影片
港鐵旺角站 E2 出口, 步行約5分鐘
繼續閱讀
電話號碼
90478403
附加資料
Potatopia 位於旺角鬧市一隅，透過舒適寧靜的環境及簡單的飲食，希望為顧客提供一個暫時放慢步伐的空間，好好與自己對話，休息過後重新出發。Cafe 以健康的食物薯類為主題，除了一般 cafe 食物及飲品外，也提供焗薯、薯仔蛋蘋果沙律、紫薯鮮奶等，希望於本港推廣吃薯的文化。
營業時間
今日營業
10:00 - 17:30
星期一至三
全日休息
星期四至五
11:30 - 17:30
星期六
10:00 - 17:30
星期日
10:30 - 17:00
公眾假期
全日休息
以上資料只供參考, 請與餐廳確認詳情
估唔到喺香港遊樂場協會入面會有一間咁隱蔽嘅文青Cafe. 上到去發現環境舒適,坐得舒服又寧靜,係一個與朋友小聚傾偈嘅好地方. 嘢食方面選擇唔係太多,主打輕食.餐廳提供焗薯,西式意粉,沙律,同埋自選烏冬套餐.另外亦有小食及飲品提供.今次揀咗堅果田園沙律,另配迷你焗薯（+$8）,套餐已包一杯西式茶,揀咗伯爵茶.個堅果田園沙律賣相好好,令我驚訝係有好多款堅果-有松子仁,夏威夷果仁,合桃! 不過份量就比較細.即使已經加咗迷你焗薯,食晒所有嘢食都唔覺得飽.果然…下晝好快就要嗌多份下午茶… 建議餐廳加大份量或者跟餐配多少少小食.
繼續閱讀
周末放假☺️ 旺角 行街， 行咗成日腳好疼呀！人又多， 好想搵個安靜嘅地方 好 休息一陣 ！ 發現 咗呢間餐廳 看起來感覺好放鬆，好放鬆的感覺，好喜欢这样！沒想到还有驚喜😘 咖啡好 饮👍，食物也非常👍与闺蜜一起的下午茶时光，喝着咖啡，聊着天，说说现在聊聊未来，挺好挺好❤️
繼續閱讀
我本身唔太食澱粉質，淨係鐘意食「傻」仔(薯仔)🤓 雖然今次影得唔靚，但係都要照𝐩𝐨𝐬𝐭!平時喺旺角好少可以搵到一啲靜啲、價錢又合理嘅cafe，咁啱就搵到一間喺麥花臣匯遊樂場協會中心入面嘅小店，上到去會有少少疑惑，淨係見到社區中心嘅格局，但係又搵唔到間餐廳，鼓起勇氣行咗入去先搵到～餐廳嘅座位唔算好多，而且負責人只係得兩個，佢哋就負責晒煮嘢食同埋送餐，平時都有唔少家長喺中心活動完咗之後帶埋小朋友一齊去食，所以見到兩位負責人都好忙，上菜會慢少少，如果有機會去試吓嘅話就唔好介意，坐低同朋友傾吓計慢慢等！ 店員都好有禮貌同耐性解答客人嘅問題(⁎⁍̴̛ᴗ⁍̴̛⁎) 餐廳主打薯仔嘅菜式，周圍都有啲壁報板講吓有關薯仔一啲資訊，食物種類不多，但絕對用心製作，即叫即做！==============================〖 蒜香大蝦意粉🍝 〗💰𝟔𝟓 | 🜸 𝟑.𝟒/𝟓用呢個價錢可以食到意粉簡直係抵到爛，本來對佢嘅食物質素唔會有好大期望，但係食落之後都幾有驚喜，絕對對得住呢個價錢！意粉軟硬適中，一碟意粉有5-6隻大蝦，粒粒都係好爽口彈牙，個意粉嘅份量好多，用蒜蓉做調味料令到意粉好香好惹味，仲有少少辣，食落亦都唔會好油膩，不過就略嫌乾左少少。伴碟仲有沙律(～o￣3￣)～〖 芝士鹹牛肉洋蔥焗薯🥔 〗💰𝟓𝟒 | 🜸 𝟑.𝟖/𝟓呢個焗薯應該係佢哋嘅招牌菜，本身用薯仔來做主菜冇諗過會飽，但原來食原個焗薯都已經好滿足！薯仔應該冇過多嘅調味，完全唔會好似出面嗰啲甘落勁多醬，所以好食得出薯仔本身嘅味道，加埋鹹牛肉、洋蔥、紅椒，好香好有口感，再加埋芝士片嘅少少奶味，真係好好食！〖 紫薯鮮奶🍠 〗+💰𝟐𝟑 | 🜸 𝟑.𝟗/𝟓餐廳負責人話紫薯鮮奶係佢哋最出名嘅飲品，好多人嚟到都會叫，而且如果佢哋得閒嘅話仲會喺上面拉花拉隻熊仔添！呢個紫薯鮮奶的確有佢嘅人氣之處，一飲就飲到個層次，分別係頂層係奶泡，下層係幼滑嘅紫薯鮮奶，帶天然嘅紫薯香氣，質感濃稠柔順，帶微微粉粒感，完全感受到用新鮮紫薯打成，同奶味嘅融合剛剛好，就連朋友唔飲奶都覺得好飲！而且絕對唔係坊間嘅死甜，整體清爽不甜膩～好 想 再 飲 (๑꧆◡꧆๑)〖 熱情果蝶豆梳打🍹 〗+💰𝟐𝟏 | 🜸 𝟑.𝟔/𝟓熱情果蝶豆梳打都係好多人嗌，一來係因為飲品嘅顏色都幾特別，由橙色漸變至紫色，打卡一流(⁎⁍̴̛ᴗ⁍̴̛⁎)當然佢嘅味道都唔錯，飲落去有淡淡的蝶豆花甜香味，然後個底又會有少少熱情果嘅酸甜味，好清新開胃！————————————————————————————評分🌟(10分最高💯)價錢💰: 8.5/10味道👅: 7.5/10環境🌱: 7/10回頭❣️: 6.5/10服務👀: 8/10人均消費: $70想睇多啲好西就記住☟꧁Follow @hknous.foodie꧂🔍 店舖資料🥔 𝐏𝐨𝐭𝐚𝐭𝐨𝐩𝐢𝐚📍 旺角奶路臣街38號麥花臣匯3樓⏰ 𝐓𝐡𝐮𝐫-𝐅𝐫𝐢: 𝟏𝟏:𝟑𝟎-𝟏𝟕:𝟑𝟎⏰ 𝐒𝐚𝐭: 𝟏𝟎:𝟎𝟎-𝟏𝟕:𝟑𝟎⏰ 𝐒𝐮𝐧: 𝟏𝟎:𝟎𝟎-𝟏𝟕:𝟎𝟎☎️ 𝟗𝟎𝟒𝟕 𝟖𝟒𝟎𝟑🔍 想搵同類型嘅餐廳𓂀✍⌫ #eatwithnous_旺角⌫ #eatwithnous_cafe#foodie #hkfoodie #hkfood #instafood #potato #hkgirl #hkdaily #photography #hongkong #sweetpotato #pasta #cafe #potatopia #mongkok #薯仔 #美食 #相機食先 #吃貨 #打卡 #手機食先 #旺角美食 #小店
繼續閱讀
這是一間有點隱閉的新開張小店，格調卻令人舒服，坐在窗邊邊看火車走過，邊細嚼精緻的甜點及花茶，真是在旺角鬧市中難找的一塊淨土😌這裡原來也倡導有營食物「薯」做主題，邊看文字的說明、鄰座餐點的吸引，下次必會嚐嚐😋觀察只有二人打理的小店，卻有不少飲品、食物供應，她們待客的殷勤，似為每位顧客打造出⋯「總有一款啱口味」的服務態度呢🥰坐下抖下，以合理（或可以說是便宜）的價格，享受了身心靈的叉電，必會再來😚🤩
繼續閱讀
呢間新開嘅 cafe 喺間中心入面，入口有啲隱蔽，不過一上到去就別有洞天，環境寧靜舒適，仲有幾個座位對住旺角火車橋，有少少日本 feel 😆。睇個名就知道以薯仔為主題，Menu 有大細焗薯薯仔蛋沙律紫薯 waffle 同鮮奶等等，不過由於實在太肚餓，最後決定叫個 All Day Breakfast。小店只有兩個員工，出餐比較慢，要有心理準備會等耐少少。食物上枱實在有啲嚇親，以呢個價錢嚟講性價比係超高，首先一定要讚個迷你焗薯，應該係用咗澳洲新薯，肉質軟腍薯味濃，上面 topping 係洋蔥鹹牛肉，非常惹味😍，呢個配搭真心正。沙律菜又係勁正，有齊火箭菜紫椰菜車厘茄 radish 等等，顏色配搭超級認真，亦夠新鮮。生果有火龍果，士多啤梨同藍莓，又係好甜好新鮮。其餘食物，炒蛋夠滑有蛋汁，炒雜菇份量算多，不過黑椒重手咗少少😂，肉腸同茄汁豆就正常味道。最後就係個 croffle，居然原隻上😯（食咗一半先記得影相），真係勁滿足。對面位叫咗 croffle 伴雪糕，又係有勁多生果，香蕉差唔多原條上😯，croffle 烘得外皮香脆，入面保留牛角包嘅牛油香味，伴雪糕食，一冷一熱，一甜一鹹，又係絕配。埋單落樓，兩個餐兩杯茶先一百廿幾，真心希望佢哋做得住😂。
繼續閱讀
您可能會有興趣的...