影片
港鐵觀塘站 B2 出口, 步行約7分鐘
繼續閱讀
電話號碼
26382228
開飯介紹
是一間日式洋食樓上café及餐廳，提供咖啡、生酮蛋糕、Set Lunch及5 courses Set Dinner 。
餐廳由擁有多年酒店餐飲經驗的大廚主理，融合酒店西餐質素和日式洋食文化。大廚定期選用日本時令食材，Menu定期更新，目的改變香港人對一般洋食的固有印象。
繼續閱讀
營業時間
今日營業
11:00 - 16:00
18:00 - 22:00
星期一至日
11:00 - 16:00
18:00 - 22:00
以上資料只供參考, 請與餐廳確認詳情
有關獎賞計劃
相關文章
ʀᴇʟɪsʜ 系列餐廳以 ᴀɪʀsɪᴅᴇ 的 ᴅᴇʟɪsʜ 到訪最多位於觀塘的 ʀᴇʟɪsʜ 本店居然一次也沒去過 最近發現有期間限定的「黑白大廚」餐點就立馬拉著友人探店了位於工廠大廈的 ʀᴇʟɪsʜ 推開門後別有洞天 木系裝潢 陽光感的空間角落放著黑膠唱片浸透文藝感 還有招牌月球燈跟 ᴀɪʀsɪᴅᴇ 店的氛圍般舒服又愜意週末 𝟷𝟷ᴀ.ᴍ 起提供多種 ʟᴜɴᴄʜ sᴇᴛ價錢包括餐湯/沙律 跟玄米茶𓋪 溏心蛋牛油果蟹籽蟹肉田園沙律𓋪 xᴏ 醬蒜香野菌海鮮炒扁意粉點了沙律跟意粉跟友人分享 都很滿意呢~沙律賣相超加分 半個牛油果上有鮮甜蟹肉絲底下每塊沙律菜都掛上胡麻醬 意粉的海鮮材料豐富 大蝦 帆立貝都超大顆xᴏ醬不算太重的存在感 但蒜香就是惹味的組合𓋪 栗子提拉米蘇大熱節目「黑白大廚」變奏版甜品本來點餐時店員說暫時還沒供應 失望了好一會用餐途中店員特意過來說 現在有供應了 馬上點一份有別於平常咖啡提拉米蘇的濃烈甘苦栗子版的提拉米蘇恰好的輕盈香甜 不過份甜膩也許剛製作的關係 內裡偏濕軟 但我們很 ᴏᴋᴀʏ 是所有人都能接受的提拉米蘇𓐎 玄米茶𓐎 ʟᴀᴛᴛᴇ熱玄米茶清爽帶淡淡米香 可多少解膩一下不喝咖啡會頭痛的我當然還是點一杯順滑的拿鐵整體環境跟餐點質素都很不錯難怪即使週末午餐也坐滿還有緊貼人氣的栗子提拉米蘇
繼續閱讀
之前去過【Relish Cafe】Airside姐妹店（宜家已經改名），覺得食物幾高質、而且裝修幾清新日式木系、所以最近就去左觀塘分店，而且食物都非常唔同。觀塘店晚餐主打fine dining、其實個名叫fine dining不過其實係非常有特色既dinner set（非傳統意義fine dining）。而且menu用黑膠唱片整成、非常有sense。Welcome drink：接骨木花薑啤tonic泡沫：無酒精既、係ginger ale 加左少少花香味、非常清新可以清清味蕾。Trio Starter：阿根廷紅蝦桂花青瓜果凍伴黑魚籽、青檸柚子松葉蟹水晶脆殼、伏特加西瓜。刁草忌廉芝士。竹炭芝士脆片：阿根廷紅蝦有少少腥味，桂花青瓜果凍味道偏淡唔係好食得出、作爲點綴用途。青檸柚子松葉蟹水晶脆殼：用葛粉之後風乾而成既水晶脆殼再搭配松葉蟹，個texture好特別、蟹肉好鮮甜。伏特加西瓜：西瓜浸泡左伏特加有少少苦味、搭配西瓜既清甜同芝士既鹹香，意外地match。椰香紅菜頭濃湯：呢個超級特別、紅菜頭非常清甜、再搭配椰奶，好清新既一碗湯。野菌忌廉湯：野菌好多、好香濃澳洲M5威靈頓牛柳：非常大舊、裏面牛柳熟度岩岩好、而且非常軟霖。中間加左D野菌碎、而外層酥皮牛油味重又好酥脆。整體味道非常不錯，CP值高。慢煮法式鴨胸牛肝菌意大利雲吞：意大利雲吞超多餡、野菌醬好香濃，慢煮法式鴨胸好香鴨味、唔係外面果D即食烟熏鴨胸。Trio Dessert Platter：豆腐芝麻柚子撻。紅棗桑葚沙冰。青梅酒薄荷氣泡水豆腐芝麻柚子撻：芝麻味偏濃、餅底好鬆化。紅棗桑葚沙冰有D似紅棗蓮子冰糖糖水既沙冰版，好清新。青梅酒薄荷氣泡水：都係無酒精飲品、清爽偏酸、可以作爲最後清潔味蕾既作用。青瓜檸檬花蜜茉莉花茶：非常清新、青瓜味突出既花茶自家制菊花蜜梳打：菊花味好濃、好refreshing
繼續閱讀
bookmark咗呢一間餐廳好耐，見佢地嘅menu係用黑膠唱片製成，覺得好新奇，而且用平民價錢就食到fine dining01 Welcome drink-鼠尾草青提紅酒醋疏打Welcome drink結合咗鼠尾草、青提同紅酒醋。搭配相當獨特。鼠尾草嘅清新草本風味混合青提嘅果香，以及紅酒醋嘅酸味同層次感，味道好豐富02 Trio Starter-48 個月風乾火腿配蜜瓜果凍-冧酒車厘子鵝肝慕絲-火炙日本甜栗忌廉芝士撻配鵪鶉蛋侍應上菜嘅時候會介紹食用嘅先後次序，由淡至濃咁食。三道前菜擺盤好精緻，同時展現咗廚師豐富嘅創意同精湛嘅廚藝。風乾火腿搭配果凍平衡左鹹味同甜味。鵝肝慕絲造型好靚，冧酒味好出，配上鵝肝慕絲順滑嘅口感。而甜栗忌廉芝士撻同鵪鶉蛋嘅組合帶來味道層次好豐富，黑松露味好濃郁。03 Soup-椰絲牛油果蜜瓜凍湯第一次飲凍湯，感覺好似飲緊果汁咁，似係青瓜汁加蜜瓜汁，飲落好清甜，解膩一流，湯嘅質感比較Rich，真材實料打出嚟，表面灑上嘅椰絲更加係畫龍點睛嘅一筆，值得一試-千邑龍蝦濃湯食西餐最鍾意飲嘅就係龍蝦湯，呢度嘅龍蝦湯都好出色。湯嘅質地厚得來依然保持到順滑嘅口感。入口係滿滿嘅龍蝦鮮甜味，而且仲有好大隻嘅蝦可以食。04 Main-紅花西班牙海鮮飯 $398海鮮飯用料非常豐富，有虎蝦、鮑魚、魷魚同蜆，超級足料。海鮮都非常新鮮，成個飯充斥着海鮮嘅鮮味😍飯都煮得恰到好處，口感適中，超級推薦！-咖啡香料烤澳洲 M5牛腹扒伴煙肉芝士玉米餅 $488牛扒肉質本身就好好，加上廚師烹調得好出色，我哋叫咗五成熟嚟到生熟程度啱啱好，見到色澤好靚。入口有口感得來又唔韌，點汁食有另一番風味，感覺再清新啲。另外煙肉芝士玉米餅亦都好特別，同想像中有啲出入，有d似玉子燒。05 Trio Desset Platter-朱古力红桑子開心果脆脆•薰衣草薑檸啤•青檸椰子薄荷意式沙冰呢個desser platter擺盤又係超級靚，睇得出餐廳花咗好多心思，三種甜品各自有自己獨特嘅風味，由清新到濃郁。個人最鍾意開心果脆脆😋06 Outro Drinks-桑格利亞葡萄玉桂梳打朋友叫咗呢杯梳打，賣相好靚，葡萄味清新-熱紅蘋果洋甘菊茶呢杯飲品造型好精緻，入口係一浸迪士尼嘅味道🤣滿滿嘅蘋果同肉桂味，甜度亦都恰到好處，推薦！
繼續閱讀
中低價位嘅Fine dinning。一開始上welcome drink同三個starter，由淡至濃分別係1.火灸日本甜粟忌廉芝士撻配鵪鶉蛋，2. 48個月風乾火腿配蜜瓜果凍，3. 冧酒車厘子鵝肝慕斯。Welcome drink鼠尾草青提紅酒醋梳打，正正常常，無咩特別，亦係今次最好飲嘅飲品。Starter1.火灸日本甜粟忌廉芝士撻配鵪鶉蛋：係長方形嘅芝士撻上面填充左甜粟米同忌廉，上面放左半隻鵪鶉蛋。長方形嘅芝士撻賣相睇落有D似腐皮壽司。芝士撻入口，味道有d似吞拿魚粟米熟蛋三文治。2. 48個月風乾火腿配蜜瓜果凍，風乾火腿正常味道，蜜瓜果凍無蜜瓜味。喺果凍入面有D爽口嘅脆粒，唔知係馬蹄定蜜瓜，但係無咩蜜瓜味，反而有種馬蹄味，整體感覺似馬蹄糕。3. 冧酒車厘子鵝肝慕斯：Starter入面最好食，鵝肝同火腿味好重，feel到係有一個主要嘅味道，而唔係好雜好散亂。Soup干邑龍蝦濃湯：正常龍蝦湯味道。龍蝦湯底部有兩隻蝦，肉質都幾彈牙，無雪味。Main咖啡香料烤澳洲M5牛腹扒伴煙肉芝士玉米餅：咖啡香料味道只係留喺牛扒外圍，牛扒中心無乜調味。再加上咖啡香料其實好淡，味道上與牛扒亦唔夾。今次叫左5成熟，但係完全overcook，接近well done。下面配菜選用左炒豆角同燈籠椒，感覺好中式，但係唔覺得配菜同咖啡香料牛扒有咩關係。炒豆角同燈籠椒下面其實有炒蘑菇，但係由於墊底嘅關係，已經吸曬所有油，就無特別食到。旁邊配左醬汁，應該係用芥末加牛油整嘅醬汁。味道幾香，但係調得太稀，唔夠濃稠。Overall黎講，味道唔好，牛肉亦都太熟太老，食完覺得好油膩，唔推介。Dessert朱古力紅桑子開心果脆脆：幾好食，賣相都靚，有fine dinning feel，推介。薰衣草姜檸啤：好淡，無咩姜檸啤味，再加上上面放左薰衣草同檸檬乾，香草味較重。青檸椰子薄荷義式冰沙：薄荷味極重，cover曬所有味道。用餐體驗每道餐中間餐具無換，由於每道菜都係用同一副餐具，所有味道都混雜埋一齊。職員亦只有喺部分菜作介紹，並無每道菜介紹詳情及進食順序。成餐飯未有感覺到明確嘅主題。雖然材料用左好多唔同種類，但係喺菜單及菜色設計上面，欠缺明確思路。總結雖然係中低價位嘅fine dinning，但係我認為當係普通cafe一餐飯比較好，喺味道同體驗上未必達到fine dinning的入場門檻，亦未必能夠歸類為fine dinning。
繼續閱讀
之前見relish出左新嘅黑膠 6-course tasting menu, 啲菜式幾特別而且好靚, 今日終於去左試😍 Welcome Drink首先會有杯鼠尾草青提紅酒醋梳打, 有青提嘅青香甜味, 加埋紅酒醋有少少酸balance得幾好, 感覺清爽而且開胃Trio Starter另外有份starter plater, 分別有48個月風乾火腿配蜜瓜果凍, 蜜瓜果凍好有驚喜, 口感彈牙中間夾左好多蜜瓜粒粒; 冧酒車厘子鵝肝慕絲, 慕絲充滿鹹香, 加左車厘子粒所以容易入口; 火炙日本甜粟忌廉芝士撻配鵪鶉蛋, cream cheese味同粟米味都好出, 撻皮鬆脆😋好豐富Soup之後湯揀左千邑龍蝦濃湯、椰絲牛油果蜜瓜凍湯各一, 龍蝦湯非常濃郁, keep到鮮味, 同埋係上枱先即刻倒出離好有溫度, 而椰絲牛油果蜜瓜凍湯就比較有創意, 估唔到又幾ok, 整體texture係杰身, 蜜瓜味重有少少似食緊甜品MainMain就揀左慢煮三文魚柳伴芝士茄蓉牛肝菌意大利雲吞、咖啡香料烤澳洲M5牛腹扒伴煙肉芝士玉米餅, 意大利雲吞食得出係自己包每粒都幾飽滿, 三文魚柳雖然揀左全熟會都唔會好鞋; 牛腹扒大推❗😍7成熟, 肉質非常嫩扒邊係烤到好惹味, 煙肉芝士玉米餅都幾特別, 好rich嘅芝士味😍Trio Dessert Platter最後甜品又係platter, 有朱古力紅桑子開心果脆脆, 口感層次豐富, 紅桑子味會出啲; 薰衣草薑檸啤; 青檸椰子薄荷意式沙冰好freshOutro Drink飲品桑格利亞葡萄玉桂梳打、秋桂花鳳梨蜜梳打, 桑格利亞葡萄玉桂梳同樣都係主打清新, 帶有微微嘅香料味, 而秋桂花鳳梨蜜梳就相對甜啲, 鳳梨同桂花完全帶出左秋天氣息, 大滿足🌟
繼續閱讀