Outdark (飛達商業中心)

營業中

休息中

最近和朋友去了一間位於旺角區的OUTDUCK餐廳試試看整體以韓式主菜及小吃為主題餐廳嘅裝修都係比較昏暗，感覺非常之有格調餐牌都有各式各樣嘅菜式而我哋今次就試返啲相對比較傳統嘅項目我們點了串串魚糕湯、牛肉水冷麵、芒果梳打和莫希托梳打四道菜牛肉水冷麵則是主食選擇,牛肉嫩滑多汁,水冷麵非常之有口感,加上超級冰凍，喺夏天嘅日子食真係超級無敵爽，吃起來分外順口另外佢仲會有一啲嘅調味醬同埋鉸剪俾我哋方便去食呢個水冷麵非常之細心串串魚糕湯,湯頭鮮美略帶些許鹹味,裡頭的魚糕非常之軟綿綿,每一口都十分滿足至於兩款果梳打,芒果的清新口感很吸引人,清新爽脆;莫希托口感濃郁些,兩者都是不錯的選擇。整體來說,OUTDUCK以實惠的價格提供高品質的小吃美食,環境也十分舒適。四道菜的口味均衡搭配,分量也足夠飽腹最可愛嘅，就係佢哋而家會有部熱能感應嘅影相機食完嘢之後可以同朋友影返張相喺度留念有好多唔同嘅主題簡直令成個用餐體驗大大提升

呢間人氣爆燈嘅韓式餐廳，真係超吸引！以下幾樣食物肯定令人口水直流Mojito加Soju雞尾酒呢杯Mojito混合咗韓國燒酒（Soju），口感清新同時又帶有一點點微醺，非常適合同朋友喺晚餐前邊飲邊傾計。阿姊妹豬腳（500克）呢款豬腳係韓國必食嘅一道傳統美食，豬腳肉質香嫩，配上獨特嘅醬汁，真係每一啖都好味到唔捨得放低筷子。半隻去骨雞（250克）蜜糖蒜蓉醬：呢個半隻雞已經去咗骨，食起來更加方便。蜜糖同蒜蓉嘅混合醬汁令雞肉鮮嫩香甜，食過一次就會愛上。如果你係呢度等位等到有啲悶，都唔使擔心，因為店舖安排咗好多好玩嘅活動！例如可以影相印喺隔熱紙上，呢個最近超Hit！仲有《魷魚遊戲》嘅迷你遊戲，令等候時間過得更快。你仲可以寫明信片寄俾一年後嘅自己，真係幾有意思。而且，整個餐廳嘅氣氛好好，令人感覺好輕鬆愉快。😋🍹🍗📸✉️

今晚的晚餐同朋友選擇了韓式料理，佢唔食得辣所以我哋冇叫辣嘅菜式，原本好驚食韓式嘢唔食辣唔好食，但係食Outdark韓式料理冇辣都唔影響佢嘅口味同驚喜。餐廳外面仲有得免費影相，同朋友拍照留念，美好嘅回憶🤩忌廉海鮮炒年糕🐙🥘這道菜絕對是今晚的亮點！炸魷魚的份量十足，每一塊都厚實飽滿，咬下去彈牙有嚼勁，鮮味十足。當炸魷魚裹住芝士，真係超級好食❣️仲有好多唔同嘅配菜。年糕裹上濃郁的忌廉醬汁，口感滑順，搭配上唔同嘅蔬菜，讓人一口接一口停不下來。海鮮的鮮甜與忌廉的濃郁完美融合，令人回味無窮。芝士條🧀外皮酥脆，內裡是濃郁的芝士，拉絲效果一流！柚子梳打🥤清爽解膩的絕佳選擇！柚子的清香撲鼻而來，喝起來酸甜適中，氣泡感十足，搭配重口味的韓式料理再適合不過。Outdark Rita（1664 Blanc 配蘋果口味）🍹1664 Blanc 的麥香與蘋果的香甜完美融合，口感清爽順口，帶有淡淡的果香，非常適合女生飲用今晚的用餐體驗非常愉快。每一道菜口味層次豐富。餐廳的環境舒適，服務也十分周到。👍👍

近雅蘭中心有一間經常爆滿嘅韓國餐廳，標榜由韓國人主理，自製食物，今日為求唔使排隊，17:30 就放學後同同學去咗食個 early dinner 餐廳環境格局好有情調，有滿天星星月亮嘅裝飾，啱哂朋友聚會😌飲品方面叫咗藍檸檬梳打，同士多啤梨沙冰，梳打好 refreshing，減低之後食炸物嘅油膩感，而沙冰嘅士多啤梨味十分濃郁，亦唔會好甜，兩杯都十分出色，但係就嫌唔夠大杯，因為叫咗好多辣野🤣泡菜煎餅煎得香脆，配上金菇、青椒等配料，忍唔住一啖食完到一啖，點上特調醬汁，另有一番滋味豚肉炒粉絲好有鑊氣，唔辣嘅，粉絲好滑溜，份量亦都唔少，當作主食一流另外嗌咗半份甜辣炸雞，半份已經有五六嚿雞肉，好抵食😇炸雞都炸得香脆，加上甜辣醬變得好惹味另外加咗個炸腸仔年糕，呢個就比較普通，冇咩特別。臨走嘅時候，店員仲邀請我哋玩魷魚遊戲打畫片，好有韓國氣氛真係好似去咗韓國咁😛流連忘返🫠

最近我同朋友去咗飛達商業中心嘅Outdark，想試下佢哋嘅招牌菜，整體體驗都幾好。👍香蒜蜜糖炸雞首先，香蒜蜜糖炸雞真係必試！外面炸得超脆，裹上香蒜同蜜糖，味道好特別。甜甜蜜糖配上薯格，真係好好味，雞肉又嫩又多汁，搭配呢個醬汁，正！🍗🍯牛肉炒粉絲呢道菜都幾驚喜，牛肉炒得剛剛好，粉絲仲落左好多菇片同甜椒，口感好有層次。而且份量又足，適合大家分享。烤梅頭肉再來就係烤梅頭肉，豬肉烤得外脆內嫩，肉質好鮮，搭配嘅醬汁更加突顯肉嘅味道。肉食愛好者必叫！🍖熱情果梳打&藍檸檬梳打🍸最後我哋仲點咗兩杯飲品：熱情果梳打同藍檸檬梳打。熱情果梳打酸酸甜甜，清新又好飲，可以解膩。藍檸檬梳打就無咁甜，仲有蘆薈粒，飲落去好清爽。🍋總結總括來講，Outdark好適合同朋友聚餐定係家庭聚會，下次會試多啲其他菜式😋

睇完黑白大廚當然要食下韓國野~😆同朋友去咗位於旺角飛達商業中心嘅OUTDARK，呢間韓國菜餐廳超熱鬧，感覺好年輕~燈光昏黃微暗，氣氛好舒服，座位又寬敞。場內好多星星燈飾，亦擺左好多情侶鎖牆，感覺係relaxing 同浪漫~我哋首先叫咗「烤牛肉飯捲」$98飯捲係食韓餐必叫~配菜正宗又豐富，牛肉烤得香口，咬落去肉質柔嫩，搭配啲新鮮配菜，味道一流~「海鮮蔥煎餅」$138呢個煎餅粉漿唔多，但裡面卻充滿咗海鮮、韭菜同蔥段，好香!搭配醬汁食落去，中和油膩感，好fresh~「串串魚糕湯」$228魚糕好滑，煮到入晒未吸滿湯汁，味道超濃郁湯裡面仲有蘿蔔、金菇、青口同皇帝菜等配菜，非常足料，食完亦好暖胃呢!「芒果梳打」$48清新又提神，正好平衡咗啲重味嘅菜式!OUTDARK嘅氛圍同食物都好有特色，值得encore!

Outdark (旺角)收工突然想食韓式芝士雞所以就諗起Outdark平日夜晚去到都近8-9成滿建議先喺openrice book位先餐廳外面有得影即影即有仲可以寫信寄俾將來嘅自己所以就算要排隊其實都有嘢做打發吓時間餐廳裡面燈光偏暗但懸掛咗好多燈飾再加埋有鏡嘅反映成個環境好靚好浪漫食物種類除咗炸雞，芝士雞外仲有紫菜手拌飯，紫菜飯捲，韓式湯麵，炸醬麵款式都幾多下次有機會想試吓佢最出名嘅炸雞芝士王國 $328-中間放咗半邊芝士 另外半邊放混咗特製辣椒醬嘅雞腿肉同年糕 芝士溶到咁上下時 會有店員幫手整個芝士 拉晒絲再撈好放喺雞件上面 熱辣辣勁好食！ 雖然混咗辣椒醬 但有埋芝士中和唔會太辣 雞腿肉肉嫩幼滑 年糕煙煙韌韌 旁邊仲有煎蛋，紫菜飯，迷你腸，泡菜泡菜煎餅 $128-有齊泡菜，洋蔥嘅泡菜煎餅！ 好滿足！👍🏻 （我真係食過另一間餐廳係近乎只有粉嘅煎餅）柚子梳打 $48-微微柚子味，解渴一流！藍檸檬梳打 $48-朋友點嘅，微酸Outdark (飛達商業中心) (旺角)旺角彌敦道613號飛達商業中心2樓

喺旺角想食韓國嘢，就一定會諗起Outdark，今次係第二次食，整體感覺幾好，無論食物質素、環境定價錢都令人滿意，特別啱一班朋友聚會或者想試下地道韓國菜嘅人～😚🐓韓式辛辣炸雞炸雞係必試之選～ 炸雞件外層炸得香脆但唔會太硬，內裡仲保持住嫩滑嘅肉質，食落完全唔會乾柴。甜辣醬汁唔會太厚重，不過menu上面都寫咗有三條辣椒，唔太食得辣嘅人要小心🤣 炸雞仲配埋薯條同薯角，啲薯條炸得外脆內軟，而薯角就帶少少粉糯感，整體嚟講成個配搭好豐富又滿足🐖韓式豬腳豬腳嘅膠質啱啱好，帶少少煙韌但唔會太膩，肉質又軟腍，幾容易入口😝 調味用咗醬油、蒜頭、肉桂、洋蔥同埋薑嚟滷，味道唔會過鹹，但又好香濃，有啲似韓式家庭料理嗰種舒服感，幾特別，配料方面有啲蒜片、椰菜同生菜，包住豬腳嚟食又係另一種口味😚🍶柚子米酒米酒帶有淡淡嘅米香同柚子清甜味😍，飲落幾順口，酒味唔算濃烈，適合唔太愛飲酒嘅人😇🍹熱情果梳打梳打氣泡感夠強，加上濃郁嘅熱情果香味，幾適合配搭炸雞或者解膩，係清新嘅選擇😊餐廳嘅環境偏向casual，啱晒同朋友邊食邊傾。服務員態度友善，落單速度幾快，唔需要等太耐。價錢方面以旺角嚟講都算合理，幾適合想試韓國菜或者韓式飲品嘅

旺角都有出色韓國菜可以試到，呢間韓式料理餐廳環境好有feel，燈光昏暗有格調💐，主打多款鍋物同小食，全部由韓國人主理，味道夠晒正宗，而且每道菜都好大份，每道都冇中伏！——————————🐖◖豬腳 500g◗ $318豬腳好大份，肉質肥瘦相間，切成薄片，可以放喺生菜上面，加上韓式豆瓣醬同辣醬，清爽又食到豬腳嘅軟腍，骨膠原max！🍗◖甜辣x香蒜蜜糖雙拼炸雞 ◗ $208兩款口味各半，總共有450g左右，都幾大份下，仲配咗薯條同薯角，夠脆夠香口！炸雞大大件，外皮仲脆，裹上調味醬汁，香蒜蜜糖味甜甜蒜味啱啱好；另一款甜辣味，甜甜地唔會好辣又，呢啲送酒一流，轉頭已經清晒成盤！🐟◖串串魚糕湯◗ $228有多款唔同嘅魚糕，口感軟綿，仲有啲青口、墨魚仔，但湯底相對清淡，建議點上佢哋醬汁食🦐◖海鮮蔥煎餅◗ $138海鮮煎餅有驚，煎餅邊位香脆，連裏面啲蔥都係脆脆哋，成件事更加香，裏面夾咗少少海鮮，整體食落唔會油膩，配上自家製嘅酸甜醬汁，幾開胃🐂◖烤牛肉炒粉絲◗ $118牛肉份量幾多，加咗椰菜一齊炒，食落有鑊氣亦唔會好油，粉絲Q彈軟糯，味道就正常發揮～🍶◖蜂蜜米酒◗ $128飲落去有蜂蜜香味既米酒，微甜又唔會

睇完黑白大廚之後就一直心心念念好想飛去韓國食野但比我發現香港都已經食到超好食嘅韓國料理係旺角飛達，超方便嘅位置平日晚都勁多人，好彩有Book定位門口已經見到裝修勁靚餐廳環境比較昏暗，有好多星空造型吊燈再加埋好多黃色系花裝飾超有feel見大部分人嚟到都會嗌而且每枱都會有一個爐當然要試下﹗超豐富又好靚嘅鍋上枱之後等到芝士融化就會有職員過嚟幫手炒勁香一上枱已經好想食但比多啲耐性等係值得嘅除咗炒中央嘅雞件之外仲會翻埋旁邊嘅蛋好熟絡咁一切一翻就有好金黃色嘅靚蛋辣度有兩種，我哋叫嘅係普通當然要加勁勁勁多芝士一齊食落好惹味，韓式辣醬帶起食慾之餘唔會搶走其他味加埋芝士係完美嘅配搭雞件夠嫩口無咩筋超正依個鍋仲一次滿足兩個願望一開始係熱焫焫嘅拉絲雞件食到底就係煎到焦香嘅味道連芝士都好香口，大塊到可以就叉住咬因為我勁中意但我男朋友唔太食得辣只要加埋芝士就唔會太辣多謝佢成日都陪我食唔太食到辣但又心思思想試嘅都唔洗擔心另外仲叫咗半份炸雞炸雞有好多款口味叫咗香蒜蜜糖味除咗炸雞仲有好多配菜薯條、薯角、薯格都有面頭有小小芝士粉好好食雞肉好嫩雞皮勁脆有好多款口味嘅梳打青蘋果同芒果好特別嘅係加錢加燒酒變自製cocktai

Outdark呢間餐廳喺香港屹立多年，食過幾次覺得質素都好唔錯，今次再同朋友嚟叫咗幾道特色菜，環境舒適，適合一齊聚餐傾偈。⭐️ 辣炒豬肉呢道菜真係好夠味，辣味適中，豬肉炒得剛好，肉質嫩滑，搭配嘅配菜都好新鮮，每一口都令人食得津津有味。個辣味漸漸滲透，真係好開胃！🔥再加上佢嘅拌料仲有芝士，飯團香腸，同泡菜等等，等你可以mix and match,味道非常之濃郁新鮮～加埋芝士味道更加出色😇⭐️ 海鮮蔥煎餅煎餅外脆內軟，裡面包著滿滿新鮮海鮮，蝦同埋魷魚嘅味道都好鮮甜，搭配上香脆的蔥香，口感層次非常豐富，真係一個好嘅前菜！👌⭐️ 蜂蜜米酒呢個飲品真係特別，米酒嘅香甜加上蜂蜜，味道好順口，唔會太甜，飲落好舒服，仲有一種淡淡嘅米香，真係好適合搭配餐食。🍯⭐️ 蜜桃梳打呢個飲品清新解渴，蜜桃味道濃郁，梳打水嘅氣泡感令整體口感更加爽口，飲完心情都好好！🍑

聽過唔少人介紹呢間韓國餐廳😄今次分別試咗幾個菜1. 韓式忌廉海鮮鍋，忌廉湯底好香牛油味好濃，加上炸過嘅海鮮，食落好滿足！旁邊仲有紫菜飯同埋拉絲芝士做伴碟，非常豐富2. 韓式炸蝦飯卷，蝦炸嘅酥脆，而且飯卷都幾大嚿，幾好3. 炸醬麵，炸醬濃郁而且份量都好夠，仲有鵪鶉蛋做伴碟，味道正宗！4. 韓式魚糕鍋，魚糕湯清甜，除咗大量魚糕之外仲有粉絲，唔驚食唔飽😂5. 炸物拼盤，所有都好脆口唔會話擺咗一陣就淋晒另外值得讚嘅地方就係呢度唔收切餅費！超有良心🥹🥹建議如果大家想慶祝生日可以去呢度！

今日行過旺角見到釜山嚟嘅韓國餐廳Outdark，好耐無食過，就決定食😆叫咗個芝士炒雞，真係超級多芝士，甜辣炒雞嘅口味適合香港人唔會太辣，仲有韓國年糕，當芝士煮到溶化嘅時候，店員會嚟幫手炒，雞髀肉肉質嫩滑，拉絲芝士又令到雞肉冇咁辣，而且有爐邊蛋食，又有紫菜飯撈芝士，芝士控必叫。仲叫咗個海鮮煎餅，煎餅好多蔥，係我鍾意嘅口味，而且有好多海鮮例如蝦，八爪魚，脆卜卜好味。飲品飲咗士多啤梨同藍莓yogurt，酸酸甜甜咁好好飲。

之前去韓國旅行都有食過呢間餐廳，今日咁岩係旺角行街又想食韓國野，就去睇下呢間過江龍好冇食先，星期六lunch time 唔算多人，有6-7檯客，晚餐我諗book 位會穩陣啲，餐廳既裝修好有feel，而且地方乾淨又好坐芝士王國食物上檯時都嚇一嚇，都幾大盤，職員會幫手整芝士炒雞，係凍天食呢個都幾好，會暖笠笠，芝士份量都幾多，可以做到拉絲效果之餘，都會食到好香既芝士味，韓式年糕同炒雞都好入味，加上濃濃既芝士，味道真係好夾！旁邊仲有雞蛋，小香腸，泡菜，紫菜飯，味道都唔錯烤牛肉紫菜飯卷紫菜飯卷既料真係多過飯，有牛肉，蛋，青瓜，黃蘿蔔，紅蘿蔔等等，烤牛肉係幾香牛肉味道，加上青瓜同黃蘿蔔嘅爽口同酸味，令飯卷既口感同味道都好豐富莫希扥梳打&菠蘿汽水莫希扥梳打好青新，有青檸同薄荷嘅香味，仲有蘆薈嘅果肉，係幾好味，而菠蘿汽水既菠蘿味香濃亦唔會太甜

今日喺OpenRice見到book lunch有九折，所以就決定黎食lunch啦！嚟到發現佢多咗個會員優惠。一加入就送一張嘢飲買一送一券。而且好在佢個會員係唔使download app ，用WhatsApp login！2個人食午餐。叫左半份炸雞、泡菜煎餅同DIY飯團！炸雞揀咗香蒜蜜糖味，甜甜地咁幾好食，炸雞入邊仲有啲薯格薯條同薯角。一個價錢已經包埋啲小食！泡菜煎餅附左個甜甜咸咸既汁，煎餅條邊煎得超脆！食落香口好食！今日要洋蔥青椒，紅椒等，口感好好!成個煎餅清曬！另外仲叫咗個次次嚟都會嗌嘅DIY飯團，就係紫菜蟹籽同埋油撈一齊，自己搓成一個飯團食。又同紫菜真係好夾，再加埋啲蟹籽脆脆地。推薦！