Panash

營業中

休息中

德福廣場飲完下午茶～再買返個甜包食下先～麵包種類都好多～有牛角酥、片裝麵包、發酵麵包～有甜有咸～不過大部份款式都係同其他麵包舖差不多～所以想試D特別嘅忌廉號角聽個名都知特別～賣相吸引～又有朱古力又有custard～麵包面有朱古力～中間有新鮮忌廉打嘅custard諗住烈日當空嘅情況下會溶～搭完車攞到返屋企仲好正常～食落Custard唔會好甜重好creamy～一啖又有朱古力味又有custard~幾夾幾好味

出咗咁多間日本麵包店，我最鍾意始終都係panash 🤩😍😋🙌🏻坑口有一間分店，成日都會趁佢星期三九折就會買好多黎食🤣🤣而家返工係九龍灣嗰邊，所以就多咗會喺九龍灣分店度買定一大袋麵包做早餐同午餐🙈😛好抵，$20-$24就有一大袋👍🏻而且朝早佢係新鮮出爐即刻包裝嘅吸引好多😍我最鍾意係佢呢個鄉村面包🥯出面甜甜嘅好似有一層糖漿咁🥰但個甜度好自然👍🏻皇冠麵包都好食，不過我覺得佢材料太實在太多😆🤣🤣其他個妝嘅麵包都好食不過價錢就有啲貴🙈🙈😋

蕃薯紅豆包平平無奇的麵包有點兒驚喜，紅豆蓉不會過多及甜，有日本紅豆的味道，中間是一條黃心蕃薯，沒有過多的人造甜味，麵包有咬口。芝士麻糬大福新出品，很甜，沒有芝士味，麻糬亦沒有味道杏仁紐繩丹麥酥最愛的麵包之一，但不適合做早餐，偏甜，配有杏仁片及白朱古力，表面焗得鬆脆，即使放久了，亦沒有較大的影響。方包每次購買都是剛出爐，拿上手暖暖的，每塊都涂滿牛油，可以不添加任何配料，包邊鬆脆。藍苺芝士包必吃，忌廉芝士加藍苺醬，無得輸。吉列豬扒熱狗正常發揮，沒什麼特別。芝士火腿酥酥類產品買得快，拿上手仍是溫暖的，表面鬆腿，芝士火腿份量正常。

藍莓Begal▫️係香港好似好難搵到d好煙韌有𡁻勁既Begal咁😫有d食落好似麵包咁，只得鬆軟，毫無口感，但估吾到依家Panash有Begal賣，之前好似吾見有得賣咁🤔定係我太耐冇去過😂▫️呢個Begal食落幾有咬口，好煙韌，重硬過Simply Life tim！藍莓數量都適中，間中都食到d藍莓，價錢重平過其他舖頭tim，！好平咋，12蚊就買到，平過其他舖頭！性價比超高！

呢間麵包舖都有啲歷史，好多年前已經幫襯，最近呢一年好少買，今日經過又買咗我地最鍾意嘅黑糖提子包❣。好鍾意有餅房嘅麵包店🍞，新鮮麵包嘅香味，嗅覺係忠實嘅記憶體😌，聞倒自不然會走入去，攞上手仲有温度，長長嘅麵包，啡啡地色，已切好6至7件入袋，無食一年水準依然👍，而且好似都無乜加價22蚊。

呢款包好似好多人買，趁星期三有九折買翻個試下！原價hkd 20大大個，都幾抵。買嘅時候已經feel到好軟熟，麵包外皮煙韌有咬口，內裏濕潤軟綿，口感極佳。個包唔係好甜，有麵粉淡淡嘅甜味，可能因為落左奶粉，所以都有奶香，但係唔會話好重，食落去好清淡自然（有d似糧友嘅湯種包?）。雖然無餡，但係好好味，唔怪得明明外表普通都咁受歡迎，果然包不可貌相絕對值得一試！附帶營養成分per100g total: 225g energy: 261kcalprotein: 9.5gtotal fat: 4.8gcarbohydrates: 47.4gdietary fibre: 2.3gsugar: 4.1g粗略計算大概每片85-90kcal （指大塊果d，無用磅，所以唔係好準確)

🍞糯米蛋糕（紫番薯） $13經常路過Panash但一直都沒買過終於試了這個聲稱是蛋糕但看起來像麵包的蛋糕😂😂不過因為成份是糯米所以比較煙韌餡料不太甜膩而在表面見到的「四方粒粒」其實就是紫薯粒加上糯米有少少咬口～下次再試其他💫.📍Panash

呢間麵包店我好多時都會來，因為覺得佢入面的麵包賣相吸引到我和味道都幾好食。因今天早上遲食早餐，所以只在麵包店買兩個麵包返公司等晏少少當午飯食。當然入到去第一時間都係拿我喜歡的杏仁紐紐丹麥條啦，跟著見到隔離有一款叫紫蕃薯蔴薯吉士包，見個樣好似幾得意，就買黎試下佢啦！～我常常都會買呢隻杏仁紐繩丹麥條，貪佢面頭層杏仁片好脆，只係略嫌甜了一點。但遇然食一次都是不錯。紫蕃薯蔴薯吉士包，包好煙靱，吉士味濃，但紫薯味唔夠突出，但成個包既整體味道都尚算不錯！依家買包我覺得越來越貴，一間普普通通的麵包店買一個普通麵包都要$8個，佢呢度買呢啲比較特色少少既包，雖然要$12，但起碼賣相同味道都高幾倍，都算划算！

我不嬲都好鍾意食澱粉質嘅嘢，成日都會好鍾意經過麵包店就忍唔住去望麵包、蛋糕個類🥨🍰👀 嗰日經開九龍灣，好似好耐無食Panash Bakery就心思思入咗去 (其實嗰時啱啱先食完午餐😂) 咁都比我撞正原來星期三係Panash麵包日😵 本身就算好飽都仲想食，但竟然嗰日仲有九折添啊，叫我點抗拒喎🤣🤣🤣就到聖誕，有好多好得意嘅造型麵包🎄⛄ 但因為我實在太鍾意食糯米嘅QQ texture，我都係食返普通糯米蛋糕😌 我之前食嗰隻糯米蛋糕係橙味加朱古力味🍊🍫，原來每次都唔同㗎，今次就係椰子紅豆味🥥🤓 我個friend都頂我唔順話我好飽仲食😂😂 蛋糕好似海綿咁好spongy，雖然椰子同紅豆本身都甜，但食落又唔會話太過甜喎，係有紅豆粒㗎😍 蛋糕版嘅椰汁砵仔糕😍😍😍 加埋個QQ質地真心無得輸🙈嗰度有張小bar枱同兩張枱仔可以俾我地係度食，都幾舒服，係hea時間嘅好選擇🤣😌 ummmm唔知下次會唔會再有其他新嘅味呢💛

又到聖誕，又到聖誕！十二月份很多餐廳和食店都會推出一系列的聖誕美食。這間麵包店也不例外，推出了限定的聖誕系列麵包和蛋糕。這天剛巧走過德福廣場，想買一個麵包當早餐吃，意外地被我發現有幾款新奇有趣的聖誕麵包和蛋糕，非常可愛。麵包分別有裝飾成聖誕樹和小雪人。眼看見聖誕樹麵包好像是只有一層朱古力餡在外，沒有內餡，所以我還是被小雪人麵包吸引了。立即買了一個小雪人面包試試。面包內有着朱古力醬餡料。香軟的麵包包裹著流心的朱古力餡，味道不太甜，麵包香軟可口。大家不分趁着聖誕來臨，買一個來吃，順道拍照打卡留念吧！

我對牛角酥總有個情意結！！去到吾同嘅麵包舖都想買嚟試試！！今日買左Panash嘅芝士火腿吞拿魚牛角酥！！有D變化！！無剩係食牛角酥咁悶蛋！！番到公司仲有微暖！！好感動呀！！今日撞啱係星期三全日都有九折優惠！！原價$12, 依家$10.8咋！！個牛角酥偏細個！！但勝左材料装滿牛角酥！！咬落啖啖肉！！牛角酥頭尾仲有芝士溶！！材料十足！！牛角酥又鬆鬆脆脆！！有牛油香味！！抵讚！！

今日放工行經德福商場，去地鐵站之前經過Panash麵包舖，遠遠聞到麵包味道，見有人龍，想必然是新鮮出爐麵包的時間。有小朋友放學由家長陪同選擇明天的早餐，也有中學生放學買個包來醫肚作下午茶。我選擇了三重芝士法國包法國包，日本番薯紅豆包及一些芝士波只是磅，他們的麵包水準非常好，即使是一個岩鹽餐包，叮熱了吃又有香又軟，的確是與眾不同。其實麵包價錢非常參差，在傳統麵包舖兩蚊、三蚊都買到一個包，日本麵包舖則賣10幾蚊一個麵包呢，那就是在乎麵粉及其他用料。正所謂一分錢一分貨，都是吃好點。

記得呢間麵包新開個時，第一次就係買芝士包，記得個時買都係$13.5而家已經貴左1倍有多所以而家都只係久不久先買黎食芝士包，充滿好多芝士粒，芝士味香濃，個包好軟熟另外仲食過北海道包，個包大個又熟軟，個面仲甜甜地呢2款包真係好正

公司係九龍灣，有時需要離開香港兩三日工作，都會買定麵包做早餐。今日買了提子直燒及紅豆方包，即日食好新鮮軟熟好好味。就算隔一日都仍然咁好味。仲記得第一次買佢既超熟方包，外表看來平平無奇。但第一啖食落肚，覺得好神奇，點解最普通既方包可以咩醬都唔使塗，齋食都咁好味，名字沒有改錯:超熟，質感係超軟熟，香甜。我自己一個可以ko一包方包而唔覺得dry。除了超熟方包，麥皮方包都好味，但呢款要烘過先會好味。用黎做all day breakfast既其中一部份真係無得頂。

今日咁岩行過德福 見到呢間新開嘅麵包店 咁岩又未食早餐 就買個包試下呢個芝士bagel 望落幾多芝士 食落就冇咩芝士味😐同埋有d 硬 冇左bagel 煙煙靭靭ge feel🙃🙃算係不過不失啦