Orange Elephant Thai Restaurant (博文街) (已搬遷) 新店位置

冇得去泰國，食吓泰國菜解下旅遊癮。先來一個冬陰功湯，都有少少辣，係我可以接受最辣嘅程度，但辣味唔會喺個口keep好耐。甜味同酸味唔會太搶，平衡得好好，配料亦豐富，秀珍菇同蝦都俾得鬆手，整體嚟講幾好飲。$1炸蝦餅係星期一先有。一上枱有六大舊，蝦餅都彈牙，唔會好咸，$1絕對無投訴。要飽肚叫左大蝦粉絲煲，蝦真係幾大隻，肉唔霉。粉絲有少少黑椒味，而且唔會炒到好油，係健康之選。芒果沙冰芒果味比較淡，叫少甜就唔會好甜，還可以。泰啤SINGHA唔苦，夠氣，幾好飲。另外想特別提一提，一開始覺得店員講嘢好倔，但落單果時聽到佢哋有口音，應該全部都係泰國人，所以廣東話全部無尾音🤣唔係態度唔好。

每次去奧海城逛街都會盡量選擇星期三，因為想去橙象吃飯，特別是它的每日$1優惠，星期三就是$1 泰式明爐烏頭魚，每次去都必點！跟老公二人去吃飯，只要多點1-2個菜就行，相當化算！餐廳有水提供，但今晚特別想喝凍飲！點了兩杯分享：《泰式凍奶茶 $26》香滑，怪不得是職員推介。《特選椰青 $42》十分大個又清甜，椰肉又易刮起，最後當甜品吃很不錯。主角《泰式明爐烏頭魚 $1》熱辣辣連爐送上，魚大條又厚肉，絕無將貨就價！另隨湯汁和兩款醬汁，湯底酸酸香香，令魚更好吃。《泰式海南雞(半隻) $118》明白通常都是用冰鮮雞，但這隻雞尚算嫩滑和入味，醬汁提味不少。《泰式鹵水豬髀焗粉絲煲 $106》這個十分惹味，鹵水豬髀肉多，粉絲又入味，煲底有很多汁料和香葉調味，整煲都香噴噴又香濃。

最近多返同朋友食野, 因為實在太耐冇見了, 今次朋友揀左間幾多好評既泰國野食而且個位係大角咀, 就晒我地收工同食飽返屋企!間野係地鐵站出左行幾步就到, 夠晒方便雖然唔洗等位, 但都坐得幾爆, 證明係人氣餐廳, 但爆得黎都有足夠距離, 唔會掛住做生意不理人死活, 抵讚芒果冰特飲-$36, 椰汁三色冰-$28坐底就即刻即叫杯野, 邊坐邊吹下水先, 芒果冰夠晒凍, 芒果味都幾濃, 真係可以趕走一日既辛苦, 而朋友都話佢個三色冰都唔錯, 唔會好甜, 幾好泰式拼盤-$145有2件蝦餅, 2件春卷, 2件魚餅, 2件香葉包雞都幾多野, 個香葉包雞幾得意, 炸得都幾香脆, 而我最愛係蝦餅, 蝦肉多而不會只是多粉, 而且幾彈牙, 誠意之作焗大蝦粉絲煲-$159粉絲煲既精華就梗係粉絲啦. 可以索晒D蝦既味道, 而且夠乾身, 足見廚師的功架, 而蝦都好味, 唔會梅, 又夠大隻$1-咖哩雞只要你食左兩個餸, 就可以用一蚊叫一個餸, 每日不同, 而我果日就係咖哩雞, 咖哩甜甜地, 勁開胃, 而且配料都唔少, 所以我叫左個$14蚊, 連埋加一要$15蚊, 足足貴過個咖哩雞十五倍既白飯送咖哩! 但真係一定要叫埋個

黎間泰國菜非常抵食，每一日都有1蚊既優惠菜式，今次為左食1蚊既明爐魚專登揀左星期三黎食泰式明爐烏頭魚 $1 (原價 $169)(美味指數: 😋😋😋😋)就算係1蚊優惠但一d都無偷工減料，俾足原條既烏頭魚，肉質嫩滑，仲有大量菇同酸菜，湯底清甜偏酸，非常開胃原個菠蘿海鮮焗飯 $104(美味指數: 😋😋😋😋😋)海鮮焗飯好足料，有蝦、青口、魷魚同魚塊。另外粒粒菠蘿加上腰果、肉鬆同提子乾，口感豐富好有層次，好有驚喜海鮮冬陰功湯(美味指數: 😋😋😋😋)大蝦好新鮮彈牙，仲有好多菇菇，辣度適中偏酸，簡直色香味俱全😋整體食物質素：4 / 5💰性價比：4 / 5👍推薦指數：4 / 5

朋友住奧海城附近，推薦泰國菜要來食Orange elephant ，果然疫情下黎到都座無虛席。餐廳裝修簡約，但仍然有泰國特色，牆上呢隻紅色大笨象就好可愛喇。今日星期五，$1菜式係黃咖喱雞，梗係要試試佢。黃咖喱偏甜，唔辣，配菜入味，咖喱汁俾得好慷慨，撈飯撈麵都好正。另外叫咗一個泰式小食拼盤，大大件好抵食。四款小食包括蝦餅、魚餅、紙包雞和炸粉絲卷。⭐️蝦餅有彈性，幾香口，點泰式甜酸醬幾好食。⭐️魚餅比較軟身，唔會有腥味，還可以。⭐️紙包雞一食落口有一陣香葉味，即刻覺得自己去咗泰國。⭐️朋友最鍾意食炸粉絲卷，外面酥脆，裏面粉絲熱辣辣，口感豐富。主食叫咗個菠蘿海鮮飯，分量幾大，滿到湧出嚟。但唔會炒得太乾，仲有少少濕潤嘅感覺，配埋菠蘿粒好開胃。飲品叫左象啤，清清地幾好味，亦都夠凍。椰汁珍多冰嗌左無糖，真係無糖，淡淡椰香味，真多冰又有咬口，簡宜係減肥恩物！

超抵食泰菜！加一蚊就多個餸👍🏻大角咀奧運站一向都多民生小店，今日試咗呢間又抵食又有水準嘅泰菜餐館，一定要推介俾大家！地鐵站出閘後行5分鐘就會到餐廳，地點十分方便👍🏻👍🏻 一入舖頭聽店員口音，都已經好有泰國風味🙊🙊 雖然係小店，裝修都好乾淨企理，坐得好舒服。餐廳最大嘅賣點就係每日都有一道$1小菜，款式日日唔同，而今日就係泰式黃咖喱雞，必食呀！！黃咖喱雞份量都幾多，唔係迷你版，夠晒餸飯食🙊味道都唔錯㗎，咖喱香甜有椰香👍🏻貪食既我地仲叫咗三個餸：泰式大蝦炒金邊粉，經典必食不用多講😁 炒得乾濕得宜，大蝦亦都有彈牙，有水準㗎👍🏻冬陰公湯底烏頭魚：湯底好濃郁，酸酸辣辣，配上烏頭又幾夾👍🏻 啖啖肉夠鮮味👍🏻👍🏻焗大蝦粉絲煲：惹味之選😋 燘淋既粉絲吸晒炒大蝦既鮮味，同炒金邊粉既香口係兩種唔同既好食😛😛嘢飲就叫咗兩個個椰青，有汁飲，又有椰肉食，椰青大大舊又幾清甜😋👍🏻👍🏻埋單總共叫咗四個餸，連埋兩個大大個椰青，晚市價錢都只係四百左右，泰菜館嚟講認真抵食！

當日在大角咀有D野做,食完個靚飯,順便行返去旺角上日文堂,見呢間泰國菜很不錯,果陣好多食客食完走,星期6 o既人流極少,環境很不錯, 整條街都有好多很不錯O既餐廳點左1份豬頸肉飯,好多飯,有兩款SOURCE,唔食得辣,但兩款都接受到果種酸辣,cp值高~而且幾開胃有機會會再來

因為禁堂食令嘅關係，都有間唔中用openrice外賣自取嘅功能，喺屋企揀定要啲咩嘢食再到時到候去餐廳攞！大大減少咗喺餐廳等候嘅時間之前都有用過幾次呢個自取功能，但第一次見到呢個環保袋👇🏻係幾貼心的！ 嘢食方面就叫咗椰子雞湯、半隻海南雞、炒金邊粉、蒜茸炒介蘭、同埋一杯泰奶一杯菠蘿冰。個椰子雞湯非常之大碗！好好飲，一開頭飲會帶微微嘅辣味，但係飲多啖會辣到喉嚨會痛嗰隻一飲就停唔到不過略嫌入面啲雞冇乜味同有啲嚡，另外有個貼心位就係外賣佢會加個保鮮紙包住成個湯，慎防拎嘅途中會倒瀉，整體個湯都會比好高分！海南雞就叫咗半隻，出到嚟個份量比我想像中少，以118呢個價錢，性價比唔算好高，不過食落去個味道都唔差的配佢附送嘅兩個醬汁食係唔錯！炒金邊粉個份量好多，成個盒咁滿入面啲花生碎比得好多，食得幾香口。不過個金邊粉嘅調味就有少少淡，有點兒遜色咗！而且入面嘅海鮮都唔太多本身就想叫蒜茸炒椰菜苗嘅，但又冇晒，唯有焗住轉介蘭啦！咁呢個同泰國嘅炒菜一樣就係一如既往嘅重口味！都幾好食嘅！飲品方面就係菠蘿冰同埋泰奶，兩杯嘅size都係大杯嘅，而且都正正常常，幾好飲嘅！整體嚟講，啲嘢食嘅包裝有細微位，唔會拎出嚟污糟邋遢或

約了一大班朋友去食呢間餐廳, 座位寬闊, 8-10人一張檯都無問題, 坐得幾舒服!食物份量都算足夠, 大家都食得滿足!泰式拼盤 $145泰式拼盤有蝦餅, 春卷, 魚餅, 香葉包雞各2件, 如果可以分大和細size的話比較好, 人多時大家未能夠試其他款式! 味道方面不錯, 個人提介魚餅和蝦餅!! 價錢來說算是有點貴!椰汁青咖喱牛肉 $76咖喱加入了椰汁, 所以好香, 雖然看似汁多, 但味道不會好淡, 牛肉方面比較細小, 不太多...泰式明爐烏頭魚 $169魚幾滑幾大條, 另外會跟一碗湯比我們自己加上去! 有點肉碎, 雜菌, 大蔥作調味, 湯幾飲!原隻菠蘿海鮮焗飯 $104個人認為幾抵食, 好大個菠蘿, 飯都放到好滿!! 海鮮算多而且大隻, 加入nuts, 乾提子和肉鬆等等, 令整個飯好好口感, 酸酸甜甜好開胃!

食過好多次, 都是午餐, 因為性價比高, 平均HK $50, 有飯, 有炒河粉, 有湯河粉, 仲有陰巧豬肉湯河,  地方又夠闊落, 唔會迫住趕住你走。我本身喜歡吃濕炒河粉,  雖然佢地只用普通一條條的河粉, 唔用泰式河粉 (比較闊的粉身),  都無咩所謂, 好多肉, 多過河粉。 老公的西蘭花炒鮮魷飯, 賣相幾好,  性價比高。 另一次, 我叫菠蘿炒飯, 就比較差, 不夠熱, 菠蘿都唔新鮮, 份量大都唔吸引。

平時經常到奧海城和小朋友上活動， 朋友介紹奧海城附近有加泰國菜， 我們就去試一下。🌱 紅棗茶。生薑茶。我們先點了兩杯滋陰補身的紅棗茶和生薑茶。 紅棗茶做得特別出色， 有些紅棗和果蓉碎， 味道不算太甜， 感覺十分滋潤。 而生薑茶沒有太多生薑碎， 味道略為偏甜。🌱 泰式拼盤這個泰式拼盤有兩件春捲，兩件魚餅，兩件蝦餅，及兩件香葉包雞， 色香味俱全。 當中，春捲和香葉包雞最吸引。 香葉包雞賣相非常吸引， 脆脆的香葉以竹籤叉著，包裏著剛炸起的新鮮雞塊， 雞肉有微微香葉的留香， 而且剛剛炸起，非常香脆。 春捲也是熱辣辣的， 內裏用料十足，有粉絲，蘿蔔絲等， 春捲外皮也是薄薄的， 所以香脆可口。🌱 肉碎生菜包肉碎生菜包我選了雞肉， 乾辣椒粉另外上， 讓我可以自己調教辣度。 生菜非常新鮮， 可以看到那嫩嫩的鮮綠色。 雞肉混雜泰式香料， 味道濃沃。 混合著清新脆口的生菜， 層次感豐富。🌱炸豬扒 （ $1菜式）這個是份量十足，非一般的炸豬扒。 想不到一元菜式用了這麼充足。 豬扒像層層疊一樣疊到幾層高， 賣相已經非常吸引。 而且豬扒用惹味香脆的外皮包着， 豬扒用料新鮮， 鑊氣十足。🚙地理位置餐廳位於大角咀，

好耐冇食泰國嘢，呢間泰式餐廳做緊promotion，每日都有1款$1嘅菜式，點知端午節紅日去到話紅日係冇$1菜式嘅，不過一場嚟到都試吓啦🙈下次要搵個星期三再去食，因為逢星期三嘅$1菜式係「明爐泰式烏頭魚」，原價要成$169架，$1食到嘅話真心好抵😂~🍁 椰青焗海鮮飯($104)原個椰青裝滿海鮮飯上檯，面頭有椰漿，外觀好吸晴，份量亦都好多，食極都好似仲有咁🤣海鮮好足料，有蝦、魷魚同青口等等，仲有椰肉同腰果個啲，口感豐富，椰香味好濃郁，連我呢個無飯人士都食完一碗又一碗😍~🍁 椰汁青咖喱雞 ($76)青咖喱嘅椰汁味重，所以完全唔辣🙈雞肉份量同味道都正正常常，用青咖喱汁撈埋海鮮飯都幾夾，令到椰香味更加突出🤣~🍁 焗蒜茸包 ($36)蒜茸包焗得香脆得嚟唔會過火，蒜茸都幾多，啖啖都係蒜茸，趁熱食真係好滋味🤤

呢排都仲要social distancing，所以就喺屋企附近搵嘢食算啦。今日覺得想食泰式嘅嘢，所以就食咗樓下呢一間泰式餐廳。我哋兩個人叫咗三個嘢食兩杯嘢飲，呢度仲有一樣好抵嘅就係每日都有一蚊嘢食。我哋今日就試咗一蚊嘅泰式炸蝦餅，加炭燒牛肋骨同埋菠蘿海鮮焗飯，嘢飲就嗌左泰式奶茶同埋芒果特飲。雖然係1蚊，但係個炸蝦餅都唔係渣咖，咬落去夠晒彈牙，加埋啲酸辣醬同埋排得咁靚嘅排位，食落同望落都零舍開胃。個海鮮焗飯真係好大份呀，食到我哋兩個飽到行唔郁咁滯。入邊有好多海鮮：魷魚，蝦，仲有成粒鮑魚，真係大件夾抵食，啲菠蘿仲好甜添。至於個牛肋骨，離遠拎緊上嚟嘅時候，已經聞到佢嗰浸好香嘅炭燒味，切開唔會過熟，食落口就好多肉汁，用嚟送飯真係冇得頂。至於嗰兩杯野飲，飲完個泰式奶茶真係覺得零舍有泰式風味，不過最推介始終係芒果沙冰特飲，夠晒大杯而且啲芒果又好甜，飲落去仲有果渣添，係真係用原個芒果打出嚟嘅芒果沙冰啊，夏天用嚟消暑真係一流。😋😋😋

位於大角咀奧運站附近的「Orange Elephant」主打家庭式泰國菜。同九龍城既總店一樣，呢度既廚師同埋員工都係以識講廣東話既泰國人為主，感覺份外親切！餐廳既賣點係一星期七日有七款唔同既$1精選，由啤酒至明爐烏頭都有，就算食足七日都唔會厭！泰式拼盤 ($145)：拼盤有蝦餅、春卷、魚餅及香葉包雞各2件，份量最適合2-3個人一起share。特別值得一提的是它們剛炸得洽到好處，入口時非常香口之餘亦唔會太熱氣。黃咖喱雞 ($1)： $1蚊雞的每日精選，性價比來說真係超抵，咖喱汁攞黎送飯真係一流！原個菠蘿海鮮焗飯 ($104)： 菠蘿炒飯既料非常足，包括魚塊、大蝦、魷魚等等，而且鑊氣十足，絕對值得推介！特選椰青 ($42) 及芒果冰特飲 ($36)：椰青非常解渴，冰凍的椰青水入口時給人透心涼的感覺超正。芒果冰特飲方便的感覺好似果間以芒果甜品做到出晒名的甜品店的經典之作，那個既帶點芒果汁亦帶點沙冰的感覺十分不錯！總括黎講，餐廳整體食物水平以致服務水平都在中上，加上每日的$1精選這個吸引力實在非常大，難怪走的時候八點都未到已經差唔多全場滿座了！

約左舊同事食飯，又黎到既熟悉、多野食嘅博文街，舊同事介紹下黎到呢間泰國餐廳。簡潔裝修，入到餐廳剛好晚上七點左右，有幾位客，但還算多位揀。🥯 咖喱海鮮脆包盅麵包係外脆內軟，再沾上偏甜、充滿椰香嘅咖喱汁，味道很夾，一啲都唔辣，亦唔會令人有過膩感，麵包內有青口、蝦、魚、魷魚、小量菜。🥬泰式蝦膏炒通菜 Stir-fried Morning Glory in Shrimp Paste出街食飯都會喜歡叫一道菜，通菜好爽口，不單止有蝦膏嘅咸味，食到輕微酸味，很開胃。🐟 泰式明路烏頭魚 Steamed Mullet on Stove Tray（星期三嘅加$1菜）舊同事點呢道菜嘅時候就已經覺得好抵！ 平日原價$169蚊，今日只需加$1就有！本來以為size會係原價嘅縮水版，但無諗過會係同原價一樣大條，仲要係火燒熱盤上枱，很有心思，還有泰式辣醬同上。本身魚質都很鮮味，自己唔點泰式辣醬都覺得夠味，朋友因係食辣之人，覺得點醬後好食啲。🍹芒果特飲Fresh Iced Mango Juice & 熱生薑茶Hot Ginger Tea舊同事比我飲左啖芒果特飲，好幼滑嘅沙冰，芒果味濃。自己叫了杯熱生薑，飲完之後成身暖