R&R STEAKHOUSE

營業中

休息中

朋友揀咗間喺旺角嘅餐廳餐廳很闊落，主要都係卡位，唔知係咪新開，星期五晚市時間都不滿座。睇完餐牌後，覺得散叫冇咁抵，所以決定食$298 一位既set dinner。餐前麵包比較硬，鍾意牛油係唧花形狀，但明顯為方便，應該係一早預備好，放入雪櫃，所以牛油比較硬。前菜有兩款，三文魚配紅番石榴，番石榴子酸酸甜甜，幾開胃。香煎帶子配黑松露，帶子鮮甜。主菜有3款可以選擇：黑鱈魚、肉眼扒或蜆肉意粉。今次選擇了肉眼扒，肉質鮮嫩多汁，份量足夠。最後甜品還有芝士蛋糕🍰👍🏻 整體用餐感覺良好，食物足夠。餐廳冷氣比較凍，上菜較慢。但職員服務很好，雖然不能調較冷氣，但職員知道我地覺得凍，會貼心的送上一杯熱水。

宜家香港好嘅高質餐廳已經唔多喇所以遇到一定要出力支持！💜平時都會去呢間餐廳食lunch由佢試業到宜家應該去過5次或以上都係一致地高質呀！1. 環境乾淨，地方大，座位又闊落坐得舒服2. 每位侍應都好有禮貌，有熱誠，服務好好👍3. 食物睇得出係有心去煮，擺碟有心機，最重要係好味！4. Lunch Set唔貴呀，沙律+湯+主菜+甜品+飲品，計完加一都係一百蚊左右，宜家呢個環境重想點😆5. 甜品定期係會換款，而且整得好好味！今日就係第一次試左佢件Opera Cake，認真咁講，甜品師傅整得比好多五星酒店同埋名牌餅店好💜💜💜一定要俾個大大Credit師傅🤤🤤R&R牛牛餐廳加油呀！祝keep住生意興隆🫶

晚市套餐298加一，加左50蚊要氣泡酒，服務很好，頭盤兩道菜，帶子煎得夠香，三文魚沙律清爽，蘑菇湯好濃郁，主菜牛排5成冇過熟岩岩好，有牛味，最驚喜係一啖筋都冇食到，全程冇野需要吐出黎，d菜好嫩，薯仔千層外脆內爽，應該入面每層都茶左牛油，好香，甜品係cheese cake，配d cream 係食到奶香味唔係化學野，總結：超抵食

忽然間想食正式西餐就上樓試吓有午餐選擇今次試肉醬意粉$98+10%頭盤有雜果/沙律菜嘅沙律二度有餐湯係有芫茜自掣餐飽，雖然對芫茜有抗拒但餐廳絶對有誠意三度係主菜：肉醬意粉，味道ok不差柯打咗凍檸茶（冇附加費用）最後有個朱古力紅莓甜餅，外面全部硬殼朱古力，內有軟紅莓，甜中帶酸。

Excellent and professional customer services and super delicious food! I am amazed that all the food is cooking with love and passion. The quality and the presentations of every dishes are very impressive. Our steaks are cooked perfectly as our requests! The traditional onion soup is very delicious and in a very high standard. The creamy mushroom soup is very tasty! The customer services are excellent and professional. They provided personal, spontaneous and friendly services throughout th

這是第二次到來這所餐廳，目的都是想舒舒服服坐耐一些，我們由下午四點坐到大約七點，期間服務員全沒有壓力，餐廳小二還不斷添水服務。第一個嘉賓位是有素食下午茶選擇，原來大啡菇不是漢堡是三文治。另一個下午茶選擇是開心果蛋糕，到時專業出品，味道沒話說。這裏的冷氣開得比較凍，所以坐耐了要當心著涼。洗手間衛生程度也是可以，另外背景音樂就開得大聲了一點點，但還是能夠接受的。建議在非高峰時間到來，就能選擇街景的座位，配合飲咖啡，實在舒暢。

冇乜點寫食評，但今日想替呢間餐廳寫一個。今晚行過，覺得個menu ok, 打算陣間同個仔來食，個仔遲咗出現，10pm 去到都仲招呼我地，而且服務員態度好好！食物方便都好有質素，$298 一個套餐，有2個starters 加一個湯，主菜肉眼扒整得好好食，肉嫩多汁，連d 配菜都好好食！ 甜品芝士餅正常，餐飲奶茶茶味濃厚回味無窮。一個人食勁豐富，我地2個人再加個risotto 飽晒！ 由於新開仲有8折，埋單唔使$400. 十分抵讚！

係旺角想試新嘢，就求其去一間。我唔係想佢做唔到生意，但係真係平衡黎睇唔係太好食 。晚市成個餐評價比一般還要差 。如果以我角度評論要揀，我會食一間比呢間貴，但係味度一般嘅餐廳 。食物係比我想像中差 。可能有啲調味唔大眾化，未必能食得習慣 。可能要你地自己去試下 。我就唔會有第二次 。佢個服務同環境係可以嘅 。不過有機會係我個人嘅問題 。但係我就唔會建議朋友去 。可能午餐會好過晚市嘅我諗 。最唔掂係個洋蔥湯飲落去係苦到爆 。唔知係咪啲芝士燒得太燶，所以先咁苦 。

我星期六約兩點經過，見到午餐有沙律，湯，飲品同甜品，價錢都合理所去咗。可能因為時間+樓上鋪+開咗沒耐，唔多客，店員都冇乜嘢做。店舖裝修工業風，播acoustic板流行音樂，有位店員都不時跟着唱。店員都幾nice ，因為唔多人所以好快應我，上菜唔使等好耐食物。火龍果沙律幾好食，雖然麵包有D硬，但浸入椰菜花湯軟咗就無所謂。主菜大贊盲鰽魚柳配松露薯蓉分量充足，魚柳皮脆肉厚，醬不太濃，薯蓉軟滑，配菜和擺盤都有好有心機。cheesecake好食，唔算大份但食完主菜都夠飽。事先講明，原本餐係148加加一，但老板可能覺得我nice同影食物相，畀八折我。我食緊時候都己經想畀好review，特登開account讚揚，優惠真係唔關事。我真心覺得好值得幫襯，而家經濟咁差，咁多好餐廳執笠，不妨支持下。（sorry小妹中文有待改善）

見到新開，諗住唔係咁多人就試下。我中午12點去，加上唔係地鋪，的確係無乜人，我鍾意佢環境夠靜。食物方面也不錯，挺好味的，尤其是係個龍蝦，我叫的是扒燒，很好味，d膏好好味，覺得好抵食，連飲品都是＄200幾蚊，正。其他面食，牛肉也不錯。也有些貴食的扒類沒有試，覺得下次可以試下。

今日去咗食聖誕前夕lunch，見到呢間西餐廳新開張，裏面環境都好好，坐得好舒服再睇吓餐牌，原來有八折，午餐都多選擇👍今日叫一個慢煮豬鞍，香煎魚柳 再加一個肉醬意粉❤️午餐仲有飲品沙律湯主菜甜品，真係性價比超高😊慢煮豬鞍午餐-味道合宜，肉質幼嫩，仲有大量配菜，同埋有個實體蒜汁，太好食 連相都無影🤣🤣肉醬意粉-份量唔少，就算男士食都夠甜品仲有蛋白奶撻^_^全個午餐真係夠晒聖誕感覺 yummy 呢個旺區仲有咁既價格套餐，都算係咁啦

西餐一般都比較膩，這裏完全沒有那種感覺。先吃了一個餐包有啖啖的橄欖油味，加牛油吃至少有兩種風味。牛肉沙律清香動人，牛肉香軟而不失質感，顏色可人正有聖誕氣氛。三文魚沙律香濃，醬汁有層次，不會吃了兩口就覺得膩，香味在口腔內久久不散。我真的很少有心機寫文，但這間餐廳實在值得推薦，就讓我推一下。