Pickabowl (荃新天地2)

營業中

休息中

作為一個想奉行低碳飲食嘅人平時如果返工一人食午餐選擇的確有啲困難覺得佢pickabowl都已經係一個好好嘅選擇但見住佢價錢越嚟越貴，健康真係好貴😂😂今個禮拜幫襯咗兩次$86 慢煮天多利雞+$2轉椰菜花飯$86 薑汁松阪豬 +$2轉椰菜花飯.其實不嬲嚟呢度食佢嘅pokerice每次飽滿足嘅唔會驚唔飽，呢排因為想戒一戒生冷食物，所以就唔揀魚生了，佢哋啲魚生都好好味！可惜係海鮮類都會偏貴，咁所以揀熟悉了🥹.第一餐我揀咗薑汁松阪豬先～🐷除咗有松阪豬，仲有烤南瓜、玉子燒、烤豆腐、四季豆、毛豆配日式自家制醬油，都不失有好多好好嘅蛋白質纖維，仲有健康嘅澱粉，我自己平時都會食開椰菜花飯，不過生嘅椰菜花飯呢就少啲啦，不過勝在佢多配料，撈埋嚟食都唔會有好大陣草青味！松阪豬亦都有滿滿薑汁味，好似生薑燒咁樣同埋都大大粒，係滿足嘅！😌😋第二餐揀咗慢煮天多利雞肉，慢煮天多利雞、菠蘿、青瓜、蟹籽配蛋黃醬，想講真係有啲圖文不符，圖片只供參考😂，本身菜單上嘅雞肉係醃過之後先慢煮，但佢而家變成慢煮咗好多粒嘅雞肉之後再淋上tandoori sauce，食落嘅時候個雞肉都真係冇味，冇雞味亦都冇鹹味😂，10分適合追求健康的你🤣

我們於18/8（日）外賣了2個poke bowl。❶Classic Couple 經典雙拼（和風配菜）（$100）：有吞拿魚🍣生、三文魚🍣生、烤南瓜🎃粒、玉子燒🍳粒、烤豆腐、毛豆，菠蘿🍍粒、生菜🥬，再加上白飯＋糙米飯，青爽的餡料搭配得宜，亦夠飽。❷湯茶漬（$94）：我們選擇了鰹魚昆布湯，松阪豬及慢煮三文魚（照燒盛汁味），搭配白飯＋糙米飯。豬粒都幾多，三文魚有一塊，再加上入味鰹魚昆布湯及昆布，非常健康

作為一個小poke控🤣平時都會食唔同嘅poke, 不過pickabowl 算係反兜次數最多嘅一間～今日就嗌外賣番屋企舒舒服服咁食😌火炙配料好似係近期先有～因為驚夏天會變壞，所以冇嗌三文魚，反而嗌咗蝦同帶子，各有3粒，size都唔細，覺得都幾高質。另一碗就會要咗平時都會嗌嘅經典三文魚同松阪豬肉，蛋黃base入面主要係青瓜同菠蘿粒，超refreshing~😆1. 蛋黃- 松阪豬, 吞拿魚+椰菜花2. 和風- 火炙蝦，火炙帆立貝+烏冬

有時想食light 啲，夏威夷poke bowl就係一個好好嘅選擇😛 一碗有哂protein同蔬菜🥗有preset嘅同自選組合 ($80-100)，可以揀魚生、雞肉、豬肉或者蝦，蔬菜都有好多款，最後可以揀白飯、糙米飯、沾烏冬、椰菜花飯或者沙律，好多選擇☺️ 通常我會食加州三文魚+蛋黃配菜，沾烏冬口感幾好不過可以同店員講少汁啲😛 飯方面唔係魚生飯而係熱熱哋嘅白飯我就覺得冇咁match 🙈 如果有埋冷烏冬就好😉 最近見到仲出咗啲炙燒同鍋物系列遲啲再試吓😋📍Pickabowl荃灣楊屋道18號荃新天地2地下G06號舖荔枝角長義街9號D2 Place ONE 1樓112號舖九龍城啟德協調道2號AIRSIDE 1樓L105號舖火炭坳背灣街41-43號安華工業大廈2樓C室沙田石門安群街1號京瑞廣場2期地下G23號舖🍽️7.9/10#janfoodiary_荃灣 #janfoodiary_荔枝角 #janfoodiary_啟德 #janfoodiary_火炭 #janfoodiary_沙田

間唔中都食開Pickabowl，係睇中佢哋啲poke好食又健康。而家天氣涼咗仲出埋茶漬飯同埋冬日湯鍋，即管入去試試！🐻茶漬飯未加湯之前食落同平時啲poke差唔多，只係冇咁多餸。不過今次揀嘅松阪豬同辣汁吞拿魚已經好夠味。🐻冬日湯鍋落單嗰陣職員都有提我哋個餐會耐少少到，咁我哋唯有食住個茶漬飯先，食到一半個湯鍋終於都嚟啦。一嚟到之後店員即刻幫個鍋加湯，見到個鍋入面有唔少菇類，真係足料。一路食一路有個火喺下面heat住，暖笠笠之餘又唔驚凍晒啦。總評分：🍯🍯🍯🍯（4/5）

除左Standard配好嘅口味，大家仲可以自選配菜，選擇白飯、黃薑椰菜花、糙米飯、烏冬或者沙律等，彈性幾大。仲有冷壓果汁俾大家揀，啱哂健康，做GYM嘅人食。🥗Atlantic on Fire $92★★★★☆呢個同其他POKE有少少唔同，冇咩多餘醬汁，都係食食材原本嘅原味道。今次就叫左煙燻味油辣三文魚加糙米飯，煙燻油辣味三文魚份量唔少，辣味幾出，加埋生洋蔥夠哂惹味！除左糙米飯都仲會有大量唔同配菜，紅腰豆、紅菜頭、菠蘿粒、甜黃椒、沙律菜等，食落口感豐富！醬汁只有果醋，但配菜好似紅菜頭、菠蘿粒嘅酸甜味，加上三文魚辣味都唔會好寡，唔油膩，唔會太多飯，但食完係滿足都飽。🥗D.I.Y.自選Powl $90★★★★☆呢個叫左慢煮雞胸加蒜辣八爪魚，同樣係紅菜頭配菜！一眼都見兩款份量都幾多，雞胸粒唔算係好嫩滑，但未到超級柴。蒜辣八爪魚超級惹味，八爪魚食落夠爽脆，加埋蒜油真係超級餸飯。🌟總括：超健康嘅選擇，即使係減肥、健身、生酮飲食或者低碳都可以食！唔似其他勁多醬油、沙律醬，呢個係更貼近原味道嘅POKE!

今晚想食開胃野, 揀左係公司附近呢間Pickabowl, 可以自己DIY配料, 又可以揀餐廳pre-set menu, 懶人嘅我地都揀左後者兩個pre-set蓋飯, 都加左$26升級套餐 (有鰹魚昆布湯, 溫泉蛋, 甜品)☺️H. Classic Couple 經典雙拼三文魚吞拿魚(和風配菜)揀左黃薑椰菜花+白糙米飯base大大粒三文魚吞拿魚, 極之多配料, 有炸豆腐, 四季豆,毛豆, 南瓜, 食落口感好豐富, 再撈埋流心溫泉蛋食, 大滿足🤗J. Spicy Couple 煙燻油辣味雙拼 三文魚吞拿魚含洋蔥泡菜配菜朋友鍾意食泡菜, 所以佢一定會揀呢個set, 顏色非常鮮艷吸晴, 配料仲有車厘茄, 提子乾, 洋蔥, 泡菜辣度夠惹味, 越食越開胃😋最意想不到嘅係肉同菜嘅比倒係5:5, 平時出街食飯, 如果唔係叫一碟菜嘅話, 好多時都係配2-3條菜俾你, 見到呢個比例非常讚嘆, 出街都可以食到咁健康, 完全零邪惡🥰

最近好興生酮飲食🤩食得健康又好味又飽肚Pickabowl本身係公司附近有荃灣都有，十分方便😍食完又清新又舒服❤️夏威夷海浪三文魚（彩虹）我叫左呢款入面有蕃茄、青瓜、紅/黃甜椒本身我好鐘意牛油果所以加左牛油果成碗加左特別既醬料好好食、好夾食到停唔到口🤤❤️夏威夷四重奏Giant’s bowl(彩虹)朋友仔叫左呢碗份量十足有三文魚、呑拿魚同蝦十分飽肚👍蕃茄、青瓜、甜椒一半肉加一半蔬菜又夠蛋白質又夠纖維食得好飽都唔會有罪惡感💁‍♀️Pickabowl (荃新天地2) (荃灣)👣荃灣楊屋道18號荃新天地2地下G06號舖

早前同朋友去咗荃灣荃新天地2期嘅Pickabowl食晚餐。餐廳裝修簡約，位與位之間較窄但都算坐得舒適。餐廳主打健康夏威夷蓋飯，選擇豐富，除了可以揀選餐廳固定套餐，亦可以自選自己喜愛的食材做Bowl。🔻DIY自選晚餐 價錢：$96味道：8/10主菜方面我揀選了西班牙蒜油三文魚和經典吞拿魚，大大粒嘅三文魚經過蒜油醃制，蒜味濃郁，食落口感嫩滑，油脂都豐富。吞拿魚都偏大粒，味道都新鮮。蔬菜方面揀選咗彩虹組合。其實則是三色椒加上蕃茄，新鮮得黎又健康。最後飯底揀選了白飯。🔻DIY自選晚餐價錢：$130味道：8.5/10朋友揀選了吞拿魚、西班牙蒜油大蝦和蒜辣八爪魚。大蝦充滿蒜味，食落口感彈牙，而八爪魚帶少辣，口感結實有嚼勁。另外加配了一份中華沙律。菜底方面揀選了和風組合，入面有烤南瓜、玉子燒、豆腐、四季豆和毛豆等，配料豐富！飯底方面則選了黃薑椰菜花加白飯，椰菜花口感有啲似白飯，口感幾有趣。

店舖面積不大,但給人一種光潔明亮的感覺,完全配合主題適合追求健康和瘦身人士,其實食物組合頗多,簡直令人花多眼亂,幸好也有一些配搭組合建議,所以今天選了一個彩虹組合(三文魚及熟蝦)和一個泡菜組合(三文魚及吞拿魚),味道又可選蒜片油或煙薰辣味,更可選一些配菜,例如黄薑椰菜花或糙米飯、白飯等,飲品也可選一些清新的飲品或一些健康飲品,今次選了御茗寧茶和零系可樂,發覺與魚生飯十分夾,這頓簡單而清爽的用餐感覺良好。完全滿足愛好健康及年輕一代要求。

夏威夷四重奏配黃薑椰菜花（$126）食材有洋蔥、芫茜、辣味三文魚、經典吞拿魚、泰式熟蝦、牛油果、彩虹配菜，十分之豐富，我推薦食呢個，好似咩都有咁既感覺。煙燻油辣味雙拼配黃薑椰菜花（$94）有三文魚、吞拿魚、洋蔥、泡菜配菜，辣味有點重，不太能吃辣的朋友建議別點，三文魚和吞拿魚的份量都多，CP值高。Super Food（$48）食材有紅菜頭、蘋果、羽衣甘藍、藍莓、檸檬，一次過吸收曬眾多水果既營養，味道新鮮又健康。冷泡茉莉茶（$24）茶包是茉莉綠茶，味道清新，解膩一流，無糖的健康之選。

大熱天時，真係想食啲涼浸浸嘅食物。 Pickabowl一直係我嘅夏天pocket list, 簡單嚟講就係有啲調好味嘅魚生toppings 再配雜菜，可以再加飯或烏冬咁Giants' Bowl (夏威夷四重奏) 有4款唔同口味嘅魚生，包括辣味三文魚，經典吞拿魚，泰式酸辣大蝦。三文魚嘅油脂豐潤，係用咗好靚嘅魚腩位置。大蝦味道有驚喜，甜甜酸酸非常開胃。另外預設係彩虹組合嘅雜菜同有牛油果嘅。雜菜組合同魚三好夾， 一啖魚生，一啖菜，好好味。而個底就薑椰菜花+半糙米飯，咁就唔怕唔夠飽啦Spicy Couple (煙燻油辣味雙拼) 主要有三文魚，吞拿魚同泡菜。 三者配合味道出奇地夾， 泡菜嘅微微酸辣突出咗兩款魚嘅甘香，烏冬非常Q彈，無煮得過火。另外加配咗套餐，有温泉蛋，鰹魚湯同兩粒泡芙，好完美的一餐呢！

🌞近排天氣咁熱🥵🈶️時候熱到都唔知食乜嘢好🤔最近去商場買開洗潔精經過見到呢間賣夏威夷蓋飯嘅餐廳🍴見到佢地醃好咗嘅食材色彩鮮艷😍令我見到都好開胃即刻入去試吓呀🤤🍴餐廳裝修簡約又乾淨✅自助形式🍴蓋飯選擇有好多👍你個蓋飯可以係全部材料自己揀又🉐️😍我哋就見到啲set好啱食🤤所以今晚就叫咗兩個set好嘅蓋飯🥳唔錯👍🐟經典雙併 (三文魚、香拿魚) 和風配菜 $94🌈呢個經典雙拼我覺得超新鮮又抵食👍而且賣相仲好🉐️添📷雙拼入面🈶️新鮮嘅三文魚粒粒🐠吞拿魚粒粒🎣仔細啲望落去👀仲🈶️雞蛋粒🥚豆腐乾粒🫘長豆🫛扁豆🫘菠蘿粒🍍生菜🥬同埋小蕃茄🍅材料豐富到極💯今晚我揀咗跟黄薑椰菜花+半糙米皈🍚感覺非常之健康喔🥳☕️御茗寧茶 $24 : 第一次飲呢個御茗寧茶☕️好有新鮮感❤️茶味清香🌼🈶️紅茶、綠茶同埋花果嘅味道👅呢個茶比較少見又特別🤤我就喜歡喇💕🐠經典吞拿魚 (紅菜頭配菜) $90🌈Wow呢個經典吞拿魚飯超級香呀👍 吞拿魚粒粒勁肥美呀😍入面仲🈶️好甜嘅紅菜頭🥕菠蘿🍍生菜🥬紅腰豆🫘日本海藻☘️全部食材鋪🈵️曬喺黄薑椰菜花上面🥦啖啖都有吞拿魚同蔬菜🥬口感層次感豐富呀👍🍊橙汁 $24 : 配埋支橙汁😍真係超級大🈵️足呢🥳

最近減肥，所以有時都會揀啲健康嘅嘢食，見到呢間主打健康日式飯，而且個賣相好好味，最怕啲健康餐好唔吸引。仲可以自己選擇配料自行組合，啱晒啲揀飲擇食嘅人。有選擇困難嘅人都唔使怕，佢仲有特定嘅選擇，已經幫你配好料唔使煩，只要揀你想食嘅就可以。而且仲可以揀唔同嘅Base，鍾意食飯有白飯，想健康啲有糙米飯和黃薑椰菜花，唔想食穀物類仲有烏冬選擇，真係梗有一款啱你口味👍🏼我點咗夏威夷四重奏和夏威夷海浪三文魚，另外仲加點蟹籽及溫泉蛋夏威夷海浪三文魚配咗沾烏冬，三文魚有用醃料醃過，撈埋溫泉蛋嘅蛋汁真係一流，烏冬也有醬汁，所以唔會好dry另外仲叫咗夏威夷四重奏，配料豐富，有三文魚、吞拿魚、蝦、牛油果，Base我配咗黃薑椰菜花+白糙米飯，有兩種口感，飽肚之餘又唔會有罪惡感我仲見有鮮榨蔬果汁，啱晒注重健康嘅人士

Poke bowl係外國好流行，反而香港比較少見，所以去荃灣經過見到就試試。Menu有搭配好既option揀，亦都可以DIY自選protein toppings，不過自選的話價錢會貴啲。揀完海鮮protein就揀飯底同醬汁，想減脂的話可以揀椰菜花飯。今次試咗Griants’ Bowl夏威夷四重奏，有晒辣味三文魚、吞拿魚、泰式熟蝦、牛油果同蔬菜，一個食完真係好飽肚。總括嚟講都不失係一個健康嘅選擇，但價錢偏貴。