Outback Steakhouse (德福廣場2期) (已結業)

一個約左好耐的朋友，佢終於比到個期我，佢指到明要食肉，要食扒，想來想去都唔知食咩好，最後選擇左outbreak。見到今期有做hsbc餐，都應該抵食，兩個扒如果分開叫都要$800，但如果用hsbc餐，會平$100，同樣的食物，點解要比貴d。一坐低已經來這一個黑糖面色，問佢我地都未指餐，點解有的，佢講係送的，個包都無食好耐，味道依然可以。之後食左個沙拉，個沙拉普通，唔係差，但唔叫好食，可能只係得d菜，其它野比較少，味道比較單薄。再之後來一個餐湯，點講好，個湯飲兩口會停，同之前的面包沙拉比較係一個反高潮，味道唔match。主角來了，兩個都叫左扒，一個叫5成，一個叫7成，兩個都煮得接近要求，外脆內鮮，牛肉味夠，唔會比好多根位我地，所以每口都係肉，令人滿足的一個扒。之後朋友叫左個芝士蛋糕來做甜品，但大家都開始飽了，所以只試左幾口。

又到間中飯腳同我食生日飯喇佢哋話好耐冇食過lunch set，所以決定試一試首先嚟個包，熱辣辣加埋啲cream好好味原來仲可以refill 超正👍🏻👍🏻👍🏻我地四個，每人叫咗一個lunch set先來yoga飯腳揀咗個蝦飯然後到組長叫左薄餅得意仔媽叫左肉醬意粉，而我就試下個ribs先蝦飯得喎，有D脆片配襯一下，只係唔夠熱內醬意粉保持水準薄餅淨食普通，加埋個酱就加分而我個ribs呢，我都係覺得捷克好食好多可能因為唔夠肥肉嘅關係，冇左juicy feel 不過其實個set lunch 都不俗嘅👍🏻而且因為我生日嘅關係我好放肆咁樣叫咗菠蘿香蕉沙冰，好味不過飲到尾就會覺得甜左DD

今次係第二次食, 預早幾日打嚟訂位, 可能今日係星期三, 七點鐘都唔算太多人入座, 揀呢到食除咗係可以飲下酒吹下水外, 最吸引既地方都係個黑糖麵包, 唔知點解真係覺得幾好食, 仲可以無限添食, 而家匯豐咭做緊套餐優惠, 計落條數係抵好多, 不過餐飲只可以配檸茶檸水奶茶咖啡咋, 如果想飲其他特飲或酒類就要散叫啦!是日餐湯 - 好啲杰身, 有少火薯仔蓉喺裡面, 都幾好味凱撒沙律 - 賣相都係一般, 感覺啲菜唔算太嫩口, 但都叫新鮮既黑糖麵包 - 好軟熟既麵包, 好香黑糖味甜甜地既麵包咖啡奶凍 - 二人餐只係包一杯甜品咪係慳咗啲呢? 要一杯兩份食, 真係好SWEET !奶凍好重咖啡味, 不錯燒雞肉芝士夾餅- 餅底好薄好食, 夾埋芝士雞肉食不錯, 仲配埋薯條添CHAMPAGNE AND SPARKING WINESparkling Wine, Louis Perdrier Brut, France - 呢杯香檳酒味好濃, 反而冇乜甜味美國頂級紐約牛扒- 呢款五成熟既牛扒, 味道不錯, 不過要求要黃芥末時, 原來要侍應用個放滿芥末醬既碗, 分少少落各人既碟上, 真係好鬼慳家, 佢倒咗一茶匙落嚟問

平時黎outback食飯多數都係食晚餐多。lunch time都係第一次食。原來星期六日都有set食的。九龍灣呢一間都好大，坐位好寬大，而且好乾淨舒適。Lunch set 都有好多選擇，有d菜式夜既都好似無得食的。是日既餐湯係雜菜青瓜湯，湯好清新，而且有青瓜肉。沙律時分量都好多。重點係lunch set 既黑糖包都係可以任食🤭燒加拿大有骨黑毛豬扒 $138豬扒叫了7成熟，豬扒好厚肉，但肉質腍嫩，另外有飯伴碟美國安格斯肉眼牛扒 $218牛扒一樣都係叫了7成熟，牛味香濃，肉質鮮嫩，十分juicy

係公司附近嘅德福廣場入邊新開咗outback今個星期一於約左男同事2個人Happy Friday。我哋六點半時來到，先喺門口拎電子飛，然後了不一會兒就有位。先來個出名的黑糖麵包，熱烘烘，還refill左一條慢煮牛肉（只有星期五至日限定供應)就選擇了medium 和 original (可選煎方式)，還有兩種配菜肉煮得剛剛好，配上小小酒一流芝士白汁燒蝦闊面芝士味很香，白汁好creamy，但吃落唔會好濟，煮得恰到好處。兩份食物的份量都好大，我們都需要慢慢吃才吃得完。以價錢四百多埋單，環境服務質素來說，值得大家來一試。

服務差，訂左位仲要等，等人下單等好耐沒有人服務，下完單唔覆order，然後點左四個主食，等好耐話有一個沒有下單，但態度還很差！咁差嘅服務態度仲收服務費！而且牛扒七成都焦黑曬！

原先想去搵間西餐据扒，平先去開其他既，但友人想試新開既outback好耐, 咁就陪佢試下啦。2個人廢事晒神單點，見有HSBC 2人餐推廣，點都試下既。但真係錯晒，中晒伏湯好難飲，栗米磨菇湯，好咸。Ceasar Salad菜好大陣雪味，又無肉。主菜係優質牛扒，但。係。真係唔好食。成個餐收我4百幾蚊，我覺得沙律同湯唔好食都算喇，但個扒好失望。意粉叫了肉醬海鮮意粉，呢個真係無言，個味好似豉油汁撈意粉。唉呀😭😣最後甜品選了tirimisu, 全餐最好味最正常係佢。以後我都唔嚟啦。有期望，失望愈大。呢個價喺同場既其他餐廳一定好食過佢。

今日同事話想慶祝Happy Friday, 所以午餐行遠啲去食outback。6個人12點去到唔洗排隊就入到。一向都知Outback午餐抵食。平時叫開cheese burger，今次都唔例外。因為夠飽，今次餐湯係粟米忌廉湯，加埋沙律。雖然九龍灣嘅outback 係新開，但水準都冇差左。黑糖麵包都係咁好食。我個cheese burger 黎左啦，一樣都係咁正，今次一樣係食唔哂。同事叫左outback ribs，好大塊，仲以為午餐嘅ribs 會細件啲。同事太細食，分左啲比大家都食唔哂。順便提一提德福呢間outback lunch 有得儲印花，買八送一。

今日黎到呢間連鎖式既排房食晚餐，連鎖式有好有唔好，好既就係水準落差唔會太大，唔好既就係往往唔會有驚喜。點完餐店員會送上黑糖包，包係店自己焗，充滿黑糖味，鬆軟好味，仲可以無限免費追加。之後我地叫左炸磨菇、雞肉大蝦意粉及西冷，西冷叫左5成熟，雖然有肉汁，可惜肉質唔好，十分un 意粉用料多，上餐前仲鋪上芝士，十分濃味，炸磨菇同炸洋蔥係同一個炸粉，對比人人必叫既炸洋蔥，呢個仲好食。總括食物無咩特別，唯食物份量大，3個人食都夠哂

秋高氣爽的重陽節假期，我地偏偏選擇去海灘而唔咪登高，無他嘅，因為放假就是任性囉。下海之前，我地先去德福食飽飽先，揀左好Outback，呢度嘅兒童餐牌既係餐牌又可以比小朋友用黎填顏色，十分貼心。我地叫左柚子大蝦沙律，安格斯牛扒同埋燒烤味豬肋骨，仲有炸蘑菇添！黎到Outback緊係要食老婆至愛的黑糖包，真係大人細路都岩食！先講個Crispy Fried Mushrooms，細細粒蘑菇仔上薄薄脆漿然後炸至金黃色，外面熱騰騰裡面仲係好多汁，點埋個Ranch dressing味道更正，用黎點薯條亦非常美味！至於個安格斯肉眼扒叫左Medium，中間仲好Juicy有肉味，不愧為大眾扒房！而燒烤味豬肋骨好惹味，而且份量十足！最驚喜係柚子甜蝦沙律，柚子好清新，蝦大隻夠彈牙唔在講，最特別係塾底有大大塊脆餅，用叉壓碎佢就變成一塊塊金黃脆脆，溝埋沙律食冇咁齋之餘好味過麵包糠多多聲！食完大餐拿拿臨出車去西貢清水灣，可惜天氣不似預期，唯有來也勿勿去也勿勿地離開清水灣第二灘了。

Outback ge晚飯就食得多，lunch 都係第一次，估唔到都幾多選擇同幾抵👍👍Lunch set 由$88起，有漢堡包，意粉，飯，扒都有我叫咗一份牛扒同一份豬扒餐同友人share嚟食😋😋所有套餐都包咗個湯沙律同餐飲🍽🍽🥢🥢估唔到我平時最鍾意食佢個餐包係午市佢都有送😍😍主菜係牛同豬扒，兩樣都好大塊好多肉，個豬扒仲有飯係底，我同友人都唔算細食，但係我哋都食唔晒😂個牛扒就跟薯條，個人覺得味道一般，油咗少少。不過價錢比晚餐平咁多，都ok ge

最近九龍灣開咗間新嘅扒店，喺德福廣場嘅樓上，今日同埋一班同事一齊去試下食晚餐， 環境都幾寬敞， 開咗一個月到，但係都已經好多人。我哋叫咗 凱撒沙律 羊架 芝士茄子意粉 ，黑毛豬扒，黑糖包，粟米湯，份量就麻麻地夠，不過味道就唔錯。沙律好新鮮，啲菜入口夠爽。羊架嘅肉身夠軟，汁夠易咬易入口。另外小朋友最鐘意嘅薯仔，雞翼，配茄汁，沙律汁，薯仔個份量就比較少，唔太夠食，不過味道都唔錯今次整體上都滿意，如果人多可能要多叫幾份至夠飽肚

去親outback食lunch、次次都一大班同事放飯去食、儲儲埋埋印花全部都益晒我今日終於食到free lunch不過free lunch都有限制嘅、有幾個item係唔可以叫嘅Lunch set menu最貴嘅lux combo就唔可以用嗰8個印仔換嘅、既然都識得免費、咁一定要食118我幾個item啦所以就揀咗性價比最高嘅燒盲曹魚條魚本身就係跟飯同埋菜、飯幾好食菜就一般般、下次再食會叫哂2客都係飯會好啲魚食落就好好食、一啲都唔腥侍應用心解答、服務態度好有一個愉快嘅體驗

德福廣場新開左間outback今日終於有時間去試試佢嘞、嚟到outback知唔知最緊要係乜呢？321、無有錯、就係嗰條黑包嘞、黑包呢樣野真係蔗渣價錢燒鵝味道、同大家講識食黑包一定係點朱古力醬（要問侍應拎先會有）、弱者先會點白色嗰舊牛油。順戴一提、黑糖麵包其實可以叫外賣拎走嘅、不過會收返$10條、仲有得選熱包定凍包。真細心講返正題個lunch、就叫左個夾餅嘅味道唔錯、食起嚟好似pizza咁可以扯啲芝士出嚟、而薯條都有薯條味、nice侍應嘅服務好好、佢地好似有金睛火眼咁、一有客舉手就9衝過去聽客總結係一個好好嘅體驗下次會再嚟。

是咁的、星期日放學返outback食個午餐、就經歷左啲好好笑嘅野係咁依都先講下啲野食先啦、頭盆啲湯沙拉麵包先嘞、上菜速度好快、（可能因為我坐正喺沙拉擋附近先有咁快）飲品我叫左杯凍咖啡、但冇on side比糖水同埋牛奶我、所以我變左飲凍齋啡而嗰嗰肉醬意粉味道就唔錯嘅、又或者不如咁樣講、肉醬意粉好難係整得唔好食嘅、可以話係肉醬有肉味、意粉有意粉。。我用餐大約食左1個鐘、期間從來都冇人嚟同我check back、雖然話食個意粉啫、都可以Check個back、或者嚟問下我呢條毒ling要唔要refill野飲呱又唔係炒場忙爆。所以我決定派負皮超自我中心嘅食評、唔洗睇得咁認真其實係太多新人太多sverver就真