QUE (希慎廣場)

營業中

休息中

🌹返小組聚會前一個人去吃晚餐，今次去了希慎廣場最新開樓層搵食，港鐵一上便是，行了一圈，有幾間食店，見到《QUE》比較吸引，種類多選擇，可能還未到晚上6:00，我是第一位客人。🌹餐廳是日式設計，座位舒適，有不同佈置區域，打卡很不錯，可能新裝修樓層，冷氣都很冷🥶，差點結冰❄️🤣，穿了外套都頂唔順！翻看餐牌，價錢不平宜，一個人就點了：黃金蟹籽加州卷配香芒乳酪汁$78賣相美，蟹籽爽口，份量夠燒白鱔$48較細小，香口

本身諗住復活節之前有個happy Thursday，就嚟咗食呢一間餐廳嗌咗個二人餐$568 包好多嘢又有前菜，又有串燒，仲有甜品，見其他食評睇落去個樣正正常常咁最先嚟嘅係串燒我就叫咗個菠蘿同冬菇串燒個菠蘿就算加咗糖咁燒，就好似cream brûlée上邊嗰啲糖咁，但係完全蓋過唔到菠蘿嘅酸味，唔知佢邊度搵啲咁酸嘅菠蘿冬菇串燒正正常常，黑椒味都幾重都幾好味之後就嚟咗個松葉蟹肉蟹籽沙律，點知佢嚟到個沙律一啲蟹肉都冇我問個侍應，佢竟然同我講話係松葉蟹柳，係都唔應冇蟹肉喺裏面，仲係咁話嗰啲蟹柳係蟹肉，但成碟嘢根本就冇蟹肉味 呢度有相為證，我再去咗睇其他OpenRice嘅食評，個個都有蟹肉喺裏面，唯獨係我呢個冇^ - ^ 可能係我見識少，孤陋寡聞，冇見過啲咁似蟹柳嘅蟹肉、一條條好工整，又冇蟹肉味嘅蟹肉或者我個鏡頭唔夠靚，完全影唔到啲蟹肉出嚟¯\_(ツ)_/¯同一時間嚟咗個單邊雞翼同飲品，不過張枱就好似有啲唔夠位擺啦，因為有啲醜所以冇影到主食係一碟黑松露野菌貓耳朵粉明明係二人餐，但係叉同匙羹呢啲餐具就得一份，係咪想我用木筷子食意粉？味道都OK，去到最後尾就覺得有啲腬，但就覺得唔係好飽甜品加咗$18要

📍 QUE (希慎廣場) (銅鑼灣)銅鑼灣軒尼詩道500號希慎廣場URBANHOOD B1樓B111-112號舖餐廳採用木系日式風格 好適合拍拖同埋閨蜜小聚環境都坐得幾舒服 唔會好迫仲有啲隱藏嘅貓貓擺設QQ•松葉蟹肉甲羅燒意大利飯好鍾意佢呢個飯嘅質地唔會太腍 好有咬口蟹肉蟹膏同蟹籽撈埋👍🏻正阿•黑松露惹菌貓耳朵粉黑松露味勁濃郁 貓耳朵粉可以完全沾滿晒黑松露同忌廉汁•吉列厚切豬鞍三文治豬鞍好軟腍唔會硬身好嚡 三文治都烘得好脆身有外脆內軟嘅感覺 •吞拿魚忌廉芝士卷配意大利特濃黑醋呢個超級推介 如果鍾意食cream cheese 🧀就一定要試吞拿魚同芝士原來都咁夾 建議唔好點Wasabi直接用佢嘅黑醋 酸酸地咁最好食👍🏻👍🏻•脆米紙辣味三文魚莎莎唔講三文魚，其實有啲似生牛肉他他既feel

呢幾個月希慎樓下新開左好多餐廳，咁啱見到有間fusion 日本菜，又唔使排隊，所以入去試試，有驚喜😊⭐️香蔥拖羅蓉溫泉玉子丼 $168拖羅蓉本身已經調咗味，可以連豉油都唔使加，好食！⭐️月見燒意大利飯丼 $178呢個睇落唔係好大份，但係其實意大利飯好creamy 好滯，所以都好飽。而牛肉煎到岩岩好，食落好淋，唔錯👍🏻⭐️火炙三文魚蟹籽卷 (6件) $138呢個一黎到真係嚇親，冇諗到咁大份，卷物入面係玉子同埋蟹柳加蟹籽喺上面，兩個人食真係好多。三文魚非常之肥美，加上火炙過，爆油，個人喜好真係覺得好正😍Overall 黎講都覺得幾好食，係有少少貴🤔

情人節當日去咗呢間餐廳食情人節套餐～之所以揀呢間，係因為男朋友情人節想出街食，見佢新開未食過，套餐又幾平咁，唔洗俾人鋸得咁甘之餘又可以感受下節日氣氛˃̶͈̀௰˂̶͈浪漫二人餐 ($588/二位)——————————————————✎ 吞拿魚蓉撻6/10餅底偏軟身，吞拿魚蓉雖入口即溶，但係感覺唔夠fresh。✎ 松葉蟹肉蟹籽沙律 7/10材料有青瓜絲、蟹肉絲、蟹籽。味道幾fresh ，青瓜嘅爽身，配上蟹肉嘅軟腍，口感層次豐富，不過偏水，唔夠creamy´༥`✎ 脆炸單骨雞翼（8件）7.5/10細細塊唔多肉嘅，都幾炸脆，沾上明太子醬，稍為惹味少少。✎ 辣味三文魚壽司塔可 7/10紫菜炸過，整成塔可。上層係酸辣味道嘅三文魚，下面配上酸青瓜切片、蕃茄切片同沙律菜。三文魚入口即融´͈ ᵕ `͈正！成碟口感偏酸，整體普普通通。✎ 香蔥拖羅蓉牛油果醬壽司塔可 7.5/10同樣紫菜炸過，整成塔可。吞拿魚同埋牛油果味道配搭係Perfect Match，清新感十足。✎ 燒春雞 8.5/10呢碟相對好食！皮脆香口，雞算幾嫩，係我食過嘅燒春雞入面數一數二味道唔錯！竹筍亦煮得好爽口，薯蓉口感綿密，加埋芥末，好味˃̵͈̑ᴗ˂̵͈̑✎ 紅

Que Cafe分店都好幾間，我次次都見人頭湧湧未了機會幫襯，碰巧早陣子銅鑼灣希慎廣場前身是超市的地庫終於裝修完畢，原來是改成為餐廳及食品店，見到有Que Cafe即刻排隊試一試。排隊等位的時候上網看看，google的形容為"Japanized Western Restaurant"，不知跟在日本看見蛋包飯餐廳都形容為「洋食」是同一個概念。這裡的食物合我口味的，以他們的價錢提供這個質素，我認為是對等合理的。值得我賞的是，這裡雖然「地小人多」，但一路下來晚餐沒有因為人多而形成壓迫感，餐廳服務員亦歡容有禮，事事不厭其煩地解釋，感覺相當良好。

今日大年初一同女朋友拜完年之後嚟希慎廣場搵嘢食 ，見到希慎地下呢度新開嘅餐廳，個甜品好似幾好食就入咗嚟食 。壽司taco喺呢度嘅，個紫菜好脆好香，隻炸蠔脆卜卜又香 ，整體上幾有新意 。

希慎地庫終於裝修好， 開左2層食肆， 呢間用貓貓做主題， 見開左好多分店都未試過， 攞飛好快就有位入得。 菜式好多， 又有set 餐， 但覺得散嗌抵食啲。♡月見燒牛肉意大利飯丼$178份量較少， 主要用芝士汁撐飽， 好濕嘅意大利飯。牛肉有5塊， ok但唔係特別好食， 如果用返正統珍珠白米配生雞蛋飯就真係加分好多。 意大利飯係扣分項。 反而配菜蜜糖核桃超好食。♡吞拿魚忌廉芝士卷（6件）$148每件壽司上面插左意大利特濃黑醋， 同個卷好唔夾， 個醬份量好多， 一睇就覺得唔環保， 應該唔會重用掛。 卷物上面有魚子醬，份量都幾多。♡白鱔（1串）$48串燒黎講白鱔抵食, 味道唔錯， 可以一試。♡和風栗子無花果脆撻$88圖片好吸引， 黎到無論打卡定味道都唔討好。栗子蓉脆片底，上面放無花果& 雲呢拿雪糕， 再配朱古力奶可以淋上去。 5樣野好唔夾放埋一齊， 點解要俾個朱古力奶而唔係朱古力醬？ 點解唔直接將個雪糕換做朱古力雪糕？ 無花果係好食， 但真係唔夾。

最近銅鑼灣希慎廣場進駐不少餐廳，其中一間就是QUE。QUE 是一間日式和西式融合的餐廳。這裡提供很多創意美食，而甜品更是由屢獲殊榮的日籍糕點師傅Rin Horiuchi精心設計。這次是星期日到訪，人流較多，需環等一會才有坐位。可惜這次只點了一份意大利飯，下次要試一下這裡的精緻甜品。❈ 燒宮崎雞扒意大利飯配低溫水煮蛋 HK$168這份意大飯材料雖然簡單，但味道豐富。材料有雞扒，水煮蛋，木魚碎和紫菜。意大飯的味道特別，鮮鮮甜甜，煙靭creamy加上水煮蛋蛋汁增加口感。雞扒選用日本宮崎雞製作，肉質軟滑多汁，雞皮亦燒到香脆。木魚碎和紫菜增添日本風味。

希慎廣場URBANHOOD開幕後，有不少的餐廳進駐。之前在東涌吃過的 QUE 西日式餐廳都在其中。每個角落都會發現貓貓的蹤影好像是這間店的特色。木系風格的裝修，環境感覺頗舒服。不過2人桌偏迫﹐和旁邊很近。 我們選了個 2人套餐 (HKD 568) 都幾豐富。從前菜沙律到、燒物小食、主食、甜品和飲品都有，全吃光會很飽。🥗松葉蟹肉蟹籽沙律蟹肉的份量都幾多，配上爽脆的青瓜絲夠清新。燒物可以三選二，選同款的也沒問題。🐔雞軟骨 x 2串 肉質嫩滑﹐軟骨亦有咬口。本身的醬汁夠惹味，但沾七味粉吃更讚。🦑日式炸魷魚 配咖喱粉及紫蘇香蒜蛋黃醬炸粉不算太厚，魷魚都彈牙，但好像沒吃到有咖喱粉的味道。個醬的蒜味濃郁，比起普通的沙律醬這個幾開心。套餐都有壽司塔可，會用香脆的紫菜夾著壽司飯。🍙鰻魚玉子壽司塔可 & 香蔥拖羅蓉牛油果醬壽司塔可 前者的鰻魚有3片，配搭玉子來吃很夾。後者的拖羅蓉有點被牛油果醬還有那紫蘇葉搶了味道。主食選的是 🍝軟殼蟹意粉配蟹肉番茄忌廉汁炸得香脆的軟殼蟹。意粉略嫌硬了些。醬汁夠濃郁，雖然加了番茄但不會太酸。甜品是 🍦京都宇沾抹茶甜筒這個需要敲碎雪糕筒再倒抹茶醬後才吃，有吃到抹茶的茶香，不

叫左個迷你魚生飯set! 感覺食材原本就沒有很新鮮啦，但二百多也算不錯吧！ 擺盤很精美， 中間那團松露飯增加了香氣，而且還有焦糖布丁，整個組合味道上來說就很豐富，覺得女生能吃飽，男生吃會差一點份量：） 另外他們的美式不太酸 蠻容易入口的，適合不重口味的人！整體環境簡潔，但中間位置的桌子很靠近，感覺在那種飯堂吃飯的感覺，清楚聽到隔壁桌的聲音，而且沒有跟店外有間隔，很像坐在路邊吃飯，而且人來人往，一點也不放鬆！可能是店家想要的效果吧？總結 沒事不會特別想再去！

裡面佈置好舒服，安排咗個拍拖位俾我地，可以靜靜咁一邊傾偈一邊享受美食😚仲有喺唔同角落隱藏咗好多小貓貓，食完之後趁冇人即刻將佢哋影低先，就系唔知道有冇漏🤣🥘松葉蟹味增甲羅燒意大利飯蟹殼裡面盛滿蟹肉、蟹膏、蟹籽🤩融合咗日式同意大利風味嘅飯攪拌喺一起口感倍感獨特😍濃郁嘅奶香味食多咗可能會有點膩，旁邊配有小魚乾可以轉換一下口味哦😝🍝軟殼蟹意粉超大只軟殼蟹炸到金黃色，松脆可口🤤食到最後肉醬都唔可以放過，裡面充滿蟹肉，鮮嫩、彈性鮮甜😋🧇蜜柑白朱古力牛角窩夫厚厚嘅巧克力醬同水果巨吸睛🤩下面嘅牛角窩夫外表金黃內部柔軟，旁邊跟上嘅牛奶可以按照自己嘅需求添加🤗🍙辣味帆立貝壽司塔可好特別嘅塔可做法，外層紫菜天婦羅嘅做法包裹著甜美柔軟嘅帆立貝，讓辣味滲入其中增添色彩和口感😝🧋靜崗有機抹茶紅豆鮮奶/栗國鹽焦糖鮮奶咖啡🍵有機抹茶嘅苦甜味同紅豆嘅香甜味經過鮮奶嘅中和，既清爽又獨特🥰☕️飲前要攪拌均勻哦，栗國鹽俾底部帶有焦糖漿嘅咖啡增添一絲咸甜嘅平衡感，鮮奶嘅加入使口感更加豐滿同順滑😋上完甜品之後仲拿咗兩個徽章俾我哋，原嚟點完甜品之後會贈送嘅，超得意！超驚喜🤩一出地鐵企口就系希慎廣場地庫，而家多咗好多新餐廳，一眼就睇岩

六百幾蚊食個三百幾蚊水平嘅二人餐除咗咁啱想幫佢哋分擔吓啲租金之外諗唔到有咩原因要過嚟食成間舖頭晚市安排混亂上菜亂咁嚟各種唔記得落單食個飯有大部份時間都係喺度等最緊要啲嘢都唔係好食罐頭甜品都要等三個字都唔識上最好笑係啲阿姐個個趕收工壽司都未上就收走我啲豉油 我點條毛你話我最後一刻衝入嚟玩嘢就話啫沙律正正常常串燒完全好似冇燒過雞翼就咁炸冇可能炒車軟殼蟹意粉汁普普通通吞拿魚蓉taco就精彩了有吞拿魚蓉有紫蘇葉有蛋黃醬有蕃茄有乜有乜完全係唔夾 唔知食緊啲乜嘢

店內環境好日式，以muji木式和簡約為主，仲有好多貓貓擺設，环境寬敞舒服，枱與枱之間又唔會逼。店內带有暖色燈光，咁樣ge氛圍好適合閨蜜小聚，情侶約會噢～店內主題係日式融合西餐，菜品种类季節限定，食物擺盤精緻，出品都好ok，每道菜都有驚喜！▪️ 松葉蟹肉甲羅燒意大利飯我承認係畀張相吸引到，上面都幾多蟹肉蟹籽。蟹肉好鮮甜，同埋芝士一齊撈入啲飯入面令成d飯好香濃。▪️鰻魚玉子壽司塔可估唔到連個紫菜都炸到酥脆，咬落去好脆口！個鰻魚好軟好多汁，入口即溶ge感覺！入面有番茄蔬菜同埋玉子，再淋上鰻魚汁，口感層次多，非常特別！▪️繽紛雜莓梳打我也是畀相吸引住，杯嘢飲同相係一模一樣，味道都不錯，飲完仲可以食埋d水果。◾️抹茶提拉米蘇盒子原味提拉米蘇食得多喇，que的抹茶味真係好好食，雪糕口感，入口融化，入面仲有紅豆粒，忍唔住一個人食晒一個啊！張貓貓🐱真係好「真」個個行過路過都忍唔住望一下，哈哈哈哈！店員好熱情貼心，有主動收嘢和𠻹茶水！

我7:22pm落單，三個人點了三個飯。食到8:10pm，第一個侍應走埋嚟，嗱嗱聲幫我哋枱上高食完嘅碗碟執走晒，轉個頭拎埋張單嚟俾我哋叫我哋埋單，我起初不以為意，照做，之後繼續坐喺度同朋友傾偈。點知唔夠1分鐘，個侍應走埋嚟同我哋講：要讓返張枱了。我望吓隻錶，見到8:10pm，心諗：咁嘅價錢，用餐時間冇一個鐘？跟住我就直接指住張單個時間問佢：你哋嘅用餐時間45分鐘？跟住佢望望張單，然後立即狂say sorry走咗去。8:15pm，竟然有第二個Waiter就走埋嚟，再同我講要讓枱！我嬲到癲咗，我指住張單個落單時間，問番佢同一條問題：用餐時間係咪少於一個鐘？我亦都強調，若果係，我可以即刻走。結果，個侍應只係話唔知剛才已經有職員嚟問過我哋，然後又狂say sorry行咗去。其實佢哋想點？