PizzaExpress (將軍澳中心)

營業中

休息中

今年三十不食中餐食西餐 ，晚市禁堂食 ，我哋決定晏晝食好少少 早D食無咁多人，我地11點到，第一檯入座，店員安排我地坐最靚既位置pizza express新春新menu !即係嘅菜式頭盤主菜甜品， 非常有新年氣氛 Golden celebration 二人套餐588 ，包括頭盤 意式青口海鮮湯。主菜方面有四款主食可以任揀兩款!我揀咗烤蜜桃油封鴨腿 ,  南瓜西蘭南瓜花西班牙腸桂花薄餅, 甜品有椰子雪葩 意式青口海鮮湯 入面包括有青口芹菜，紅洋蔥，蕃茄海鮮醬... 加上芝士脆包 海鮮湯非常濃烈嘅鮮味 ，青口煮得 火候啱啱好，唔會過老 。完全保持鮮嫩嘅狀態 。蕃茄襯托下帶點酸，非常之醒胃，和青口非常之合拍 ，附上嗰兩塊脆包 用來蘸汁食 一滴汁都冇浪費 烤蜜桃油封鴨腿 色彩繽紛 打卡一流 未食都聞到陣陣嘅 鴨腿香氣 裏面有大量嘅蜜桃 ，辣椒碎，牛油果。新鮮嘅菜蔬， 非常美觀。特色沙律醬汁， 味道甜甜酸酸 好開胃， 令鴨腿嘅入面既咸味完全減低 ，鴨腿燒得外脆內嫩 ，鴨肉味道濃烈，但不是死鹹那種 。口感似雞肉真的似是大師級嘅傑作南瓜花西班牙腸桂花薄餅  入面有樣南瓜花，西班牙腸，火箭菜，水牛芝士

分店多. 總有一間喺附近. 不同店食過好幾次. 比我嘅感覺係穩陣多過出色. 近期幾鍾意佢一款意粉.今日又嚟食午餐. 呢間店唔做午市套餐. 唯有散叫. 感覺會偏貴. 晚餐OK.小食: 煎雞翼. 就係最普通煎雞翼. 雞肉肥瘦適中. 味道啱啱好. 賣點係佢嘅芥末醬. 十分屈機. 任何食物點佢都好好食. 介紹埋杯凍檸檬茶. 好難得有茶味. 而且無限添飲.我唔特別喜歡呢度嘅Pizza. 之前食過有一款叫做Calabrese. 特點係長方形嘅. 味道似係落咗桂林辣椒醬. 我幾鍾意. 可惜唔係大眾口味.穩穩陣陣嘅係夏威夷Pizza. 菠蘿醬偏多. 味道合格.白酒蟹肉意粉. 係呢間餐廳我最鍾意嘅菜式. 蟹肉多. 蒜香味濃. 有鑊氣! 有時重手落多咗辣椒都幾辣. 冇所謂啦, 反正我鍾意食辣.朱古力球. 可能係呢度嘅熱賣菜式. 每次都熱辣辣. 裏面軟軟靭靭. 點埋朱古力醬係極佳嘅甜品.整體食物OK. 有一兩樣食物留得住我.

今日和好友一起食聖誕款式.就在Pizza Express!今日這聖誕二人餐包了 lobster 🦞 soup （1 客）salad （聖誕樹環拼盤沙律）pizza (金文拔芝士及燉牛肉薄餅）湯重龍蝦味,好新鮮和平時飲開的不同。有lobster肉在中間。好好味！沙律買相不錯，有一小盤芝士sauce係中間。這salad includes salmon, parma ham, ham. 真豐富。這pizza我食了四件平時我只吃一件就足夠.但這款好特別.有canberry sauces.好開胃因我吃得太多所以再encore另一款pizza. 最後加多$68總結今日dinner. pizza express永遠都不令客人失望。I love pizza express!

每次同屋企人出街食飯總係離不開將軍澳😆今次又帶左佢地黎食聖誕Menu，見到外賣同堂食set有啲唔同，不過我喜歡堂食多啲。《Camembert 燉牛肉薄餅 $188》第一次試呢款Pizza，Camembert Cheese同燉牛肉做主打，配料有羽衣甘藍同甜椒，配搭紅莓洋蔥醬。味道幾有新鮮感，一黎比較少食到牛肉的Pizza，二黎香甜的醬汁令到整體感覺好Juicy同Fruity，係一個幾有趣的組合。《鼠尾草牛油黑蒜蝦肉意粉 $168》鼠尾草牛油加上黑蒜醬，柔和的香草風味令味道更加有層次，意粉用上spaghetti再加入口感幼滑的忌廉和帶有辛辣感的紅辣椒絲，口味好豐富。大蝦爽口彈牙，鍾意微辣忌廉意粉的人不要錯過～《番茄香草烤雞焗糙米飯 $178》呢個烤雞焗飯係意想不到咁好食!!上面鋪滿Parmesan Cheese，金黃的香草烤雞肉質嫩滑，調味好足夠，個飯加入紅洋蔥、蘑菇粒同香料，整體感覺係香得黎好好食，而且我中意係用鐵板上，keep到個溫度，隔耐左都仲食到軟綿綿的芝士。《麵包球聖誕樹🍞🎄 $72》聖誕樹造型的麵包球，賣相有創意得黎有啲搞笑🤣鋪上辣肉腸、Mozzarella & Parmesa

突然呀仔話想食 pizza ，話試吓 pizza express ，我一向覺得呢啲快餐式 pizza 餐廳味道一般，但既然都未試過，就俾次機會佢😉首先叫咗個前菜「焗麵包球」，呢個用麵粉做嘅饅頭仔，真係好得意好吸引好可愛，麵包球跟蒜蓉牛油同蕃茄香草醬一齊食，牛油充滿蒜香味，而蕃茄香草醬都味道豐富，配上一個個咁得意嘅麵包球，又軟又暖，真係嘅過引👍跟住上枱嘅係「烤雞松露蝴蝶粉」，半隻同全隻雞只係差$30，冇理由唔要全隻吧。隻雞已經切兩兩邊上碟，雞上淋上 sour cream，底下就係蝴蝶粉，隻雞烤得好香，肉質鮮嫩，而蝴蝶粉亦都好好食，佢主要係用蘑菇汁調味，亦加上松露醬及菠菜葉煮制，一啖雞一啖粉食得好滿足😋既然黎Pizza店又點會唔試薄餅，首先試嘅係我最鍾意嘅 Margarita 「特級瑪嘉麗塔皇后薄餅」，呢款薄餅好簡單，只係一個餅底，上面鋪上水牛芝士、蕃茄醬同新鮮羅勒，個餅底比起我之前食嘅薄批還薄一點，蕃茄醬同水牛芝士雖然唔係好多，但整體上來講都係烤得唔錯。另一個我哋試「帕爾瑪薄餅」，叫呢個當然係想食 Prama Ham，而芝士方面，佢係用軟芝士及巴馬臣芝士，今次要厚批做底，烤得個邊好脆，火

Lunch Set 食物質素低劣叫左個Parma Ham火箭菜+辣肉腸pizza+玫瑰茶Parma Ham火箭菜Parma Ham有兩小片，正常味。火箭菜十條數得哂，火箭菜唔新鮮，有條瘀哂嘅，咁應該得九條火箭菜先啱。辣肉腸pizza pizza底吸滿油，base嘅”茄醬？” 紅色但一啲蕃茄味都冇，得個死咸。辣肉腸係好食，有4塊，每一塊都有五蚊咁大塊架。玫瑰茶全餐最有質素就係玫瑰茶，因為個茶包並唔係Pizza Express 出品咁嘅質素仲差過某日本連鎖意式餐廳，

親子餐廳🍴小朋友喜歡😘在將軍澳區試過不同餐廳，只係有呢間👦🏻一定唔反對，兩大一小，一個二人餐再加一個兒童餐，份量OK，至愛北京填鴨pizza (記得叫走辣.如果小朋友不可以吃辣），其實我喜歡個兒童餐，好多嘢揀😘可以意粉／pizza 二選一，甜品有movenpick 雪糕或朱古力麵包球二選一，有橙汁，再加杯babyccuino… 真係好開心🥳開心價＄89⋯⋯四道菜，大人二人餐主茶外有頭盤附上飲品⋯其實兒童餐真係抵食😆

突然好想食pizza，意粉， 好在屋企附近有Pizza Express. 餐廳不定時都有新口味，新款菜式， 所以每次嚟都有新選擇。天氣好熱，先來杯「雜梅梳打特飲」解暑先🍹。 放上薄荷葉，味道清新，唔會太甜， 放上士多啤梨鮮果肉🍓🍓，適合夏天嘅特飲！朋友今日吃無肉餐， 餐牌亦有不少素食菜式， 所以我吃素的同事都喜歡來這裏午餐。新豬肉蕃茄薄餅（10 吋）$138熱辣辣大概等十分鐘左右， 鋪滿酸酸地嘅蕃茄蓉和芝士， 薄薄嘅批底脆得來不會好乾， 主角新豬肉份量都好多，灑上香草， 一啖咬落滋味無窮。牛肝菌黑松露蝴蝶粉$148蝴蝶粉煮得啱啱好，軟熟彈牙， 沾滿牛肝菌黑松露醬汁， 牛肝菌香氣獨特， 令整個意粉味道與別不同，雖然冇肉但係好惹味～！！意式蕃茄蟹肉沾醬配香草麵包$98用鐵盤盛載， 熱辣辣出爐特別吸引。 雖然好細份， 但盛滿， 蟹肉，洋蔥和芝士～ 非常惹味。 有驚喜蟹肉佔嘅份量特別多， 真的每一啖都吃到蟹肉! 好滿足啊～ 味道係偏甜， 係會越食越想食～～Movenpick 檸檬青檸雪葩🍧濃郁嘅檸檬味， 也鋪上鮮果粒， 冰涼降溫！

本來帶幾位朋友仔去食午餐，好想食pizza之際就選擇左PizzaExpress，正常地四人叫4份lunch set首先侍應帶位嘅時候已經唔知想點，帶我地兜嚟兜去，帶左一陣我哋先坐到落位。serve餐上枱嘅時候態度都好差。重點係，我哋叫咗四個lunch set，冇一個人食得飽。意粉上枱嘅時候我哋見到個份量已經呆咗（仲少過去薩X亞嘅意粉），你比多兩倍我都唔會飽😅。雖然Pizza、意粉味道都算ok，但係感覺食得2啖。食完哂所有野都冇一啲飽足感，我同啲朋友要去另一間餐廳先填飽返自己空虛嘅胃。😢

份量少到有D誇張價錢又唔平😡一個lunch set 有個頭盤、主菜同飲品咁頭盤份量正常但係個主菜份量真係同兒童餐差唔多味道又唔特別好食我叫左個蒜香新豬肉螺絲粉食唔到有蒜味新豬肉又得兩三舊得啲橄欖油味🥲仲有個蜜糖雞肉pizza 都ok 味但得三大塊你話飽飽真係唔飽咁4個人 都食左420 態度麻麻食野有得揀唔會再去正常西餐但份量又食唔飽一個lunch set 七十幾八十幾但食左個空虛真係唔低食！！！！！！！！！🥵

疫情關係大家都冇得去海外出遊，想搵一啲地方係有外國嘅感覺輕鬆同屋企人chill 吓，喺將軍澳區我就最鍾意呢一度，餐廳環境非常寫意半開放式的設計，特別係下午嘅時候，有啲自然光透入餐廳，令你在係外國嘅感覺。當然餐廳嘅食物質素固然重要，但對我呢講環境都同樣重要，呢一間分店座位比較闊落，用餐起來都比較舒適😊今日與幾位朋友相聚，各自揀選主菜再happy sharing ,不約而同地三個主食我哋都揀咗海鮮款式😂，但一點都無問題，唔會覺得好類同，各自有特色。頭盤方面我哋就點咗每次一定要叫嘅烤肉丸同埋雞翼。烤肉丸的醬汁及味道非常之濃郁，加埋自家製嘅薄片薄餅非常之夾😋，淨係食塊薄餅都好好食。我自己每次都會額外問侍應拿一個青醬俾我 就咁沾薄餅係非常之一流！以前佢哋叫肉丸係會跟麵包球，同時附上青醬。現在的presentation改咗跟薄餅，所以我知道青醬嘅存在😄。而雞翼真係神奇之作，雞翼好似好普通但係每一次真係要叫，雞皮微微燒香脆口，內裏亦可以keep住juicy, 而且佢係單骨上碟 啱女仔着斯文咁樣食用，味道烹調恰當令到你食完又想再食。再叫咗一個海鮮沙律，份量非常之充足而海鮮嘅比例亦相對多及合理而且種類都

由於我成家人都係薄餅控因為父親節就要好好慶祝去食西餐，我哋每次去PizzaExpress都叫北京烤鴨薄餅，俾我嘅感覺就似食片皮鴨 一樣，香濃的烤鴨香，加上少許肥美的鴨皮，外皮酥香而肉嫩。再配上新鮮香蔥和脆口的薄餅底，加上甜海鮮醬點綴，能減少油膩感，建議再飲啖啤酒 !食美食真係好enjoy又減壓，看pizza賣相令人垂涎三尺!另一推介必食肉醬寬條麵，一層好有咬口的寬條麵，另一層是濃郁的蕃茄醬、香濃芝士和滿滿的牛肉碎，好有層次，是難以抗拒的美食！小食方面叫了肉丸，非常彈牙，好有豬肉鮮味，配上幾片的蒜蓉酥餅，好飽肚。另一款叫了煙三文魚冷盤，有厚切煙三文魚和2款不太鹹的風乾火腿，煙三文魚軟嫩而肥美，非常新鮮而不腥 ! 伴菜有火箭菜，4粒車厘茄入面竟然釀有吞拿魚蓉，食落好有驚喜。飲品方面，我愛食薄餅配上啤酒，叫了大杯裝的石榴味嘅啤酒有少少酸而不太苦，鮮甜容易入口。熱薑蜜茶好值得推介，不會太過辛辣，能夠祛寒滋潤。次次食沙律都叫水果好乏味，我今次試下食貴些的「海鮮沙律」，黑醋配上鮮甜柚子肉，配上新鮮八爪魚和蜆肉，非常爽口解膩又開胃 !甜品方面，我叫了提拉米蘇tiramisu，充滿咖啡香和朱古力甜味，

見到最近Pizza Express新出左西西里Special Menu，竟然見到比較少有既沙甸魚，感覺幾有新鮮感~今次唔係做套餐推廣，沙律前菜Pasta同Pizza每樣有d選擇，我地三個人就揀左d試下。《焗香草沙甸魚 $68》呢個沙甸魚係幾有驚喜，用左Anchovy醬，配以車厘茄、香草麵包，仲有檸檬作點綴。金黃香脆的沙甸魚充滿鮮香，肉質細嫩，完全唔係罐頭質素，就連平時麻麻地沙甸魚既朋友都有驚嘆一番，推介！《西西里風味沙律 $128》用Rocket做沙律菜，加入西柚、鮮橙、橄欖、Feta Cheese，再配兩條麵包條。相比其他沙律醬，呢款可以講係原汁原味，食到水果既鮮甜多汁，咸香的橄欖再加埋已腌製的酸甜洋蔥，整體簡單而不失風味。《西西里肉腸菠菜薄餅 $148》番茄醬做底，Toppings有西西里肉腸、炒菠菜、Parmesan Cheese、洋蔥。今次呢款都係薄批，芝士加入香草既味道幾獨特，可惜醬既分量有d少，而且唔夠熱，始終爭左少少。《茄子番茄闊條麵 $118》適合素食者既意粉做得相當不錯~茄子軟綿夠入味，車厘茄鮮甜，微酸的Ricotta Cheese配搭蒜蓉同羅勒帶出既味道亦令到意粉更

好耐冇食Pizza Express，其實疫情前都冇食一段日子，因為唔算平，對我倆嚟講唔算多嘢揀，今次再度到訪，只因為有嘢送😝😝 推出電子會員咭，一登記就送一個10寸pizza 兼50分！實在好大方！多謝晒😆 (但唔知係咪舊會員先送咁多嘢🤔)所以呢一個星期日嚟咗呢度食，可能太耐冇嚟，都已經係新餐牌，研究咗一陣，決定揀個小食-焗蘑菇加個免費Pizza 先，唔夠飽就叫個飯，已經諗定咗😁小食到了，都算比較大粒嘅蘑菇👍🏼 係羅勒味道，啲伴菜都好新鮮😊 但對於火箭菜，我倆都一般，點知⋯⋯pizza 都到埋，因為呢款都係比較普通，味道正常，跟住我哋就將啲火箭菜單放係pizza面就好夾，無嘥！😃😋差唔多食哂，唔太飽，所以決定叫埋個蘑菇燴糙米飯，好靚呀😍 都好香，係青椒汁，幾特別，都好味，好健康咁😋 不過咸番少少就更好味😁

將軍澳中心呢間Pizza Express望落好似唔錯咁，地方極級闊落，裝飾好靚，充滿chill & relax嘅氛圍，重點係佢Happy Hours飲品仲做緊買一送一😍😍😍烤焗雞翼 ($83) - 頭盤叫咗烤焗雞翼，真係冇冇錯，金黃微焦嘅表皮油香味爆發，甜甜鹹鹹嘅味道令人愈食愈上癮，而且好鍾意佢嘅juicy肉汁同埋雪白嫩滑嘅肉質，好好味啊😋北京填鴨薄餅 ($158)- 一直都想試吓北京填鴨薄餅，今日終於叫咗啦🤩比expectation高好味嘅pizza，香甜嘅醬汁配埋厚身有嚼勁嘅鴨胸同清新爽口嘅青瓜粒，仲有香脆薄身嘅餅底，中西合璧嘅成品好正啊😎番茄海鮮意粉 ($148)- 一上檯就食慾爆增，香濃嘅番茄香撲面而來，熱辣辣香噴噴，海鮮都超高質，有爽口嘅蝦、彈牙嘅八爪魚、鮮味十足嘅蜆肉同小元貝，口感層次好豐富，而且每條意粉都掛滿濃稠嘅醬汁，啖啖滋味😋石榴梳打特飲 ($38)- 鍾意酸酸甜甜嘅人一定要叫呢杯特飲，石榴嘅酸醒神開胃，梳打嘅有汽解膩一流，啱晒同pizza、意粉一齊食😄凍檸檬茶 ($41)- 凍檸茶都係香港人嘅至愛，三片檸檬配搭香濃茶底，而且可以自行加糖水，控制自己接受到嘅甜度，入口