Pepper Lunch Express (朗豪坊)

營業中

休息中

我知道這間連鎖店以鐵板飯吸客，賣㸃是鐵板燒至二百多度，烹調食材，就算鐵板冷卻下來，食材的溫度仍能保持在六十多度，說提昇升食材口感和味道。那天經過此店，心思思想吃黑椒牛肉飯，拉著M先生要吃，M先生則點了牛肉芝士包飯，鐵板果真好熱，牛肉是很生，最好在鐵板烤耐一點，牛肉新鮮，牛味可以，但很肥，很油，肥肉多了一點，當然是較差的牛肉，胡椒都幾好吃，胡椒味會慢慢滲出，飯夠爽又加了清新粟米粒，可是因牛肉太油，再加上芝士的話，會十分膩胃，其實份量不多，只是夠油才吃得飽而己。 M先生的芝士包飯，還加了醬汁，芝士蛋包煎得有些老，牛肉又肥，芝士太濃重，加埋飯很膩，汁醬味道一般，食物質素尚待改善。

即興去旺角行街 買野放血 一行就已經3個鐘係時候食飯 旺角真係一個咩都有得食既地方相信大家都好認同 但係啲一刻 已經開始夜同行朋友要快快回家行著行著 去到朗豪坊 心有靈犀地一齊講食Pepper lunch朋友好叻 等一陣就已經有位我無叫太多野 全因為早係個半鐘前已經先飲珍珠奶茶一大杯個人覺得pepper lunch好食黑椒牛肉飯（正常size）即叫即放牛肉 加醬汁落鐵板zizi聲感覺好好 已經有香味漂出嚟將飯 汁 肉 混合 真係好夾唔餓都可以食得哂😂$50晚餐

來到旺角吃晚餐，有時候會不知道吃什麼才好呢，特別是9點半之後，很多店家都準備關門。而朗豪坊最近也因為裝修，所以有些店鋪沒有開門。這個時候便會想到朗豪坊內的food court，位置多，選擇也相對多。步入food court便會聞到陣陣的燒肉香味，因為很多人都買pepper lunch呢～雖然選擇比它餐廳形式的pepper lunch少，但對很多客人而言，有黑椒牛肉/雞肉/三文魚飯已足夠。以往吃pepper lunch都喜愛加芝士，因為怕飯粒比較乾身，不高由於在晚上吃太邪惡了，所以沒有加點。極量黑椒牛肉飯 $60配上蜜糖蒜香汁後，飯粒和牛肉都有甜甜的滋味。熱騰騰的鐵板上充滿飯粒及牛肉，好像自己在煮炒飯及燒肉一樣，可以依據個人喜好煮牛肉，不會太老。很快牛肉已經熟了，因為極量的關係，牛肉足足多了2倍，香味及肉汁也是一樣。因為牛肉的肉汁多，所以也不會覺得鐵板飯乾，反而有濃濃的牛肉味，很好吃！

雖然很多遊客慕名而來，到旺角參觀，或是進食，但是作為香港人，我們在夜裏，如果不想消費太多，又想吃到有質素的晚餐，究竟可以到哪裏呢，經常都摸不着頭腦。於是就來到朗豪坊的美食廣場，都發現有不少餐廳已經轉換了，例如金寶泰國餐廳就已經消失了。雖然現在還有日式咖喱Coco一番屋，以及Pepper Lunch鐵板飯餐廳。友人本來想吃Coco一番屋，但還是看到Pepper Lunch有漢堡扒，就改變主意。我見到Pepper Lunch新增了咖哩鐵板飯，亦都即管一試。但後來，發現，鐵板飯的份量比較少，即是加大了，才是以前的正常份量，但是鐵板還是非常之熱燙，但其實芝士咖喱汁都非常之淡口，雖然雞扒放在鐵板上會煎得相當之香口，卻又不覺得太熱氣，但是咖喱汁反而比較淡口。還是使用最原始的蜜糖蒜蓉汁醬，就會比較美味，這個汁，放在鐵板上煎到香脆，用來拌飯，亦都美味。

星期日放假 來朗豪坊 行街街影下相📸📸📸順便來這裡先逛逛街 吃個午餐假日到處都人頭湧湧 美食廣場午餐好耐冇食過鐵板飯，就叫左蒜蓉黑椒牛肉飯鐵板熱熱的 牛肉和飯也放得很精美🤤🤤🤤牛肉都慢慢熟透了，這類的牛肉也較為薄身，所以很容易會被鐵板煮熟。把飯和牛肉和黑椒汁拌勻。。仲有粟米每一啖也很熱辣辣，而且黑椒汁味十分濃牛肉很薄，但肉感不算十分好，而且牛肉的數量不算太多。。但飯的分量還是少的。。所以吃完整個餐也會唔夠飽😭😭😭價錢仲要咁貴😭😭😭

星期日的確人流多，但亦不至於服務變質，明明匙羹不乾淨，還回覆說隻隻都係咁，幸好最後有換回一隻，我要求不高，自己洗到都會自己洗，但匙上的是乾了的食物渣，想換一隻也難。講返食物，揀左新出的【飯素鐵板牛飯 】 $55，牛肉質素都可接受，但無放得平均，而且要去換匙，所以牛肉已經無即時拌勻拌熟，變左一邊勁乾硬勁燶，加左飯素後，味道更重更惹味，味道其實都不錯。另外，有3款味道的醬汁，供客人自助添加，我揀蒜香醬油，鐵板熱力之下，蒜香爆發，呢樣都吸引。建議來的客人最好自備餐具，一來乾淨衛生，二來省時省力，餐廳係food court內，較多遊客且價錢偏貴，下次都係揀係餐廳形式的pepper lunch會較好，如葵芳分店...

有冇人同我一樣，無論本身個人餓唔餓都好，只要一經過有pepper lunch既地方，就會即刻feel到個肚係到大叫: 我要食pepper lunch！太香真係忍唔住咖嘛！而今次我就真係忍唔到口走左去食，嘻嘻同屋企人一人叫左一個飯，我戈個係黑椒芝士雞肉飯，另一個係最基本戈個牛肉飯，所以就見到張相係一半半，因為交換左黎食。不過我係第一次見到Pepper lunch既牛肉係一卷咁上，好似好高級咁。話說個黑椒芝士雞肉飯真係咁多個餐入便既最愛，平時既我食咩都一定簡牛肉先，但尼個飯既黑椒香真係好味過其他餐好多，強推一下！

適逢就黎中秋,好多人都要出街做節,所以條街一黎多人左,二黎就係餐廳多左人,我呢d自己一支公去食飯,坐人一個位唔係咁好意思,所以今日去左foodcourt慢慢揀慢慢食,每次黎到foodcourt都有個魔力要食pepper lunch,因為佢既香味真係太霸道喇,一行到入foodcourt,已經香氣十足,食個腦都係諗住佢既牛肉飯！見咁耐無食,咁就食下啦😆😆經典牛肉飯！等左唔係好耐,大概十分鐘到,個飯就有得拎！鐵板好夠熱,牛肉炒兩炒已經食得,加d蜜糖汁甜甜地仲好食😄

今日去到美食廣場吃午餐，見到我地最愛的牛肉飯又忍不住去買黎吃，因為比較多人都要等一陣才有得坐。最後我地每人叫了一個牛肉飯，因約等了不用十分鐘就來到了，還可接受。用紙包住熱呼呼的碟到，味道十分香噴噴，鐵碟而且sasa聲十分吸引，再倒醬汁等一會就可以可以吃。今次我地叫了二個不同的牛肉飯，一個是最平常吃的牛肉口感偏薄，所以十分快熟，依然十分好味，牛肉味濃，而帶點黑椒味不錯。另一款是牛肉味，口感更重，因為是粒狀，但要煎耐一點才可吃。第一次食這款奄列有驚喜，蛋香不錯又夠滑身，配菜仲有不少粟米和菇，也可加上出面有不同醬汁和帶微焦的白飯混一起，不錯，唯一差點就是份量再多點更好。整體價錢不貴又食到不錯牛肉，性價比高。

一個人唔知食咩好, 最好就去food court! 夠方便MA~今次叫左咖哩芝士雞肉加蛋飯~對我呢個鍾意食咖哩既人黎講真係好好因為個咖哩汁係另外上既, 可以自己倒落鐵板道~D 聲同D香氣真係無得彈! 嗅到都開胃晒啦!!

今日去左一個好耐冇幫襯既地方，朗豪坊food court 食pepper lunch ，因為突然好想食d熱辣辣，好有鑊氣既食物。水準完全冇變，都系甘正。不過依舊都系好長條龍，但是為左食好野都冇計拉。拎上手聞到果陣味已經系流曬口水，可惜如此都係要搵一段時間先。通常我食都會叫佢加隻蛋，跟住拎晒佢所有嘅醬料。我個食法同好多人都唔同，我鍾意每次都差住一片牛，再倒少少醬汁系上面，擺入口再吃小小一啖飯，我就覺得呢個飯包牛好正，唔同嘅醬汁更加可以帶出牛唔同嘅鮮味， 識食一定系甘食😂$100都唔需要就可以食到咁樣嘅飯餸完全超值

今日午餐去咗朗豪坊food court食pepper lunch見到咁多間餐廳最受歡迎係呢一間，就梗係食呢一間啊 之前都有食過，覺得幾好食，所以隔咗咁耐再食過朗豪坊Food court裝修間過，靚咗好多！座位衛生左，同埋乾淨左！至於pepper lunch，就一路咁受歡迎，我哋去到嘅時候已經大排長龍，排到入去廁所嗰邊，排隊都要15分鐘，先至叫到餐 我叫咗傳統嘅招牌牛肉鐵板，我一路都係食呢一個，完全冇試其他，因為實在好食~等咗大概15分鐘左右，有得食啦！去拎嘅時候仲聽到鐵板燒緊嘅聲音，已經覺得好興奮！牛肉望上去係生嘅，所以一坐低我就先用鐵板熱熟牛肉🙈 因為好怕食生野，佢嘅醬汁要我自己係出面拎去座位，我就梗係放蜜糖黑椒醬啦😍 攪完晒仲聽到鐵板燒緊嘅聲，趁熱食，超好食 真係食完又再食，食過返尋味！

今次又到暴龍速食記,由於工作關係,好多時我都要自己一個人食飯,有時delay左,可能食飯時間唔係得好多,所以多數都會搵d快快脆脆填到肚既餐廳,今次又黎到朗豪坊,揀左pepper lunch~~今次係午飯時間,成個foodcourt都好多人,pepper lunch不嬲係foodcourt都算係最受歡迎既一間餐廳,所以都唯有等下啦,前前後後等左大概20min就有得食,照舊叫牛肉飯,唔知係咪我太耐無叫既關係,感覺個飯好似細左好多,牛肉又比我想像中少,唯一無變既,係價錢,兩三下就食晒,好似唔係好夠飽

我想講，我真係好中意食pepper lunch，只不過佢愈嚟愈貴，不過好采佢有學生優惠，本身個餐已經平咗，而且仲會送湯或飲品，真係好抵😍。不過個湯可能放得太耐，一d都唔熱，呢點要扣下分，因為湯既溫度好重要，溫既湯同熱既湯差好遠嫁。不過佢個飯係一如既往咁好食，我每次嚟都只會食雞，因為佢d雞配埋d汁，都係好鬼夾。同埋d雞又唔會好鞋，有時個皮仲脆脆地。而我比較貪心，通常都會加2隻醬係個飯到，咁就可以一次過可以試2款唔同味道既炒飯。

好耐冇食Pepper Lunch，成日經過都會俾佢啲香味吸引到，但啲人成日話佢好肥，所以次次都唔食😝今晚終於忍唔住要放肆下食返餐😋叫左個極量黑椒牛肉飯，同以前一樣熱辣辣，炒住啲牛肉等佢變色🤤都同以前一樣咁香咁好味，仲有咁肥😝🤣