Pizza Maru (荃新天地)

營業中

休息中

Pizza 有好多款味道揀，亦可以加錢轉批邊，有 regular（10”）同 large（13”）兩款 size。炸雞選擇亦多，有6件或12件（半半option只限12件）。Regular 韓式海陸（$168）轉金芝邊（+$39）因為怕太辣，所以落單時要求走辣。大約十五分鐘上枱，金黃色賣相好靚。金芝邊係烤到脆嘅兩款咸香芝士+細滑微甜嘅蕃薯暮絲。薄餅餡料有蝦、韓式烤肉、薯角、三色椒、蘑菇、紫洋蔥、mozzarella cheese。醬底係牧場醬，表面仲有酸忌廉醬汁。整體味道咸咸甜甜，就算走辣都有好少嘅辣味，有少少似醬汁烤肉嘅味道，十分惹味。6件蜂蜜蒜泥炸雞配蝦片（$139）大約十分鐘上枱，蜂蜜蒜泥醬汁勁多（多到食到尾仲有不少係碟底）。炸雞有雞槌、雞背、雞胸、雞全翼、雞上脾不同部位。炸粉厚度剛好，而且十分脆身。醬汁夠“傑”所以好容易掛落啲炸雞度，味道甜甜，蒜味滿滿。蝦片約有十小片，味道一般。整體用餐體驗良好。食物質素好，份量合適，收費尚算合理，服務都不錯，係環境弱少少，枱同枱之間距離較少。應該會搵機會再幫襯。

今日係年初二喺荃新天地逛街，見好多舖頭都冇開門，經過PIZZA店門口就決定入去試吓。叫咗兩道菜，真係非常滿意！*巴群蟹派對番茄醬底Pizza* 🍕：呢款Pizza用番茄醬做底，配上巴群蟹肉，味道鮮美，餡料豐富，每一啖都充滿海鮮嘅香氣，真係非常唔錯。*蜂蜜蒜泥炸雞* 🍗：炸雞外皮香脆，內裡肉質嫩滑，多汁。蜂蜜同蒜泥嘅搭配真係絕配，香甜中帶有蒜香，每一啖都好好味😋整體嚟講，呢次嘅Pizza店體驗真係好滿意，環境舒適，服務態度好，食物質素高。有下次！

朋友喺荃灣搵地方聚會，幾個人都話想食Pizza，結果揀咗Pizza Maru。入到去就覺得環境幾舒服，啲燈光柔和得嚟又唔會太暗，氣氛啱晒一班人慢慢傾偈，感覺好Relax✨。我哋點咗韓國烤肉芝加哥薄餅，芝士真係好似拍廣告咁，可以拉絲拉到勁高🧀，每啖都充滿濃郁嘅芝士味，食一兩件已經覺得有啲飽。另外仲點咗蜂蜜牛水中口炸雞，炸雞有粟米燒做配襯，粟米燒同炸雞都非常出色，粟米燒啲味好似食緊粟米湯薯片咁，真係勁好食！因為傾偈傾到有啲口乾，大家仲叫咗幾杯飲品，有啤酒亦有特飲，不過熱飲嘅選擇就比較少。最滿意嘅係，上菜速度幾快，職員態度友善，仲笑容滿面，令成個晚餐氣氛非常愉快。食物同飲品質素都好高，Pizza特別值得一試，真係又食得又睇得！🍕🍹😊

每次經過都好多人排隊，難得有時間就同朋友去等位試食下 。環境氣氛幾好，不過坐位係逼少少，但無阻雅興 。🍕薯角炭燒雞肉芝加哥（蜜糖杏仁邊）見網上啲人拉絲咁過癮，我梗係又試下啦😂吖！又真係拉到絲喎😍正呀！ Pizza熱辣辣，超多芝士，又足料，調味好夾，口感豐富，值得一試😋🍗咖喱粉炸雞佢有幾隻味可以揀，朋友未試過咖喱粉味嘅炸雞，咁就try try啦。炸雞又係熱辣辣，皮脆唔多炸粉，內裡多肉汁，幾嫩滑，配埋咖喱粉又幾好味！非常香口！整體嚟講食物質素唔錯👍🏽會再嚟試其他款😆

每次經過都大排長龍，今日係平日，中午時段人不多，很快被安排入座。蜂蜜牛油炸雞配粟米燒炸雞外皮酥脆，一點也不乾，蜂蜜牛油的甜香，加上大量芝士粉，搭配粟米，非常惹味。10吋的牛油果醬烤肉薄餅薄餅的牛油果醬則帶來清新的口感，搭配柔嫩的烤肉，讓整體味道更加豐富。

泡菜海灣薄餅🍕非常多海鮮配料，配上泡菜絕配好鍾意依到 嘅Pizza餅底😍叫咗13吋pizza ，仍然覺得唔夠喉😂😂蟹肉飛魚籽意粉🦀面頭係滿滿嘅蟹肉，有兩種顏色嘅飛魚子，同埋有非常多嘅洋蔥粒，食落增加口感👍🏻👍🏻醬汁超級濃郁又唔會太鹹甜辣炸雞配蓮藕片呢個配搭極新穎，配搭蓮藕片可以解膩🩷甜辣汁做得非常之好，唔會太辣搶晒啲味，比好多韓國舖仲好食，本身炸雞火喉都控制得好好，就算雞胸部位都唔會乾😋😋😋

星期日中午的荃灣店人不多,只有一半位置滿座。蟹子卡邦尼意粉Q:有一種橙色、一種綠色的魚子,非常之creamy而且濃郁。半分甜辣炸雞：餐牌寫明連炸雞系非辛辣，所以不懂辣的人都會食到，味道偏甜，炸雞配上的蓮藕片亦都 非常香脆。泡菜海灣薄餅: 這款是一個13吋薄底的薄餅,有蟹柳、魷魚、青椒、菠蘿、芝士。味道好豐富，共有8件，四個人吃啱啱好。餐廳職員服務好好，廚房整錯咗嘢食都即時重新造過。🐝—————————我是分隔線—————————🐝總結：食物種類確係多，每次來都有不同嘅野食揀到！🫵🏻店名：Pizza Maru (荃新天地)地址：荃灣楊屋道1號荃新天地1期 UG28及30 舖#hkig #foodie#foodblogger #foodndaily #foodbloger #hongkongfood #hongkongfoodie #foodblogger #likesforlike #eatateeaten #comment #share #subscribe #荃灣 #荃灣美食 #卡邦尼意粉 #韓國炸雞

🦀群蟹派對Pizza底係薄底，四個人份量岩岩好，材料種類好多，除左蟹肉，仲有蝦、洋蔥、木魚片，味道豐富，而且個沙律醬好好食，不過如果個蟹肉多啲就好啦！🍯蜂蜜蒜泥炸雞配蝦片先唔講味道先，個炸雞係真心出色既！上枱既時候仲熱，炸粉薄做到外脆既口感 ，咬到入面啲雞肉好滑仲有啲肉汁。味道方面蜂蜜蒜味唔太出，鐘意濃味既我建議試其他口味。🦪Maru 秘制青口分量好夠，粒粒青口都有肉，而且都唔細粒。調味唔會太重，汁都唔多，食到青口既原味，首先本人好鍾意食青口，所以難以持平，不過鐘意青口既一定要試一試。🍝煙燻鴨胸泡菜卡邦尼意粉意粉都幾大份，一開始仲怕會食唔晒，但係要大讚個泡菜，叫個時其實都怕加左泡菜會好怪，但就係因為個泡菜解左卡邦尼本身既膩感，越食越開胃，真係估佢唔到咁夾呀！

行過荃灣， 想食特別嘢， 嚟到荃新天地有間食特色pizza嘅餐廳， 成日見到人排隊， 今次冇乜人， 等咗15分鐘就入到去。 呢間餐廳主打韓國特色pizza， 有好多款式， 亦都有唔同嘅韓式西餐菜， 我哋一行六個人， 可以嗌唔同嘅餸菜。 餐廳環境裝修得好新穎， 播住韓國嘅歌好有feel。 不過枱就擺得有啲逼， 唔係放到好多食物。 如果食呢間餐廳，就要多啲人食， 可以share唔同款式， 一兩個人去食就會食唔曬。 我哋叫咗個薯角炭燒雞肉芝加哥pizza同埋類似Hawaiian pizza。 Pizza好厚身，配料好足， 淡淡都充滿芝士味道， 食得好滋味。 仲叫咗個豬肋骨， 啖啖肉，好好吃。 沙律又好fresh。 總括來說， 呢間餐廳好適合三五知己嚟聚聚， 食落好有驚喜！

每次行過荃新天地都會有人等緊呢間餐廳，今日約埋朋友試下佢🤤餐牌樣樣都好豐富吸引！蟹肉飛魚子意粉，呢個意粉好好食，蟹肉都多，個汁唔會好濃，食落唔會覺得膩，推薦👍👍👍炸雞叫左兩款口味（甜辣&蜂蜜牛油），雞都滑同埋熱辣辣，味道就正常發揮冇乜特別。韓式海鮮炒年糕，青口好食，份量唔算多，個汁偏向稀d，但都辣既。泡菜海灣芝加哥，呢款pizza好似好出名。但食落覺得唔算好特別，可能期望過大🫠🫠🫠仲叫左peach lime ice tea ，飲落好甜🫠整體黎講如果唔洗等位都可以試下既。

失驚無神想食Pizza, 但又唔想食得太hea, 搵間好D架啦, 希望有D特色, 就搵咗荃新天地呢間韓式Pizza。 批底稍厚, 新鮮夠脆, 一定夠飽。 Topping方面, 一定砌到靚靚先送上枱。 我叫咗呢個, 有原條蟹柳, 食起上嚟要先己咬開, 如果咬唔斷就一啖KO佢😋 咁... 下幾啖無蟹柳囉! 我伶願咁樣, 都唔好切碎D蟹柳囉。佢地唔止Pizza, 仲有其他有韓國特色既野, 唔想食炸雞, 都仲有好似呢個韓式海鮮炒年糕。 價錢都可以接受, 亦都夠飽。掛住食, 唔記得影相, 本來六隻青口砌到靚靚咁既。 海鮮仲有魷魚圈同大蝦, 加埋韓式辣醬, 少少辣, 好好味!

真實自費食評其實食過好幾次但因為呢到既炸雞非常吸引所以要俾返個credit佢。今次食係荃新天地分店 但星期日夜晚都要等，所以大家要黎就早啲黎拎飛，因為GULU app 呢間分店係無得拎飛。蜜糖柚子八爪魚沙律 $128 🐙Honey Yuzu Octopus Salad Mixed Salad, Cherry Tomato, Octopus, Flying Fish Roe, Cucumber, Cherry Radish, Parmesan Cheese, Honey Yuzu Dressing.呢個沙律好開胃，而且柚子汁係有一粒粒柚子肉，如果八爪魚多啲就更加好，因為八爪魚薄切都比較少，同埋沙律菜都係比較少，4個人食每人一啖仔。Maru 秘製青口鍋 $178 Maru Blue Mussel PotBlue Mussel,Cherry Tomato, Onion, Mushroom, Garlic, White Wine Rose Sauce, Grated Parmesan Cheese青口份量都算多，黎到大部分都係打開個口，唔會好膩，但唔會太多汁。韓國烤肉芝加哥 $223 🍕Bul

今日encore 黎呢間餐廳食pizza ，真係好好味，呢款牛肉pizza ，芝心批真係好正，絕對值得試。不過係啲料就少咗啲，一件pizza一件肉。之後叫咗個墨魚汁意粉，非常濃烈既墨魚汁味，意粉又有咬口，好正。

呢間位於荃新天地既食店，地點方便😀，鋪頭裝修華麗，間隔闊落🕺，門店12點開，我12:10去到即有位，但我離座時，都好多人等位，所以想來品嚐午餐，看來12:30前會較好😂😂今次我叫了魚香紫菜薏米意大利飯🍚，同事叫了明太鮮蝦🍤🍤海帶意大利粉，覺得兩款都好有特色，而且也有韓國嘅味道。 另外有鯷魚乾，也有韓國醬味道，至於份量，真的剛好，價錢也可以接受，所以應該會再來，但下次就就想吃pizza 和炸雞

呢間平時都好多人排隊,係韓國舖頭,見佢有個好大嘅螢幕播住BLACKPINK,裝修非常之新,影相打卡一流。佢個Pizza非常之好食，唔同傳統大品牌嗰兩間Pizza shop, 最緊要係要叫芝心批, 因為佢個芝士有成兩吋濶係超多芝士唔係喺嗰邊嘅裏面係喺嗰邊嘅表面, 芝士部份亦有少許香草, 個邊好好食，所以加咗$45都係值得。啲餡都夠多, 調味適中, 佢嘅香料味係幾特別, 好味！意大利飯都OK, 但係如果價錢嚟講, 午餐意粉同埋10吋pizza都係$120起, 選擇Pizza比較好, 一定唔會失望。