影片
營業時間
今日營業
11:00 - 18:00
星期一至五
11:00 - 18:00
星期六至日
10:00 - 19:00
以上資料只供參考, 請與餐廳確認詳情
西貢有香港後花園之稱，其吸引之處，除可享受多種戶外活動外，配套亦十分完善，因此西貢成為我們熱門的一日遊重地。而所提及的配套正是香港人喜歡的飲食和購物，在飲食和購物的層面，西貢有著他精彩的一面。新鮮和質優的海鮮是命中率相當高的用餐選擇，之前有介紹過西貢市數家我們喜愛的海鮮食肆。雖然如此，可是其實海鮮也遜於另一個西貢的指定動作，該動作的命中率更高達百分之九十幾 ........ 哈哈，正是嘆啡！走累了、歇一歇，來細嚐一杯高質咖啡，不就是一件好寫意與幸福的事情！西貢有不少供應咖啡的地方，我們也曾到訪過好幾家，直至 2023年8月才第一次認識 「Rias」！那時的「Rias」相對接近 Cafe 或餐廳形式，第一訪是被「Rias」的甜品所吸引，意外地不是咖啡。2024年10月再經過 「Rias」的時候，發現眼前的「Rias」䬮是轉型了，重心由 Cafe 轉至純咖啡的享受。左邊一列的餐桌不見了，換成來自世界各地、不同風味的咖啡豆，坦白說自己不是什麼專家，可是在香港的確未曾到訪過一家咖啡店擁有如斯澎湃的選擇，起初還以為「Rias」光賣咖啡豆而已，原來店內外也設有小小空間供即場嚐啡之用。10月第二次到訪時，咖啡是由咖啡師沖好後再端到我們的桌上；而第三次即十二月初的再訪，咖啡師直接在我們桌上沖泡，相信後者跟咖啡師能有更多的交流。不要給杯子和瓶子嚇壞，親切的工作人員會跟大家解釋，然後就是我們好好用心去感受不同杯子、不同時間和不同溫度出來的效果，挺有意思的！個人最喜歡門口的一張四人座，可以看到人來人往的街景，叫人開朗！第三次到訪時，其中一位換上左前另一隻獨特的玻璃杯子，結構看似有點複雜，其後感覺到咖啡的溫暖和香氣能保存得更加持久和扎實。至於甜品方面，轉型後的 「Rias」光提供清一色、含幾款口味的芝士蛋糕。第二次到訪時剛好臨近 Halloween ，所以芝士蛋糕多了應節的裝飾。今時今日來到 「Rias」，意不在甜品，在乎細意品啡也。
繼續閱讀
咖啡好飲冇用，店內男服務員態度非常差今天專程揸車入西貢飲呢間咖啡，入到去禮貌地問男服務員有沒有Daily coffee 介紹？男服務員態度非常惡劣 ,話Daily coffee? 佢話冇 ，咁我話晤緊要 我自己睇下 ，隨後男店員語氣非常差話 Daily coffee 只係得試飲 。咁我就話要一杯AMERICANO(凍),另外上個月同朋友經過呢間coffee shop 就買了幾杯試下 (因為朋友order ，所以晤清楚有咩種類，所以就問店員 但冇諗過態度咁差咁惡劣 其實打開門做生意 客人問你關於咖啡問題 你晤解答不特止 仲咁衰語氣，本身我買了2杯咖啡再諗住買埋掛耳咖啡返屋企沖，我咖啡晤熟悉 就係問男店員 邊一隻受歡迎啲？男店員話 隻隻都一樣 ，ok fine ,就係因為呢個態度我買完2杯咖啡就走人 掛耳咖啡我都晤買 。終於明白香港點解生意咁差？ 我相信仲有好多好飲嘅咖啡店，所以我一定晤會再光顧你地！ (仲諗住支持下小店 希望你晤會執笠,希望你繼續用呢個態度黎經營,繼續高高在上)無諗過買杯咖啡令到我一肚氣！！！P.S 如果想去受氣嘅話，即管去試吓呢間咖啡店
繼續閱讀
呢間平時有去開佢地位於觀塘coffee roastery買咖啡豆，早前因疫情關係已經無再供應食物堂食，只可以飲咖啡覺得好可惜。不過佢地上年已經喺西貢開左coffee shop，今日出開西貢順便幫襯下！不過因為有買開佢地嘅自家咖啡豆，所以今日主要試佢地嘅食物🤤呢間已經決定左每次黎西貢一定再黎！- 黑松露忌廉野菌扁意粉- mochi waffle - 焙茶巴斯克cheesecake - Americano- Matcha latte
繼續閱讀
吃完車仔麵當午餐，行出去了跳上小巴，直接車去西貢，想再去多次Tales嘆咖啡，可惜Full哂，唯有去隔離果間Rias Coffee, 入去坐下，發現佢放了很多咖啡可以出售，而且好似好Pro咁，心想，試吓有幾正先，國際慣例，有冇料到就要吃最基本的，點了泡沫咖啡，Flat white, cheese cake, 老實說，咖啡似乎Tales 濃郁D，cheese cake，Rias 很好吃，但有一點糸，咖啡店空間已不太大，放了很多咖啡作出售，而且好似商場咁，好多人行來行去，店員又介紹東介紹西，本來想休閒一下也攪到好似坐糸街市咁，最後飲完就鬆人，下次都糸去揾間舒適D嘅咖啡店。
繼續閱讀
推薦指數：⭐️⭐️⭐️⭐️放假去西貢一趟係唔錯嘅選擇！介紹大家一間隱世cafe🔅➖🧇🍡 日式丸子雪糕配牛角包窩夫 $68熱辣辣牛角包窩夫🥐夠酥脆，配埋焦糖醬同煙韌丸子雪糕，冷熱交融好夾。➖🍵 宇治久小山園抹茶巴斯克芝士蛋糕 $52 原來係自家製蛋糕，亦會不定期更換口味，見到有拖肥糖，咖啡等都幾特別。今次就試左抹茶，口感軟滑而creamy，香濃抹茶味突出。➖🍵 Matcha Latte $38好有心思舖滿玫瑰花瓣令到杯野好ig-able ，抹茶同奶blend得好好，唔會過甜又有抹茶甘香味➖🍹 Hawaii $48呢排真係feel到夏天既到來☀️叫一杯Hawaii🍹（Peach & Passion fruit Soda）好Fresh，酸酸甜甜開胃，配埋背景個世界地圖打卡一流📸
繼續閱讀