Otto Restaurant & Bar (已易手)

今日，是結婚紀念日，和老公黎到otto 食晚餐，環境清幽，座位舒服，尤其侍應服務很好，每道菜都會作簡單既解說和問我們食後建議，讚，可以下次再來👍🏼👍🏼$198，額外加了生蠔拼盤 餐廳自製麵包，加黑松露牛油👍🏼👍🏼 帶子沙律新鮮 活龍蝦湯超好味，蝦膏甘甜慢煎生文魚 青蘋果雪芭，酸味正 羊架黑毛豬，滑口鮮味

和親愛的慶祝紀念日子，倆倆找來了位於銅鑼灣的OTTO在16樓出，一條樓梯買穿16和17樓，優雅的環境為周遭添加了氣氛服務員身穿西裝，親切的遞上menu餐牌上有幾個set dinner供選擇，姐姐挑了西班牙黑毛豬set等了一下，重點上菜啦！先是精選的生蠔，美國生蠔，肉質鮮甜，微微海水味道第二道是活龍蝦石鍋濃湯，用牛油紙捆着半隻波士頓龍蝦在石鍋煮，鎖着龍蝦的鮮味，當服務員幫手打開牛油紙時，那道香味直飄出來，教人食指大動服務員提示先喝湯的原味，再加入一匙忌廉，喝起來會更滑漏龍蝦吃起來也很彈牙呢！每個餐都配有自製的餐前麵包，可以配着湯吃跟着就是前菜，火炙鮮三文魚，三文魚炙得剛剛好，外層做的微脆，裡邊就很嫩配上魚子吃，更顯鮮美前菜還有青檸雪芭，酸甜清新的味道，清掉口腔之前的濃郁就最適合了前菜吃完了，就到主菜啦，西班牙黑毛豬好像一朵百合花般的一片片散開，肉質呈淺粉紅色，好好看呀切下去，肉質軟軟的，至於口感呢？嫩而香，一點也不膩據說只有黑毛豬才能不用全熟的呢，建議五至七成熟就好啦主菜吃完啦，就是歎杯茶和吃甜品的時候精緻漂亮的Rasberry流心慕思，為這頓晚餐埋下一個完美的句號OTTO Restau

細個中意大堆頭食放題自助餐, 呢兩年開始覺得偶然來一餐Fine dining, 喺一個靜靜的環境下慢慢食有質素的菜式, 好似仲滿足過乜都有得食, 但質素麻麻的食物。忙碌的一天工作過後, 就同好友來到銅鑼灣駱克駅的 Otto Bar & Restaurant 晚餐。今晚食法國菜呀! 好期待~ 呢度幾靜, 7點半左右未滿座, 檯同檯之間有足夠空間, 洗手間比我的房間還大 XD等左一陣就有麵包上桌喇!黑色的係店家鮮焗的墨魚汁包, 而牛油仲係加入左黑松露的自家製牛油!!!夾埋一齊食, 牛油香夾雜黑松露的味道真係好正啊~~~~然後就來一客鮮果沙律。鮮果好多款, 新鮮又juicy但就唔算好甜, 用來作餐前小食一流, 又可填一填肚待會就能避免吃太多, 又可以補一補充纖維量。 黑松露鮮菌蠔湯呢個湯真係全晚最愛!!! 本身我已經好中意飲黑松露湯, 少少黑松露已經好濃味, 相信無人會抗拒到~今次仲加左一隻日本廣島蠔，鮮味無比! 侍應仲貼心提示飲少少湯就要食蠔, 免得太熟唔夠嫩滑 !火灸鮮三文魚、三文魚籽小小一件三文魚外脆內軟!! 表面稍微烘灸過呈半生熟狀態, 但裡面仍保留新鮮三文魚的嫩滑, 配上三文魚籽的

是日中秋佳節，朕既貼身隨從為朕安排左一頓－法蘭西中秋大餐。既然係安排好，朕係連餐牌都唔使望既，全部交哂俾佢。先上枱既係自制麵包＋黑松露牛油，麵包外層香脆，內層鬆軟，加埋－黑松露牛油既香味，不俗！然後係水果沙律，用上新鮮既奇異果，橙同士多卑利同埋沙律菜，再加埋黑醋，最後當然又係有黑松露吊一吊味啦，幾樣生果都好鮮甜，加埋沙菜既清新，仲有黑醋既酸味，仲有黑松露既香，非常開胃既沙律！跟住係《香煎法國鴨胸配香橙汁》，鴨胸煎到外脆內嫩，加埋鮮橙肉同埋汁，鴨胸咬落鬆軟，又有鴨既油香，再加埋香橙既酸甜，非常開胃！仲有係《石鍋活龍蝦濃湯》有半隻活龍蝦做湯料，龍蝦活唔活我唔知，不過就一定好鮮味，個湯有清甜既龍蝦鮮味，店小二提醒朕，先嚐一嚐鮮味既龍蝦湯，然後再張龍蝦頭既蝦膏同個湯混和一起，再嚐一嚐，即刻濃味大升級，變身成超濃龍蝦加蝦膏味既龍蝦濃湯！大讚！！！《煎北海道帶子刺身配黑魚籽》佢地用帶子刺身黎煎，本身刺身肉币比較彈牙，佢地只係張表面煎到金黃香脆，內裏依然嫩滑，加埋黑魚籽既鮮味，Perfect Match！《青檸雪芭》，大膽朕都未食主菜，咁快上甜品！店小二又再出黎解釋，青檸雪芭甜甜酸酸，入口青新，係在

這間餐廳有2層, 由1條樓梯連接, 我哋獲安排坐在一角, 我們是今晚第一台客人, 望出去是商廈, 所以冇咩好睇, 室內環境比較暗, 情調不錯.首先送上面包, D面包好鬆軟, 唔錯!煙3文魚, 好好味! 意大利巴馬火腿也好好食! 黑魚子蟹肉沙津好...腥!薄切生帶子配上溫室豆苗, 味覺清新.蘑菇湯好好飲! 蘑菇味濃! 一定要試!精選海鮮拼盤D帶子細得出奇, 味道一般! 隻大蝦鮮甜彈牙! 隻龍蝦雖然鮮甜但份量略嫌太少! 白酒煮蜆, 蜆肉鮮甜入味!安格斯肉眼扒, 肉質嫩, 牛肉味重! 相當好味!意大利芝士餅酒味略重, 甜度適中, 口感相當滑!暖朱古力布甸配雪糕甜度適中, 會流心! 但雲呢拿雪糕雖然好滑但味道略淡.

是日要搵個好少少嘅地方，兩對夫婦一齊要認真地傾D嘢，不過因為係好臨時嘅決定，我都係上OpenRice撞下彩，睇下有咩好選擇。之前試過失手去左D同預期差好遠嘅地方，所以今次打醒12分精神去揀，因為唔係隨便食餐飯，而係要認真傾D嘢，所以不容有失！好彩今次有驚喜，亦令我哋對將會實行嘅計劃多D期待。餐廳地點係駱克道嘅駱克駅… 駱克駅﹖我聽都未聽過，雖然餐廳係我搵，位都係我訂嘅，但如果唔係丈夫話我知「即係SOGO後面囉！」身為一個路痴我一定要搵好耐先搵到。平時成日行過都唔覺尼度有棟咁嘅大廈，真係孤陋寡聞。搭 車立 上去嘅時候發現原來成棟駱克駅大廈都係餐廳，而且每一間都係兩層，好有特色！此時已決定下次要再嚟試下其他嘅餐廳。(集中就有這種好處，誰說同行一定如敵國呢﹖)一出 車立 就已經係OTTO了，我係最遲一個到，丈夫同朋友夫婦以及其小朋友都到齊晒了。當我未上到去嗰時丈夫打畀我話「嘩，尼間嘢好靜丫…」，「好靜嘅意思並不是「拍烏蠅」嘅意思，而係真係好安靜，我當時覺得可能因為時間尚早者(但其實已經係夜晚8:00了) 當我真係上到去，發覺原來OTTO都算係一個幾有情調嘅地方，兩口子HEA下食下嘢都幾唔錯。

三月十六日 (星期日)近年，租金高昂，不少餐廳食肆也由地鋪轉戰樓上鋪當中，不是餐廳是有心有實力的，而且價錢更會平一截大家只要用心發掘一下，定必找到驚喜是晚，倆口子來到駱克駅的Otto Restaurant & Bar地點實在十分方便，就在銅鑼灣港鐵站出口對面，腳程不消三分鐘此店分設十六及十七樓兩層，樓上十七樓多用作公司或私人之包場活動十六樓則是我倆是晚安座的地方喇看看餐牌，晚市套餐約$298至$598不等主菜款式選擇挺多，大虎蝦扁意粉,鴨腿,羊T-骨扒,肉眼扒,就連海鮮拼盤和日本近江和牛西冷扒也有供應每個晚市套餐，也會配以前菜,湯,甜品及飲品共五道菜前菜兩款各一，先來意大利番茄煙鱔沙律三片燒煙鱔，甘香誘人，帶點油香，入口嫩滑爽口伴以鮮嫩雜菜和清新番茄，十分醒胃另一款，是意大利羊奶芝士配巴馬火腿薄片的巴馬火腿，油脂位豐富，咸香滿溢配以帶奶香的羊奶芝士和黑醋伴吃，味道層次豐富如果巴馬火腿份量多一點，會更滿足海鮮湯已售磬，選了意大利素菜湯新鮮煲煮的素菜湯，甫送上已聞到陣陣清香酸中帶甜，熱辣辣加上少許黑胡椒，份外惹味用料十足，椰菜,紅腰豆和青瓜等各具不同咬口質感，令整個湯更豐富燒澳洲榖飼羊T-

銅鑼灣餐廳林立，加上地舖及商場舖位租金向來加幅驚人，所以幾年前已有不少食店遷往樓上發展。不過，雖然樓上店租金較為相宜，競爭也相當劇烈，好似近年銅鑼灣不少食廈咁，一幢大廈就已經有六、七家餐廳藏身不同樓層，要突圍而出，實非易事。筆者早前就有幸得到食友 supersupergirl 及餐廳邀請，來到這間位於駱克駅 16/F 及 17/F，佔地兩層的食肆 「Otto Restaurant & Bar」，品嚐了一頓水準唔錯的意菜，在此先要說聲多謝。是晚和食友一行四人到訪，安頓後先環顧一吓四周，原來這間擁有兩層複式設計的餐廳，裝潢都幾雅緻，充滿時尚感覺，而且下層間隔夠曬寬闊寧靜，非常適合情侶在此談心，享受燭光晚餐。再拾級而上，發現這層除咗用餐區外，更設有酒吧，供應葡萄酒、雞尾酒等飲品，下班後和三、五知己到這裡把酒談天，也是件賞心樂事。翻開餐牌，除了有 8 款 Set Dinner Menu，包括  Starter、Soup、Main course、Dessert & Drinks 之外，也有 À La Carte 供點選。既然叫得餐廳和酒吧，飲品方面當然款式也有不少。如多款不同酒精濃度的氣泡酒、雞

銅鑼灣食肆林立, 要找一個地方開飯並不困難, 但如果想試多些不同而有質素的餐廳, 就要懂得“捐窿捐罅”, 多數是瀏覽openrice或靠問朋友有什麼心水推介。今次有幸得到食友和店方的邀請, 有機會來到開設在樓上的餐廳一試, 真的很感激她介紹它給我, 讓我在一個舒適而寧靜的環境下享受了一頓美味的晚餐。環境它位於駱克駅的16-17樓, 整座大廈有很多餐廳, 如在沒有頭緒之下要從中揀到一間有質素的餐廳, 真很不是容易的事。內裏頗有情調, 枱上點放着細細的蠟燭, 光燈有點昏暗, 在這氣氛下很適合情侶共進浪漫的晚餐, 如想再多點私人空間, 客人可預訂以紗布分隔的獨立位置。下層空間較小, 大約有7-8張2或4人枱, 以彎曲的樓梯走進上一層, 樓梯下放了一個酒架, 放滿不同的酒以供客人用餐時配搭。沿着樓梯上到上層, 吊着一盞粉紫色的大水晶燈, 添加了不少情調。上層的座位比較多, 旁邊還有bar枱。服務主要有兩位招呼我們, 其中一位是老闆, 他都親力親為。另一位店員則親切有禮, 服務周到, 最重要是他很專業。當每上一道菜時, 他都細心地配上不同的餐具及擺放在合適的位置; 當我們問及有關菜式的用料和烹煮

不經不覺又到了結婚紀念日，心裡感到幸福，眼看身邊的人有很多離異，這些年頭，感情變淡得特別容易，是世間太多引誘？彼此不能包容、忍讓？或是沒有全心全意地愛對方？我不知自己將來的境況，但我不想去想，活在當下便是。老公對甚麼生日，紀念日從來都沒有忘記，他甚喜歡記日子，身邊的親戚朋友生日，他都完全記得，最誇張是連拿破崙的滑鐵盧戰役在哪年哪月哪日發生都記得，怕未！這晚他說會帶我去一間很有情調的餐廳慶祝，我起初以為他會帶我去酒店吃，誰知帶我來銅鑼灣一間樓上餐廳，我們從不懷疑和埋怨彼此的選擇，也許這也是我們相處之道。餐廳地方不大，分有樓上和樓下，可從小樓梯上，這晚樓上好像有人包場，我們被安排坐近窗口，室內燈光柔和微暗，檯上有小洋燭，情調不錯，這晚樓下也有好幾對男女用餐，現場氣氛寧靜，感謝老公的安排。與平日一樣，點餐的工作都交由他負責，他點了兩個套餐，有頭盤，湯，主菜，甜品和咖啡、茶。麵包籃有麵包條，白色的意大利軟包，暖暖的，餐廳沒有跟牛油，老公教我用檯上樽黑醋和橄欖油點麵包吃，幾開胃，麵包條則一般。頭盤是意大利煙鱔沙律，用白色沙律碗盛著，沙律菜很新鮮，有三塊煙鱔，味道不錯，有微微的煙燻味，鱔的肉質比三

咁啱去開CWB，求其搵個地方食野，但Otto呢個地方既Lunch真心推介比大家！個日去食Lunch，＄88！價錢OK，但真係超水準！Order左個香煎立魚柳配芥茉汁既Set Lunch。先黎個餐包，暖暖地微熱的，倒少少橄欖油和醋落個碟度點黎食，有少少酒味, 但對我黎講完全冇問題, 經理拎餐包黎個陣都驚橄欖油和醋唔啱我地, 問我地要唔要牛油,不過我地都懶新鮮, 用橄欖油和醋點餐包食。哈哈！而係其他餐廳既餐包成日都凍晒，但Otto既餐包熱熱地，外面脆脆地, 入面又夠”林”，係好肚餓, 點左餐又未到既時候 呢個餐包真係又好味又可以充下飢!!再黎既係沙律！見佢地既裝飾佈置都好有心機，真係唔錯！蕃茄沙律，好Fresh又好開胃！不過我個人黎講就麻麻地中意舊芝士食食下佢地有餐湯又到喇!! 我以為點左沙律就冇湯, 原來係有沙律又有湯!! 正!!見個湯紅紅地色，我就問下經理係咩湯啦，佢話係 紅菜頭忌廉湯...出面餐廳既餐湯多數都係忌廉湯或羅宋湯，好少可有呢款湯作選擇， 不過你睇! 就算餐湯佢地都擺得好靚!!個湯好好味, 甜甜地, 而濃稠得黎唔會太濃味,又唔會羅宋湯咁稀, 飲落去幾有嚼口.. 好似飲糖水咁

Thanks to Helena to invite me.月初在尖沙嘴享用過頗有質素的意大利菜後，今晚來到銅鑼灣，品嚐另一次的意大利菜。今次來到的是位於駱克駅十六及十七樓的 Otto Restaurant & Bar，用餐地點是在十六樓呢！柔和的燈光，營造出頗有情調的環境，在十六樓的一個角落裡，有一酒櫃，擺放了不少洋酒。沿樓樓上十七樓，同樣有著浪漫情調的感覺，酒吧則設在十七樓。餐牌分為餐單及飲品單，餐單有套餐供應，而飲品餐單則有酒精類及非酒精類飲品，讓顧客自由地挑選各項食品和飲品。咱們就從套餐點選了幾款食物和飲品。Green Apple Bellini （五十八個大洋）先來一杯餐前飲品，是一杯 coaktail，其酒精類較少，因此較不習慣喝酒及適合女生飲用。這款飲品偏向蘋果味道較重，而且又是清甜，但有又少量的酒，喝一杯不容易醉倒。麵包籃咱們鈖享了當中的麵包，柔軟得來又有少許的脆，蘸上橄欖油和黑醋，使胃納稍為打開。Starter 方面，咱們選了兩款沙律，一同分享：意大利蕃茄煙鱔沙律 Smoked Eel salad with Balsamic這是在下首嚐煙鱔的，質感就像煙三文魚的薰煙味

Restaurants in high rise buildings are common in Hong Kong because there is NO SPACE.Anyway Otto Restaurant & Bar surprised me because it was quite different with stairs and the ceilings were different. There were two floors.On the upper floor, I liked the alcove with a Western looking window and the white bricks.We tried the dinner set which is priced differently according to the main course you choose and it includes: starter, soup, main course, dessert and tea or coffee or a glass of wine for

記得大概是2年前來過otto, 之後都冇機會再黎同朋友傾開, 估唔到佢係呢度既常客. 於是柴娃娃地又再上去. 闊別2 年, 環境依舊. 安靜既環境令我可以暫時放緩一下自己平時緊張的生活.忘不了的磨菇湯, 名副其實. 香濃的磨菇湯, texture 一流. 飲左一啖湯就會有濃濃的磨菇味留在口中~ 回味無窮點了一個意式生牛肉, 牛肉入口即溶. 同和牛有異曲同工之妙.朋友點了一個墨魚麵, 味道又真的不錯. 在外面食過太多不同"型式"的墨魚麵. 始終覺得味道不夠. 或味道會不均. 但呢度的墨魚麵卻味道剛好. 唔會食到最後覺得味道變淡. 甜品還是心太軟. 濃濃的朱古力, 一切開便見到朱古力慢慢流出來...甜上心頭~!個人真的很支持此類型非集團式的餐廳.  希望藉此食評為此類型的小型餐廳打打氣. 免得俾集團式的餐廳壟斷市場~!

早前，收到店方的試食邀請，原打算與其他食友同往，惜時間未能配合，故是晚只與J倆人同去。未到七時，我們已到達，升降機門一開，已是餐廳的範圍，部長A(成熟穩重、老實型)招呼我們到近窗邊四人枱坐下。適時，店內空無一人，除了兩位部長，只有我和J。小妹怕騷擾其他食客，故趁未有人時，立刻四處拍照。見一旋轉樓梯通往上層，好奇地探頭望了兩眼，部長A表示可隨便上去參觀拍照。小妹也就老實不客氣獨個兒上樓去看個究竟，留下呆坐一旁、無所事事的J了。 餐廳裝潢雅致簡約舒適，分兩層 - 下層有落地大玻璃窗，較為開揚舒適，約有24個座位；上層為密封格局，且樓底較矮，予人侷促壓迫之感，可提供約28個座位。印像最為深刻處 – 乃是樓梯上的一盞紫色水晶吊燈，滲透出一種夢幻而浪漫的感覺，展現出一股攝人心魄的魅力﹗匆匆視察完環境，返回寶座，部長A正拿著menu向J作介紹。小妹取了一份詳閱，晚市套餐主菜有八款可供選擇，售價由$298-$588不等，包前菜、餐湯、餐包、甜品和飲品。若想與知己好友把酒言歡，加四十八大元即可轉飲紅酒或白酒。小妹和J頗有共識，很快就有了決定。先送上一籃三款的餐包，一看到就不免教我們咋舌了 – 太多了