Pentola (大埔藝術中心)

營業中

休息中

友人聚會，見好多好評，就揀咗呢間試吓。中午點幾兩點，都過咗peak hour，內裡都有好多空位，侍應問有冇book位，我地話冇，咁個侍應就行咗開去，如是者我地响門口等咗差唔多5分鐘，其間亦冇其他客人等位。之後終於“有位”，坐抵咗，完全冇招呼，見有個侍應慢動作經過，問佢可唔可以幫我地落單，佢話一定要自己用QR code落㗎喎，冇得幫你落，講完就走咗。OK, 叫咗3個set brunch, 諗住share食，啲嘢都嚟得好快。問慢動作侍應攞多2個公义，佢答完話好呀，5分鐘都冇攞過嚟，冇咗回事，咁再叫另一個女侍應攞，又等咗幾分鐘，眼見啲食物都開始凍，友人見冇人理會，起身行埋去問另一個正在執枱嘅男侍應攞2隻义，呢位男侍應唔知係咪唔鍾意俾人叫佢做嘢，好悔氣咁話，咁我依家咪幫你囉！然後攞住幾隻义行埋嚟，好惡咁話，“你要幾隻呀！”簡直係撩交打嘅態度，友人話“咪話咗要2隻囉”，惡侍應一邊黑口黑面咁放低，同時亦用好兇狠嘅眼神掘住我地，跟著就行開咗。呢間餐廳啲食物ok, 但份量少，以佢嘅收費，响大型商場甚至中環都有好多選擇，咁嘅服務態度再好食都唔會再嚟，除非想食到一肚氣。

食物普普通通唔係好食，餐廳地方算係濶落，復活節假期唔駛等位，但幾個侍應做嘢實在太慢，又冇禮貌，問攞2支义share食野，問2個侍應都唔記得攞，問第3個侍應態度極差，勉強先去攞餐具過嚟，你地又唔係爆場，又唔係咁多客，都可以咁悔氣，佢哋係咪要去再培訓，其實而家大部分茶餐廳啲阿姐都好快手同有禮貌，又醒目，唔知點解咁hea 又唔想服務客人嘅侍應，就唔好勉強自己去做服務行業啦！強烈建議大家不要去呢間餐廳受氣！

叫左個牛肉頰意大利飯 問女職員可唔可以走芝士 佢話吓 好冇禮貌 跟住話問下廚房 廚房話ok 之後落左單大約5分鐘左右 個飯就上咗嚟 我心諗 咁快？預制菜啊？個飯少吾緊要 但個牛肉有陣臊味 我食過咁多次紅酒牛肉頰 未試過整到咁 俾100幾蚊 你俾啲客食咁嘅嘢真系好過分囉我同女職員反映 話個牛肉好腥 佢話牛肉塊面肉嚟 我話我知 但之前食冇試過咁 佢話幫我同廚房反映 佢嘅態度似系同我講 我吾識食 系我有問題到最後買單 我話俾Alipay 佢又話吓 就算聽吾到 都冇理由咁同個客吓 我都做過餐飲 我都唔會咁樣同個客講嘢啦！雖然吾系咩高級餐廳 我亦都系下晝4點幾入座 全場加埋我得2枱客 唔明點解可以咁！千祈唔好再嚟試伏 寧願去下面嗰間我也愛你cafe 都好過食呢間垃圾又貴又難食重點系要自己QR code落單 但又要收你加一先好笑🙂如果好食 我心甘情願 但咁嘅價錢 一啲都吾值！

位於大埔藝術中心嘅手工意粉餐廳。環境舒適，空間感充足。 🍲 是日餐湯（蕃茄雜菜湯？不過唔係羅宋湯）：蕃茄味濃郁，雜菜都好豐富。 🍏 青蘋果水耕菜沙律：青蘋果、水耕菜、堅果、提子、蜂蜜油醋醬。一個幾清新嘅沙律 🍄‍🟫 大啡菇溫泉蛋炒手工意粉：大啡菇、溫泉蛋、雜菜、醬油、手工意粉。有少少日式炒拉麵嘅感覺。 🦐 焗蒜蓉牛油大海蝦意粉：大海蝦、車厘茄、海鮮濃汁、海鮮牛油、手工意粉。大細係相對嘅，隻海蝦只可以話大過細嗰啲，唔要個「大」字可能無比較無傷害。整體味道唔錯，不過蝦同意粉就各自各精彩，好似構成唔到一個dish咁。個phrasing係「焗蒜蓉牛油大海蝦｜（茄汁）意粉」instead of「焗｜蒜蓉牛油大海蝦意粉」，無貶意，純粹係一個美麗嘅誤會。 🍝 手工意粉偏向有「咬口」，一般香港人未必食得慣或者接受到，不過我覺得OK嘅，食落似粗少少同硬身少少嘅油麵。 公道啲講，整體用餐體驗係OK的，沙律、湯、餐包都幾好味，只不過手工意粉沒有很驚艷的味道或者感覺，想坐得舒服食餐飯係唔錯嘅選擇。

見到咁多好評難得有時間所以去試一試出發前已睇過餐牌諗全穩穩陣陣叫個晚市二人餐$438前菜有會鯷魚吐司腥到唔敢食多春魚都係腥但無咁腥凍肉正常無咩特別之後主菜啲手工意粉好普通無咩特別份量味道同價錢唔成正比然後再跟兩杯野飲最好食嘅竟然係額外叫嘅薯條只因為岩岩炸出黎熱辣辣但無咩黑松露味只靠個蛋黃醬另外叫左tiramisu同埋雪糕不過不失正常味道但只能說呢間餐廳裝修普通食物普通環境普通性價比低咁嘅價錢可以有好多選擇

這家餐廳完美地活化了一所破舊的學校，利用了本是學校的教員室，呈現了工業風的設計風格，相當有創意！套餐的組合成功拯救了選擇困難症的我，搭配的非常完美。向提魚茄子蓉多士這道菜茄子蓉的濃郁與魚的鲜美相得益彰，令人一口接一口。地中海風味烤多春魚魚肉鲜嫩，搭配香料的獨特風味，彷佛帶我們走進陽光燦爛的地中海海岸。意大利風乾火腿拼盤火腿的咸香與多汁的搭配，讓人感受到真正的意大利風味。主菜选择了手工意粉，一个是我在英国很喜欢的ghocchi意式薯团，调味是腌肉番茄酱，酸甜咸香酱汁很到位了，土豆球是软糯的👍

今日有朋友帶小熊貓去玩, 去咗大埔文娛中心～ 原來嗰度除咗有文藝商店之外，仲雲集左不少特色餐廳～🍟 黑松露薯條配黑松露蛋黃醬薯條份量大，而且卜卜脆～ 黑松露蛋黃醬調味調得好好，超惹味，忍唔住叫店員比多個醬我點薯條食🤣🍝 卡邦尼煙肉意粉話明係手工意粉就梗係要試吓啦😆 手工意粉粗度適中，質地彈牙，而且蛋味香濃～ 配上風乾豬面頰肉同佩克里諾芝士，嗰份咸香味令人記憶深刻🦪 新鮮青口配茴香酒汁隻青口真係好新鮮，唔係大隻，但鮮味十足，口感嫩滑👍🏼 個包一定要點埋汁食，茴香酒加埋青口鮮味，正！🥩 安格斯封門柳配燒汁薯條小熊貓叫咗medium rare， 牛扒中間仲係粉紅色～ 安格斯牛味好濃， 呢個部位比較有咬口🍗 Pentola 特色烤黃油雞呢個雞煮得出色，小熊貓推介為必食單品～ 皮脆肉嫩，雞肉熟度煮得啱啱好～ 佢用咗蒜蓉去醃隻雞，醃得超入味呀～

呢度出名手工意粉，所以嚟試吓，星期五晚市都只係一半枱滿，唔需要等就有位，侍應安排咗個好好嘅卡位俾我哋，環境氣氛都好，好似中環格局。朋友生日點咗枝house wine，$200真係好抵飲，叫咗🍕酸種麵包辣肉腸薄餅，好大件食唔曬要打包，好多芝士🥙；另外叫肉丸意大利粉🍝 ，好al dente ，仲有附送黑醋麵包，成餐600蚊有找，仲要坐到10點收鋪，冇人趕，非常舒服唔使逼，朋友聚舊傾計啱晒。如果呢餐去pici 食，一定唔止呢個價錢，但水準都係差唔多，朋友大讚非常之抵，下次要encore☺️

今次係第二次去Pentola，呢間手工意粉真係大埔不能錯過嘅餐廳。裝修有格調，職員服務有一流，咖啡又好飲，食物質素都好高。我哋今日係中午去，大概1:30 ，如果假日去的話，建議大家都係book位先。今次嗌咗黑松露薯條、黃油雞全隻，、卡邦尼意粉、茴香味嘅青口同埋風門樓牛扒配薯條。未上菜前會先有一碟麵包加醋同埋橄欖油，麵包有香草加埋暖暖哋作為前菜真係一流。薯條雖然好似好貴$78。但係一大盤，我哋五個人都食得好夠。卡邦尼意粉一送到上嚟，大家都嘩一聲，手工意粉望落都好新鮮粗幼分明，上面鋪咗好多芝士，大家急不及待想試吓，但入口之好Creamy，不過份量就少咗啲，一個女士食就差唔多。封門柳燒得好有碳香味，生菜加少少橄欖油海鹽，好新鮮。黃油雞最出色，幾乎去晒骨，醃得好入味，配埋焗酸同埋檸檬，真係大家必試嘅，平時出面食嘅雞都冇咁滑。至於個茴香青口就更加不得了，差啲連啲汁都想飲埋，個青口好新鮮，俾埋兩塊麵包俾你配，洋蔥好甜，份量好足夠五個人食。最後我哋嗌咗兩杯Dirty，好好飲，咖啡味夠濃，奶味又夠重，服務真係一流，侍應不停幫我哋加水，有求必應，真係去大埔不得不試嘅一間餐廳。

某日閒日帶左男友行完慈山寺時間尚早，去左藝術中心到行下見到入面有餐廳門口睇到環境幾唔錯，就入嚟試下餐前一人一份小法包配黑醋橄欖油，OK 正常的我地叫左個parma ham芝士拼盤味道同份量都正常但好似dry左dd我問店員要少少橄欖油滴上芝士到食感覺好好多之後嚟個蜆意粉我地研究左好耐，點解佢隻意粉咁粗咁大條好似中式油麵咁粗😂但味道都正常既最後上份封門柳因為份扒冇醬點，成份肉好乾，唔太好食不過唔係鞋口，但多返個汁會好d雖然樣樣食物好似差dd但呢到環境都OK，適合嚟拍拖同傾計同埋冇時限另外d店員好主動去收碟又成日主動幫我地加水所以我加返分比佢地🤣

中伏，未飲過咁難飲嘅湯，蕃茄同埋溶咗嘅麵包湯，另外叫左fig toast, 百幾蚊得個一塊，risotto話個機壞左收唔到order,等左半個鐘，不會再黎。。。。。。

平安夜果陣去咗大埔藝術中心搵朋友食lunch，之前食過另一間餐廳，今次就試埋呢間餐廳啦！😋白鯷魚茄子蓉多士 $98我係為咗依個小食而嚟，白鯷魚同茄子蓉放喺充滿橄欖油香嘅法式麵包上，好滋味，有啲人可能會覺得白鯷魚有啲腥，但我就係鍾意依種味道😂意式巴馬火腿雞肉雜菌意大利飯 $168+$18 宇治抹茶牛奶我哋叫咗依個lunch set, 配有羅宋湯，意大利巴馬火腿雞胸係一道意式家常菜，就係一塊雞胸先擰去炸，然後配上Sage 鼠尾草、芝士、巴馬火腿再擰去焗，第一次試，感覺好特別宇治抹茶牛奶有好靚嘅天鵝拉花圖案😋飲得特別開心！評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺Pentola (大埔藝術中心)安邦路12號大埔藝術中心地下G01-02號舖📍大埔墟港鐵站A出口15分鐘路程#healingbobo #foodie #hkfoodie #foodiehk #香港 #美食 #TPAC #大埔藝術中心 #TaiPo #大埔 #Pentola

.‼️❤️ 記得CLICK我PROFILE關注我呀 ❤️‼️.🌈 隱藏起藝術中心入面嘅餐廳 @ 🌟 Pentola 🌟.💁‍♀️ 圖片展示美食為：晚市二人套餐 HKD 398奶凍配百香果醬 + HKD 38提拉米蘇 + HKD 38Sweet Dream HKD 98.👽 朋友仔特登嚟呢間藝術中心度打卡，驚喜發現竟然有間咁正嘅西餐廳隱身喺入邊。空間超級大，酒水單超級多選擇。晚市有二人套餐，當然要試下，有2個餐湯、3個前菜、2個主菜、仲有2款自選飲品，性價比超級高！.🍹 等緊食物上檯嘅時候，先叫一杯推介嘅「Sweet Dream」，顏色太夢幻啦！以Gin做基底，蝶豆花混合Tonic Water，充滿花香同莓果風味。最特別係一加入新鮮檸檬汁，就會由粉紫色變成粉紅色，打卡一流！.🍲 當日廚師精選餐湯係番茄薯仔麵包湯，好暖胃，同埋啲麵包團幾得意。.🍆 前菜有齊三款不同菜式，好豐富。「白鯷魚茄子蓉多士」，係用脆脆多士配搭鮮美白鯷魚同茄子蓉、「地中海風味烤多春魚」就加上橄欖油同青檸去烤多春魚，再配上意大利番茜同橄欖、「意大利風乾火腿拼盤」就有足足24個月嘅巴馬火腿、莎樂美腸同寇帕火腿，配上新鮮水果，每一款火

見咁多人去，夜晚專登入左去食晚飯。只可以話係普通飯堂，住附近既人去食個西式晚餐食左個青口配辣蕃茄汁，啲青口掛吾到汁，仲要食到幾隻係臭。。。係一咬有臭屎味個隻，吐都吐吾切。主菜食左意大利香草醬大蝦闊扁麵，對於香草醬和手工意粉滿懷希望既我，一食落去淡而無味，啲意粉碎濕濕…並唔係一條條仲叫左個炭燒安格斯封門柳配燒汁薯條，啲牛吾熱。。。薯條吾熱。。。最好食係咩？茄汁。。。甜品係tiramisu，d cream吾滑….甜度正常。。。只可以話，得個名。。。寧願食cafe de coral都無咁嬲。。。。😂

❤️紅菜頭藍芝士意大利飯 $148素食之選。這個意大利飯取了紅菜頭耀眼的紅色，每一口都充滿了藍芝士的鹹香，不過小心芝士容易飽滯，一定要開心share！整體是好吃的👌🏻🍔週末餐-藜麥羽衣甘藍漢堡配薯條 $138素食之選，連餐湯/沙律+飲品。餐湯是充滿蒜蓉香的薯仔湯，但本人略嫌蒜蓉味太過強勁。幸好藜麥羽衣甘藍漢堡口感有點像薯餅，外層帶點焦香，配上牛油果醬，完全吃不到羽衣甘藍的苦澀，麵包皮亦十分鬆化，值得一試😋🐟週末餐-比吉打三文魚手工貓耳朵麵 $198連餐湯/沙律+飲品。貓耳朵面的口感煙靭，但份量不多，可能因為三文魚才是主角。原來比吉打是一種意大利式通常用上檸檬汁、牛油和芫荽煎煮肉類(通常是雞肉)的煮法。這個用上比吉打煮法的三文魚入口嫩滑，而且不油膩，配上炸魚皮和鮮嫩的蘆筍，非常特別👍🏻☕️Mocha 跟餐+$18平時mocha價錢比latte貴，但見這裏的mocha和latte同樣是跟餐+$18，所以點選了前者。拉花是隻天鵝，非常精美，味道確實有朱古力香，不會澀口，是我喜歡的味道😌