Rosie's Cafe by cafe company (已結業)

係沙田行開，系呢間野門口嗅到好香的味道，所以就入去試下。嗌左呢個pancake，佢同一般pancake真系好唔同，就佢個賣相已經好唔同，食落就更唔同。不過佢賣相都幾靚，金黃金黃色，睇落好吸引好想食。而味道方面，一咬落去，個質感已經同普通pancake唔同，佢唔系好fluffy 個種，但一咬落去，有小小濕，同埋已經好香蛋味，認真唔錯。加埋佢個醬同檸檬香，為個pancake生色不少，食落唔會好漏，食完好想嗌多件，好唔錯。

星期日晚新城市廣場搵食係件好難既事，好彩今次約得早，一行四人，兵分三路，半個鐘就塭到位。去Rosie 主要因為易搵位，始終新城市廣場三期比較遠，少D人行。但沿有冷氣既商場行，其實都好舒服。而且成餐飯食足三個鐘，冇俾人趕。食物方面，蕃茄海鮮飯係好味既，帶子pancake也值得一試，溫泉蛋意粉就冇乜特別，不過個青口就認真麻麻，太腥了。值得一讚係like facebook就會有個dessert 送，成枱一齊like 仲一人一件tim,follow埋仲全單九折。埋單時用左渣打Asia Mile credit card,個侍應真醒目，識自動幫我儲埋$2/里優惠。

今日原先想喺新城市3期地下搵野食，但裝修就隨便搵左依間，見裝修幾靚，又未至於冇人，又有個二人餐牌$368就入去試下個二人餐有是日餐湯，芒果汁蟹肉沙律，有兩款麵食揀，同亦有牛扒同炸魚柳揀，另外再包飲品同甜品：檸檬撻配雪芭是日餐湯係牛肝菌忌簾湯，味道濃郁，但份量較細芒果汁蟹肉沙律，就有好多唔同嘅沙律菜，但蟹肉只有小小的3兩粒，而芒果汁亦唔顯著，反而黑醋味更濃我地主食揀左日式大虾意粉同牛扒。但意粉有4隻大虾，都幾爽口，但冇味，一般野；至於牛扒就感覺太薄了，口感欠奉再飲品叫左咖啡同檸茶都係一般野，但唯獨轉凍飲唔要加錢甜品個檸檬撻實在酸到過左，但西瓜粒夠甜同雪芭味道都幾好感覺餐廳有心做食物的，但星期四晚上都冇乜人，有少少奇怪，但連加一要$405,其實應該有其他選擇

餐廳好易有位，唔需要等太耐，價錢都唔係太過貴，整體一般。一直以為pancake得甜，原來咸既都可以好好食咖！ 叫左咸味三文魚pancake，三文魚有點少，但搭配pancake既口感又好特別，而且因為有配菜，食落唔會太滿既感覺。甜既pancake就叫左香蕉巧克力口味，果然朱古力係無敵，pancake邊邊有點焦，好香口，食落滿是罪惡感，水果唔酸唔奇怪，整體都係甜既，雪糕係雲呢拿味，淡淡地好襯朱古力既濃味阿！

放工時分約左兩位朋友去沙田食飯友人中午時提早電話訂座說好了90 分鐘內交枱一心以為好多人（ marketing 技倆)book 左19：00我遲左半個鐘一出港鐵站四圍找找左好奈先找到同兩位朋友都話好難找現場顧客不多叫左個二人餐+ 意粉沙律和湯ok 啦無特別牛扒幾好味五成熟唔會overcook招牌pancake幾有創意可以一試 ( 未必會回頭）叫左個什菌意粉份量幾夠意粉有咬口味道幾好facebook寫食評有甜品送整體ok幾個朋友傾下計又坐得幾舒服

個"薄切煙三文魚配芥末汁"幾塊煙三文魚兒收我$72,沒有技術可言!賣相ok 但$72太唔值啦!我都知到有d靚三文魚喺貴野!但唔喺喺supermarket 買三文魚返屋企serve 老公，我喺一間餐廳!可能我高要求咗小小，我會想佢加兩塊餅乾/包包，我比72蚊,好似guur dd !Overall, 餐廳的環境+音樂都幾好!小小個人意思!

整體環境舒服，裝修好優雅。都幾多人排隊，想去就可能要早d訂位，總結食物味道係一般，不過不失！櫻花蝦蛤蜊意大利麵配紫菜，櫻花蝦有微酥微脆的特殊口感，鮮甜既蛤蜊，麵條有點乾，配多個牛角包其實都幾古怪？！有三大片半熟透的牛油果->牛油果吞拿魚茸蓋飯，匙羹輕輕一壓, 便會變成牛油果茸。罐頭吞拿魚，魚味不特出的, 加上很濃的日式甜醬汁,再來沙律醬，賣相像極一客沙律，飯被青菜﹑燈籠椒絲完全遮蓋，上面還有一隻温泉蛋，把它伴勻同吃，飯是温熱﹑夾著蛋汁的飯跟青菜，雖然帶出不同口感，但味道古怪

係沙田行到攰想食d日式西餐 突然諗起有間rosie cafe😇我之前食過一次個pancake對佢真係讚口不絕😍😍所以今次再帶媽咪黎到食⠀但已經係3點左右所以變左tea menu成個tea menu真係一d都唔吸引但因為之後出去食晚飯 唔想食咁飽😂所以都係乖乖就範食個tea⠀紫薯窩夫有配牛油同焦糖醬個紫薯蓉紫薯味都幾重💜唔會死甜 唔會太假隻味但係窩夫唔夠脆 林beibei比起佢個pancake真係差好遠😥⠀鮮蝦三文魚沙律呢個好食好多😆蝦好爽好甜 沙律都好好味 用左麻醬做sauce傳統既日式西餐沙律💕⠀但選擇真係太少 而且好唔吸引😭 下次都係食番main menu算🤷🏻‍♀️

1個大人2個小童都要求最低消費叫3個餐,如果唔咪太肚餓真係即走,迫於無奈叫我個48蚊嘅焦糖燉奶,但超唔好食,個燉奶唔滑兼硬到阿媽都唔認得,牛肉飯竟然得好少好少牛肉,仲要是切到好細粒,最過份是個帶子意粉,是將一粒帶子切成超薄的3粒,全碟就係得呢3粒,仲要加一服務費

我中午去試食 ，雖然冇tea set, 但有兩人餐 二百幾蚊~ 有沙律, 有一個意粉， 一個pancake，兩杯飲品 都，份量都非常之足夠。 我哋四人同行， 叫咗一set ，跟住加一個青口 ，一個燒豬排 ，而餐廳做緊promote九折, 總共 428蚊， 我覺得幾抵食。 食物嘅啱我口味，我特別喜歡豬排， 沙律， pancake。如果有咩地方需要 改善 ，服務員唔係太留意客人， 唔夠細心，但係整體而言， 我都滿意。大家不妨一試 ，我見到餐牌平日有 午餐n Tea set, 都非常抵食㗎， 我會再去試下其他嘅食物， 可能有驚喜架。

記念日提早興祝❤️個環境幾舒適，又有好多綠色植物，望落都舒服！可惜pancake賣曬，轉食waffle🤤原味都幾好食呀，可能太肚餓個咖哩雞芝士飯都吾錯但個素菜意粉就真系好一般總括黎講都可以一試既

之前唸住黎呢間食，因為見佢個類似pancake既嘢好吸引，點知要等好耐，所以最終無食到，今次難得無人排隊就去食左喇!因為係午餐關係，所以點都要叫返d咸嘢食，係幾樣咸食中揀左個帶子辣意粉，記得食第一淡既時候，唔知點解我覺得意粉樣味好似某日本公仔麵既味，好食還好食，不過食完會竟然有d口渴所以下次再經過只會選擇甜食，今次我地叫左個雜果味，水果都新7，而且最重要個pancake係新鮮暖烘烘，軟綿綿入口感覺好好，一d都唔肥膩!最後餐湯方面係白湯，相對黎講比較清淡，而且比較浠，有待改進!

星期六過黎叫左個weekend set. Set入面D野食唔錯，包括個Rosie pancake同埋明太子意粉。特別鐘意個明太子意粉，好多明太子同埋有少少辣幾野味。因為唔夠飽所以另外再嗌埋個青口配薯角，一上到黎，我同個朋友都o晒嘴，同menu張相真係差天共地，仲要賣到咁貴（80幾蚊）好唔值。另外嗌左杯pear honey iced tea，原價52但因為跟餐所以半價，要俾原價真係唔會嗌，因為無咩特別賣單個者侍應聽到split card 之後話唔得，有少少失望

昨晚見到有新野諗住試下呢間野😒d服務員態度差👎🏼，野食一般過一般，飲咗個冬陰公湯，吾辣又冇酸味，叫左個雞意粉，雞un🤦🏻‍♀️價錢貴，非常之吾抵食🙅🏻⋯⋯試一次就算😡

有位男經理叫Danny非常不友善，態度非常之差....見到有小朋友個樣即刻黑面，俾一啲非常不方便嘅位你座，好似想講你走咁...！....帶小朋友一定唔好去食，從來未試過去一間餐廳會咁受氣！我同四位朋友去食晚飯,當時有位大肚腩阿叔行來問我地幾位，佢見到我地有幾個大人兩個嬰孩即刻黑面，之後安排我地坐係單座位，但當時係有卡位的，但卡位只有四人不夠坐，有位當時飲緊野人客好好肯移動隔離枱，等我地闊落啲，但佢竟然走埋來話唔得，話會擾亂人客！個客人見到我地有兩個bb都好心讓比我地啦！佢真係勁冇愛心，超級差既服務態度！