Rotiboy Bakeshoppe (已結業)

超級鐘意榴連既我一聽到有榴連包食就衝左去試下買左榴連包同咖啡包試下先食榴連包榴連容唔算多 有少少空虛不過勝在個榴連味正超級香口同甜美鐘意食榴連既朋友要試下但我比較鐘意咖啡包咖啡包入面係牛油溶液雖然肥 但好好食好有早餐feel而且同奶茶勁配！奶茶都好好飲 夠哂香滑（我飲得太快 唔記得影相）

想試好耐 但真係唔係太想踏足旺角呢個地方今日因有任務在身 一定要到旺角擇日不如撞日 買個包咬下先舖面簡潔 得4樣野 咖啡包榴槤包拉茶同咖啡單買兩個包 盛惠25大元一拎上手 心諗：正喎 熱既！再咬一啖 又驚嘆嘆左一聲 好香咖啡味 脆脆地 中間甜甜地 美中不足要講既係個包係空氣包 一禁會扁 榴槤包咬左一啖 淡淡地都幾好味 男人低頭密密食 驚我會搶咁(哈) 勁快就食晒

每次行經，都會聞到好香好香既咖啡味，今次終於忍唔住要買黎試下買左個套餐，順便就可以試埋啲飲品，麵包方面我就揀左咖啡烤包，飲品就揀左熱既手拉咖啡。咖啡燒包：熱辣辣，個皮有啲似墨西哥包既外皮，相比之下更加脆，麵包好鬆軟，包入面有啲咸咸甜甜既醬，味道好夾手拉咖啡：即叫即整，咖啡本身會幫你加糖漿，味道岩岩好，唔會過甜

廣華街開張不久的芝士蛋糕、咖啡包也是我好想些的食店之一，今次晚餐後吃不夠，可以有藉口來食！晚上8時到達，只有一個玩手機的收銀弟弟，一個客人也沒有，難道是熱潮已過？買了一個咖啡烤包 $10，在後面廚房的女店員即時走出來在玻璃櫃拿給我！拿上手仍然是熱騰騰的。聞到一陣陣的咖啡香味。麵包是外皮相當脆，然而咬一口是鹹牛油加鍊奶味道，很濃味及邪惡，不是我想像中的咖啡餡料，食物太肥了，馬來西亞人的口味實在太甜，吃一次便好了。

<咖啡包/榴連包/凍馬來拉茶>-$10/$15/+$16馬來西亞過江龍Rotiboy開左咁耐，👶🏼終於試到啦，係正登打士街再行過少少，人潮都消退得幾快🤔麵包熱辣辣出爐，咖啡包既咖啡味來自面頭既曲奇皮，內餡主要係牛油，加埋一齊香味四射架😋，仲好似墨西哥包其實😂榴連包就更出色！真係有榴連餡，食得出係用真材實料架👏🏼，唔會太多所以一d都唔漏，外脆內軟好滿足☺️，邪惡d都要食啦下嘛😈加杯冰凍香滑既拉茶，茶葉香同奶香夾到加零一，重點係甜度適中，下午茶正呀☕️

又麵包又咖啡...正中下懷…一於試吓'rotiboy'…過吓口癮...新開無耐...行過都會聞到咖啡香味...門前有一級...仲要好高吓雖然店舖無枱無櫈…無預人hea飲hea坐hea食...但如果食店能提供斜道...等傷健人士可以靠自己進出店舖...其實對店員&食客都有好處...大家自由度高d…又唔駛給人麻煩...希望越來越多食店對無障礙設施有更高嘅意識店內麵包只售咖啡&榴槤味道...但單以外型係分辨唔出...今次2隻味都有食…各有千秋…'榴槤味'其實味道ok…不過我食唔慣溫度係暖嘅榴槤+_+所以我推介'咖啡味'好！嚟到麵包嘅texture⋯包底似薄身嘅曲奇...少少脆口...一咬開...包心係中空...然後你會見到溶咗嘅牛油液...鹹鹹地...萬分邪惡又買咗杯'手工拉茶'...嘩！飲咗2啖掉咗lu！！！！中伏了...唔凍！帶苦！有怪味！

暑假在印尼交流期間，商場中到處可見這家店，但一直沒有試。不過這家店的名稱，在那邊是叫Roti O。雖然賣著同樣的產品，但「過了江」，價錢便相對貴了很多。記得在印尼的最後一晚，在機場又冷又餓，終於忍不住買了一個Rotiboy。怎知早已放涼，冷冰冰的，並沒有留下好感。而現在於香港再次光顧，純粹是為了緬懷印尼的感覺。11:00 開始營業，我於11:08 到達。RotiBoy ＋ 凍拉茶（少甜少奶少冰）－包暖暖的，夾心牛油跟甜脆的外皮互相平衡。－拉茶很好。濃郁而有茶香，如果是正常的版本而不是三少（少甜少奶少冰）的話，味道應該等於沒有珍珠的珍珠奶茶。－店員態度很好。＊三少是出於個人喜好＋需要：提神，代替黑咖啡。＊因為茶比較濃郁的關係，喝完會心跳加速，並能保持精神到第二天早上。   因此需要咖啡因的我第二天再次光顧以便進行第三晚的通宵工作。   但第二次光顧的Rotiboy是凍的。＊建議正常人喝正常的版本，不然會睡不著和胃疼。（個人很喜歡這個濃度的茶）

果日諗住出去買錶經過一間好香既鋪頭原來係朋友介紹一個好食既咖啡包 見冇人排隊就買左一個食 我冇外加咖啡發覺有點貴 佢有兩種口味 一個咖啡一個榴槤我本人就鍾意咖啡所以買左一個黎食 果種口感好似係鮮奶球既口感 但好香 你未行到店前都會嗦到好香但係鬆好多 皮脆內軟 雖然十蚊一個 但都唔錯值唔值就見人見智

旺角實在是令人又愛又恨一方面又很多選擇，一方面又選擇困難當每一次都選擇不了時，我都索性掃街當晚飯經過登打士街發現新開了一間馬來西亞烤包店唯獨只買兩款麵包及兩款飲料貪新鮮情況下就試了咖啡包及拉茶意想不到烤包是燙手的，雖說熱得較難入口但這驚喜已很少在香港遇到烤包面的又熱又香的脆皮麵包本身咖啡味道不太重但香氣都頗突出大概咖啡味不調得過濃的原因就是麵包中心的牛油一開始還以為哪一種餡料，原來是簡單的牛油但牛油軟滑和香氣恰好地與麵包融合，非常合拍而拉茶的茶味跟奶味恰度好處，夠滑而且茶味濃郁可惜未知在香港營商環境下此類美食店可以生存多久呢？

經常食附近的芝士撻，經過見到有十幾個人等緊，就決定轉食呢間！買左榴槤烤包加一杯拉茶，等了差不多十分鐘就有新鮮出爐熱辣辣的烤包了，店員好細心不斷提醒各人小心熨口。新鮮出爐的食物總是較好吃，可是一直咬下去都沒有榴槤，吃到一半才見榴槤餡，十分“偏心”，而且邊緣裂開，餡料流到袋子裏，包子好吃是因為有足料榴槤和香濃的榴槤味，實在不算大驚喜，下次試埋咖啡飽就唔會特別再光顧了。可能自己唔好茶或咖啡，覺得這杯拉茶雖甜味適中但被苦澀味蓋過，不好喝。

之前喺韓國食過呢間既咖啡包印象係好好味今次喺香港開左，經過買左榴連包唔使排隊，榴連包好溫暖包好似日本既密瓜包可惜我最愛既榴連好少$15要求唔可以太高呢個價錢可以接受

來自馬來西亞特色麵包及飲品的Rotiboy Bakeshoppe來到香港了，香港店先推出兩款特色麵包，包括原味咖啡和榴槤口味。今日試的是榴槤口味，熱辣的外層是鬆脆的咖啡皮，內裡則是由馬來西亞直送抵港的榴槤餡，原汁原味，再混合奶油，味道甘香濃郁。麵包每15分鐘出爐一次，顧客隨時可以食到新鮮熱辣的包。

嘩嘩嘩！我的心頭好Rotiboy 終於來到香港喇！很邪惡！但是十分喜歡！終於不用飛去外國也可以吃到了！真是又愛又恨！一個Rotiboy的卡路里不少啊！今日適逢出開旺角，立即第一時間買了一個我最愛的咖啡包來吃，還加了一杯馬來西亞咖啡，可惜店內只有外賣，沒有座位！可惜！但為食的我依然堅持立刻即場先吃一個！店員十分細心，服務很好！見我十分狼狽, 辟了一小角給我可以慢慢嘆咖啡和吃他們的咖啡包！這裡還有榴槤味，但傳統的我還是選擇了咖啡包！濃濃的咖啡味和牛油味，正呀！邪惡之極！但我十分喜愛！包包香軟，很快吃了一整個！配上馬來西亞的咖啡很滿足！最後還買了一些回家給丈夫和鄰居品嘗！

繼漁牧的榴槤雞煲後，有一陣子沒有嚐到榴槤的滋味，如果味蕾有記憶和思想，它們應該早已發出掛念的哀怨。一鼓吹得起勁的櫻花熱淚，沒有令我衝著去吃櫻花有關的食物；相對談80%賣相20%味道的櫻花美點，我還是喜歡實際的食物，例如是榴槤、抹茶有關的食物，就算閉上眼都吃得出底細，才是味蕾的盛宴。這間馬來西亞過江龍來襲，身為榴槤控的我一直找機會到訪。就在一個星期日的晚上，順路到此一遊。位置不難找，就在Uncle Tetsu 旁邊。近西洋菜街那邊逛街多，反為這邊的街道比較single purpose - 後面有甜品店聚集，通常是吃飯後才會去一趟。誰知這冷清的街角很受過江龍歡迎，有馬來西亞的 Rotiboy、日本九州的 Tetsu和韓國的 Cafe Aboong 鯛魚雪糕；成功與否，可能是另一回事了。尚有幾個舖位才走到，已嗅到很香的咖啡味。至今這店已開業大約一個月，一開業時瘋搶的情況應該減退了不少，這時的生意額，該如實地反映著回頭客的多少。晚上不是麵包店最旺場的時間，麵包倒不是用來在晚飯時候裹腹之用，只有一兩個客人或許是正常的。店的前半就是買賣櫃枱，後半是麵包工場，從窗可看到廚房的運作。一焗好直接拿出去賣

星期六經過廣華街，聞到好大的出爐麵包香，很明顯地來自rotiboy 的咖啡烤包，陣陣的咖啡味令我忍不住買了一個做早餐。來自馬來西亞的有機會都可以試一下拉茶，而我是不吃榴連味的 烤包已經一早入落紙袋，而且都是熱烘烘的紙袋後有翻熱烤包吃的方法 因為約了朋友晚餐，所以就放棄了即買即食了。 早上用焗爐翻熱了五分鐘，咖啡味仍然很重。烤包外表其實和我們平時吃到我鮮奶球很似，表皮有一層墨西哥脆皮；麵包的空氣其實都頗多，一按就已經扁了；中間和鮮奶球不同的，是加入了少許餡，帶有牛油香和椰絲。整體來說，味道不錯，是可以一試的，但性價比不太高，是吃不飽肚的包。