Orange Elephant Thai Restaurant (博文街) (已搬遷) 新店位置

無得去旅行咁耐，總會想食下不同國家嘅菜式。今晚我地就去左大角咀博文街嘅橙象。橙象最抵食嘅就有每日都有唔同嘅一蚊超抵優惠，顧客可以用$1優惠價品嚐泰式明爐烏頭魚、飛天通菜、黃咖喱雞等唔同嘅特色泰菜。我地今日嘅一蚊優惠菜式就係泰式明爐烏頭魚，原價要$169，即係平咗$168，超抵。🔸泰式明爐烏頭魚（優惠價$1)食泰菜最鍾意叫泰式明爐烏頭魚。依家有優惠價就更加唔可以錯過。熱辣辣原條魚上檯，仲有明火一路燒住保溫，配搭肉碎、香茅、辣椒、芫荽及青檸等材料煮成酸辣魚湯，湯底香濃惹味，味道酸辣，愈食愈開胃。🔸泰式滷水豬脾焗粉絲煲（$106)平時都好鍾意食泰式滷水豬脾，而加埋粉絲都係第一次試，估唔到原來咁夾。睇粉絲顏色都知道已經索哂滷水汁嘅味道，而泰式滷水汁味道偏甜，食落唔會死鹹。再加上滷水豬脾啖啖肉，肉質軟淋，豬皮炆煮得入口即溶。 🔸椰青焗海鮮飯（$104)椰青焗海鮮飯用料非常豐富，有大蝦、魷魚、青口、魚塊等等。炒飯當中更帶有椰肉，食落椰香味道富有層次。可能唯一美中不足嘅就係加入左青豆，對於唔鍾意食青豆嘅朋友就要花啲時間揀走佢。🔸特選椰青（$42)🔸芒果冰特飲（$36)

晚市終於重開，適逢星期三，立即走到去附近大角咀的Orange Elephant吃「每日$1優惠菜色」星期三有得就是我好愛吃的泰式明爐烏頭魚！除了一般的登記及消毒，枱與枱之間仍有膠板相隔，職員還會遞上熱滾水給客人洗食具。先點兩杯泰式飲品，《椰青 $42》及《青檸梳打 $28》。椰青肉很嫩又易刮，椰青汁亦清甜解渴。青檸梳打酸酸甜甜很解膩。《鐵板蠔仔蛋 $92》- 第一次吃泰式蠔餅，上菜是熱辣辣很新鮮，蠔仔肥美，加上蛋香味道不錯。《蛋網海鮮金邊粉 $88》- 蛋網漲卜卜，賣相很吸引，蛋網下有炒得均勻惹味又多料的金邊粉，拌勻花生碎各配料，再加鮮青檸汁實在提味又有口感。《泰式明爐烏頭魚 $1》熱辣辣連爐送上，魚大條又厚肉，絕無將貨就價！另隨湯汁和兩款醬汁，湯底酸酸香香，令魚更好吃。今晚真抵食！

未爆第4波之前去左大角咀博文街這間 Orange Elephant Thai Restaurant食 DINNER，因為疫情，呢間餐廳每日都有一蚊優惠，星期六嘅一蚊優惠就係一蚊一支啤酒，有泰式啤酒或者青島啤酒揀，我哋揀咗泰式啤酒，非常抵飲。我地點左泰式拼盤，焗蒜茸包和黃咖哩牛腩煲。佢地D 嘢食唔錯，黃咖哩牛腩煲幾好味，牛腩好林，但個咖喱上菜嗰陣唔係好熱，如果佢整熱啲，會更加好味。個蒜蓉包好正，有5件，好脆好香。另外，服務好好，值得一讚。

今日約咗朋友喺大角咀食lunch，由於我早到，所以先坐低。店員比左一張八人枱我，其中一邊係sofa位，而枱中間有一塊隔板（二人限聚令），我一坐低既時候咁啱喺面對住隔板，其實係因為sofa有d cushions，咁我坐低果陣就順手整理一下d cushions先啦，點知比個操泰國口音既阿姐喝我，叫我唔好坐中間，一係左邊一係右邊。其實我個人都未坐定，洗咪咁趕啊… 跟住我坐番左邊，同埋話“你放心，我2個人啫，唔會霸你張八人枱”。我自問都唔係大聲，只係想解釋番比佢知。跟住佢仲要好激動“阿小姐，我都係叫你地坐番對面啫”，跟住我覺得好odd，枱中間有塊隔板，我2個人點會打橫坐啊…分開食咩？！ 然後我就話“ok啦，我2個人唔會打橫坐”。本身都未發火，頂佢仲要keep住講“我唔講我驚你地打橫坐啊，叫你地打對面坐啫（下刪幾十句……）” 佢仲要喺度指手劃腳，我都已經廢事比反應，佢keep住講左好耐，佢講完仲要keep住啤住我，哇我真係好無奈囉。我個朋友話就快黎到，我間唔時都會望門口嗰邊，次次都見到佢係望／啤住我，大佬我點食啊！！！？？真係想爆粗，個friend岩岩黎到我就直接出左行出門口，完全無晒胃口，同個

原隻菠蘿海鮮焗飯不夠乾爽，有些濕，同埋有臘腸，感覺怪怪哋；豬肉鬆可落多啲。金邊粉同樣不夠乾爽，有些濕，算條條分明，蛋絲可放多啲。拼盤啲魚餅芫荽落得多咗啲，蝦餅唔錯，春卷不俗，荷葉包雞都可以雞肉串燒算嫩，沙爹醬可畀多啲黃咖喱唔辣，啱口味牛肉咖喱很好，算嫩蒜蓉包唔係夠夠都有足夠蒜蓉豬頸肉嫩而不肥，有嚼勁軟殼蟹好味，避風塘味，份量多啲會更好蜆鮮味，少辣，可接受總括而言，有折自取外賣都叫抵食，原價都算貴，一個原隻菠蘿海鮮焗飯都要過100，有啲貴。

突然講起話好掛住泰國於是我同男朋友即刻就即興去返個泰國餐廳食返餐泰菜😂😂係啊 我其實真係好希望係寫即興去返個泰國之旅🤧不過冇辦法啦 依家只好食泰菜頂下泰國癮先😂今次揀咗嚟大角咀嘅🐘Orange Elephant 餐廳裝潢寬敞舒適 同朋友傾計食飯一流呢度有我最鐘意嘅椰青焗海鮮飯入口啖啖椰香味😌海鮮有青口 🦐蝦同魷魚🦑仲混合咗椰青肉 腰果 提子乾等等配料 口感層次十足食泰菜又點少得泰式咖哩我地就叫咗泰皇咖哩炒大蝦🦐佢嘅咖哩汁都係屬於椰香味濃厚 味道偏甜唔辣入面仲加咗滑蛋 口感香滑配飯或者蒜蓉包就啱曬😋另外呢度每日都有唔同嘅$1菜式星期一就係呢個泰式炸蝦餅外皮香脆 蝦餅緊實彈牙點埋泰式酸甜醬汁 食落勁惹味🤭而且只要$1就可以享用到 真係勁抵啊！

2020年都就黎完，出街食過既餐廳我諗10隻手指都數得哂...正正因為咁，更加要精挑細選！今晚7點都未到，就到左呢間餐廳。裝潢好Chill，好適合gathering不過疫情下就同老公二人撐枱腳先啦！蛋網海鮮金邊粉 ($88)超足料!  有原隻青口和魚柳。但較濕身既質感。另外加d辣粉更有層次。香蒜軟殼蟹 ($92)超香口！好適合撈飯！蒜香唔會蓋過蟹鮮味！咖哩海鮮脆包盅 ($148)特選椰青 ($42)椰汁冰 ($28)咖哩偏甜，包盅真係好爽脆，配汁一流！堅推！記得趁熱食題外話... 唔知係咪因為疫情，餐廳提供左一盤熱水俾我地清洗食用既餐具。衛生俾滿分埋單時候全場都未爆，希望飲食業可以好快過左呢個寒冬啦！

之前有黎食過 但未試過佢地既$1烏頭魚 所以今次特登check定睇下啲優惠 逢星期三先有$1，烏頭魚食架！ 啲優惠中覺得最抵係呢個😆😆Selected Young Coconut $84椰青一樣好味 清甜解渴👍🏻 但一個椰青嫩啲一個椰子肉無咁嫩～（睇運氣）🤣黃咖哩牛腩煲 $86呢個黎到係微溫既 牛腩係一口牛既size 比起其他菜式稍微遜色一點🤔燒原隻魷魚筒 $99呢個都好味 魷魚筒非常彈牙新鮮！泰式明爐烏頭魚 $1$1黎講真係唔錯 魚既大小正常 肉質與平時食開既烏頭一樣～ 但點左佢地既酸辣汁真係惹味啲好味啲😋

放工即興同同事行咗去大角咀食晚飯，原來大角咀都有「Orange Elephant」。之前經過九龍城同北角已經想食橙象🧡🐘，呢日竟然係喺大角咀食！餐廳面積幾大，坐得尚算舒服，而且我仲留意到店員真係正宗泰國人嚟🇹🇭，不過佢哋都識講中文。椰青焗海鮮飯($104)，呢個飯真係以原個椰青焗製🥥。由於以大椰青作為器皿，所以份量真係超多！海鮮種類頗豐富，有大大隻蝦🦐、青口同鮮魷等🦑。不過我自己更為欣賞係個椰汁，甜甜哋幾惹味，亦令飯粒夠濕潤。你睇吓，我哋成個飯食哂㗎😃，超捧場。黃咖哩牛腩煲($86)，煲仔熱辣辣🔥，黃咖哩辣度恰到好處。牛腩大大件之外，仲有我好鍾意食嘅薯仔🥔。如果唔係叫咗椰青飯，我一定會叫碗白飯撈汁。酸辣去骨鳳爪沙律(原價$72)，呢個係星期二嘅$1菜式。老實講，七日入面我最無興趣係呢樣🙊。不過餐廳整得都算唔錯，夠開胃。飲品方面🥤，我哋要咗番石榴冰($28)同青檸梳打($28)，前者比較少見，味道幾特別兼好飲🤤；後者則正正常常的好飲。總括嚟講，橙象嘅泰菜大大碟，我哋兩條友嗌三碟夠哂食，埋單人均$150搞掂，比想像中平 😛。最後，我上載埋大大本A3 Size嘅餐牌以供參考。

前幾日揀咗一間泰國餐廳吃飯。因為朋友想食魚，佢又有得加一蚊跟機，唔係，係一蚊加個指定菜色。兩個人食咗唔洗$400，有兩餸一飯加一人一個飲品。先講吓加一蚊嘅係咖哩雞肉，係冇骨嘅淨肉。味道幾好，因為佢有少少甜，好香椰香。一蚊唔好指意佢好多啦，但兩個人都夠分。之後有香葉辣椒炒飯，辣味好勁，好在有個甜甜地嘅咖哩中和下。建議不太吃辣的朋友可以試試叫少辣。佢有得揀豬牛雞，我們要了豬肉。重點嚟喇，就係條泰式盧魚。一向都鐘意食熱辣辣嘅嘢，佢上菜之後點火。一路食一路煮，所以會越食越入味。個火差不多食完之前會自己熄，份量遇到啱啱好、唔會燒焦。好鐘意佢個味道，下次會試埋其他兩個煮法，一個係冬陰公，另一個唔記得咗。飲品都好新鮮，有全個椰青、同珍多冰，我飲椰青勁凍同勁新鮮！

講到泰國野，無理由唔識呢一間，呢一間泰國菜已經開咗好幾年，北角、九龍城同埋大角咀都有分店。今日，我又突然之間好想食泰國菜，所以就同朋友嚟咗大角咀呢間度食。一入到去，由於疫情關係，量度體溫係必須嘅，另外，因應疫情，佢都會用返透明膠板簡開社交距離。今次，我哋就叫咗一個大嘅冬陰功湯，泰皇咖喱炒大蝦，同埋加一蚊就可以換一個黃咖喱。加一蚊嘅玩法，佢會因應着每日而有不同嘅換購食物。嘢飲方面，我哋叫咗一個椰青，同埋芒果沙冰。冬陰功湯，配料10分足夠，大蝦🍤起碼有五至六隻，佢嘅辣度，啱晒香港人嘅口味，唔會話十分之辣，但係都保持倒佢原有特別嘅味道。泰皇咖喱炒大蝦，餐牌上面已經寫明只有兩隻，但係大蝦嘅size，真係十分之大，所以一個人一隻就啱啱好，佢仲會幫你劏開一邊，所以上菜就有4邊蝦啦，share 食又得，佢個咖喱都相當特別，亦都相當多，所以我同朋友係可以一人一碗飯不斷咁樣撈咖喱食。黃咖喱，一蚊咖喱黎講，佢一啲都唔hea，仲非常好食，佢唔似值一蚊，似值幾十蚊，呢個價錢加依個味道再加埋呢個份量，超出性價比👍👍呢度嘅服務都相當好，員工10分有禮貌，同埋有耐性👍👍👍少少貼士，入得泰國餐廳，白飯係必備嘅，仲要記

今天專程到大角咀吃泰國菜, 橙象每日都有一款一蚊泰菜的優惠,十分抵吃。泰式明爐烏頭魚星期三可以以$1換購的一條明爐烏頭魚想不到都很大條。烏頭魚有明爐可以加熱。煮熟的新鮮烏頭魚熱辣辣,魚肉肉質很滑,骨很少。湯是酸酸的泰式的味道,配泰式辣汁吃更惹味。泰皇咖喱炒大蝦濃稠的黃咖喱香味濃郁,味道不辣甜甜的, 兩隻巨型大蝦開邊微炸過。蝦的肉質鮮甜彈牙。可惜今天不太餓,否則可以點一份蒜蓉包配咖喱吃更滋味。椰青焗海鮮飯椰青焗海鮮飯是即叫即製的,所以要等15分鐘製作。焗飯的份量十足,面頭淋滿椰漿。飯的配料十分豐富,有多種海鮮例如魷魚, 蝦, 青口,還有大量椰絲, 提子乾,腰果等等。啖啖飯的口感都十分豐富又creamy。飲品方面我們點了椰青和椰汁珍多冰,十分解渴又充滿泰式風味。。。Orange Elephant Thai Restaurant (博文街)大角咀博文街42號42 Pok Man Street, Tai Kok Tsui。。

近近地搵間泰菜食辣，暖下個胃。老公就帶我去左呢間橙象試下。入門口就有泰國姐姐招呼，已經開始有泰國feel佈置也光猛及坐得C服。一來先叫個椰青同泰國生啤。椰青好清甜，而泰國的生啤感動也好fresh，有d似青島出既青島beer。呢個是日$1小食都唔hea。食得出係自己打既蝦膠，絕唔係現成貨。呢個湯超足料，同我地係泰國飲既差唔多。老公話辣d更好，我就覺得辣度剛剛好，再辣就食唔到其他野。呢個泰式滷豬脾粉絲煲惹味 但豬脾再淋d更好呢個咖哩大蝦好誇張，成半張枱菠蘿炒飯好食，最緊要係新鮮菠蘿

老豆食泰菜食上癮，去完奧海城後就去附近泰式餐廳嘆個泰菜。老豆喜歡經濟實惠，同時又真係享用到美味的泰式風味，我放工就陪下佢。椰汁青咖哩牛腩煲成個煲原上，青咖哩比起黃咖哩及紅咖哩還要辣，所以見到有椰汁就可以拌勻，中和辣度，而且令青咖哩更有香味。牛腩份量都多，很入味，肉質嫩滑，配菜有無花果，豆角，都唔錯泰式蝦球炒金邊粉蝦球大隻又爽口，金邊粉炒得乾身，甚有鑊氣，份量足夠二人食用，配上花生碎一齊食，很香口，金邊粉味道酸酸微辣很醒胃。泰式炸蝦餅$1真心抵，我爸爸非常喜愛，炸得香脆，蝦餅勁多蝦粒，大大件好足料。椰青非常冰凍又解渴，鮮嫩的椰肉，仲有清甜的椰青水，都真係好耐都無飲過甘好飲的椰青。珍惜跟家人一起的時間，間唔中跟他們食一餐，他們很滿足。

朋友話想食泰國菜，就揀咗呢間餐廳。地點就係奧運地鐵站附近，十分方便。餐廳做緊優惠，加一蚊雞有一款「黃咖哩雞」。一放低就已經聞到好香的咖喱味。煮得好入味，雞肉索晒啲咖哩味！當然要叫多份薄餅啦！我地叫咗一碟「泰皇咖喱炒大蝦」，總共有兩隻，一人一隻剛剛好。creamy得黎又唔膩，啖啖蝦肉，食落十分滋味！主菜我地揀咗「蛋網海鮮金邊粉」。賣相好靚，好有心思！海鮮十分足料，有魚肉、蝦肉、魷魚，份量亦都非常多！飲品方面，我叫咗一杯「熱泰式奶茶」，泰國原味道，好開心係香港都飲到正宗泰奶。朋友點了一個「特選椰青」，真係原個椰青上！朋友表示椰青夠晒解渴，清新怡人。餐廳裝修簡潔，一啲都唔花巧，坐得幾舒服。兩個人食咗四百蚊左右，晚餐來說唔算貴。很滿意，下次要再來