Panash (已結業)

一年咁多節日…我最鍾意就係聖誕節🥳因為最有氣氛，最多周邊產品吸引你報復式消費😌經過見到呢三個麵包想買好耐但又好驚靚嘢會伏🥲最終都係抵受唔住佢哋嘅美貌!一次過買晒三個同同事happy share應吓節😚<<雪人朱古力包>>造型最可愛😍見到佢天真嘅笑臉真係唔捨得食!!同事狠心地斬開佢兩刀🙈原來佢入面都有朱古力喎!!!!一啲都唔hea喎!!!我仲以為佢得個樣同條頸係有朱古力!!!雖然只係一個好普通嘅朱古力麵包, 但造型100分!!!💯<<黑聖誕樹(吉士忌廉)>>同<<白聖誕樹(朱古力忌廉)>>造型同樣有氣氛🎄本身我以為白朱古力甜啲~但佢甜度剛好喎👍🏻相反我以為黑朱古力嗰個冇咁甜…但原來佢上面啲粒粒唔係花生粒! 係糖霜粒!!!!入面嘅忌廉都好滑，多得嚟又唔會好腬!朱古力控嘅我最鍾意食白色聖誕樹嗰個🥰因為大愛佢湧出嚟(猶豫便便一樣)嘅朱古力cream🙊無論係味覺上定係視覺上都好有衝擊😂😂😂😂😂

這間麵包店可能由於是連鎖的緣故，因此它即使就快要關門，都不會有特價，這就是連鎖店的驕傲。有次我買了個薯蓉包，也算是不錯的，雖然麵包的外皮有點兒回氣而變得軟林，不過內裏的薯蓉餡料還是一般的多，即是麵包看起來小小的一個，不過還是夠飽肚，而且有吃薯蓉的感覺。第二次買咗個吉列魚柳熱狗，長條型的熱狗，賣相看起來上來，魚柳的確充撐着整個熱狗的長度，都沒有偷工減料。不過長包的質地比較好鞋身，魚柳亦都偏乾，畢竟炸完再放着，雪凍又叮熱，與新鮮即炸的魚柳當然有分別，不過幸好醬汁不算太少，也未至於完全乾哽。這間麵包店竟然可以霸着沙田一田地下這個這麼大的舖位，的確難得。

之前經過一田，打算整西餐賀情人節，就買埋麵包做餐前小食。呢個法式提子排包一共有6-7件，焗爐翻熱10分鐘，再配醋同橄欖油真係一流，香味四溢。麵包本身有提子配料，食落有咬口！承惠20元都算好合理😜

今天逛沙田一田百貨，試了Panash 的芝士包。一袋$32約有已切開八片（連頭尾）的芝士包賣相不錯，麵包頂部的芝士不算多，但烤得金黃包且微燶，脆口兼有芝士香味。打開包裝，便發現每片包的芝士分量卻不少，分怖在不同的地方。芝士較厚的部分，鹹味會較重。整體來說，麵包的質感仍是鬆軟，而皮的部分焗得較濃且較有咬口。個人認為這種麵包不用配任何牛油或果占來吃，味道已足夠，只要配一杯飲品便是一個簡單的早餐或下午茶點了。

一田新裝修之後都好少黎行，感覺好迫，冇以前咁好行今日黎到有少少肚餓就去Panash睇下有咩啱食😋因為都差唔多20:00，唔係好多款包淨，見到有我最鐘意嘅麻糬波波，就買個試下啦一口芝士小食: $4.5/1, $17/4size非常細(同凱x一樣咁細)都要成$4.5一個，定價好貴！不過食落真係幾好食，芝士味濃，咸香煙韌，唔係偏甜嗰款芝士味，滿足到我呢個唔好甜嘅煙韌控。淨係食一個唔夠喉，可惜太貴，如果平翻d一定會成日買黎食

沙田的一田百貨在十一月裝修後再正式營業。新的Panash 麵包店取代了舊有駐在一田的麵包店。新的店開了兩個門口，一個在一田百貨內，一個對著新城市廣場的士站的。賣的麵包種類頗多，有鹹的，也有甜的；有原條麵包，亦有個裝的。我在新店開張後買過幾種麵包都相當好吃。最特別的應該是我初試的湯種黑米藍莓棒。吃起來非常軟的，但有𡁻口，內裡的藍莓酸酸甜甜的，鹹甜味道適中。買回家後，我放入了焗爐翻熱，吃的時候，外脆內軟，它已成為我的至愛！另外要提到的便是這店新鮮製的超熟方包。它確實鬆軟，就如袋上注明的：是用精選素材，不添加多餘的素材。這種方包用來整三文治的話，非常鬆軟；若用焗爐做多士的話，亦外脆內軟。個人提議，若做三文治的話，可用八片裝，製多士的話，用六片裝更有理想効果。