Reserva Ibérica 西班牙小食吧及咖啡室 (海運大廈) (已結業)

尼間黎自西班牙巴塞隆拿的Reserva Ibérica ，裝修設計風格亮麗，非常適合同朋友摸下茶杯，一邊食，一邊影相傾計，座位坐得算舒服，上菜速度快，店員服務有禮貌，上菜時會建議我地點樣食既步驟先最好，吾錯呀！.2A+2B+2C Tapas Set($498)尼個Tapas set 可自選6個tapas ,一次食到吾同tapas，今次叫左2個香蒜蘑菇配紅洋蔥、炸魷魚圈配香蒜蛋黃醬、西班牙番茄肉丸、迷你伊比利亞火腿拼盤及伊比利亞香腸拼盤，樣樣都好食！重點推介佢既迷你伊比利亞火腿拼盤！！火腿來自於橡果餵飼，西班牙森林放牧的100%純種伊比利亞豬，一個拼盤就試到吾同月份既伊比利亞火腿，包括48個月+的Jabugo, 54個月+的extremadura 及64個月+的juijuelo。每款口感各有不同，Jabugo 口較偏濃，extremadura口感較軟，juijuelo口感堅實彈牙！個人就最中意54+的extremadura，因為自己份人懶，放落口裡面，吾洗用咁多牙咬，肉味及天然油脂就慢慢滲出，正呀！.

Reserva Iberica Lunch 好抵食啊🥰同同事兩個人去食，開心share試到4款西班牙前菜、2款主菜同2杯野飲。不得不提既係成餐飯都好好好味，賣相仲好吸引啊！因為重要所以要講三次😋-🍽 前菜Tapas：i) 西班牙凍湯味道特別，以為會好creamy 但飲落好清新。-ii) 白鯷魚脆多士孤陋寡聞既我第一次聽白鯷魚，同事極力推介，果然好味，食落有點似tuna，配上蕃茄份外清新。-iii) 醃製蕃茄配菲達芝士🍅🧀醋味非常濃，岩晒我呢啲中意食酸野既人，蕃茄數目繁多，唔係好食得晒😝-iv) 白毛豬火腿🐖16g (30個月+)配西班牙蕃茄多士 (+$20)火腿肉質幼嫩，冇相象中咁咸，岩我口味，同事又教路放上多士上連埋蕃茄一齊食，份外滋味😍-🍽 食完咁豐富既Tapas，到Main Courses: i) 香煎紅鯛魚食到lamlam 脷😋睇得出用左好多心機挑選蔬菜配料，醬汁配搭適宜，加上魚皮煎得香又脆👍-ii) 同事最愛大蝦意粉配香草蕃茄醬🦐🍝意粉彈牙，濃濃既蕃茄醬滲出芝士味🧀🤤 餐廳雖然不大，但亦設有貨品櫃售賣各種紅酒同西班牙食品，響餐廳食完想買番屋企回味亦可咨詢店員購買，好貼心♥️🛍

今日個午餐食得唔係咁開心就諗住去飲番杯咖啡，路過見到間西班牙餐廳下午茶有呢個甜品 就行咗入去食， 因為好耐冇食西班牙油條， 雖然油條硬咗少少，但係真係好味咖啡沖得好有質素， 我去過灣仔嗰間好出名嘅咖啡店都冇佢沖得咁好， 簡架啡豆嗰陣時佢仲問我今日咩心情， 我就問佢有關係嘅咩，佢話有😅其實全日都有啲唔順利， 呢間舖頭主要係食parma ham， 佢一上菜就係嚟錯咗呢樣嘢， 佢放低碟嘢嗰陣時已經聞到好香油香味， 下次一定會再去試埋其他嘢。

今日二人世界同老公慶祝生日， book咗海港城呢間西班牙餐廳！這家店門面裝潢豪華高級，金底白字Logo非常搶眼， 店內吧檯放滿不同標籤的原隻火腿，另一邊牆壁放置餐酒，很有西班牙風格！這裏主打伊比利亞風火腿、傳統小食(tapas)和西班牙菜！伊比利亞豬，是西班牙最好的火腿。它們主要食糧是橡果和 有法定產區。所以Ibérico標註就代表著質量的保證。西班牙小食分類為三種價錢：A$60、B$80 和 C$120。亦有提供小食套餐 ABC各一款$238! 我們點了 西班牙薯仔蛋餅、辣肉腸三文治、伊比利亞香腸拼盤 和主食 西班牙海鮮燉麵！薯仔蛋餅 -豐厚質感內層軟熟，外皮有烤焗的焦香！辣肉腸三文治 -經典傳統美食，驚喜是配搭的新鮮蕃茄和灑上的紅椒粉，清爽refresh！伊比利亞香腸拼盤 -全晚的靈魂，充滿甘香、油香和果仁味道，令人越食越愛！西班牙海鮮燉麵 -把麵條打成飯粒的大小 ，更能吸收海鮮的鮮味，麵粒爽口彈牙，非常特別！食Tapsa梗係要配酒啦，這裏有 happy hour買一送一$130，包括餐酒、啤酒和Cava(西班牙氣泡酒)！ 我們最後點了白餐酒！

I had dinner here to celebrate my friend’s birthday. The food is quite nice though the selection is limited, but the service is very poor, poor attitude of the waiter! (A fat guy who wear glasses with small eyes)We brought a cake but not dare to eat there as we don’t want to suffer the bad service which ruined our mood!

今日係海港城行街見到呢間餐廳其實好想食好耐，終於我地一行4人決定選定為我地今晚聚舊地點。餐廳做緊Happy hours（至晚上8時）,我地叫左西班牙白酒（味道好清新），買一送一。之後叫左自選套餐有火腿、邪惡又美味既炸物等6款小食，當中我最愛蝦。之後加多左個芝士拼盤及一客我地一致投票贊成全晚最好味既海鮮意粉。餐廳除了環境好食物好，特別要讚下幾位員工好有耐性介紹而且細心留意客人要求。雖然餐廳地點係海港城，但當日全部客人都係我地親切既香港人。

I originally wanted to book the one in wan chai but my fed wanted to have lunch in Tsim Sha Tsui and luckily there’s one in Ocean Terminal. The restaurant was quite small. It looked like more a grocery store of Spanish gourmet than a restaurant. There are three or four tables that could accommodate around ten people. There are several high chair at the ham bar as well. There was a lunch set menu. Each set included two tapas and a main course, costed from hkd128 to hkd168 each. A drink of under

一開始都擔心商場餐廳都得個樣但最後都決定一試因為見佢新新地同埋座落係ocean terminal 依個mall 應該唔差嘅～ 一入到去有係open rice book 枱所以一入立即有位。 Dinner menu 有兩種1/ Monthly Tasting menu: 你當每月精選Set dinner （包前菜、主菜、甜品、餐飲）其實都幾抵嘅2/ A la carte （自選Tapas)我地選左後者，可以試多幾樣 ✌🏻✌🏻價錢其實都唔係爭好遠好似見到佢有個1+1白酒、紅酒或者香檳優惠好似都幾抵但係今次冇飲酒下次一定要試吓！🌟 此餐廳為可以回頭之選！🤤♥️🥳為尋找可回頭的餐廳感到開心，食野應該重質、重美感又重量！洗錢都應該洗得值得及開心！

今日念住去買相機，約左朋友去海港城睇相機，因為係海港城購物多d優惠，而且又有保證，買完相機之後去左海運食飯，見到門口隻豬仔Logo 好可愛，而且賣相好吸引，所以入左去開餐~~~可愛小豬Logo 店內很有西班牙格調，而且很舒服一壺洋甘菊花茶，好香花香味，茶味比一般濃厚點了一客小食帶子刺身配檸檬醋鮮甜帶子加上微酸檸檬醋份外開胃辣肉腸蕃茄天使麵份量偏小，但用料上乘辣肉腸很薄，肉味重帶點微辣蕃茄份量十分足~~

之前見到OpenRice x Asia Miles 里賞餐饗週: 午餐 $168，所以就即刻相約朋友星期日去試試😁，那裡地方不大，大約二十人以下，去到的時候差不多坐滿了，餐廳沒有提供水，我們的set lunch 包了一杯$45以下的飲品☕️，也可以補差價及refill 熱水一次，食物質素不錯，香煎安格斯西冷牛扒很好味道，份量不多，大食的可能不夠飽，而朋友點的雲吞味道也不錯，如果以價錢，環境及食物質素來說，已經值回票價！

之前經過呢間西班牙餐廳一直都好想去試下佢既手切黑毛豬火腿，但就未搵到機會, 今日終於的起心肝，點知又做restaurant week的特別餐牌~~ 不過反正一場來到, 就唔再諗食其他野喇~呢個lunch menu好完整, 包頭盤, 主菜, 甜品及飲品，共收取每人$168+10%。頭盤: 白毛豬火腿 (30個月+) 配西班牙凍湯: 西班牙凍湯好精緻，帶點酸及咸，好開胃。個白毛豬火腿味道很郁，配上蕃茄包片, 很合襯。主菜: 我跟朋友一人選香煎安格斯西冷牛扒, 一人選西班牙式醃鱲魚香煎安格斯西冷牛扒: 牛扒的味道不錯，但份量非常小，只有兩小口，絕對唔夠食。值得一提反而係佢既配菜，不知道係煎過還是炸過，很香口，款式也很多~  西班牙式醃鱲魚: 煎得不錯，很香口，它還配有一些甜酸洋葱，再加一些甜辣甜椒，提升整體味道層次~~ 當中有數片辣椒, 我一開始以為係酸瓜, 點知食落係勁辣 XD甜品: 西班牙炸油條配朱古力: 雪糕好好味, 炸油條就還好啦, 不過共有3條，用來填肚不錯  至於佢既朱古力醬汁很不錯, 除了味道好外, 還有粒粒口感飲品: 基本上可以在飲品餐牌上選$45或以下的飲品，超過可以補差價

其實我對於西班牙呢個國家真係情有獨鍾，可能之前去西班牙旅行嘅時候覺得佢哋文化、美食都相當吸引，所以返到嚟香港其實都好想搵返西班牙風味嘅餐廳嚟食。今次咁啱經過海港城，見到呢間西班牙餐廳真係忍唔住入去試一試啦。餐廳裝潢相當光鮮時尚，旁邊更擺放咗一啲西班牙食品售賣。而食西班牙菜當然唔少得食Tapas，當中餐廳有主打Tapas嘅餐單真係唔錯。白鯷魚伴西班牙紅甜椒脆多士西班牙Tapas真係每款都好似藝術品一樣，而呢個脆多士更加係推介，賣相已經唔駛講，味道方面真係好過唔少西班牙餐廳。因為佢嘅多士脆得嚟唔會硬身，食得出鬆化感覺，配上白鯷魚、甜椒、醬準增加口感層次真係好讚。八爪魚沙律接著就叫了一個沙律，八爪魚相當肥美且彈牙，味道不過不失。加埋橙肉一齊帶多份清新感覺。迷你伊比利亞火腿拼盤老實講呢間餐廳嘅菜式擺盤真係好吸引，未食之前都可以俾到你一個滿足嘅感覺，特別同朋友一齊吹水、一齊食Tapas真係好滿足。而呢個拼盤有齊多款西班牙火腿，由淡身慢慢食到去最濃味，肉味濃且油脂香，真係又令人回想西班牙嘅旅程真係好正。

單睇鋪面以為鋪仔細細就無料到？估唔到係超、級、有、驚、喜喎！因為Restaurant Week而有機會嘗試呢間西班牙餐廳一踏入餐廳已經被咁有特色嘅裝修吸引******而最驚喜嘅莫過於食物食物份量雖然細細味道卻係一流燒乳豬外脆內嫩入口即溶令人一試難忘*******最令人回味嘅要算係兩個甜品朱古力mousse 同西班牙炸多士Churros (西班牙油條）配上熱溶嘅朱古力醬再加埋咖啡味雪糕一齊入口好味到一個點呀🤤🤤另一道炸多士都不遑多讓多士炸到非常脆口但內裏仲保留到軟心同樣都係好好味非常滿意嘅一餐呀

收工經過呢間西班牙餐廳，見到餐廳有多款西班牙火腿，突然想回味一下西班牙風味，一於入去食個西班牙風味晚餐🤩見到Menu都有提供Dinner Set同Tapas Set，老公點了Dinner Set，我就點了Tapas Set😋😋Dinner set有加利西亞雜菜雞湯，好有西班牙傳統風味👍👍香腸拼盤配西班牙蕃茄多士，包括16個月風乾白毛豬火腿，Serrano Chorizo, Spicy Chorizo Loin西班牙海鮮燉麵，煮得好有西班牙風味，海鮮配料都不錯👍甜品西班牙炸油條配朱古力醬，呢款好好味，配上咖啡雪糕好香濃好味👍👍我的Tapas Set，包括西班牙薯仔蛋餅，好香蛋味，配上西班牙火腿蕃茄多士，賣相精緻吸引😍😍炸魷魚圈配香蒜蛋黃醬，香脆可口👍👍迷你伊比利亞火腿拼盤，有3款，16個月風乾白毛豬火腿、36個月風乾黑毛豬火腿及48個月風乾黑毛豬火腿，個人最喜歡食36個月風乾黑毛豬火腿，肉汁及味道都剛剛好，配上蕃茄多士或淨食都不錯👍餐廳待應會詳細介紹每道食物，還十分有禮貌👍👍而且餐廳裝潢不錯，好有歐陸風情，坐得好舒服😍😍

在海港城番工,見開左新店就入去試試，一入到環境好靚，高雅，果然係海港城高級餐廳。Lunch set三揀一我揀左頭盤係西班牙薯仔蛋餅，賣相好精緻好靚，有高級芝士做配菜主菜係西班牙海鮮焗飯，都精緻，但份量好細，同太過多油。甜品好靚