Pasta Zone (已結業)

今日決定去食意大利人手造意粉，一入到去外籍老板同我say hi !立即入廚房開工!我咁遲到真係唔好意思!老板娘介紹2個意粉比我，意大利咸魚貓耳朵同薯仔粉併西西里汁，因為出面食唔到!我最後試左貓耳仔，老板娘話早到可以加10蚊有意大利芝士蛋糕，仲同我傾計!下次入黎我一定會食多D野!味道方面，法包既醋我很喜歡，法包外脆內軟!一上菜我覺得有優雅的咸香味，絕對唔同中國果D咸魚，入面仲加左黑椒辣辣地，愈食愈過癮!意粉有麥香!推薦既檸檬汁都好好飲，唔係勁酸果種，仲好解渴!

呢間鋪係位於駱駝漆大廈既其中一間小店其實係好有特色，因為是專門做意大利粉叫左意大利手工貓耳朵配鯷魚橄欖汁&意大利手工傳統麵配蕃茄汁豬肉丸首先，貓耳朵好特別，好少地方食到佢既汁好濃味好好味！可惜無餸，食到有啲dry其次個蕃茄傳統麵，個汁好酸如果可以甜返啲，會更適合香港人既口味！最後個度仲有個雪櫃，係for你食完好想買返去煮黎食！好特別

新年前最後衝刺，去最多開倉貨嘅駱駝漆大廈掃貨，買完野就一於附近地方開餐，排隊搭 lift 條隊排到去孟加拉咁遠，搵對腳行樓梯好過，咁就近近地去一樓睇吓有乜嘢食。遠處就見到個財神爺，咁就一於行到尾啦！門口招呼排隊嘅姐姐話係意大利廚師親自製作，我又咁鍾意食意大利雲吞，就一於試吓啦！點餐後自動送上麵包，加埋意大利醋特別香濃。店長特別推介嘅 $68 意大利手工薯仔，口感果然好特別，煙煙韌韌，口感彈牙。配合埋辣腸同埋西西里辣汁，惹味十足！中間加插個小食，番茄肉丸配薯條 $38，肉丸美味，薯條熱辣辣。意大利雲吞就食得多啦！細細粒嘅就第一次試喎！意大利手工小方形牛肉餡配忌廉汁 $75，好有新鮮感，店長說係意大利直送的，感覺零舍矜貴最後加＄9 蚊 upgrade 了飲品，嘆左一杯拿鐵咖啡，配埋餅乾一流

早幾日同朋友去左駱駝漆，諗住試下e間pasta zone。見門口咁多人，咁就照填左名等位。等左1個鐘左右，終於入得去食，但令我大失所望。 入到餐廳，店員安排左位置比我地，咁我地就順手點埋餐啦。點知隔左45mins，我地追問店員，店員竟然話頭先無落到單。同時，隔左咁耐都無任何店員過黎清枱，服務態度好差。😭😭😭下列講下兩道菜式1. 大方型牛肝菌芝士餡牛肝菌味都還可以，但芝士味唔夠重，要店員幫手加芝士😥2.手工菠菜芝士雲吞餡配黑松露忌廉汁黑松露味幾香，雲吞煙韌彈牙👍個人認為要改善下服務態度

早兩日睇到雜誌話，觀塘最近新開咗一間意大利手工意粉餐廳， 而且係由正宗意大利人主理， 一去到門口其實都幾多人排隊㗎，基本上都要等一段時間，不過有得留名喺度咁登記排隊。坐低嘅時候店員會送上，一碟熱辣辣又十分香脆嘅麵包，配上橄欖油同埋黑醋。麵包熱辣辣脆脆地非常香口，而且橄欖油同黑醋酸酸甜甜，食落非常開胃。 焗辣汁八爪魚薯仔配麵包八爪魚同埋薯仔，配上一啲甜甜辣辣嘅醬汁， 亦有少少忌廉汁， 八爪魚同埋薯仔非常之索汁，加上紅腰豆食落口感好Rich， 而最好味嘅就係番茄醬同麵包，食得出係由乾番茄同香草及蒜製成，一唔小心就食多幾粒。每啖咬落去都會睇到好多乾蕃茄碎同埋蒜頭， 同新鮮番茄非常唔同， 可以話係濃郁咗好多，食落係好有茄味同蒜味， 作為餐前小食，呢個真係一流。意大利手工大方形雲吞配芝士牛肝菌餡配牛油橄欖油淡淡嘅牛肝菌意大利雲吞，配上忌廉同芝士煮成嘅醬汁， 食落非常香口， 雖然小小嘅一碟，但原來都幾飽，而且好多好香既菇菌味，店員仲會瘋狂幫你加芝士，芝士迷必試。切開雲吞入面，仲會見到唔少牛肝菌芝士餡， 除咗好香菇味，亦有好多芝士，不過唔會好漏， 反而仲幾清新。蒜蓉煮青口滿碟既藍青口， 由雞湯、白酒

阿林：雖是意籍老闆掌廚，但不一定就有al dente。意粉本身富蛋香，厚度適中，惟烹調有欠水準，熟度不足。辣肉腸貓耳朵 ($68)，間中有幾顆是煙韌的，但硬的還是佔大多數。黐牙度十足，咬到牙骹軟。幸好西西里汁濃郁，彌補了一些不足。牛肝菌芝士方餃 ($75)，有即磨巴馬臣芝士。皮邊較硬，牛肝菌豐富充實，雖然香味不算突出。醬汁濃稠，但實在太少，不足以沾滿每件餃子。套餐雖包含餐包及飲品，但作為正餐不夠飽。加上沒什麼肉落肚，對我來說不大夠喉。

一向喜歡鍾意pasta 的我，一聽到朋友約食pasta , 即刻舉手🙋，果然無令我失望！我點了pasta貓耳朵，有咬勁，香港好難食到如此味道和口感！另外點了青口，青口不算大，但是味道野味，汁鮮味，剩餘的汁點面包吃了。友人的長意粉 with meat ball n tomato source 一樣美味，不是一般意粉，很有口感，也很入味。餐廳在工業大廈，要不是朋友介紹，我都不知道有此小店。餐廳裝修一般，但服務很好，還有電視播放食材的來源、做法...👍🏼仕應還會親自介紹食材來源，特色等，是用心經營的食店

 前排葵廣當旺，近排發覺觀塘同將軍澳彈起！所以今次同大家介紹一間喺觀塘工廈嘅一間意大利小店！真係有意大利人坐陣㗎！ 小店主打各款手工意粉同雲吞，有幾款真係未曾試過，最重要係每碟只係$68-$75！性價比高！ 抵食   蒜蓉煮青口 $48  巴馬火腿配蜜瓜 $38/3件  手工扭紋粉配車厘茄汁 $68  貓耳朵配鯷魚橄欖汁 $68  手工小方型牛肉餡配忌廉汁 $68  手工大方型牛肝菌芝士雲吞 $75  蕃茄汁豬肉丸手工麵 $68  士多啤梨雪糕配黑醋 $28 甜品只有雪糕同咖啡好似無乜特別？其實士多啤梨雪糕本身個味道巳經同一般嘅有好大分別，質感有少少似雪葩，感覺清爽啲，入口酸酸甜甜。不過最特別係會喺雪糕上再加啲黑醋！黑醋配鵝肝肉食就見得多，但估唔到係加落雪糕竟然都好match！好好食！(大家喺屋企試嘅話，記得唔係用點麵包好稀嗰種，係要加傑身好似漿嗰隻，味道香甜好多㗎！) .  雪糕咖啡 $28 甜品連咖啡一杯過都唔錯~ 🇮🇹🇮🇹🇮🇹🇮🇹🇮🇹🇮🇹🇮🇹🇮🇹🇮🇹🇮🇹🇮🇹🇮🇹🇮🇹 價錢：💖💖💖💖 味道：💖💖💖💖 賣相：💖💖💖 環境：💖💖💖 （5💖最高） --------------

駱駝漆大廈出咗名就有outlet，原來三期一樓嗰一層有好多食肆，佢哋個入口都幾隱蔽！好低調既門口其實有好多選擇。跟餐檸檬汁一上枱就有一陣鮮檸檬味，要凍飲但係裏面冇冰，以確保唔會溝淡左，老闆話係用新鮮檸檬整既，味道出奇地唔會好酸，比例啱啱好，正！跟餐麵包重點在於佢個黑醋，唔會太酸，法包唔會太硬。意大利手工大方形牛肝菌芝士餡配牛油，橄欖油 $75一上枱就拎舊左一大舊芝士出黎，問我加唔加上去，「芝士控」既我搵唔到理由拒絕！其實我唔係好識點樣形容呢一個菜式，佢似「意大利雲吞」，不過好大舊同好多餡，個粉皮厚度適中，啲餡有好強烈既芝士味同牛肝菌味，有食唔停口嘅感覺。 問返老闆，原來食材係來自意大利，唔怪得我都係第一次見到呢隻「大方刑」。$75 就食到咁特別同埋咁好味既意大利食品，值得推介！

聽朋友介紹觀塘開左間新的餐廳，主打食新鮮制造的意大利粉，又平又好食咁，今日一於約埋幾個朋友黎試下先。餐廳位於駱駝漆大廈的一樓，門面簡潔。menu主要食pasta, 及有其他小食，價錢一啲都唔貴pasta 仲會附送面包及餐飲，面包會比埋橄欖油同陳醋，即刻好開胃意大利手工貓耳朵配鯷魚橄欖汁，一黎到好香蒜味，食落口煙煙銀銀，好特別的一個pasta!傳統的carbonara, 個汁都煮得好香，好有水準！蕃茄汁豬肉丸意粉，豬肉丸大大粒都好juicy意大利手工薯仔配辣腸西西里辣汁，手工薯仔口感好好，個辣汁亦好惹味，正上左菜之後店員仲會即席加上鮮磨芝士

今日約咗朋友一齊上駱駝漆，諗住開party買下啲嘢食，行到一樓見到原來新開左間食意粉嘅，諗住求其食一餐，去到門口原來係主打意大利新鮮做嘅意粉，既然咁特別就試吓套餐都係$75左右起，一啲都唔貴原本想叫意大利雲吞，點知店長話太好賣，賣晒要星期二先有貨，好可惜，下次一定再食到餐前麵包配意大利一年醋，每檯附送意大利手工貓耳朵配鯷魚橄欖汁，真係第一次認識，好特別，蒜味好重，愛蒜之人必試著意大利手工5mm寬條麵配洋蔥煙肉芝士蛋汁, 食得出係好正宗既Carbonara 意大利手工傳統麵配番茄汁豬肉丸，上菜嘅時候侍應會黎問你需唔需要芝士黑松露油薯條，香氣濃郁

從來未試過去食西餐會未食完個意粉就上甜品！！！話說我同朋友二人叫左兩個意粉，第一個意粉上左都未食，個女侍應就拎個甜品比我。。。 我同女侍應講 : 唔好意思，我地係後上。。然後女侍應話 : 唔好啦，唔好等啦，上左先啦，好多人order。請問我個意粉都未食。。我又無叫pick up。。做咩事唔可以幫我hold個甜品呢？之後仲吹左我三次問我個甜品可以上未。。我又未食完個意粉，佢地又唔係full house，做咩事要趕客？以後唔會再黎一間服務態度咁差既意大利餐廳！！！

平日經開觀塘都好少上黎公廈呢邊食飯今次就同大家介紹一間 我經常encore既意大利🇮🇹餐廳啦🍴Pasta zone🍝 正好位於公廈好近apm 同mtr站 好方便架環境方面：今日正常平日下午好多打工仔都黎呢度食午餐🥣等左一陣位就入得食飯方面真係好抵食！$70有找就食到一樣野呢碟手工薯仔 係我每次黎到必點😋😋入口好似食緊麻薯咁 完全唔似薯仔🍴超好食😋呢個意大利雲吞🇮🇹個皮仲食得出係新鮮製架青口亦係必食之選$48就好大碟 好香酒味免費🆓配埋個新鮮檸檬汁🍋超級享受呀

近來發覺公司附近工廠開了專食意大利粉, 仲要係意大利人煮呢！ 相約幾位同事一齊去 ~ Pasta Zone食午餐。 Pasta Zone位於官塘工廠大廈內的意大利餐廳。* 店裝潢簡約乾淨,好有家庭感覺 。**【意式火腿拼盤】 $48 這是好味前菜, 意式火腿拼盤有火腿､香腸及有涵的餅。 火腿上有芝士,食上去有淡淡鹹香味;香腸含油質, 食起來頗香;餅有不同涵,食了其中西式鹹魚餡餅, 鹹香非常。**【帕爾馬火腿配密瓜】 $38 這帕爾馬火腿不會太過鹹味,配搭很甜密瓜, 簡直絕配,是前菜不錯選擇。**【番茄肉丸配薯條】 $38 肉丸好吃口感軟腍,配埋調味濃郁的番茄汁食簡直一流, 當然 香脆的薯條沾點濃番茄醬,十分好味呢!**接著點了兩款意大利粉套餐意大利粉套餐附送麵包及飲品 麵包可沾點酸酸地的橄欖醋,非常開胃。*【意大利手工小方型牛肉餡配忌廉汁】 套餐 $75 每粒小方型內有牛肉餡,好似食緊雲吞, 掛上好creamy 忌廉汁,味道不錯,不知不覺好快食完。**【手工薯糰丸子配辣肉腸西西里辣汁】 套餐 $75想不到薯糰丸子是薯仔做,入口煙煙韌韌,彷似食上海年糕口感,特別得口感吃起來反而讓人

美味的午餐@ Pasta Zone感謝老闆Yvonne 的招待及折扣，非常滿意熱情的Kris and Yvonne, 我一到步，馬上安排坐位，因為花多眼亂，唔知点選擇，當然叫(二旺) 幫我叫了(Yvonne's Recommendations) 意大利手造雲吞，凍檸檬汁。一字曰： 正don't forget 餐前小吃，面包加意大利陳醋。。I am loving it.... 下次要試黑松露炸薯條平時只做中午，知道她們正在安排做晚餐時段，靜候佳音(要試黑毛豬义燒，西冷和牛扒)