OPPA Coffee Bar Restaurant

營業中

休息中

‘平時見呢間餐廳都排曬隊，今日食飯晏咗少少就過嚟睇下~三色韓國煎餅呢個迷你三色煎餅有蔥煎餅、泡菜煎餅同埋南瓜煎餅，每種味道都有自己嘅特色，口感比較紮實。紫菜包飯海苔香氣十足，略嫌餡料可以多少少，份量比一般紫菜包飯多，適合share。泡菜五花腩湯五花腩都幾鮮嫩，泡菜嘅酸辣味令湯品更加提味。配埋啲新鮮蔬菜，口感更加豐富。環境🤍🤍🤍🤍🩶味道🤍🤍🤍🤍🩶打卡🤍🤍🤍🤍🩶抵食🤍🤍🤍🤍🩶

放工約咗朋友食飯，朋友好鍾意食韓國菜🇰🇷於是就提議去尖沙咀韓國街睇睇有咩食👀見到有間人氣餐廳招牌寫住「OPPA」，朋友就下意識衝咗入去啦！海鮮蛋漿熔岩炒飯 $198————————————熔岩一定係熱到爆啦🔥首先店員上炒飯嘅時候，周邊已經圍住成圈芝士🧀之後再添上加咗奶嘅蛋漿同多啲芝士，然後用火槍噴到啲芝士變軟同焦香，即刻勁拉絲！店員好貼心地將芝士同炒飯拌好，芝士同炒飯融為一體，店員拉到個飯好高，啲飯都唔會跌！一入口，真係好正呀🥹熱辣辣嘅芝士拉絲加入味嘅海鮮炒飯，太夾啦！三色韓國煎餅 $168————————————好鍾意食煎餅嘅我🫓見到可以食三款煎餅真係好吸引呀！包括有泡菜煎餅、蔥煎餅同南瓜煎餅，每款三件。韓國人食煎餅時會配上米酒，酒精濃度低，酒精味唔會太重，揀咗青葡萄味，價錢$110一大枝！有甜甜嘅米香同甜甜嘅果味，微微嘅碳酸氣泡感，好Smooth嘅感覺，配搭煎炸食物非常解膩🍶馬鈴薯排骨湯(small) $188————————————天氣轉凍❄️想飲啲暖胃嘅湯🥣排骨煲到一夾就骨肉分離，入口啖啖肉，薯仔都幾淋🥔小份嘅食材都好豐富，韓式辣醬味嘅湯好香濃，飲完暖返晒！

香港既韓國餐廳越嚟越多，就好似尖沙咀📍令人置身真正韓國🇰🇷今日呢間餐廳可以輕鬆揾到各種韓國經典菜式🍽️馬鈴薯排骨湯 🥔🍖🧄 一道滋補湯，豬排骨、馬鈴薯、蔥、蒜同各種韓式調味料。湯頭濃郁，肉質鮮嫩，馬鈴薯煮至軟爛，吸收肉汁香味🍲✨韓式炒粉絲 🍜🥕🧅🌶️ 各種蔬菜，胡蘿蔔、洋蔥等炒粉絲，調味料以醬油、糖、芝麻油為主，味道鮮美，口感滑順😋傳統炒年糕 🌶️🥢是年糕、魚板同蔬菜，用甜辣醬炒製。年糕口感彈牙，搭配濃郁醬汁，味道香辣可口🔥OPPA Coffee Bar Restaurant📍金巴利街1F號地舖

先切入重點！芝士熔岩炒飯果然名不虛傳！絕對值得再試！佢D 芝士嘅份量啱啱好，又唔會多到太漏，又食到滿滿嘅芝士香味，啖啖都拉絲，仲要食到最後其實已經凍咗，都仲咁好食😋😋 今次嗌咗雞肉蛋漿，下次要嗌泡菜先！薯仔排骨湯，排骨好冧，一咬就散湯頭好味，少少辣感，冬天飲哩個湯真係不得了😌 可惜！！薯仔一D 都唔冧，完全唔入味，好明顯排骨湯就煲好耐，薯仔新鮮揼落去，上菜食嗰陣仲有新鮮嘅感覺😂 敗筆，食一次就夠 (如果純粹想enjoy個湯同排骨，哩個絕對岩你！)朋友推介話煎餅好食，但！今次失準了🫠 煎餅感覺味煮熟，表面唔脆，內裡又有粉漿感覺。即刻同staff講，雖然都即刻換咗碟，新一碟除咗表面燶咗之外，裡面仍然有粉漿感覺，相信係嗰日嘅粉漿開得唔夠好，點煎都係咁～ 個friend 食完都話今次真係唔得，之前好好食 環境有D窄，坐得唔算舒服；樓面得兩個staff，做唔切咁，所以唔好expect service；預約7點半，但等咗半個鐘有多先有位，今次嘅體驗令我覺得，未至於好食到要喺寒冬中等半小時😅 但為咗個熔岩炒散會再嚟，到時試吓其他嘢

好耐之前黎過食 果陣有Oppa整拉絲飯🤩係間主打芝士熔岩飯嘅韓國菜😝基本上每枱都會叫～岩哂芝士控打卡 平日夜晚去食飯時間都滿滿地 但7:00到都仲有位嘅秘製章魚蛋漿熔岩炒飯 ($198)鐵板熱辣辣上枱 店員會倒芝士蛋漿 再用火槍燒融芝士同搞勻 打卡一流🤩視覺效果超正 食到好多cheese 微微微辣 稍為偏鹹左d蜜糖牛油炸雞 ($198)揀左有骨 簡單地淋上蜜糖 炸雞外皮香脆 薄身d嘅話就更好 底下有薯條 份量多 另配酸蘿蔔解膩

可能係韓國街最好食嘅餐廳😚泡菜蛋漿熔岩炒飯 $188呢個炒飯一直都令我念念不忘⭐️又好睇又好食😍個飯係超濃泡菜味嘅炒飯，加入蛋漿同芝士粒現在燒熟，惹味嘅炒飯浸喺軟綿綿嘅芝士蛋漿入面，職員喺面前不停拉絲，令人又愛又恨，愛就係影相勁靚，恨就係拉完未呀好想食呀🤭三色韓國煎餅 $168心大心細食邊款煎餅好？小朋友先要選擇，我三款要哂。細細塊比較厚身，蔥嗰隻最惹味。紫菜包飯 $98呢個係傳統嗰種紫菜包飯，好飽足，充滿麻油香味。

韓國去完旅行返嚟之後好掛住佢哋嘅食物🤭今日一於去尖沙咀呢條韓國街搵嘢食🙂‍↔️聽講佢哋嘅熱熔芝士好出名😍芝士控嘅我點可以錯過熱熔芝士炸雞外皮酥脆，內裡的芝士流心，每一口都令人陶醉。佢哋係鐵板上，好多拉絲放咗好耐都唔會凍 可以同朋友邊傾偈邊食啦 😍牛骨湯濃郁醇厚，湯底香氣四溢，讓人感受到肉骨的精華。牛肉肉都可以食埋好腍。兩者1 齊食，炸雞的香脆與湯的溫暖形成完美對比。冬天食真係暖笠笠 ～～👍🏻👍🏻

尖沙咀金巴利街又叫韓國街，咪有好多唔同嘅韓國餐館都集中喺呢度。不過餐廳普遍都係傳統韓國味道，而呢間就主打新潮嘅年輕人路線!嚟到呢度，當然要食佢哋最出名嘅⭐泡菜蛋漿熔岩炒飯 $188- 餐廳員工即場為我哋製作爆漿嘅熔岩炒飯，芝士嘅香味四溢，睇到都口水流!真係有得睇又有得食!😋🍕韓國韭菜海鮮煎餅(大)$160- 煎餅份量十足，而且韭菜同埋海鮮比例啱啱好；每塊都煎得好薄身，上台嘅時候仲熱辣辣，點埋佢個醬汁食，真係好美味!🫔蟹膏蟹肉紫菜包飯 $108- 紫菜包飯出邊都成日食，但係用蟹膏蟹肉做配菜，我都係第一次食，口感新鮮!

今天來到尖沙咀金巴利街吃韓國菜，這家餐廳有韓國炸雞，泡菜蛋漿熔岩炒飯和蟹膏蟹肉紫菜卷等等的人氣韓國菜。牛肋骨湯 （細）我們兩個女生點了份量較少的牛骨湯，湯底鮮味，牛骨份量豐富，蘿蔔亦入味。魚糕湯魚糕和年糕等等，都是我的最愛，所以是必點的菜式😆 魚糕有兩串，魚糕有條狀，有片狀，還有獅子狗，滿足到我喜歡吃不同口感魚糕的願望。蟹膏蟹肉紫菜包飯這個紫菜包飯，我一眼便相中了它，這個紫菜包飯除了蟹膏以外，還有蛋絲和甘筍條，清新的甘筍條中和了蟹膏的膩，推薦！其實很想嚐嚐它的人氣炸雞，可是我們兩個小女生只有兩個小鳥位，唯有下次再來了。🥹

見到OpenRice都幾高分試一試佢先🤭🤭🤭見到大家都話必試蛋漿熔岩炒飯我就試一試佢嘅海鮮口味 $198完全冇諗過真係有個oppa專人幫你烹調 🥘味道都幾唔錯 兩至三個人share就啱啦🌟🌟人氣炸雞，又係個個推薦我揀咗蜜糖牛油口味$208皮薄肉嫩 直程想外賣拎返屋企今晚煲劇嘆～仲有勁多薯條㖭啊，仲有個紫菜包飯 $108蟹膏蟹肉，人氣首選我反而覺得普通咗如果可以，會偏向傳統韓式飯卷我下次會想試埋其他口味

聖誕自製年假很開心一早planning 要男人陪我去食呢個炒飯之前肥朋友社交平台分享，佢啲芝士拉絲令我好深刻見到差不多檯檯都點了呢個🔥蛋漿溶岩炒飯見到店員起每檯都放火🔥🤭好熱鬧大家睇下以下圖片就知，個火都唔細架，仲要「蓬蓬聲」，由加蛋漿、超多芝士🧀、放火去到炒飯，店員都一手一腳處理好，我地舉高手機就可以等食架啦📷個芝士可以拉到好高，大癲🤣但又真係好正，因為我超鐘意食芝士🧀（月巴🤪）飯底本身是炒飯底，所以本身都夠味，但多食係會漏嘅所以另一份點咗份🥘細牛肋骨湯濕濕口，牛肋骨燉到好稔，入面仲有洋蔥🧅和韓式粉絲，好豐富

🐙 秘製章魚蛋漿熔岩炒飯（$198）店員先將蛋漿同芝士倒入炒飯當中，然後用火槍加熱燒熔，再將蛋漿，芝士同炒飯一齊撈勻，芝士仲可以拉絲拉到好高，睇住成個過程未食都已經流緊口水；每一啖炒飯都有滿滿嘅芝士，十分邪惡，中間仲夾有彈牙嘅章魚，口感豐盛，炒飯調味偏咸如果味道淡少少就更加完美🍲 魚糕湯（$220）魚糕湯好大份，入面有兩大串魚糕，水煮蛋，年糕，白蘿蔔，洋蔥，紅蘿蔔等非常足料，而且湯底比較清甜🫔 JUMBO 芝士蛋卷（$188）一上枱我同朋友都俾佢嘅份量嚇親，有我成隻手臂咁長😱蛋卷上面鋪滿左滿滿嘅椰菜絲，蛋卷煮得好滑啱啱好唔會老，裏面包左紫菜，芝士，配埋面頭嘅椰菜絲一齊食，中和左芝士嘅膩

佳節當前，心血來潮想食韓國料理，於韓國街找到一家咖啡店裝潢以灰色主題牆及木色系為主，加上磚頭裝飾，水吧前擺放一系列韓國燒酒簡單工業復古風裝修充滿韓國色彩，播著韓國歌曲，適合和朋友聚會餐廳由來自釜山的韓國人親自主理，提供正宗風味的韓國料理，主打炸雞及熔岩炒飯韓式煎餃子肉汁豐富，酥酥脆脆的外皮咬起來喀滋喀滋牛肋骨湯非常足料，油份不多，多喝一點也不會覺膩蟹膏蟹肉紫菜包飯內有蘿蔔絲蛋絲等配料，口感非常豐富

繼續喺韓國街試韓國餐廳，嚟之前上網搵到呢一間都好多人推介就即本喺朋友生日試吓。餐廳環境係十分之逼夾嘈吵，我就訂咗枱諗住位置會好啲，但係點知安排坐喺飲品吧隔籬全程就聽住洗杯聲水喉聲開野飲聲好嘈。。。 叫咗四樣嘢食，最surprise係個韓國蛋捲，簡單啲嚟講就係一舊好厚嘅玉子燒，蛋香味濃，而且仲有大量沙律陪襯10分有用（之後你就會明我講咩）。第二樣就係八爪魚芝士拌飯，四個字，冇乜特別。第三樣就係海鮮韭菜餅，都係一樣，冇乜特別，韭菜好多海鮮得幾粒，未至於難食但又唔想繼續食咁。第四樣，韓國嘢梗係不少得有炸雞。但係呢一間嘅炸雞有啲難頂，份量的確係多，但每一嚿雞肉嘅份量佔比就十分之少，粉皮多到爆，直頭同氣炸鍋嗰啲急凍炸雞有得比，雞肉真係好少，同埋完全冇乜味道可言。。。呢個時候啲沙律就好有用，夾埋一齊食起碼叫做調返個味。

今日試一試呢間位於尖沙咀聽聞人氣好高嘅韓國菜 OPPA Coffee Bar Restaurant 。餐廳座位唔算多，晚上七點後已經坐滿排隊，大部份客人都是一早訂左位。餐廳佈置簡約，正值聖誕節，餐廳都有悉心加咗充滿聖誕氣氛嘅擺設🥰無骨甜辣炸雞 ($208/半份)雞肉嫩滑，炸皮香脆，配合韓國甜辣汁，底下亦有薯條做陪襯，不錯不錯。三色韓國煎餅 ($168)三色包括泡菜煎餅，蔥煎餅和南瓜煎餅，色彩鮮艷。蟹膏蟹肉紫菜包飯($108)濃郁嘅蟹膏，配搭紫菜包飯，內有蘿蔔絲蛋絲等配料，口感非常豐富。📍 OPPA Coffee Bar Restaurant (尖沙咀)尖沙咀金巴利街1F號地舖營業時間：星期一至四 12:00-22:30星期五至六 12:00-23:00@oppacoffeebar.tst #韓國餐廳 #尖沙咀 #尖沙咀美食 #甜辣炸雞 #紫菜包飯 #韓式煎餅 #koreanfood #ginseng #dumpling #dumplings #hongkongfood #hongkongfoodie #hongkongfoodies #hongkongfoodblogger #hkfo