PHI Coffee & Pancake (屯門市廣場1期)

營業中

休息中

星期日去PHI lunch, 唔使等位，點了蕃茄海鮮扁意粉、蝦哈哈甘筍汁意大利飯、加了甜品：原味梳乎厘，當天咖啡機壞了，改飲凍朱古力！首先上桌的是蕃茄海鮮扁意粉，有蝦、青口、八爪魚，蕃茄等，酸甜度適中，合胃口；而那個蝦哈哈甘筍汁意大利飯，醬汁偏甜，有蝦及甘筍，飯不硬剛好，只係甜了些；最後是原味梳乎厘，擺碟很吸引，滿滿的cream, 加上蜜糖，配上微熱的梳乎厘，十分美味，十分軟滑，要再encore; 凍朱古力也可以！

今日同屋企人係屯門睇完戲，大家都見肚餓，一出戲院門口就見到呢間PHI，佢地裝修好精緻，就入去試下。佢地主打係食PANCAKE，我地就揀左3款開心些牙食下。我揀左石板街梳乎厘，阿媽就揀左佢最愛既藍莓乳酪梳乎厘，阿爸諗左好耐最後決定左要經典伯爵茶梳乎厘試下。石板街梳乎厘一上枱就聞到超濃朱古力香！目測 4cm厚梳乎厘班戟，淋滿朱古力醬，非常吸引。雪糕同朱古力漿加埋班戟一次過舀起，口感好正好豐富！藍莓乳酪梳乎厘質地稠身但唔膩，微微地酸中和返班戟甜度。最驚喜既係醬裡混入好多既藍莓果肉，食到啖啖都有爆汁感！經典伯爵茶梳乎厘既茶味够晒突出，似食紧液态伯爵茶！同埋甜度刚剛好, 唔會好甜, 我阿爸就最愛。總結：「唔使過海，屯門都有高質梳乎厘班戟！」 睇完戲過嚟食個甜品，perfect池！

放假嘅早上想去Cafe食個brunch，諗起屯中心呢間鋪。紅日下午入去唔使等位。呢間鋪比較開陽，本身都有少少擔心會食得唔舒服，但被安排咗一個比較入嘅位置，所以成個用餐體驗都幾好。屯門呢間分店冇炸物，所以冇得揀小食。兩個人叫咗兩個意粉，一個疏乎厘同兩杯咖啡。首先叫左個辣蕃茄蟹肉意粉，微微辣味，蟹肉都夠多。蕃茄同辣加埋好夾。第二個叫咗個Carbonara ，啲煙肉係好厚切一條係，燒得好香。疏乎厘揀咗藍莓味，幾清爽，仲配咗一球雪糕。埋單總共$472，食到好飽

星期三有特價戲飛趁小朋友未放學 同老公快閃二人世界睇完戲肚餓 行出嚟見到呢間cafe唔使等位咁話入去high tea啦叫咗手撕牛肉意大利飯、海鹽焦糖梳乎厘餐飲熱朱古力同花茶手撕牛肉幾林幾滑意大利飯個質感幾好👍🏿粒粒分明又有咬口 唔會硬梳乎厘個甜度適中朱古力個拉花幾靚味道幾香唔會太甜花茶可以再多少少花味會好啲有啲淡 同埋個杯太細隻😂服務可以 見佢哋好似輪流食緊飯所以無人執枱 都明白飲食業嘅辛酸下次會再幫襯👍🏿

前幾天帶了屋企人黎食野，食到一半突然有個高大有夾既女員工（對佢很深印象），過來話阻一阻我時間，想介紹個盒紫色野，雖然沒興趣但都聽佢介紹下，後來都講左吾太需要，冇興趣，然後佢繼續講，講到好平全部可以馬上用，都講左吾太需要，女員工面口黑晒 ，但仍然在計算我今餐飯錢，折扣好底等等…其實盒野都係要錢買，加上完全冇興趣，講完又講，好似一定需要購買，最後好似拒絕不到，所以就買左一盒返屋企，其實買不買應該根據客人意願先？不用強迫人買，感覺很差，希望貴公司有所改善。

見到Kurumi餐牌，所以行咗入嚟，不過結果點嘅食物係另外一樣嘢😂價錢算係偏貴，不過同一樣食物真係食得出佢嘅用心製作，好似周圍都有的肉醬意粉，食得出肉醬是有炒過，調味剛剛好，意粉軟硬度也剛剛好，十分欣賞，另外甜品疏乎厘，製作也很快速，細微的細節也很好，裝飾的朱古力，味道像Godiva 的黑朱古力味

Tldr:如果1. 你可以排個半鐘頭隊再等餐廳一個鐘備餐；2. 想受氣；3. 間餐廳冇人去食咁你可以挑戰下嘅，祝好運！———不專業食評：Babyccino (玫瑰) (製作時間：25分鐘）個foam有淡淡地嘅玫瑰味下面係鮮奶Melon Soufflé （製作時間：多於一小時）舊蜜瓜唔知係咪刀工問題，食到尾有一啖有啲鞋口梳乎厘連暖都唔太稱得上，唔算綿密，估唔到等咁耐係咁😅———因為呢間係富臨旗下鋪頭，所以開咁耐我都冇乜點食過，估唔到要為佢奉獻第一篇食評😅最近呢間鋪頭做緊中秋優惠，見星期日12點幾，應該唔會好多人掛，就過咗嚟，點知條隊都就嚟去到電梯口最後我都由12點3排到14點先成功入座，呢個都係我個人選擇，冇得怪人期間鋪頭入面都有吉位，我就有啲好奇點解冇放人入去，唔通真係飢餓營銷？😂員工解釋返因為單比較多，要人流管制。咁都合理嘅，就算入到去，廚房太多單，啲客等太耐，盞拆爛自己招牌。成功入座之後，我嗌咗Babyccino同Melon Soufflé等咗25分鐘，見隔離枱（本身排隊排我前面同後面嘅客人）都已經有嘢飲，甚至食緊主食，我忍唔住問一問侍應梳乎厘製作需時我可以理解，但連野飲都耐過野食

今日又去PHI食疏乎厘，見到Menu上嘅蜜瓜疏乎厘好靚，好似好好味，所以叫嚟試吓，加埋杯蜜瓜沙冰，感覺好fresh！✨蜜瓜疏乎厘見到呢個蜜瓜疏乎厘，忍唔住即刻打卡，個look好得！疏乎厘上面有一嚿蜜瓜嘅cream，有淡淡的蜜瓜味，好creamy，夾埋疏乎厘食，又有蛋香味，又有蜜瓜味，雙重享受！唔可以唔讚賞吓佢哋嘅疏乎厘，軟綿綿充滿空氣感，又好有蛋味，真係好好味😋✨蜜瓜沙冰見到呢杯蜜瓜沙冰，即刻心心眼，唔係好捨得飲！飲落去有小小嘅椰子味，又飲到蜜瓜嘅味道，兩種味道都好夾！d沙冰透心涼，夏天岩曬👍

態度一般，上菜亂上嗌左個粉紅貓耳朵粉英式早餐加梳乎厘一開始黎左英式早餐，食哂其他野都未上叫職員跟，原來碟粉放開左一邊無上度碟粉已經乾乾地後尾叫上梳乎厘隔離枱上左，我個碟都未上明明我叫起先 ，亂9咁上菜

無論係 menu、食物、環境 都好夢幻同埋少女心🥰職員又有禮、又友善✡️手撕牛肉 意大利飯手撕牛肉肉質軟腍，唔會鞋口，個醬汁唔錯，但係冇乜牛味。意大利飯口感軟熟，啱 唔鍾意硬硬地嘅意大利飯嘅人。內裏有紅蘿白、洋蔥、蕃茄粒、蒜頭碎。味道酸酸地，番茄味幾開胃，幾啱今日冇乜胃口。兩粒番茄仔 十分 fresh and juicy，同埋十分甜。✡️綠茶鮮奶拉花唔錯、幾靚。有綠茶味💚下次再試下啲甜品，尤其係 souffle

手撕牛肉意大利飯哩個手撕牛肉意大利飯，味道都有小小驚喜，蕃茄同牛既味道都幾突出，的確吾錯。可能系我自己本身偏愛食意大利飯，所以覺得哩個手撕牛肉意大利飯特別好食。 雙重濃郁芝士肉醬意粉賣相ok，味道ok，正常一般大眾口味，略嫌小小偏咸一間以主打 打卡/甜品cafe黎講，咸食有甘既質素算系好吾錯了，價格合理，而且味道ok，能夠配合番大眾香港人口味。服務正正常常，沒有特別令人感覺好nice或好親切既感覺。

想食呢間好耐，不過淨食個梳乎厘都唔平，成日都諗住午/晚餐時加購抵好多。今日終於去左，呢期係獨角獸主題，當然唔少得獨角獸梳乎厘。成間鋪粉紅少女風，店內有大小獨角獸公仔陪你食飯，見有唔少家長帶小朋友嚟食。是日午餐：🍝粉紅吞拿魚貓耳朵粉 $98其實我唔好粉紅色食物，怕伏😅。今次會試全因為吞拿魚，睇圖係沾滿芝麻原舊整到半生，諗都好吸引。結果嚟到係滿意，唔伏，雖然粉紅色，其實係忌廉汁。貓耳朵粉煮得剛好，不會太硬或太淋。吞拿魚外面沾滿香口芝麻，配上軟淋魚肉好味😋。🥞Lotus海鹽焦糖魔法梳乎厘( 2件) +$58雖得2件，不過食完午餐再食係非常飽。雖然+$58，但梳乎厘大小同正常一樣，只係少左件啫。梳乎厘十分鬆軟，我慢慢食放耐左都不扁塌。食落口軟綿細滑，中間偏濕少少。🍹鮮奶咖啡(凍)少冰我對咖啡有要求，呢杯一般，啡香但奶不夠香滑。💬套餐加購好抵食，店員十分有禮，店內坐得舒服，呢期有獨角獸，十分適合打咭。

喺屯門市廣場發現有一間好少女嘅Cafe， 粉紅色裝修加上有獨角獸🦄公仔，非常之可愛，吸引左我去扮一陣少女😆lunch set $98點了濃新龍蝦🦞意大利飯（+$20）等左十分鐘左右，意大利飯送到，D意大利飯煮得over晒，太淋了，放上面嘅龍蝦係凍的，有D失望😕抹茶鮮奶有濃濃嘅抹茶味，都幾好飲。甜品(+$58)士多啤梨慕絲疏乎厘疏乎厘pancake有2件，口感好輕盈，士多啤梨慕絲口感就好似雪糕咁，略嫌士多啤梨醬汁太少。💰是日消費$194不過試一次就算，因為職員非常之cool，木口木面沒有笑容。

少女心夢幻打卡必去COFFEE SHOP - Phi Coffee & Pancake主打日式梳乎厘既Phi Coffee & Pancake愈開愈多分店！餐廳主打多款口味既梳乎厘pancake，咖啡，法式多士以及意粉等輕食。對身材管理嚴格既我一直都無去試到，但今日同朋友係屯門市廣場行街經過，佢好想試下，就陪佢係屯門分店試下啦～餐廳既梳乎厘蛋味濃郁，而且內裏蓬鬆柔軟，空氣感極強，入口輕盈。更提供多款口味，包括經典原味，70%純黑生朱古力，tiramisu，以及提子無花果，抹茶紅豆等等。另外都有唔同輕食提供，例如外脆內軟既多款口味法式多士；豐富既全日早餐；炒蛋煙肉牛角包；各式意粉等。推薦熱香餅，會有忌廉，焦糖香蕉和爆谷伴碟，配搭新鮮。飲品方面必試人氣tiramisu咖啡，直接係咖啡上面加入一層厚厚的tiramisu，更有一塊手指餅，好豐富！另外仲有阿華田咖啡，焦糖脆脆咖啡等特別口味。簡單介紹一下我地試左咩野食同野飲啦 : 1. 綿棉獨角獸沙冰 $68 這個初春迎接充滿夢幻及希望的獨角獸🦄以獨角獸概念推出多款産品呈現俾大家～由自家製的芋泥奶蓋配上皇牌梳乎厘😋影完相都唔捨得飲 ! 甜度適中

呢間Cafe喺香港有7間分店，一直人氣高企！因為佢招牌嘅疏乎厘pancake大大份，質素又唔錯，所以好多人都慕名而來。同朋友去屯門行街，見外賣平台自取可以減50蚊就買左一個疏乎厘兩份食。 本身預期自取會冇咁吸引，但味道都唔差。❇️Lotus海鹽焦糖疏乎厘（原價＄108 ，折後$60）招牌即叫即整厚身疏乎厘，空氣感十足！好有蛋香味同十分鬆軟，口感綿密幼滑，配上Lotus餅碎同焦糖醬配搭埋雲呢拿雪糕同厚身忌廉，十分美味、甜度可接受。不過係外賣個雪糕好快就溶。