RIVA 灣 Bar & Grill

營業中

休息中

我和這兩位好友每隔數月都會聚會一次，大部份時間都是吃晚飯，不過今天有些特別，因為大家覺得天氣合適往戶外走走，因此相約前往珀麗灣午餐。我們選擇了從荃灣西樓角路荃灣多層停車場外的停車灣乘搭巴士前往馬灣，因巴士的班次較船期頻密得多，我們乘搭中午12時開出的巴士，大約20-25分鐘就會到達馬灣總站，總站旁邊就是挪亞方舟主題公園入口，對面就是馬灣大自然公園。我們今天午餐的地點選擇了珀麗灣沙灘廣場一帶的餐廳，從總站走到珀麗灣沙灘廣場也只需要幾分鐘，挪亞方舟酒店正門就在沙灘廣場的旁邊。我們一行三人在沙灘廣場繞了一個圈，最後選擇了「River灣Bar & Grill」作為我們的午餐地點，餐廳內設有多個梳化座位，甚有貴族色彩。而餐廳外座位則設於沙灘旁 (基本上沙灘廣場附近的餐廳都有室外座位設於沙灘旁邊)；今天天氣需不太熱 (今天正是立冬日喔！香港到底還有沒有冬天？😖)，但我們始終喜歡室內的座位，從餐桌位置往外看，感覺舒適和寫意😍。午餐有多款選擇，但我忘記 lunch menu 拍照😜。~ Mediterranean Pizza地中海披薩($90)地中海Pizza薄批，芝士上面鋪上了黑水橄欖/芝士/青紅椒

呢個週末帶咗小朋友去馬灣嘅「RIVA 灣 Bar & Grill」，發現咗一個完美嘅親子食肆！坐落喺Park Island Beach Commercial Complex，唔單止環境舒適，仲有專區讓小朋友玩得開心。✨食物同環境：環境：餐廳內部佈置典雅，同時配備了兒童遊樂區，完美融合了親子樂趣與用餐體驗。小朋友可以喺安全嘅遊樂設施玩耍，大人就可以放心嘆飯。美食：RIVA 提供多款西式佳餚，從新鮮海鮮到經典燒烤，每款都令人垂涎。特別推介佢哋嘅招牌漢堡同海鮮拼盤，新鮮味美，絕對滿足您嘅味蕾。📝小結：「RIVA 灣 Bar & Grill」不單是食品質量高，更係考慮到咗家庭客嘅需求，打造咗一個親子友好的用餐環境。無論係親子外出還是朋友聚會，這裡都能提供一個悠閒的美食體驗。價格方面亦相當合理，人均消費大概$300。

今次我喺馬灣嘅餐廳行到腳軟，揀左間海景餐廳，一試正！🍴先講下「墨西哥燒全雞」，啖啖肉又入味，雞皮脆到喳喳聲，滿滿嘅墨西哥風情，食落辣辣地，真係過癮！🌶️墨西哥燒全雞一嚟就已經香氣四溢，熱辣辣嘅雞皮脆到炸裂，雞肉嫩滑得嚟味道夠哂重，攪和埋埋嗰啲牛油果、jalapeño椒，摷落去辣中帶脆，多啲啖啖肉嘅滿足。再講個「地中海風味薄餅」啦，呢個真係屬於咀嚼型嘅滿足！🍕餅皮薄得黎烤得脆啪啪聽，滿滿嘅芝士🧀嘅香味覆蓋咗成個薄餅，每一啖都輕鬆咁黎到嗰種香濃同滿足。食物之外，仲可以坐喺戶外，吹吹海風，睇吓沙灘、青馬橋嘅景，食得舒服，眼前嘅風景更加添彩，這種食到開心眼前又靚景，啱哂過一個悠閒嘅午後。🏝️

在馬灣沙灘玩完，近近地想食個飯，RIVA灣是個不錯的選擇，餐廳就在沙灘旁邊，有室外室內位置，室外還放了個小滑梯讓小孩玩！呢度提供多國菜，中西都有，選擇都幾多！我看風評都不錯，最後選了墨西哥燒全雞（hk$198)及地中海風味薄餅（hk$128)。燒全雞入味，大小也剛好不似春雞細小，配了牛油果、沙律菜和jalapeño椒，夠哂辣！滿滿墨西哥風味！雞皮是脆的，算做得不錯的燒雞。地中海風味薄餅（hk$128)簡單不錯，餅底薄、餅邊脆，有很多芝士，都幾好食，一個人也能吃下全個。餐廳內冷氣不大，要是天氣好的話，傍晚坐在外面望著沙灘及偌大的天空，吃點小吃和小酌一杯還是很棒的。傍晚時分還可以欣賞到青馬大橋同埋日落的景致，非常寫意。

馬灣出名海景靚，今日同男朋友拍拖，去咗馬灣沙灘影相，夜晚就去咗一間望到海景望到條大橋的餐廳吃飯，環境很舒服。🤩羅勒青醬長通粉意大利麵條非常好吃。通粉本身煮得剛剛好，口感嚼勁十足，搭配上羅勒青醬，味道非常清新，而且醬汁的份量也剛好，讓通粉吃起來不會太乾或太濕👍👍👍🤩燒烤雞肉薄餅薄餅口感脆嫩，而且上面擺滿了燒烤過的雞肉。雞肉燒得恰到好處，入口即化，非常好吃。整道菜的味道非常美味😋😋😋羊肉沙威瑪口感十分獨特，是一種卷餅。餅皮煎得酥脆，裡面包著羊肉、蔬菜和醬料。羊肉的味道非常鮮美，而且非常嫩，和蔬菜的口感非常搭配。醬料也非常重要‼️總體而言，這三道菜品都非常值得一試，口感和味道都非常好，而且食材的搭配也很精妙。

假日帶小去馬灣玩，一落車就熱到不得了，所以即刻搵間餐廳醫下個肚同抖下涼先！沙灘廣場有幾間餐廳，望住個沙灘同橋食野，心情都靚啲！最後見呢度座位闊落，又有梳化，就入去啦！卡邦尼意粉料好多，有煙肉、菇、雞肉同好多芝士碎！意粉軟硬適中，個汁好creamy!好好食！呀囡都好岩胃口，食左好多！地中海pizza個餅低好脆！面頭有三色椒、黑水欖、水牛芝士同勁多既芝士！咬落去啖啖融化既芝士，好滿足！！烤法式豬鞍扒豬鞍好厚身，好大塊！伴碟有蘋果乾、蘋果蓉同蜜糖芥末，用黎點豬鞍好夾，好好食！望相都見到好厚身！但食落一啲都唔鞋，好淋同好juicy !超好食！好滿足既一餐，野食水準高，會再去！

 Garlic Chicken sandwich $90 這個雞肉以蒜頭炒香，雞肉肉質還很嫩，包在捲餅內，除了雞肉還有菜和一些薯條，吃得很滿足 Baby Pork Ribs  $190 Ribs有大約6-8條，淋上香甜的bbq 醬，很開胃，切開很容易骨肉分離，肉質軟嫩並帶有點點脂肪，很不錯的一道菜，sides還有薯條  Pineapple Lemonade $48 酸酸甜甜   Orange Juice $38 味道比較淡 

突然諗起好耐冇去過馬灣，就入左離行一轉hea 下，遠離下市區🍃夜晚搵左呢間主打多國菜，可以望住青馬大橋既餐廳🌉有室內同室外，不過怕比蚊咬同埋天氣有啲熱，都係揀左室內😂如果係室外邊食邊望住個夜景，真係幾有feel 幾手chill 😍.👁‍🗨烤蒜香雞肉串(7.5/10)💲160. ➰有驚喜既雞肉串，佢係一個main dish離，除左有巨型雞肉串仲有吾少薯條，兩塊酸酸帶點檸檬汁既比德包同埋少量配菜🤫雞肉串吾似平時串燒咁細細串，每一串都有四五舊大大舊既雞肉，仲要係好腍身好juicy，雖然佢話係蒜香就吾太食倒，但係調味好夠好惹味😂薯條就算係啖啖薯果種，每條都好長身，有薯味😋.👁‍🗨羊肉鷹嘴豆泥醬(7/10) 💲118.➰之前係一間地中海餐廳食過之後就愛上左🥹見呢度有，諗都冇諗就決定叫離試下🤣鷹嘴豆泥醬份量超級多，食落都有陣陣鷹嘴豆味，中間就係有橄欖油既羊肉碎，羊肉碎未算係好羶果種，接受倒😇但整體就冇之前食過既果間咁香🥲比得包就有六大塊，微熱，如果可以腍身多少少更好.👁‍🗨Pineapple lemonade (7/10) 💲48.➰菠蘿味既lemonade 正正常常，至少飲得出有菠蘿味，又冇想像

RIVA 灣 Bar & Grill餐廳係有午餐供應㗎🍽️但太多吸引菜式所以散叫咗🤓環境超舒服對住個海勁寫意🫧📌芝士蘑菇 Stuffed Mushroom with Cheese (💰78)強烈推薦‼️必點🥹每一粒蘑菇都爆汁同滿滿拉絲芝士🧀酥炸嘅外皮唔會過膩配埋沙律醬食🥢一個接一個食唔停🤣🤣📌炭烤魷魚 Grilled Squid (💰198)魷魚味道酸酸甜甜好開胃🦑有少少泰式嘅感覺🤣🤣📌烤原條牛仔骨 Grilled Beef Rib (💰338)肉質超嫩🤤份量超多🙌🏼原個菠蘿伴碟🍍🤣以為係凍菠蘿🫙原來係烤過嘅菠蘿🥺好甜好多汁配埋牛仔骨食勁解膩🥹👍🏻📌心太軟Lava Cake 🍫(💰88)流心朱古力醬🤍🖤味道好濃郁📝 馬灣珀麗路8號珀麗灣沙灘廣場1樓1-3號舖

為帶動退休嘅阿媽郁多啲，係週末間中安排少量運動，當然要加上食好嘢啦！所以有咗「週末媽媽move 」嘅標題😄時晴時雨嘅一個月，今個週末終於出太陽，我哋去咗比較近市區嘅馬灣東灣海灘游水加曬太陽。臨走前我哋想食埋飯，見附近幾間餐廳都好有格調，最後揀嚟呢度試。因為待應好主動同我哋打招呼和介紹，而且佢笑容滿面，令人覺得親切🤗分別叫咗希臘沙律、烤排骨、Fruit punch和 Ink lemonade 。沙律係我哋鐘意嘅Feta cheese 配蕃茄、甜紅椒、羅馬生菜和橄欖，好清新醒胃。烤排骨我要大力推介！肉質鬆軟，骨同肉輕輕力就可以分開，完美嘅烹調時間🥰BBQ汁味道都剛剛好，唔會太濃太酸。好岩我哋口味！游完水又想近近地有唔錯嘅餐廳食嘢，嚟馬灣嘅灣臨海廣場係非常方便，而且望住沙灘食嘢好有feel😊🫶🏻

😮原來呢度係之前見過啲人求婚/影婚紗相嗰度，影到沙灘🏖️之餘仲影到青馬大橋，勁靚呀😍我哋去咗沙灘隔離間餐廳，好有渡假feel~~我哋點咗：🍕 Set Lunch $90 (Mon-Fri except public holiday)呢度啲set lunch 都幾抵食又多選擇，包一杯飲品我哋點咗地中海薄餅有橄欖、青紅椒同芝士啲芝士🧀️勁多，好正😋味道很不錯👍🏻🍄 芝士蘑菇$78呢個勁推介比大家！炸蘑菇釀咗芝士，蘑菇好Juicy，外面層吉列嘅味道也調校得啱啱好👍🏻🥗 牛油果蝦沙律$148 📍好basic嘅一款沙律，但係用料一啲都唔孤寒！大蝦鮮味彈牙，而且仲挑晒蝦腸👍🏻蔬菜新鮮，而且牛油果🥑嘅份量都唔少🍹飲品方面Fruit Punch $68另外跟餐就點凍檸茶兩杯都唔錯！餐廳出面有啲比小朋友玩嘅設施小朋友在玩沙時大人喺度chill吓都真係好唔錯🤭

🍽️-#panda馬灣-位於柏麗灣沙灘廣場既Fusion餐廳🍴有室外同室內既坐位 🐶🐱亦可以帶寵物一齊食野 而對望出去已經係海邊🏝環境一流 但若太熱天氣就會溶了🤣食物質素都不錯 人均消費四百左右🐣去完沙灘玩值得一去😋。-🥗前菜CHEESE ARAYES 🧀 芝士餡餅 $125AVOCADO SHRIMP SALAD 🍤🥑牛油果蝦沙律 $148🍽️主菜BEEF STRIPLOINS 🥩西冷牛扒 $298GRILLED PORK NECK 🐖烤豬頸肉 $110SEAFOOD PAELLA🦞 🥘西班牙海鮮飯 $198🍧甜品流心朱古力蛋糕🍫 $88芝士蛋糕🍰 $68👍推薦程度：❤️❤️❤️❤️🤍😋美味程度：❤️❤️❤❤️🤍

放假想感受下渡假feel推薦馬灣呢個好地方可以望住青馬大橋兼同時享愛藍天白雲與沙灘的美景馬灣近沙灘有幾間西式餐廳本身想揀間户外的坐低慢慢暵可惜當時五點幾仲好大太陽同好熱決定坐番室內嘆冷氣室內窗邊的座位都一樣望到青馬大橋芝士餡餅推薦！芝士餡餅要配埋佢襯的酸瓜食一鹹一酸好好味牛油果蝦沙律推薦！沙律吾只快賣相漂亮豐富牛油果都好creamy tomato幼滑蝦口感爽脆有彈性開胃！牛扒配薯條雖然牛扒偏熟，但無影響到佢的質素，無變得鞋口，牛扒依然軟淋淋而且易入口，充滿牛味亦都多咗牛扒嘅肉質感。西班牙海鮮飯海鮮飯size較小巧，有蝦有青口，薑黃色的飯粒粒粒煙韌有咬口，香口又吾會辣，不錯。心太軟心太軟朱古力味濃郁，size中上，同朋友share食岩岩好。芝士蛋糕

First visit to Park island 😍5月天氣已經好熱，郊游完去沙灘吹下海風再去沙灘旁邊搵餐廳食飯。黎馬灣都係食西餐㗎啦，呢度有西餐之餘仲有亞洲食物。例如星洲炒米同蛋白炒飯，所以入黎試下炸芝士蘑菇 好好食！即使佢有炸粉同芝士，食落一啲都唔油膩兩個人分 每人得幾粒唔夠喉🤩🤩瑤柱蟹肉蛋白炒飯西餐廳來講算係整得唔錯👏🏻飯粒都整到粒粒分明，同時有意大利飯嘅感覺。牛油果大蝦沙律整得好靚牛油果同大蝦都好新鮮👍🏻👍🏻

本身馬灣就唔多餐廳選擇，見呢間環境幾靚，而且門口對出就係沙灘，可以望住個海食飯，於是冇諗咁多就入去試下。BBQ chicken pizza係薄脆批底，如圖所見，除咗芝士，就係得幾舊雞肉。拎起pizza時，批身太濕太淋，全部餡料都跌晒出黎，即使用餐具輔助，食落都只係食到又軟又濕嘅芝士，口感嘔心，比例過份唔均勻，非常失望。Seafood paella比想像中細，本身都冇咩期望，始終呢間唔係主打西班牙菜，但食落真係好唔掂。飯粒好似油浸咁，幸好海鮮味道正常。相對起來，串燒嘅賣相同味道都還好，醃得幾香，肉質唔韌，薯條都炸得鬆脆。可惜pita bread上面嘅醬料過酸同咸。