Piglet Café

營業中

休息中

侍應服務態度非常惡劣， 食物非常難食叫左個午餐牛扒飯。牛扒飯個汁無味及難食，詢問侍應俾錢買個黑淑汁，一個侍應話入去同我拎，一個就即時黑口黑臉話唔得，揦口揦面非常晦氣話老闆係度，什麼什麼你知佢咩人。 坦白講我唔係佔你便宜，我係問你加錢，賣個汁俾我。 蒜蓉包有非常軟身，餐湯又淡而無味，得個酸字。 價錢唔平㗎，咁嘅價錢食物質素兼且服務態度真係唔會幫襯第二次！牛扒一點肉味也沒有，個飯微暖，汁又冇味。係門口睇餐牌嘅時候好殷勤要你入去，入到去坐低叫落嘢啲態度兩碼事！食到一肚火！

I just had a afternoon tea on Sunday afternoon. Coffee is a fresh one, not instant. Spaghetti sauce is very creamy. Nice ah this price.

今天與老公行遠一點的大埔逛街，巿中心的大埔超級城裡真的很多人！於是我們退而求其次，去了附近的大元村搵食，其實那邊也不錯！午巿土耳其香草烤焗比目魚柳 ($72)雖然不知何謂「土耳其香草烤」，但比目魚的確入口嫩滑、烤得好香！但份量真的少了一點，適合小鳥胃的朋友。午巿紐西蘭西冷餐 ($72)牛扒餐算抵食！熟度適中不會太硬或血冧冧，無乜雪味，也煎得香。薯角香脆，老公食哂！另外，午巿餐牌的餐都連雜菜湯、蒜茸包和飲品，不過不失，蒜茸包食落香口但略嫌軟身了，上枱前可以烤脆些。

假期訓到晏一晏梗係食個late breakfast 近近地大元廣埸都有主要黎飲佢啲凍啡，唔太奶，上面仲放碎咖啡粉，苦苦地，okAll day breakfast 正正常常囉，蒜蓉包香脆蛋冇咩蛋香有煙三文魚一篤仔都ok

好耐冇嚟，就再嚟試吓啦，點知一入門口就一肚氣。早餐至11點，我10:55分到，佢就好大聲話：下次早啲嚟呀！我話都未夠鐘，佢話早餐係10:55am截單！於是我即刻落order, 佢本來預備同我落單，但我話佢態度差，佢發脾氣叫佢同事同我落order！之後走咗去⋯⋯講真，D嘢唔係好味，初初開都有幫襯，但越食越差，已經冇嚟好耐，再幫襯都係咁差！我自己都係做餐飲，要知道待客之道，笑笑口同個客講，結果就差好遠！

其實呢間啲嘢係幾好食㗎，我叫左火腿番茄湯公仔麵🍜加凍朱古力，杯朱古力唔會好似出邊咁樣溝到好淡，衛生方面都好乾淨，但係就坐得好迫。我叫餐嘅時候有一個待應見到我都唔行過嚟寫。令外發生咩一件事令我好生氣😡，個待應成個手踭批咗落我個頭到，又講對唔住，佢自己都可以唔知，點解佢可以咁樣都唔知。總括嚟講呢間嘢喺幾好食，但禮貌好差！

當天落大雨，唸住一陣都要去大元街市買野，所以就決定去大元街市平台食早餐。其實唔係第一次上平台食，但呢間餐廳係第一次，因為佢係茶色玻璃，門面格局望落好似唔平，又睇唔到餐廳入面多唔多人，都怕中伏唔會選擇，今日就決定試一次。入去第一件事， 緊係手掌探熱啦，見到入面個店員好忙，自己就行咗去個卡位坐低， 店員好快就比個menu我地， 佢地好好冇企係旁邊等落單，我地可以慢慢睇先落單，店員好有禮貌。 店內音樂恰到好處，又播窩心英文歌， 店內其他食客都係斯斯文文，冇人大聲傾計，冇人睇劇唔戴headphone. 我呢位早餐媽媽又係例牌沙嗲牛肉麵， 呢度牛肉係一片片，唔係碎濕濕，個沙嗲味樂濃，又好有花生香。 整體食物唔錯，咖啡係即磨（唔駛加錢👍), 不過係奶茶唔夠濃。 整個早餐都好休閒，好舒服， 我一定會再黎。

很喜歡在這家店吃早餐，除了她的裝修比一般街市熟食中心的較有美感外，更重要的就是她的咖啡。雖然那一杯只是一般即磨咖啡機沖出來的咖啡，而且這餐廳亦不是那些很講究的咖啡店，不會跟你研究哪兒來的豆、如何炒豆⋯⋯不過她的咖啡就是很香很香，以跟餐咖啡的質素而言，物超所值吧。另外我亦喜歡她的煎蛋配以小小的牛角包，作為螺絲粉的點綴，成為了真正的一個Good Morning。

其實屋企附近真的有各式各樣的早餐選擇，雖然我並不像一般男士每次都光顧同一間又或者來來去去只有兩三家食店指定要幫襯，不過這家走西餐路線的小店卻令我間中又會心思思想回味一番。這間餐廳的早餐主要分為兩大類別，一是湯粉系列，而另一大類別就是扒類早餐。湯粉系列之中我個人較喜歡鑼絲粉，另外可選煎蛋、炒滑蛋和蛋沙律，三款之中我愛選蛋沙律；至於扒類早餐，我通常點吉列魚柳，可能熱氣東西是我的最愛吧。最後，如果大家真的來食早餐，強烈建議要牛角包，雖然要多加$3，但是我卻認為是物有所值。另外，溫馨提示，這家店的咖啡也不錯。

今天和家人一起到了大元邨平台的餐廳吃晚餐，那裏有幾種不同的餐廳，有韓國，西餐，中餐菜式。。今天選了這間cafe，這裏有晚餐包括餐湯以及飲品。我們叫了兩個餐，一個散叫，其中一個選擇了沙律，一個選擇了餐湯。如果選擇餐湯的還會配上餐包，餐湯味道可以接受。晚餐叫了一個豬扒司華力腸飯，是鐵板上的豬扒的肉質比較‘嚡’。。吃下去比較困難😅而且飯的質地有一點奇怪。。飯有黏韌的感覺另一個叫了帆立貝雞扒配薯菜就整個餐只有一顆帆立貝😔再配上雞扒感覺上不過不失我們最後還叫了一個番茄焗豬扒飯，蕃茄汁的味道一般而且不能深入飯裏面，整體上真的很一般。。價錢也不是特別便宜。。。整體來說都是一般吧，價錢也不是很抵食。再加上剛進來的時候，相信是老闆娘非常熱情的叫我們光顧🤔但進來後便轉了臉不再理會我們。。。想叫侍應下單也非常困難。。。就算叫了飲品也等了很久才會幫你沖，最後埋單也是要自行出去而且要付現金的，進來的時候也沒有張貼只收現金，所以總括來說是一次便夠了。😕

與老公共享二人餐，這平台有多間食店都有德國豬手，最後因環境舒適，便選擇了這店。先來一紅一白餐湯，我們都覺得白湯較好，因味夠濃，不會稀稀的。然後來個黑松露汁的牛扒配意粉。老公話黑松露汁香濃，我就覺得可接受但未算好好。至於牛扒，要七成熟，我嫌過咸，不用點汁都已濃味。配的意粉不是水灼，以蕃茄略炒的，麵質適中。但最欣喜的就是豬手，份量足，皮夠脆，味道不會過咸。還可配餐飲及甜品。餐飲點了香芒橙汁，可以的。甜品是芝士餅，十分有誠意，餅面略燒一層焦糖，碟也畫上線條。值得再光顧🤗

突然好想食西餐，突然諗起街市上有間西餐廳，大埔時都未試過這間餐廳，今次就試吓先蒜蓉法飽忌廉湯都是自加制不是罐頭湯，好味肉眼扒七成熟配黑松露忌廉汁，好冧好味凡立貝菠菜忌廉飯超，超好食小食，沙律都好好味芝士蛋糕細細件岩岩好吾會太飽環境裝修好靚好整齊，尤其系枱面是我最愛的花花磚食得出呢間餐廳每樣食物都很用心制作，見到廚房廚師全程投入制作食物樓面侍應可能新員工對餐牌吾系咁熟識需多加培訓下次會再去試吓食早餐同下午茶

自從平台冇哂舊式茶記之後, 都唸住唔會再上嚟幫襯, 但今日起真係起唸唔到嘅情况之下, 幫襯咗呢間cafe…點知真係有驚喜…好佩服可以整到啲嘢咁難食！叫咗兩個午餐, 香辣鮮茄海鲜蝴蝶粉, 另外就係白汁吞拿海鲜長通粉, 先講餐湯-蘿宋湯…淡到似清水, 有色冇味！講過兩個粉, 白汁嗰個還可以, 但香辣鮮茄呢個粉就"鯹"到不得了, 要勁落胡椒擋"鯹"！最後餐飲, 唸住應該唔會好差, 叫個即磨咖啡, 點知差過即沖3合1嗰啲…(呢個有關於咖啡評論, 我在用餐時都聽到其他幫襯嘅食客咁講！至於服務態度, 其他食評都講咗…完全同意。我唔知呢間嘢開咗幾耐, 不過如继续keep住呢種水準仲可以咁多人幫襯嘅話, 就不得不講一個"服"字！

差唔多一日三餐多喺街食嘅我哋對晚餐嘅要求特別高但我亦好堅信一分錢一分貨既道理今晚間Cafe算係合格晚餐算係經濟最平都只係＄60室內裝修都幾有心思如果有卡位坐都算闊落我最鍾意枱面嘅階磚七彩繽紛有啲歐洲feel今晚唔係第一次來食但係就大失水準首先係人多漏單套餐嘅餐湯同麵包我都等左15分鐘仲要麵包係凍嘅今晚嘅粟米湯係好淡嘅跟住柑桔凍飲都幾好味等了又等都差唔多半個鐘就有芝士海鮮飯啊但係啲飯太濕白飯有冇炒底茄汁又好似無焗咁 今晚真係大失水準員工服務態度還可以都OK有禮貌希望下次會好味D吖小店我一定儘量支持

湯好淡，明顯料不足意粉煮到一舊舊，洋蔥好似冇煮過，南瓜飯冇味，又係一舊舊。豬扒飯ok, 豬手就好離譜，皮硬肉Un，得薯條ok食得落，5個人食，人頭$100左右價錢係大埔唔算平，但性價比好低，唔推介