影片
營業時間
今日營業
08:00 - 22:00
星期一至五
08:00 - 22:00
星期六至日
09:00 - 22:00
公眾假期
09:00 - 22:00
以上資料只供參考, 請與餐廳確認詳情
元朗站多左個商場，餐廳都多左好多唔好選擇，而且價錢再親民啲。今晚試下呢間新開既cafe ，裝修簡約舒服，就開喺湊湊火鍋對面。餐牌見單價都唔貴，而我地就揀左個 dinner set for 2，幾抵👍🏻前菜有兩碗是日餐湯，今晚係蘑菇湯，飲落幾驚喜！平時飲既都比較滑身同creamy，呢個反而啖啖都有蘑菇碎粒既口感，雖然蘑菇味唔重，但每啖都真材實料。溫泉蛋卡邦尼意大利粉一上黎見到粒溫泉蛋已經覺得好吸引🤩煙肉碎都係大大粒既，食落口感豐富好多。意粉本身既醬汁都creamy，配埋黑椒既味道，唔錯！慢煮雞胸南瓜粟子意大利飯我覺得呢個都幾啱健身中既朋友食，飯俾南瓜汁包住，中間又會有啲南瓜粒、粟子同菠菜，食落唔會覺得漏，幾健康。雞胸薄切左，煮得冧身而身juicy，係煮得好食既雞胸👍🏻👍🏻表面仲有啲松子，食廿食落口感又再豐富啲。法式多士配自家製咖啡牛油Set 甜品包左，法式多士唔算好大件，份量剛好唔飽滯。伴碟有好多開心果碎同粟米脆脆，點埋啲蜜糖一齊食，幾時食又唔太甜，咖啡牛油再令個味多個層次。士多啤梨伯爵奶茶士多啤梨味幾香，面仲有啲士多啤梨味粟米脆脆，奶茶飲落茶味唔算重，balance到士多啤梨個甜味。雲呢拿latteLatte 拉花好靚好有心機呀，拉左隻poodle 出黎，勁得意！咖啡飲落幾香！我見佢地餐牌仲有水沖咖啡揀，鍾意咖啡既朋友可以一試。另外想講店員都幾細心，感覺雖然怕怕醜醜咁，但留意到我大肚會主動幫我換過杯暖水。
繼續閱讀
Pause it嘅晚市二人餐相當豐富菜式多樣且充滿創意整體氛圍舒適適合情侶或好友chill下👫👭🔹慢煮雞胸南瓜粟子意大利飯雞胸肉經過慢煮處理 口感非常嫩滑完全冇乾柴既感覺 南瓜同粟子既搭配令意大利飯帶有甜味😋🔹法式白酒燉雞配香草麵包呢道菜既白酒香氣濃郁 雞肉燉得入味 肉質軟嫩醬汁帶有微微酸度 非常開胃香草麵包外脆內軟 沾上醬汁後更加美味❤️🔹法式多士配自家製咖啡牛油法式多士外層酥脆 內裡鬆軟 搭配既咖啡牛油非常特別帶有濃郁既咖啡香氣 甜中帶苦令多士增添咗新意🫶🏻🔹芝士黑松露薯條薯條炸得金黃酥脆每啖都食到濃郁既黑松露味芝士既鹹香同薯條既脆口完美結合係一道令人停唔到口既邪惡小食😍🔹熱竹炭Latte竹炭Latte有獨一無二既拉花口感順滑 帶有淡淡嘅竹炭香氣咖啡嘅苦味同奶香平衡得恰到好處❣️🔹熱朱古力熱朱古力濃郁香甜 口感濃稠飲落非常溫暖 令人感到滿足❣️💡佢地有拉花課程嫁！啱晒鍾意飲手沖咖啡既朋友❤️
繼續閱讀
元朗YOHO Mix 商場🍴 𝐏𝐀𝐔𝐒𝐄 𝐈𝐓咖啡店☕️裝修行簡約風，充滿空間感，白牆身⬜️ x 木系 🪵 裝潢，空間感十足，可以悠閒享用美食，渡過輕鬆寫意嘅時光😌🍳 全日早餐 $108法蘭克福腸、煙肉、烤雜菌、蕃茄、沙律菜、酸種多士、茄汁焗豆同嫩蛋🍽️食all day Breakfast最緊要係每款配菜溫度啱啱好，入口每啖都係微暖。雜菌好香，多士有咬口，水準唔錯啊。日本和牛漢堡配薯條 $138和牛漢堡肉質嫩滑，煎嘅熟成度啱啱好，保留肉汁同油脂。配上炒過嘅洋蔥，增加甜味之餘，去除牛肉嘅油膩感覺，平衡得好好。🍹 檸茶啡 $52呢杯檸茶X咖啡，新穎又衝擊味蕾✨ 經過24小時浸泡嘅冷萃咖啡，加上24小時糖漬檸檬糖漿同特選紅茶，即有茶同咖啡鎮靜嘅甘口，又有絲絲檸檬🍋嘅清新酸爽，so refreshing!Pause it 嘅飛馬拉花係招牌，今次嘅LATTE拉花係夜狼🌕🐺，綫條好靚，飲之前一定要狂打卡！
繼續閱讀
呢間cafe環境好好，一入到去嘅感覺好舒服，白白嘅裝修佈置，乾乾靜靜嘅環境，感覺好清幽，我喺度飲杯咖啡傾下偈，一個人嘅時候玩下電腦睇下書感覺好一流，首先點有杯雲呢拿拉花咖啡，佢哋嘅拉花技術好高超，出咗嚟原來係隻狗仔勁得意即時影多幾張相。另外一個玫瑰花茶，養顏又健康。凱撒沙律我真係好鍾意呀新鮮嘅沙律菜加埋佢個麵包糠呢個配搭。仲有個香炸魷魚，味道好到不得了夠熱夠脆夠香呢個好好味。最後卡邦尼意粉仲有個溫泉蛋，意粉韌度啱啱好，加埋奶油香味十足好食。呢間整體嚟講樣樣我都好滿意，員工好有禮貌。
繼續閱讀
藏在商場角落的小店，週晚餐時間人流不算太多，座位寬敞舒服。 溫泉蛋卡邦尼意粉🍝意粉不會太硬，口感剛剛好，戳破蛋黃混合芝士，奶香濃但不膩，火腿帶出淡淡油香。菠菜雜菌班尼迪克蛋兩隻水波蛋一劃開就流到得煙韌的雜糧麵包上，蘑菇和菠菜帶點清新，荷蘭醬酸酸的剛好解膩，整份吃完很飽足。 芝士黑松露薯條🍟幼身薯條炸得外酥內軟，芝士🧀軟滑，黑鬆露味不會假假的，分量夠大，不過我哋都整盤清空。伯爵茶咖啡☕茶香和咖啡苦味搭得意外順口，甜度剛剛好，像奶茶但沒那麼甜，拉花很可愛，差點唔捨得飲。
繼續閱讀