Rosie's Cafe by cafe company (已結業)

餐廳外觀環境唔錯，可能係平日嘅關係，人流未見特別多，晚餐時間唔駛等位可以直入。2個人叫咗3款食物，賣相與圖相符，但食落欠新鮮感，尤其炸雞件配蓮炸藕，整體炸得太乾，食落沒有肉汁及味道嘅空間，只有乾柴嘅感覺，完全失色；四色芝士pizza滿有期待，可惜拉扯的並不是芝士而是餅底；三文魚牛油果炒飯份量適中，喺三款食物中站立安全位置。飲品方面，drink list內嘅都係花巧少女系飲品，相機食是唔錯選擇，但基本嘅熱檸茶是沒有的，而所謂果汁，亦只係盒裝果汁，倒出來換個杯就上枱，換湯不換藥。論環境及食物價錢質素，可以有更好選擇。

回憶同現實總差一點點💭Lunch set 叫左$88 煙三文魚班戟好耐之前食過一次，個陣叫左甜班戟，記得好好食所以一路都想再食番。今日去沙田梗係黎番rosies cafe啦，午餐set得鹹班戟，有一個湯同飲品。煙三文魚份量足夠，班戟甜甜地口感都唔錯，唔會好似麥當勞個d咁😋可惜沙律菜超級苦，破壞左成碟班戟😥下次再去既話叫番甜班戟算

近好多專食甜品主攻pancake, 餐廳有pancake唔出奇，但係有咸食，又幾特別行左陣街係時候開飯，天氣時冷時熱好易病，雖然清清地，都好豐富吓ga前菜: 豆腐沙律~上面既薄脆好好味，兩個人都夠食，但點解食到近底都唔見豆腐，唔通攪左d咩份子料理，我食左唔知，原來係底，仲要好滑好好味，但太細舊啦小食: 巴馬臣芝士pancake,原來咸食都好好味，唔係得粉有好香蛋味，火腿同芝士用左啖口少少既，每種材料味道都分明食到食材完味主菜: 露荀帶子忌廉意粉 ~ 整體好味既，唔會笠口，帶煎得好香，係得2小隻帶子，仲要開邊

同朋友去完pixar嚟食tea唔使等位環境幾好叫咗個二人set 食咗海鮮飯同三文魚pancake 食物唔錯有最低消費 每人至少嗌一樣嘢食物唔錯但每一個員工的態度都好差

係沙田食飯時間間間都好長龍 好肚餓之下入左呢間唔洗等位既餐廳🍽牛油果三文魚炒飯同Rosie 's special pancake都還好 最期待既吞拿魚漢堡勁難食🤢🤢🤢食唔出吞拿魚 食左麵包皮同菜就算。。。

聖誕鄰近，星空花園又有燈飾睇，當然要來影下相睇下燈飾。睇之前醫飽個肚先，後來見到呢間好似幾好就決定試一試啦！當晚有d dinner set，咁我地係無叫，另外散叫佐三樣嘢。意粉味道唔錯，好食，但份量好小少，相片影落好似幾多，但事實係好少呢個菜一擺低我嚇到呆一呆，我兩舊肉細到一口牛咁，價錢重要相當貴，我同同行有人一人一粒，一淡就食完了，我心都痛埋，係好痛過只痛，點解咁貴但份量咁少而且d肉好硬有筋，我真係好失望🙍甜品叫佐呢個蘋果肉桂pancake，我全晚唯一覺得好食既，外脆內軟，加埋軟淋淋的蘋果片，肉桂香同cream真係好好味！不過應該唔會再幫襯，因為價錢真係貴，主食選擇唔對而且份量少。

同太太食Tea試了這間，少試牛刀，點了大蝦沙津，蝦是半邊上，送來時芝麻醬極少，但可以要求再取，鮮奶咖啡，送來時已不熱，咖啡愛好者而言，得失望。香蕉牛乳雪糕，無驚喜。座位之間太接近，完全融入了隔鄰枱二位女士的談話內。餐廳有玩facebook promotion , 上載食物相片去自己facebook,share出去有免費雜莓撻甜品，再係餐廳facebook俾意見，成張單有9折試一次就夠，無動力再來

朋友們一行7人，食飽晚飯，遇上一田大減價，真係多人都頭都痛，想搵地方食個甜品，路經見到有Dutch Pancake ,佢又咁啱有位，就試呢間啦餐廳指定每人要點一樣野，我地就點左3個Dutch Pancake ,2個普通pancake ,1客waffle 及炸洋蔥拼薯角。Dutch pancake +12蚊可配3.6牛乳雪糕，牛奶味濃，不過質地唔係好滑果種，有少少冰感。Dutch Pancake 配紫薯黑糖，好味，Pancake 質地偏軟。Waffle 質地比較脆身，如果可以厚身少少，入面多番d蛋糕體會好D

沙田最好食既pancake💗經常念念不忘 好食既野就要一食再食😛已經食第三次喇 pancake真係無得輸上次試左雜果同蘋果肉桂～今次試 焦糖菠蘿pancake 依舊keep住高水準 濃烈嘅蛋香 入口半融 咬落軟棉棉 加埋蛋黃醬同埋菠蘿 口感超豐富 係味覺既享受😭新出嘅藍青口大蝦西班牙燴飯 茄味濃 配料足 雖然唔係最正宗嘅煮法但係都幾好食🤓叫一個二人set 有一個大蝦沙律 一個pancake 一個主食 兩杯飲品 $228 還可以～係fb share相多一個雜果批 係fb comment就全單九折 抵番唔少啊✨

新裝修，環境不錯，坐位舒適。平日夜晚，不算人多，不需訂位。點了2人餐，幾抵食，有餐湯，沙律，主菜，甜品，餐飲。蘑菇湯， 蟹肉沙律， 肉眼扒牛扒， 意粉， 檸檬撻雪芭，餐飲。

第一次嬲到要寫食評，下午2:00幾，小孩有些锇,見冇人，即管一試，一試難忘，食到一肚火1.一入去，全場加埋5枱客，侍應有理冇理，冷冷一句……90分鐘要走2.叫野食先講，一定要每人一份！4大1細1B……都要叫G份？侍應：規舉係咁，門口有寫，咁今以比你叫5份！3.好，兒童餐到喇……當中一款要了雞扒！當中混合香草與大量黑椒，小朋友食唔到！其他食物一般，不太突出。4·我叫左5份餐，都吃飽啦！突然侍應又黎……小姐，唔記得話你知個甜品唔計一份！你再叫多份……真係火都黎？又想點呀，又叫，巳飽啦，點食得咁多待應：你叫多杯野食飲！4.叫經理理論，最後不是理論，而是聽經理的偉論……2歲以上小朋友都要叫一個餐，門口有寫！以後大家入去前，請先熟讀細則！(當然我再反覆睇過冇寫2歲以上既字眼)繼而都係嗰句……我地一早講左……不过最精彩的一句……我個同事講野一舊舊，我唔知佢講咩，咪揾你了解下！你而家想點？今時今日咁既服務……好野！

有一晚6點幾入去，我一入黎果個短直金髮女侍應目無表情咁帶位，但佢冇手勢指示坐邊個位 咁我梗係跟住佢尾架啦，點知佢原來係想我坐已經走過左果張檯（果時佢先識用手勢示意同埋我終於聽到佢講野），咁我算啦，佢轉頭擺低餐具喺我張檯，我同朋有先叫兩樣野食，再後叫意粉，點知個意粉剛剛開始夾既時候，有一個金長髮女侍應行黎問我地個意粉仲要唔要（心諗咩野事 發生咩事？！！我剛剛夾左幾條）我地仲要架！佢想收！！😶過左兩分鐘，果個女侍應，又走過黎話：「你仲有10分鐘」，我地即刻話從來冇人同我地講過用餐時間90分鐘，個女侍應話佢再問問，但最後冇影，跟住個光頭男侍應就咁放低左張單，示意要埋單，我地冇理，過多兩分鐘，佢又走過黎話埋單，我地話冇人同我地講用餐時間90分鐘，我地剛剛先食意粉，佢仲要重申「我地一定會同客講」我地話「冇喎，同事一句都冇講」佢仲要話「我肯定有！一定會講」（心諗，個帶位既聲都唔聲下，你又唔係帶位果個點肯定呀？）仲要佢講左三次「我地一定有講！」😤😤😤😤咁樣同個客講野都有既！！！同個客拗？癲架！！做咩我要受氣！我以後唔會幫襯 仲叫身邊人唔好去！！！😤😤😤😤😤😤😤😤😤😤😤😤😤😤😤😤I had the t

老實說 每次到這店由等候到服務都一肚氣永遠無人在reception無服務可言 也經常漏單甜品不見得很出色但但但 為了牛油果吞拿魚茸飯我忍當日還點了意粉 甚麼白桃特飲但 不 重 要重點在這魚茸飯牛油果 吞拿魚茸 水京菜 温泉蛋 沙律醬稍作攪拌後非常美味為了試做 特地去search這個很爽口的沙律菜樣子像火箭菜但味道完全不一樣終於某日行經一田找到這水京菜但自己在家做竟然做不到這個味道 只好再一試再試當日自己order了2份飽到嘔 但很滿足*如果有人食過更好味的請告知小妹唔使受氣 ; -)

做野做到無咩心情，今晚想食餐好既、特別既，安慰一下自己！第一眼係被menu既pancake吸引，所以今晚好快決定到食咩！Greentea Latte($48)，greentea味不重，但咖啡香，有少少偏甜。煙肉磨菇意粉($88)，好似卡邦尼醬汁。最愛係面頭隻半熟流心蛋！雜苺果醬pancake($88)，pancake 都係鍾意甜食多過咸食。餐廳好出名pancake ，食到飽都係，酸酸甜甜不錯！Rosie's special pancake ($88)，煙肉，小忌廉，蕃茄粒。甜既平時食得多，咸既又不錯吖，可以一試！芝士牛肉三文治配薯片（$78），芝士不多，牛肉就好嫩，但少左d，唔夠飽！薯片係出自超市某大牌子

一坐落已經覺得餐廳嘅枱好迫，迫到好似同隔離枱同枱食咁。落咗單差唔多等咗半個鐘先黎得一碟咖哩飯，所以即刻追單，個staff話等多四分鐘。點知等左成七、八分鐘都仲未黎！咁唯有再追單，個staff夠膽死話再等多兩分鐘。但係碟野等咗五分鐘後都仲係未黎！其實只係一碟好簡單既蘑菇意粉，竟然都可以漏幾次單。重點係隔離枱係我第一次追單時落單，佢地都係叫同一個意粉，但係隔離枱d野食仲快過我地枱。可想而知，呢間餐廳樓面跟廚房溝通相當混亂。而且食物十分普通，自己買包咖哩屋醬汁仲整得好食過佢。