影片
港鐵油麻地站 A1 出口, 步行約1分鐘
繼續閱讀
營業時間
星期一至日
12:00 - 22:00
以上資料只供參考, 請與餐廳確認詳情
食飽飯又想飲杯野，太夜費事飲咖啡，揀左呢間位於東南樓頂樓的【room68】飲杯夜茶，估唔到喺油麻地會有間咁高雅的茶室，更加突顯城市藝術的美態。具有新舊融合的環境，分上下層，上層可以望到景，擺放著充滿設計感的家具、「清明上河圖」；下層較Cozy，帶點懷舊風的Band房器材及小品，每處都散發出濃厚的藝術氣息。支持本土品牌，阿比‧手造主打無添加的乾果果茶、手工乾果。除左茶類，亦有本地釀製手工啤「吹啤啤」，啤酒名改得好搞鬼，有創意亦充滿本土情懷，搵次要黎試試。《活力再生果茶 $48》有西柚、橙乾，大大塊賣相幾靚，味道幾香、幾Brightening，有種解膩感。《美白養顏果茶 $48》有青檸、檸檬、奇異果，呢杯Citrus爲主，略嫌有d酸同苦澀，感覺好濃縮，加多幾次水或者會好飲d。
繼續閱讀
Room68係油麻地藝術精品酒店「東南樓」頂層嘅品茶嚐啡的藝文空間而咖啡係由台式咖啡廳「厚啉。咖勹一」香港咖啡師預備 有手沖咖啡 港台融合嘅咖啡特調 不過我就唔啱時間當時咖啡師未到就試唔到佢「港仔台式特調」系列於是就喺「厚啉夏日咖啡」嘅3個選擇入面我同朋友揀左西西里風檸檬咖啡 $70冰磚冷萃白咖啡 $75佢係冷萃咖啡加奶 配純黑咖啡做成嘅冰磚 而我自己飲嘅係西西里風檸檬咖啡非常鍾意 檸檬 糖蜜 黑咖啡嘅比例非常好檸檬唔會太多 令咖啡澀同酸糖蜜嘅甜味唔會太多 唔會遮左咖啡味道可能有朋友會覺得咖啡$70有啲貴但呢個質素加埋個環境我覺得值Room68其實更係一個藝術空間所有佈置裝飾都好有心思環境方面 位於酒店頂樓窗戶滲透陽光 望住油麻地繁忙嘅街道有種居高臨下悠然自得嘅感覺
繼續閱讀
環境很美，看著藍天白雲，美得像幅畫。是tea time好去處! 還有各樣小收藏，放大假，望遠鏡...... 咖啡不錯，點了一杯青檸蜜糖咖啡，酸酸的味道為懶洋洋的下午提起精神。不得不提，180度全窗鏡，望著天上既雲，不之不覺渡假一個下午。在旺角油麻地既鬧市中有這樣的cafe, 真是難得。的確喜歡寧靜既朋友不要錯過，不過小朋友就未必適合，飲品都是大人口味，還有餐廳不是很大，是靜靜坐下放鬆的地方。除了咖啡還有酒類同茶選擇。
繼續閱讀
所謂小酒怡情，有時收工，跟朋友小酌兩杯，不失為一個休閒好方案。 講到黃氣重，環境又唔錯，Room68就係我心水之選。呢度位於油麻地藝術精品酒店「東南樓」嘅25樓頂層， 俯視五光十色嘅旺角街景，環境絕對無得輸！復古裝修，打卡好正~入面嘅擺設係真中古品！價值不菲！另外，我好鍾意佢哋中西合壁嘅復古裝修，好似吧枱玻璃下嘅「清明上河圖」摹本、牆身嘅港式「茶」霓虹燈、精緻嘅電話機、古色古香嘅流聲機及打字機等等，濃濃嘅懷舊氣息，令人好似置身四、五十年代嘅老上海。今次跟朋友參加咗Room68嘅「老藤葡萄酒」 品酒工作坊，提供10款老藤葡萄酒比來賓試飲～同場仲有工作人員介紹老藤葡萄嘅故事，品酒之餘，學到好多嘢。 呢個工作坊好抵，150蚊咋！但質素絕對唔差！因為有成十款咁多，今次我就唔續支講，只係抽兩款我印象較深嘅分享下☺️Bodega Matsu El Recio Do TORO 2016🍇🍷 呢枝酒來自西班牙，用嘅葡萄品種係Tempranillo（100％）～包裝上有個大叔頭像，令人一望就記得😂據官網介紹，佢仲有少年版、老伯版，用人像呢種顯淺道理，喻意釀酒所用嘅葡萄藤年齡～ 不過咪睇呢支酒係「大叔」，其實用嘅葡萄藤都有90-100年樹齡架！全場最老！所以可以話係今個酒會嘅焦點！大會嘅Staff分享，歐洲19世紀70年代，發生過嚴重嘅根瘤蚜蟲蟲災，所以超過50歲嘅老藤非常稀少，而呢支Tempranillo系列美酒，可謂碩果僅存。 Tempranillo果實所釀製嘅酒，特色係酒體中等，酸度同單寧都偏中等，我不算成日飲酒嘅人，都會覺得呢支酒味道柔順，好易入口！另外，我好愛佢嘅aftertaste，飲後約10秒左右，濃濃嘅煙草氣息就會圍繞整個口腔，持續時間都頗長。老藤葡萄一般擁有較長aftertaste，較強嘅礦物味，有講法係味道會較酸，不過個人覺得呢隻酒又唔算酸，整體就係符合中庸之道吧。De Martino Limavida Old Vines Malbec 2013🍇🍷 全場入面，我最愛係呢枝來自智利嘅葡萄酒！🤩由85％Malbec、15％Cabernet Sauvignon及Carmenere組成，入口酸度較高，但帶有好強勁嘅果香！少少嘅黑櫻桃、覆盆子及黑莓味，aftertaste係柔順嘅皮革、煙草及可可香結合體，真係好好味！呢款酒體較輕，味道前段衝擊感好強，後勁柔和，令我非常難忘，配油脂較高嘅紅肉食一定好正！😍睇返資料，呢隻酒平均葡萄藤樹齡有70年，老藤葡萄嚟講都算伯伯級，非常推薦！單骨雞翼，易食，送酒一流。呢款雞軟骨經過酒泡，充滿酒嘅甘香，好推薦！環境靚，仲要黃底，諗唔到理由唔多多幫襯～Pepe蛙下係捐錢箱，可捐錢比早前被破壞嘅黃店。門口有趣嘅石膏手，上面擺咗好多卡片。門口唔係好起眼，從外面睇唔出入面係一間咁靚嘅餐廳呢～
繼續閱讀
☕️旺角酒店頂樓cafe 180度玻璃窗靚景☁️位於油麻地東南樓酒店頂樓呢到融合咗品茶咖啡同藝術周圍都放左好多舊擺設同藝術品仲有個corner放文宣💛一整排窗令陽光透入室內☁️藍天白雲同呢到嘅藍白色牆身好配💙🤍同朋友點了2杯茶🍵分別係微甘嘅八仙香同好香蜜糖味嘅蜜蘭香Tea set配嘅日本抹茶蜂蜜蛋糕有3小片🍰抹茶味唔濃🍯蜂蜜味較重 口感似古早蛋糕真係幾寫意的 傾吓計就過了一個下午🍵八仙香Golden floral $48🍵Tea set $70 🍯蜜蘭香 Honey Orchid +🍰日本抹茶蜂蜜蛋糕 Matcha castella.📍room68 (油麻地)油麻地砵蘭街68號東南樓酒店23樓
繼續閱讀