Peko Peko Eatery (勝利道) (已結業)

銀鱈魚以傳統西京味噌醃漬，烤至表皮微焦金黃🔥，肉質卻保持雪白嫩滑，入口即化～味噌的甘甜與魚脂香氣交融，鹹甜平衡得剛剛好🤤。配菜也毫不馬虎：白飯粒粒分明🍚，味噌湯暖胃鮮香，醃蘿蔔同沙律爽脆解膩。驚喜的是附餐的「Mixed Berries Yogurt」🍓！濃稠的希臘優格淋上混合莓果醬，藍莓、草莓、覆盆子在舌尖爆開酸甜滋味，搭配堅果碎增添香脆，清新感瞬間洗刷味蕾～彷彿甜點般的收尾，讓整套定食更圓滿💯。

之前喺荃灣西食過Peko Peko Eatery質素幾好，所以今年情人節就帶老公嚟試吓情人節只有set dinner 無a la carte📍Parma Ham牛油果沙律賣相幾靚，但係啲火箭菜好苦📍黑松露蟹肉帶子帶子煎得啱啱好，加埋蟹肉同松露超滿足！📍蘑菇湯味道超濃～同熱辣辣嘅蒜蓉包一齊食超正📍蟹肉墨汁烏冬望落去好似意粉但食落竟然係烏冬嘅口感味道普通唔算十分好食📍牛柳牛扒熟到啱啱好，同餐廳自己調配嘅醬汁十分配合～唔錯📍心太軟雖然心太軟冇流心，但配上雪糕都幾好食，為今晚嘅晚餐畫上完美句號～可能因為情人節比較忙，個人認為上次荃灣西分店比較好食，下次平日再嚟幫襯睇吓會唔會好味啲

今日其實已經食咗個brunch,不過約咗人喺附近，但係又太早，忽然見到呢間望落都幾okay嘅餐廳，於是決定入嚟hea吓，打發一下時間，順便揾個廁廁。入到餐廳已經差唔多兩點，入面冇乜客人，有一張枱坐咗六個人，最入面有一張坐咗一個。坐低咗，餐廳職員俾咗一張Menu我，望去啲嘢食都好似幾吸引。初初以為係純日式，睇真啲原來係fusion嚟嘅，我最初見到「漢堡」兩個字，就覺得應該係啲我唔會食嘅嘢，望清楚係雞肉整嘅，於是叫咗嚟試吓。頭盤我揀咗鮮蝦明太子沙律，同埋炸忌廉蟹肉餅，跟餐有杯冷泡伯爵茶，或者熱紅茶。其實仲可以加錢飲其他嘢，我見個餐已經成$80，所以冇再加錢叫其他飲品，最後我就要咗熱紅茶。個餐嚟到，賣相真係都幾唔錯，有杯細細奶白色嘅嘢，我估係忌廉湯，諗緊我應該好似飲麵豉湯咁樣成杯飲，定係用嗰隻匙羹，但係咁大隻羹點樣擺落呢隻咁細嘅杯呢？🤔最後我選擇咗成杯飲。🤣跟住食頭盤，我鍾意佢哋嘅明太子沙律，入邊啲明太子切到四四方方，好爽口，唔會好鹹。啲𧎚好新鮮，但係切得好細粒。😅個炸蟹肉餅口感同味道都幾好，不過入邊見唔到蟹肉，但係有蟹味嘅，外邊嘅炸粉唔會好厚好韌。塊雞肉漢堡先係今餐嘅亮點，肉質、口感同啲流

📍Peko PekoBookmark咗呢間好耐，可以以性價比高嘅價錢食到超級濃郁嘅海膽醬烏冬🥹🥹 完全冇令我失望！😍今次食何文田店五周年慶嘅特別晚餐set，$288，另收加一服務費，包兩杯野飲，一前菜，二主食前菜：大大份炸薯條配松露醬薯條炸到非常脆，熱辣辣好大份，啲松露醬亦都俾得好大方😋蒜香白酒大蜆意大利麵酒味好濃，蜆肉鮮甜，意大利麵煮得剛剛好，唔會食到好膩🙌🏻 不過蒜味就唔算好重〜海膽三文魚籽竹炭烏冬 (+$48)一定要嗌呢個烏冬嚟食❗️💓 海膽醬超級濃郁，一開始淨係試細細啖醬已經俾佢驚艷到😍 三文魚子反而唔係想像中嘅口感(可能因為太熱)😂 竹炭烏冬個口感好得意，一咬就斷，好爽口，其實比起烏冬更加似意大利麵😆 每一條烏冬都沾滿咗海膽醬，再加埋海膽食嗰一下真係超級幸福╰(*´︶`*)╯♡ Iced Hojicha Latte (+$38)焙茶味比較出，奶嘅感覺反而比較少〜📍何文田勝利道1-3號地舖📍荃灣大河道100號海之戀商場1樓1006-1007號舖📍 元朗朗樂路1號元點1樓B141-B142號舖

同舊朋友相聚，揀左位置方面屬於旺中帶靜的旺角近何文田地區！之前經過呢間見到門口已經覺得幾靚，所以今次黎試下 🥢 海膽三文魚子竹炭烏冬 🥢首先係海膽三文魚子竹炭烏冬，呢碗烏冬真係色香味俱全！！好特別嘅味道！烏冬麵條彈牙爽口，竹炭嘅獨特香味加上鮮甜嘅海膽同爆漿嘅三文魚子，簡直係味覺嘅盛宴。好似係海洋中心食緊海鮮的味道，真係幸福到大海中漫遊咁！🍝 白酒蒜香蜆肉意大利面 🍝接住落嚟係白酒蒜香蜆肉意大利面，呢個意粉真係冇得輸😍意粉煮到剛好嘅彈性，配上新鮮嘅蜆肉，仲有白酒蒜香嘅加持，味道層次豐富。每一啖都係濃郁嘅海鮮同白酒香氣，絕對係令我地一試難忘！🦪 香脆廣島蠔 🦪最後係香脆廣島蠔，呢道菜真係炸到外脆內嫩，蠔肉鮮甜多汁，咬落去仲有一陣海水嘅鮮味。一口咬落去，脆脆嘅外皮同鮮嫩嘅蠔肉完美結合，簡直係一場味覺嘅享受！

勝利道附近啲餐廳選擇唔多，好少會專登嚟呢度食飯，不過聽屋企人話之前試過呢度啲餐廳都唔錯，所以今次屋企人就帶我試下呢間西餐廳。🤨一坐低望個餐牌，嘩！原來呢間開咗四年，平時經過都唔覺有呢間嘢😅。既然係咁，就試下佢呢個二人餐，不過呢個套餐選擇比較少，所以另外散叫其他食物。先講前菜，喺二人餐叫咗份炸蠔配燒汁🦪，份量同味道ok，唔會炸到太燶🥲另外散叫咗一份天婦羅海苔魷魚🐙，呢個稍為有點失望，雖然味道唔錯，但份量稍為有點少，令到賣相感覺唔好睇🥲輪到主菜，喺二人餐叫咗蒜香白酒大蜆意大利麵🍝同安格斯肉眼牛扒🥩。先講意粉，份量ok，蒜香味雖然唔重，但勝在蜆肉幾大隻同鮮甜牛肉五成熟，肉質同口感唔錯，配菜賣相幾好另外散叫左一份西班牙豬鞍🐷，預先切好咗令客人食得斯文啲，加上個賣相擺設得幾好😆！味道幾好幾juicy~！甜品方面，叫咗一份Tiramisu 同黑朱古力香橙榛子蛋糕🍰🍫。正正常常，係個榛子蛋糕略為有點酸🥲而二人餐就包咗兩杯嘢飲，叫咗玫瑰白茶🌹🍵同柚子檸檬梳打🍋作為呢餐飯嘅總結。呢餐飯約$9XX埋單，整體上成餐飯味道可以接受，餐廳環境乾淨企理，但服務態度就爭少少，有個侍應唔知係咪太緊張，做嘢上比較急速，

公司喺附近，所以成日都會黎足度食lunch，價錢相宜，而且好食又多選擇.$78就有一個lunch set，而且menu會成日轉 所以每次黎親都有唔同野食～.Lunch set 有湯、飯、飲品、2前菜+1主菜 or 1前菜+2主菜😆 超級豐富，一定食得飽～

🇭🇰無可挑剔嘅西日餐廳🇭🇰#foodxxe_何文田#foodxxe_旺角#foodxxe_太古#foodxxe_荃灣#foodxxe_cafe⭐️整體⭐️✔️款款都好高質 有誠意🥰✔️環境唔錯 坐得好舒服❤️✔️有加一🥗Love Strawberry 🥗 $118✔️相當開胃嘅沙律😍 即刻覺得自己健康左！✔️超fresh同岩曬鐘意食生果沙律嘅你😝🍝辣肉腸鮮茄肉丸意大利麵🍝 $129✔️蕃茄醬酸甜剛好 意大利粉掛汁😋✔️意粉軟硬適中 有咬口🤩🐠香煎三文魚配香草油🐠 $178✔️三文魚煎得香口 又唔會柴❤️✔️啖啖肉 性價比幾高😍🍫心太軟配自家製泰式奶茶雪糕🍫 $68✔️ 好！好！食！ 真係流心 朱古力係「堅」朱古力！😻✔️雪糕好高質！唔會太甜⭐️回頭指數：4.7/5
食物質素：4.6/5
性價比：4.6/5環境：4.6/5人均消費：HKD 200📱搜尋:#Foodxxe_PekoPekoEatery💻分類:#Foodxxe_restaurant多謝您睇到呢道❤️⚬⚬今次去嘅店鋪資料⚬⚬名稱：Peko Peko Eatery地址：何文田勝利道1-3號地舖電話：2688 2350#旺角美食#何文田美食#太古美食#荃灣美食#p

何文田附近一向都唔算多選擇反而勝利道呢度集中有幾間餐廳同cafe😋今次試既係一間日式西餐PekoPeko既晚餐餐廳走既係木系裝修 比起附近既cafe更闊落 🪵食物方面選擇好多 既有健康之選 又有和風洋食🤩🍓Love Strawberry $138首先前菜係招牌既健康沙律呢道Love Strawberry酸酸甜甜🍋除左開胃之餘 仲有superfood 超級健康特別鍾意超甜既無花果 配上其他苺果 好開胃👍🏻🍤Peko 拼盤 $168嗌左個沙律扮健康 但都係忍唔住食埋其他小食貪心既我就係嗌個小食拼盤 滿足曬食炸物既慾望😋拼盤包括白酒忌廉汁青口、炸雞、炸廣島蠔🦪同埋最特別既天婦羅海苔魷魚 🦑🍝忌廉汁三文魚意大利麵主菜方面分別嗌左意大利麵同埋羊架忌廉汁三文魚意大利麵擺盤好有心思🥹將三文魚變成花既擺盤 旁邊仲有芝士脆片🧀配搭埋濃厚既忌廉汁 真係唔錯留意到Pekopeko意大利麵款式變化都好多🤩見到招牌係海膽竹炭烏冬 對係西日fusion既代表下次黎絕對要試下👍🏻👍🏻🐑香草煎羊架 $288接受到少少羊羶味既人就可以試下呢個羊架🙈比起牛排同豬排 煎羊架 更加考師傅工夫👨🏻‍🍳羊架煎到嫩粉紅色 同時有

用餐環境好，衛生ok，服務ok，但食物唔ok。我只點了温泉蛋卡邦尼($58)，下午茶餐不包飲品，份量就是一般西餐廳的意粉吃不飽的份量。在吃之前這都是可接受的，現在香港物價就是如此，加上環境很不錯，讓人感覺良好🙂但食物質素讓人失望，加上之前看了那麼多好評，本身對這餐廳也抱有很高期望🙁卡邦尼無加碎芝士，大概也無放忌廉，可以吃得出來，而且顏色和質感都不像，大概是罐頭汁。只見表面上撒了點芝士粉。味道就是忌廉意粉罐頭汁加蛋漿，失望☹️溫泉蛋煮得還可以，無過熟，但有蛋殼碎😥但我吃到一大半才吃到它，所以就無通知店員，全吃光了雖然這店的環境服務衞生都不錯，但我認為一間餐廳最重要的是食物質素，其他的都是附帶條件

野食係正常，都去過唔止一次但每次都比個服務員搞到一肚氣終於決定要寫一寫個評等大家小心唔好以為你野食ok就大哂你咁嘅服務客人食龍肉都冇味又唔係好平同一條街仲有其他好嘢食建議大家可以揀過第二間首先上一次食朋友剔漏左一個套餐食物店員即刻大聲夾惡話叫你睇清楚先今次再同另一班朋友食店員未食完就想趕客我地只係食左30分鐘一個粗聲粗氣嘅男人企係我地張枱隔離大叫呢到好快有位但佢甜品都未上比我地上完甜品就沖埋黎收哂我地d野我知你客人多但唔駛咁樣趕客負評我同朋友都決定唔會再食

無意間揾到一間擁有獨特滋味嘅餐廳，唔覺搞到味蕾興奮唔已。當中最驚豔嘅菜式莫過於佢哋嘅慢煮燴牛面頰首先佢嘅外觀，真係令人望而生畏。一大碟深啡色嘅面頰，慢煮至軟爛入味，令人一見難忘。佢嘅表面微微焦香，加添咗一層香脆口感，令整個菜式更有層次感。啖開一口，啊！居然係咁入味，肉質軟滑咁嘅感覺。佢嘅湯汁更係滲透入每一絲肉中，帶有濃濃嘅牛肉香氣，一啖一啖都好滿足。最難忘嘅係佢嘅調味，唔似一般嘅濃湯，帶有微微嘅甜味同埋淡淡嘅香料香氣，為整個菜式帶嚟一個意想不到嘅驚喜。另外，菜式搭配嘅配菜亦係一絕。一碟簡單嘅綠色蔬菜，清新爽口，同牛面頰嘅濃味形成鮮明對比。啲蔬菜唔單止係裝飾，仲帶嚟一啲清淡嘅口感，令整體更加平衡。

公司義工日完成之後，諗住搵間餐廳做賽後檢討喺附近搵咗呢間Cafe，環境都幾舒服嘅不過可惜五點就落場好彩我哋趕得切四點入座仲夠時間坐一陣佢哋啲Tea set都幾多選擇不過最吸引我都係窩夫餐飲可以正價減$20 我就嗌咗個凍抹茶鮮奶佢哋個擺盤係幾靚嘅味道都OK窩夫有雪糕伴碟侍應推介我哋試佢哋嘅特色奶茶雪糕感覺似泰式奶茶 nice 我都幾鍾意😋仲有啲餅碎伴雪糕擺盤嘅誠意都幾高😂我係嫌佢杯凍飲份量太少熱飲咁嘅份量🫣

老實講我第一次講食評 平時食過酒店 歺廳都好懶寫返文章因為覺得比得咁既野有咁既質數係應該但呢間餐廳其實諗住經過一試無諗過無論食物質數 擺盤 餐具 同服務質素都好好 唔會因為係一個意粉或飯百零蚊就交行貨真心係色香味俱全食左個2 人歺 每人都唔洗200百有歺湯 多士前菜Main course同野飲真心值得再返來食 而且有海鮮俾你食 蜆同埋青口都好味 而且個汁真係調得調好好味餐湯嘅麵包都好講究 係芝士多士 杯熱檸水嘅檸檬都係用啲新㗎鮮檸檬一句講晒物超所值

第二次嚟呢間餐廳食嘢，覺得呢度環境清靜又可以傾偈嘅地方幾好，同埋啲嘢食質素都好好食👍🏻價錢都唔係好貴所以都可以成日黎食，今晚就叫咗個套餐幾抵食，揀左日本天婦羅海苔魷魚、63度溫泉蛋卡邦尼、香烤三文魚配香草、檸檬生薑（壺）四樣嘢加埋都係$338都幾抵食😂 天婦羅炸魷魚得幾好食，鬆脆內軟魷魚軟身幾好咬口，而溫泉蛋卡邦尼忌廉汁好濃厚，配合埋溫泉蛋撈埋一齊好爽滑👍🏻三文魚好有鮮味，肉質唔錯👍🏻所以都好值得推介