Outback Steakhouse (翡翠明珠廣場) (已結業)

進去食時，問到能否坐卡位，便盡量安排卡位俾我地坐，見到水杯只剩一半水左右，便主動倒水，問他們海鮮併盤，兩個人食半份會否過多，他們也會懂得回答「不會，但炸洋蔥會」，結果炸洋蔥看似很少 （猜只有一個洋蔥），結果真的吃不完，不過炸洋蔥即時炸，很好味，外面很多洋蔥也不爽了.. 而海鮮很鮮甜，龍蝦又嫩又夠味。至於薄味配搭不錯，薯條也很好味，配料蕃茄居然是有調味，這不是所有餐廳會有的事。除了服務好，態度好，樂於幫助顧客，餐廳的知識也充足。只是價錢略貴

今日同寶寶想食好啲，去咗outback食下牛扒，諗住享受下美好嘅假期。叫咗西冷牛扒餐，可以陪兩個side dish，揀咗相片可見嘅薯條、番薯仔。賣相呢就係OK嘅，但真心好睇唔好食，叫三成熟已經咬唔開， 好似煮咗全熟咁。而扒嘅大細都唔係好啱比例，比我想像中偏細，感覺上就冇咁抵食啦。之但係，令我個較為失望嘅事塊扒嘅味道好單薄：調味料不足、牛肉嘅味道本身都唔突出。作為一間食扒嘅專家，我就覺得名果其實。值得一讚係佢嘅黑糖包係幾好食嘅，正宗嘅妹仔大過主人婆囉😂😂-Sirloin steak | $248-Outback Steakhouse 銅鑼灣百德新街22-36號翡翠明珠廣場2樓

日期：2019/09/06人數：7人上星期五去咗銅鑼灣Outback食晚飯。我哋一行八個人，用獅子銀行信用卡嘅優惠，優惠就係逢星期一至五食美國斧頭扒套餐係有折扣。呢一餐我地其實都約咗好耐先食到，原因為之前我哋諗住去尖東嘅Outback, 但係原來係尖東嘅Outback食斧頭扒套餐係要預先book定的。結果上次食唔成，今次去銅鑼灣Outback食，原來唔洗book，所以終於食到啦。落完order之後，侍應就即刻奉上黑糖麵包。黑糖麵包一如往常咁軟熟，加埋軟硬適中嘅牛油，非常好味，必定Encore。之前都食過Outback, 但係今次係第一次試佢個湯，都夠熱夠濃幾好飲。套餐裡面嘅小食拼盤就以雞鎚最好食，好入味。成晚嘅重點就梗係美國斧頭扒啦。服務員將斧頭扒用車端上，俾我哋影左相先，之後再幫我地切細件扒，整齊咁上枱。斧頭扒好有牛肉味，配合海鹽一齊食牛肉味更加突出，非常正。套餐有兩個意粉可以揀，分別係香草蕃茄海鮮意粉同埋雞肉蝦寬條麵。我哋揀咗其中一個，再額外加多另外一個。個人覺得後者好食啲。個人覺得雞肉夾餅正正常常，冇乜驚喜。嗌套餐的話加飲品有額外折扣。我哋有人飲咗cocktail, 但我都係飲凍

食過outback咁多次，真係唔知道原來黑糖包有得外賣，仲要只係賣$10!!!膽粗粗走去問下，原來真係有得咁買，仲有得揀個包要凍定熱既，多口問句原來一路都有咁賣，真係見識少。包裝方面有張錫紙包住個麵包，然後入係紙袋到，感覺好衛生，e+係麵包店買個包都差唔多呢個價，仲要熱辣辣又大個，食完好滿足。黑糖包 ($10)麵包鬆軟，絕對唔係空氣包，個包本身有好淡既甜味既，仲跟埋個牛油，牛油夠軟滑，正常食法岩岩好用晒成舊牛油，好味

一條友，晏畫想食個寫意的西餐， 又想搵個地方坐耐啲 ， 最好係一個人都唔會被趕走嘅 地方。 行行下剛好看到outback嘅招牌 ，就衝過去攞位啦。 餐廳門口已有小群人在等緊， 原來餐廳開12點 啱啱先 安排入座。好耐冇食，有啲選擇困難症 。結果揀咗 未點過嘅 意大利香草牛肉三文治 ($108)。跟餐有湯同沙律 ， 餐湯味道可以， 分量偏少。同埋馳名的嘅黑糖麥包。黑麥包大概兩三個人會分配兩條， 當然 唔夠食嘅可以再加 。我一個人呢，佢就畀一條黑麥包，配襯牛油 ，真係一絕， 吃不厭。主菜到了。呢個都幾有驚喜 ，包面係塗上牛油烘過嘅 ，香香脆脆。包裏面嘅牛肉份量多，好香 ，好有牛扒肉味 ，有啲似從一塊靚扒砌出嚟嘅頭頭尾尾 。管他呢 ，最緊要好食，夾左已熔化的芝士，提升左整份三文治的口感同味道。碟上仲有薯條同酸菜。我幾欣賞碟酸菜 能夠消滯， 我食到最後更加用酸菜夾落個包到一齊食， 估唔到又幾夾喎。 就好似漢堡包裏面嘅青瓜咁起到平衡作用。最後飲埋杯咖啡完成載豐富嘅一頓午餐，好滿足。

My favourite bushman bread!! I ordered lunch set - grilled shrimps caesar salad. It is healthy. The shrimps are fresh and I love the Parmesan cheese on top. Lovely Caesar dressing. My friend ordered tropical mango chicken salad. She loves the sliced chicken and sliced mango.

6個人食，1800蚊落樓。野食同服務態度都算唔錯。除左個牛太生，基本上都冇咩問題。我地order 3成熟， 結果係點，大家睇到啦！這個甜品即使很飽都想食，因為真係好好味

三點三下午茶，有乜好選擇？outback 的確是唔錯選擇，價錢平，份量唔多！呢個時間食，都要等位，大概等了20分鐘就有位，雖然tea set選擇不多，但價錢化算，還可配送汽水，如要特飲，需另加錢！蕃茄肉醬意粉有很多肉碎和蕃茄醬汁，不會太乾，在熱辣辣既意粉上舖上幾片芝士，混合一起吃，很’芝’味！這個ribs 平時來吃是很好的，但今次就比較乾身，薯條外脆很有薯仔味，配上茄汁就更好！這夾餅內有芝士，要襯熱辣辣吃，配菜蕃茄略酸，增加胃口！總括:抵食

叫得做扒房一定係以肉類最出名點知其實試幾間分店都相當失望就連開喺鬧市旺區銅鑼灣一間都唔例外餐牌應該係更新過多左唔少素食選擇另外有啲新花款嘅小食都唔錯喺以往一直做開野小食好似越黎越退步就好似哩個炸洋蔥咁樣前去開呢間鋪頭必定要叫但係今次上枱嘅粉漿極厚洋蔥好生好辣配埋個醬汁咸上加咸唯一冇退步過嘅只係得個黑糖包同啲自家製牛油小食拼盤圖文不符味道一般無特別彈起四款餸菜嘅其中一款車厘茄沙律少得可憐夾埋四粒車厘茄都冇🍅🍅🍅墨西哥脆片食得出同坊間所買嘅唔同但係蟹肉番茄牛油果🥑🍅三個各有各嘅味道完全唔配合能夠融為一體而且墨西哥脆片偏咸熱朱古力加🍫🍫🍫cream甜度啱啱好只可惜杯野近乎室溫可能係奶油令朱古力唔夠熱應該標明常溫否則應該會有唔少客人投訴蟹餅沙律🦀蟹肉嘅份量充足而且有鮮味但喺沙律醬冇徹底拌勻基本上食到底果幾條菜真係好重味最失望最失望真係塊牛扒其實價錢真係一啲都唔平我地都怕肉質會硬索性叫4成熟只可惜切開真係做到4成有少量紅卜卜但塊肉都係硬到非起而且塊扒有三份一肥膏吐返曬出黎😞😞😞燒豬排骨幾好肉soft🐽🐽🐖蜜味重最後係大蝦闊條麵🦐🦐🦐呢個好食🍝🍝🍝麵質彈牙白汁唔heavy如果可以再加多少少香草味道

-一年至少有吃一次的《outback》🤜🏼有沒有人覺得大不如前了😿🐄USDA RIBEYE STEAK 12OZ ($318)和以前相比真的差太遠了 令我不敢相信🥴2019的牛是否變種了？點了medium來到的時候卻差不多是全熟的😥🥠BLOOMING ONION ($82)必點的洋蔥花球😚這個就不會變難吃了有保持水準🤤外酥內軟的🥖out back黑糖包 (免費追加)應該有不少人是衝著黑包而來的吧🤣我就是其中一個，夠熱的話我一人可吃3條🤝______________________________score:6/10地址：銅鑼灣百德新街22-36號翡翠明珠廣場2樓

This Outback restaurant is truly refreshing! Being from the States, I am used to HK restaurants rushing you and not giving you any eye contact or any y type of personal service. But this is not the case for this Outback Restaurant. The moment we sat down the manager, Joffrey, rushed over with menus and was very personable. He even laughed and and joked with us. The lunch special was very reasonable and there were many choices with a wide range of prices. The lunch comes with a soup and salad and

好想念outback的黑糖麵包，所以叫健先生同我去食服務員送上熱水值得一讚👍🏻而家好少餐廳有熱水提供。落完order 麵包即刻送上。暖笠笠又軟熟，配上牛油忌廉，一流👍🏻😋之後叫左一個appetiser combo ($168)三樣食物我都覺得不錯👌🏻 豬肋骨好淋 味道偏酸，係開胃嘅前菜雞搥少辣 薯條配上芝士無得輸但塊扒真係好差，首先冇肉味，全塊扒食落一啲都唔香👎🏻第二，成塊都痴滿肥膏，我諗我切左四分一係脂肪佢叫一份扒可以配兩個side dish，我揀甜蕃薯而健先生就揀炒飯甜蕃薯保持一貫水準好味，炒飯意外地好食如果下次返黎食，我諗都係因為免費的黑糖麵包

同事聚餐，叫左份上千元ge招牌斧頭扒，但係除左影相正之外，份肉真係唔太ok。一來份斧頭扒完全無牛味，如果蒙住眼食你話係豬肉我都信。 二來太熟，我地叫左五成熟，但係職員切完上臺係鐵板上面已經七成熟，外面又燶一層，需要自己切左最外面先可以如入口。第三係感覺餐廳有過多服務生，我地無咩特別要求只係有杯水已經見底，五六個職員在附近企係到唔知做咩，又唔係好多客人，完全連杯水都無人來refill。沙律都叫做ok但係d醬好咸。

記得第一次食outback個陣，係因為黑糖包而鐘意左呢間餐廳。隔左年幾，突然又想食扒，於是約埋朋友黎食。黎到只見門外已有一條小人龍，好彩我地book 左枱，否則應該有排等。黎得outback 一定要試佢既黑糖包，鬆軟而帶有甜味既黑糖包沾埋cream 一齊食真係冇得頂食完覺得唔夠喉仲可以叫staff 黎多round tim，但因為我地叫得多野食，費事眼闊肚窄，所以最後都冇refill 到黑糖包。首先我地叫左蟹肉釀蘑菇$82，睇menu 個陣以為係大啡菇，但原來係普通蘑菇，見到個下有d 失望雖然蟹肉就唔係好食得出，不過食落都幾juicy。之後叫左燒雞肉芝士夾餅$118，都幾足料，夾餅內有好多芝士同雞肉，鐘意芝士既朋友可以一試。最後叫左medium rare 既紐約牛扒，有兩款配菜可以揀，我揀左焗薯仔同炒飯，但個人不建議揀炒飯，因為味道一般，冇乜味。而焗薯仔就不過不失。至於牛扒方面，雖然揀左medium rare，但肉質依然過硬，同埋牛扒亦缺少了應有既牛味因為水準欠佳，短期內都唔會係呢間餐廳食牛扒。

喺香港應該冇人唔識outback,佢同r字頭嘅美式餐廳都係奉行會員制,只要你有會員卡所有嘢都平好多r字頭嘅餐廳櫃但係唔好食， 性價比低 ，呢度永遠都唔會令你失望。先嚟上咗個黑糖麵包 熱辣辣 加埋已經係室溫嘅牛油非常之合襯，好快就食曬成條麵包啦。我哋叫咗一個羊架 ，同埋一個 羊奶芝士漢堡先講下個漢堡 叫咗medium上面個羊奶芝士， 好軟熟 好容易就可以用都搽開佢 ， 漢堡 肉靚油脂香， 配埋個以為好容好濃嘅羊奶芝士原來係啱啱好㗎。薯條的ok 熱辣辣咁上， 另外一間美式餐廳D字頭不過就只係喺啲貴商場出現既， 唔好講笑貴就係貴啦不過次次食啲薯條都係凍，最多只係暖。 所以而家有得食熱嘅薯條真係好奢華。將你就講嗰樣㗎啦 ，羊架大家都知道係最難煮嘅肉類， 好容易就會overcooked 又或者個羊騷味會蓋曬所有嘢。 以佢側邊伴碟炸到好脆嘅呢唔係薯條嚟㗎 ，係番薯絲又脆又甜 ，食過返尋味。 雖然坊間有好多扒房， 但係我覺得outback 永遠都係諗唔到食咩嘅最好選擇 。一大班人有方便 前菜 主菜 甜品 連啤酒都有質素你仲想點呀