到甜點，「核桃布朗尼配雲呢嗱雪糕」呢個係個完美嘅終結。布朗尼香脆又夠濕潤，啖啖核桃，胃口好滿足。雪糕嘅雲呢嗱味道又香又滑，搭埋一齊真係層次分明到不得了。總結，One Restaurant提供咗一次獨特嘅美味之旅，我一家人食得好開心。深井，你仲有啲乜美食秘密藏住？下次我仲一定會再嚟！🕵️‍♂🥳✨

📍 One Restaurant 🐷之前入去做野，都唔知有呢間餐廳，點知🐷仔咁叻搵到間好有驚喜嘅餐廳！平時深井真係食黎食去都係嗰間，估唔到有#chuchu推介 ，食物好有驚喜，室內室外嘅裝修都好有特色！💡最近裝修緊，12月31號會開番，大家可以bookmark定先！—————————————————————❣️ 泰式fusion青檸辣雞翼 $78辣辣哋，好惹味，擠埋青檸酸酸地更開胃！雞翼嘅質感都好好！冇雪味！.❣️ 意大利雲吞配蟹肉海膽醬忌廉汁 $188個海膽忌廉醬好creamy，仲有好多蟹肉係面，意大利雲吞個皮啱啱好，唔會話好厚，入面仲包住左芝士咁嘅嘢！雖然得幾舊，但係都會夠飽！. ❣️ 低溫慢煮美國斧頭豬鞍配時菜 $278上次係出面試過斧頭豬鞍覺得唔錯，今次更好味，好粉嫩，肉質仲唔會好似豬扒咁嚡，🐷最欣賞佢會切曬一件件，唔洗自己切！仲有大量蔬菜，感覺健康左！—————————————————————不專業評分👅好味指數: 8/10💰性價比: 7/10👍🏻推薦: 8/10 —————————————————————🏡地址: One Restaurant (深井)深井青山道42號陳記廣場地

第一次去呢間餐廳，一入到去個waiter知道我係單人食客就好surprise，話我地都welcome。當時餐廳仲有其他食客，聽到waiter咁講個個都望住我，好embrassing。我當時其實好想走，但我覺得一個人有什麼問題，所以我依然保持禮貌，決定最後食完先走，因為錯不是我，但我同自己講真係無下次，blacklist左呢間餐廳。

今午於這深井最高分的餐廳午膳，但原來它周末下午只做Weekend Brunch Set，有七款，但不是每樣都是什麼特別菜式。但千里迢迢，真不想吃些普通的，於是問他們想討個主菜Menu， 但他們說下午不做，只做Brunch Set 🤨 ，OK，再從Weekend Brunch𥚃挑了那個最貴的肉眼扒，又說賣光了😔！好吧，先來個朱古力沙冰，降降温，味道還好。最後，只好點了兩個普通中最不普通的 ...“青芥末蜜糖吞拿魚沙律配芒果油醋汁”，菜新鮮，嫩、脆，不錯的，但說到底還是個沙律而已，沒什麼驚喜。“燒牛肉潛艇包番薯角配kimchi蛋黃醬”，擺盤有點心思，麵包也是熱的，但其實還是一個三文治。吃的途中，旁邊那兩座卻在吃主菜單內的東西，娘娘忍不住向店主反映，店主只能把問題推到小店員身上，講了一大堆無補於事的廢話，也沒有嘗試做點挽回顧客信心的東西，如給一杯free drink🍻😍 ... 唉，沒有下次。

本身住附近，咁岩呢個weekend 冇野搞，醒起呢區有間西餐好似賣相唔錯就打算同家姐黎試下！一入到黎環境唔錯，由於唔係weekdays 所以今日只offer brunch manu，咁我同家姐就order 左肉眼扒同煙肉長通粉。我問個黑衫女侍應肉眼扒有冇得揀7 成熟，佢答我呢度冇呢個option... ok fine 咁我都由佢啦（雖然我未試過食扒個侍應同我講唔俾我要求幾成熟）。之後好快就黎左個扒，我發抬面果把睇落似係牛油刀，我就問有冇切扒用既刀，女侍應就話果度得一款刀 .... 個扒大概4-5成熟， 好彩味道都唔錯，不過把刀真係切唔係幾開d 肉 😅另一碟長通粉都幾好味，d 汁調得岩岩好又唔會太濟，d 煙肉都好香口。因為冇set lunch 所以冇另外order 野飲，我就問個waitress 可唔可以俾杯ice water 我地，點知佢指住枱面杯tap water 話係ice water (好串果隻），呢下真係有d 嬲囉，要乜冇乜要乜唔俾乜咁點解仲要收我service charge? 我同佢講佢bar 枱果d 先係ice water, 佢先極不情願咁斟俾我 😕之後就一路企係度睥住我地

趁住第六波疫情未嚟之前, 趕緊約會好朋友 🥰難得大家都day off 天氣又好 ,特登入去深井行下, 順便去幾個位打卡🤩 本來以為深井淨係可以食燒鵝,但原來都開咗啲好高質cafe !呢間one restaurant仲有露天位置, 有遮陰 ,可以好chill咁嘆個lunch! 又去咗旅行嘅感覺😁叫咗兩個set lunch 第一個係墨魚汁帶子燒大蝦意大利飯😊 墨汁係好濃, 好黑 ,而且仲有兩隻巨大虎蝦 !!可以同朋友share😚燒得好好食 😍好彈牙😍 而且係有炭燒風味 😍蝦頭仲有好多蝦膏 意大利飯亦 粒粒有口感 分量都多😊另一個我哋叫咗蟹籽蟹肉意大利飯 有好多 蟹肉蟹籽 個汁好香 但可能我地兩個都叫意大利飯 食完有少少漏 😂不得不讚佢嘅餐湯同牛角包餐包 好小餐包用牛角包外脆內軟而且忌廉湯亦好濃郁 拎嚟點包啱曬😚隨餐送嘅熱水果茶 亦好香果味 好大杯同朋友一路傾計一路飲啱曬😙

今日又係我銅鑼灣食神微服出巡，我都好喜歡，揸車四周圍去食野。今次嚟到深井唔係食燒鵝，係去一間叫One Restaurant試吓菜。食飯梗係有靚女，今日同Ceci去食飯，去到深井呢間嘢，其實都好易搵喺兩個建築物中間嗰條巷直望就見到。易搵嘅。唱得我食評當然要講下四周圍泊車情況，嗰頭屋苑可以泊車，街王嘅都可以。睇情況啦。間餐廳環境幾好餐具都幾精緻，我叫咗杯冇酒精嘅Mojito，靚女個杯係特飲係熱情果，我問過佢，佢都話OK幾好飲。頭盤嗌咗個三文魚share，唔錯幾好！靚女節食減肥嗌咗煮蜆，我就叫咗羊架。嗰個芥辣汁幾好食。順帶一提餐包都好特別應該係斑斕。環境幾舒服，整體感受都唔錯。值得一試。

交通方便，靜中帶旺，環境舒適優雅，裝修擺設高檔次，有分室內及室外區域，空氣流通，現在疫情是相當好的飲食環境。加上外面擺放漂亮植物，感覺相當舒適。食物水準不錯，有酒飲。服務員態度友善親切。到深井探朋友，飲下午茶，朋友帶我去這間餐廳，叫咗兩杯嘢飲，一個炸雞小食，店裏特色炸雞，皮薄香脆，有幾片香菜，搭配自製醬汁，口感不錯。叫咗杯mango smoothie ，細滑香甜，分量十足。有機會下次再來晚飯☺️相信情調一流。

勞動節假期長週末當然想找一個休閒的地方，香港很多地方都去過，於是就突發奇想去遠少少的深井探索一下。.深井當然最出名燒鵝，在陳記廣場附近就見到陳記燒鵝娛記燒鵝等等的招牌。轉入去少少就見到這一間非常優雅別致的酒吧餐廳。餐廳是我開放式設計，非常通透。服務生是外國人說英文的，零舍有就發的快活情懷。.Lunch set $150-$200左右，包餐包飲品及湯；餐包是牛角包，即叫即焗，香口夠脆。今日餐湯是蕃茄湯，濃郁又有自然的蕃茄味。.意大利肉丸長通粉 $138 - 很經常的肉丸意粉；蕃茄醬恰到好處酸酸地又甜甜地，很開胃。肉丸4粒，好juicy，很得出加入了香草，煙煙韌韌。蟹肉什菌意大利飯 $158 - 賣相好ok，加入立體芝士脆脆，加入蟹籽、菇類及沙律菜，好似是花叢似的。食得出啖啖蟹肉香，味道層次豐富。.Lunch 包一杯飲品，可以選擇熱美式咖啡/熱檸茶/熱果茶/熱奶茶/熱伯爵茶/凍桔子汁；款式很多元化。

疫情緩和可以外出吃飯😬👍🏻我又選擇早些開餐免得掙位啦！開車去到深井覓食，看到一間幾有情調的西餐廳，因為時間尚早，天氣又不是太熱，於是選擇坐在露天位置，香港地要找一間寬闊而坐得舒適的地方，談何容易，來到這間餐廳，看到佈置就知道有心思及誠意。相信大家見到這個場景都要打一打卡啦！😍同時當坐下來，侍應哥哥好有心機介紹特色菜色，令我感覺到他對自己工作熱誠與專業，亦令客人好被重視的感覺，這是我到不同食店時，往往我們關注食物質素，其實服務質素也是一環重要的過程，侍應哥哥的優質態度令我不禁問他怎樣稱呼，原來他叫Felix ，Felix介紹了一個鵝湯比我，他說這鵝湯好特別，是一位女廚師親自創作，好！先點這個鵝湯試試。我問他是否因為深井燒鵝太有名，要創作一個鵝湯給深井食客？他笑著說：是！😂😂😂首先出場有😬深井古法燒鵝法式清湯 $128推介指數：⭐️⭐️⭐️⭐️這個湯來到時，令我喜出望外，因為湯用透明壺盛載的，然後Felix 分配好兩碗湯出來，一飲時聞到燒鵝味道，第二個感覺是清甜，原來這湯用法式方法製作，用雜菜及燒鵝去煲，隔油及隔渣的功夫一流，湯清澈不油膩滲出鵝香，奉上切粒鵝肉及一塊脆身的鵝皮，真心飲出食出燒鵝的靈

放假去深井放鬆一下心情❤️咁啱今日天氣都好好～行到咁上下有啲肚餓，無意中比我發現呢間隱蔽西餐～又幾好生意喎🙈佢分左室外同室內座位～今日天氣咁好梗係坐室外啦🤣整體評分：7/10味道：7/10服務：6.9/10環境：7/10人均消費：$100-200地址：One Restaurant (深井)深井青山道42號陳記廣場地下G,H,I號舖大蝦海膽墨魚🦑汁意大利飯（$188）：個意大利飯值得一讚😋米有夾生唔會過熟過濕，粒粒飽滿，配上海膽墨魚🦑汁好creamy😍 大蝦都好大隻肉丸長通粉（$138）：影相幾靚🤣食落就正正常常不過不失，長通粉煮得啱啱好有口感，肉丸厚實，唔錯❤️桑果汁🍹（跟餐）：酸酸甜甜好解暑

深井唔一定要食燒鵝😏 呢日約咗一位住喺深井嘅街坊食飯，而佢就係我嘅中醫師阿哥。我哋別樹一格，覺得喺深井食吓西餐都好唔錯。好彩佢冇因為戒口而叫我咩都唔好食⋯😜·深海大蝦海膽醬墨魚汁意大利飯🇮🇹好欣賞廚師對蝦嘅處理，本身已經開咗邊，而且蝦🦐又唔黐殼，蝦肉好容易取出，仲有海膽醬又滲曬喺蝦肉到，鮮味十足。墨魚汁意大利飯唔使講都知係會黑色，鍾意佢煮得夠乾身，冇多餘嘅墨魚汁，而且又有返適量嘅墨魚汁喺飯到，做到啖啖墨魚味～食完之後又唔會成口黑曬有墨魚汁🦑，好食得嚟又唔會失禮～👍🏻👍🏻好想特別讚一讚佢嘅擺盤，睇得出係有心思同設計嘅！仲喺碟邊放咗啲蝦籽粉做點綴～🥰·精選澳洲羊扒配薯蓉🦘羊臊味十足～係我本身鍾意食羊嘅原因，而佢係有嘅～ 薯蓉同雜菌嘅配菜喺種類同份量方面都係夠嘅！薯蓉嘅忌廉味濃，而羊扒煎得啱啱好，唔會話煎得過熟變柴皮！😌 咁本身用香料醃得夠味，食落仲有少少肉汁同仲有少少血紅色，我覺得係處理得幾好喎～😎·ONE MAMA秘製炸雞件🍗雞件夠大嚿，啱啱炸好又夠脆口，脆皮又唔會話太厚，一切都啱啱好～ 加埋少少甜甜酸酸又類似胡麻醬一齊食，又幾開胃啵～😋😋·是日餐湯—大蒜薯仔湯🧄同我想像嘅一樣，係一碗濃

深井站📍One Restaurant-大西北既牛牛第一次踏足深井，不過唔係去食燒鵝😹本身係去汀九灣泳灘，順路就去埋深井食個晏🙌🏻蟹肉雜菌意大利飯套餐（$158）呢個risotto睇落唔多，食落超飽！香濃蟹肉味，每啖飯都有雜菌👍🏻飯既軟硬度適中，面頭仲有飯焦脆片。呢個lunch set有餐湯（薯仔🥔湯，夠綿夠creamy😻）、牛角包同一杯熱飲，女朋友叫左杯果茶，清甜解膩。松露醬巴瑪火腿芝士乳酪烤餅（$128）呢個好似pizza咁，薄薄餅底配埋大大pat cheese🧀、Parma ham，邪惡配搭一定好食😋雖然同樣睇落唔多，但食落好飽！ONE首創麻辣薯條（$78）呢個麻辣薯條辣到S眼也噴火🔥唔知大家有冇返大陸食過烤土豆，隻味差唔多，但麻辣味再重d，好惹味😋😋😋食到嘴唇少麻痹，但又停唔到口😈份量好多，竟然食唔晒😹（第一餐食辣野最後當然廁所見🚽）環境方面，餐廳有分室內室外，不過呢排天口熱，多蚊，我就坐返室內穩陣。餐廳環境好chill，慢慢坐底食晏好悠閒🙌🏻