Route 99 (已結業)

諗住去完cafe可以係河畔散步所以就揀左呢間狗狗cafe-環境滿分💯餐廳內面好大有2-3個打卡位座位都好闊落 坐左上去 仲有好多位比狗狗坐座位仲有圈圈⭕️比人放狗真pet friendly -食物方面，叫左3個菜1個 煎三文魚帶子三文魚同帶子都煎得岩岩好 外脆內滑薯泥都滑，配菜都算好食1個 蟹肉牛油果沙律蟹肉比想像中多同牛油果一齊食好夾仲有脆脆片放係沙律面口感層次更高1個白汁意粉意粉彈牙， 每粒粉都沾到白汁鹹味適中，但同前面2個菜式比就普通d仲叫左個狗狗食既漢堡餐外型滿分💯打卡一流仲要朋友隻狗狗係好揀擇既都係咁食就知好食-整體黎講價錢方面比一般cafe貴一d但以環境舒適度黎講都值得既而且人同狗狗都可以坐室內又坐得舒服又可以打卡 食物方面都比一般pet friendly cafe 好食所以會再去

之前去環保大道寵物公園放完狗都會帶埋隻狗一齊去呢度食飯，差唔多每個月都會去一次，平時都係7點前就去到所以唔使等位，但就算食完走都唔見佢坐滿，所以今日(26/Feb)去到都冇乜嘢，但佢一攞個menu嚟，完全呆咗，以為佢俾錯tea time menu，但再睇個價錢就知唔係，平時最鍾意叫嘅漢堡包一款都冇(之前有4款)，咁就叫咗三樣嘢：pizza、carbonara、同斧頭豬扒跟南瓜蓉。當個pizza嚟到，真係X咗聲，個pizza係用超市買嗰啲發泡膠碟放住，個size就係咁大…收成百幾蚊…之後上個carbonara，用快餐店嗰啲焗嘢嘅錫紙兜裝，仲要只係半滿…收成百幾蚊…之後到個斧頭扒，用細過KFC嘅紙盒裝住，個size仲細過茶餐廳豬扒麵塊豬扒…個南瓜蓉用醬汁兜裝，仲要半滿…收成二百幾蚊…而狗狗餐，由之前4款(pizza、漢堡包、炸雞薯條、牛扒)，變成相中嘅唔記得咩藍莓雞肉鮮食…突然由80分跌到8分，除咗準備執之外我搵唔到另一個理由同日見到隔離枱一行九人一狗應該係幫隻狗慶祝生日，聽到個人問店員係咪得呢個menu，應該失望到核爆

朋友介紹去調景嶺一間很有特色嘅傳統美國風餐廳，好似嗰套電影回到未來嘅場景，一入門口已經好吸引呀！有花花蕩千秋佈景，有油站黑色電單車，胡桃夾子，貓兒狗兒的大頭畫… 同自己心愛寶貝🐶一齊影相勁多打卡位👍🏻我哋叫咗流心金邊蛋美國安格斯漢堡配炸薯角及雜菜沙律，份量很足夠，味道可以呀！反而我覺得薯角幾好味！香煎帶子卡邦尼意粉，味道不過不失啦，冇乜特別勝在都係夠足料！為寶貝狗叫咗一個紫薯椰菜雞肉狗餅，都算好大碟架，狗兒非常好胃口成碟食晒，佢勁滿足呀！我哋仲叫咗兩杯特飲（士多啤梨🍓同芒果🥭）環境方面非常之寬躺，我哋都坐咗兩個幾小時，因為真係好舒服可以傾吓計影吓相，最佳首選👍🏻價錢方面係貴咗少少🤏不過一次半次唔緊要啦，最緊要大家食得開心😊

帶了我去一趟美國旅行🇺🇸🧳哩度好靚啊 裝修🉐️好🈶️美國紐約風😍🤩打卡位一流 同埋都算多打卡位 值🉐️來一趟👍🏽👍🏽點了脆炸洋蔥圈燒大啡菇漢堡 🧅🍄🍔漢堡很高啊 很容易就跌了 所以打卡要快😅😂漢堡不過不失 大啡菇係好𝚓𝚞𝚒𝚌𝚢👍🏽👍🏽另外 薯條係波浪薯條 好食🍟自家製肉醬千層麵 係整🉐️幾好味嘅 份量唔算好多 不過食落都幾膩 所以好快就飽😅😂但係都值🉐️一點的☺️🙂飲品點了兩杯Milkshake是豬古力味🍫和焦糖味🍯兩杯都好好飲喎 好🈶️豬古力同埋焦糖味而且唔會太甜 正正和推介🤩

之前食過2次，高質到令我念念不忘，所以今次再Encore😙見到門口，好似轉咗menu，偏向泰國風，但都無諗太多，以為可能加咗菜式🤔開門見到入面得三，四個客，重以為自己lucky仔，唔洗等位，點知。。。。🚁🚁🚁1. 兩杯嘢飲接近等咗四個字😦玫瑰咖啡(渣): 我叫咗杯玫瑰咖啡，但嚟嘅係玫瑰咖啡渣！全杯個底都係咖啡渣，啲咖啡渣多到就嚟可以幫我條脷磨砂，又或者可以做手工皂🙄🙄2. 兩個主食接近等咗九個字😑（重以為會好好食）冬陰功扭扭粉：一pat嘢，你唔講，我完全唔知係冬陰功味，簡單啲講，我唔知自己食緊乜咖喱牛腩薄餅：得4片薄餅(完全係百佳急凍嗰啲印度蔥油酥皮薄餅)，都唔知夠唔夠bb食。不過好彩佢份量唔多，如果唔係食得仲痛苦🤭埋單4舊幾水，多謝晒。(我嬲到淨係影咗兜pat pat粉，等待時間已經比佢玩殘，無心機）🤬🤬🤬🤬🤬🤬🤬🤬

由記得第一眼見到呢間美式dining house既時候係跑緊步，當下想不顧一切地衝入去飲Milk Shake 😂今次約埋班friend去懷緬下舊時讀書時光，可惜今次既體驗好差～今晚食乜餸 - 5人份量：1) 凱撒沙律2) 三色醬Nachos3) 千層麵(牛肉)4) 卡邦尼意粉5) 炸魷魚鬚凱撒沙律沙律正正常常，沙律菜係新鮮的。三色醬Nachos粟米片加芝士肉碎sour cream, 唔會輸嘅組合。卡邦尼意粉意粉彈牙，但汁略顯乾身；配上巴馬臣芝士脆片都幾有口感。千層麵港女不吃牛，所以就不評價啦。中伏位黎啦：1) 魷魚鬚炸得太過火，食落仲有少少苦味。朋友忍唔住同職員要求重新整過。圖一：燶左圖二： 正常2) 服務好一半，睇返啲其他人的食評都有類似錦繡3) 餐廳好大塵！好似荒廢咗兩個月咁！(對面仲勁！)Again? No thanks. 🙏

將軍澳藍澳海岸呢邊有好多餐廳都係pet friendly ，今次帶大佬嚟既呢一間就係Route99，呢間餐廳面積都相當大，佢有分兩個區域，分別係無狗仔區同狗仔區，佢係以美國復古風為主調，佢哋用色相當豐富，以粉紅同藍色為霓虹燈，將整個美式復古快餐店還原😍😍😍，呢度又可以打卡又可以俾毛孩放電，除咗有豐富嘅嘢食外，仲有狗狗專屬餐牌，非常貼心💚💚我哋嗌咗幾款嘢食同一款狗狗西冷🐶🐶🐷慢煮西班牙黑毛豬扒，配蘋果醬，燒汁 $258: 因為係寵物餐廳嘅關係，佢哋用嘅餐具全部都係紙，好細心，呢款黑毛豬扒都幾大份，因為係慢煮嘅關係所以肉質爽嫩，味道唔太濃烈，而配菜係薯蓉，有蘋果醬燒汁襯托食落味道昇華左😋😋🐔松子忌廉燴黑松露雞絲水管通粉 $158: 呢款通粉裏面有比較特別嘅松子，另外配咗黑松露雞絲，雖然佢係忌廉汁，但食落有啲淡，黑松露都唔夠香，份量有啲少🥗巴馬臣芝士脆片伴牛油果泥香檸蟹肉沙律$118 :呢份牛油果沙律，賣相唔錯，牛油果都算多，蟹肉既份量係價錢嚟講都叫正常，沙律醬味道唔錯，整體食落都好開胃👍🏻🍰蘋果金寶脆脆$88 :另外配左個甜品，滿心歡喜賣相應該唔錯，點知嚟到非常失望，毫無裝飾，味道仲要一般

前日(1-1-2023 Sun)元旦傍晚,同老公,女友人HJJ 行完跨灣大橋一圈後,經過呢個住宅區,見有好多食肆,而呢間又幾吸引我,於是喺呢喥食埋晚飯至走.入到去,店員問我哋有冇寵物?佢話,出面係會俾寵物一齊用餐,會用外賣餐具,當然如果我哋唔介意,都可以坐嗰區,否則就坐房內,我哋就揀咗房內.同樣地,睇完menu後,我哋要咗:1. $148.00脆炸洋蔥圈燒大啡菇漢堡主要係老公食,我哋食咗啲薯條,呢喥嘅薯條炸得好脆,但薯味一般.味道:1分2. $35.00嘅美式早餐茶老公飲,我冇飲到.4. $78.00嘅OREO奶昔HJJ話飲唔晒,我哋三人分,呢個係正常嘅甜.味道:3分3. $138.00嘅素全日早餐有雙蛋,我哋揀炒蛋,燒美國露筍,海鹽牛油果,燒烤蘑菇,油浸串茄,自家製薯餅,鮮果,茄汁焗豆,雜菜沙律配窩夫或牛角包,我揀咗牛角包.嚟到睇,好大份,先食牛角包,好脆,內裡鬆軟,不過唔多夠牛油香;炒蛋全熟,好彩唔太嚡;自家製薯餅大大件,不過切開時睇見佢係薯絲而唔係薯粒,食落,同樣冇乜薯味,感覺似蘿蔔絲; 茄汁焗豆,牛油果同油浸串茄都冇乜問題.燒美國露筍同燒烤蘑菇就唔覺得點燒過,不過蘑菇仍好jui

佔地面積有成7️⃣0️⃣0️⃣0️⃣呎，仲要有埋寵物美容服務、寵物餐嘅cafe📸充滿igable嘅佈置🧏🏻‍♀️我喺度影相影咗起碼半個鐘😂😂但喺foodie account都係分享返食評啦龍蝦汁海鮮燴闊條麵 ($218) ●●◐○○超唔抵食嘅麵⋯⋯海鮮有虎蝦、魷魚、帶子、青口 整體淡味 麵唔掛汁之餘個醬都唔夠味 最緊要係啲番茄酸到pk 我敢寫包單係我成世人食過嘅番茄top 3最酸🍅流心蘭王蛋美國安格斯牛肉漢堡 ($178) ●●●◐○配炸薯條、雜菜沙律炸薯條普普通通🍟雜菜沙律嘅菜有啲苦🥗個包本人都食唔出有咩特別 整體香濃 但未到好好食（sorry我又唔記得mark低食評⋯⋯跟住同行嘅朋友都唔記得食後感⋯⋯因為又係隔咗好耐先post⋯⋯）特濃巴馬臣芝士薯條 配黑松露醬 ($78) ●●●○○冇必要叫嘅薯條🤣我哋睇唔到漢堡包已經跟埋薯條，兩者嘅味道同質感一樣 佢嘅芝士味同M記漢堡用嘅芝士差唔多味 睇吓你哋鍾唔鍾意喇 我就ok嘅🧀同埋黑松露醬唔夠香 薯條對我嚟講幼咗啲😮朱古力奶昔 ($68) ●●●◐○朱古力味幾濃，飲到後面覺得有點太甜 適合螞蟻人🐜creamy不過質感比five guys稀少少🤏🏻因為佢貴過

一年後再黎到呢間佔地7000呎既美式快餐店，分咗寵物區同非寵物區～餐廳打卡位有近門口位既大鞦韆、型格電單車、滑浪板等等。今次嚟試吓Menu上既新款食物～💕流心蘭王蛋美國安格斯牛肉漢堡 $178用咗日本蘭王蛋，一切開有流心效果！😍 蛋香味濃嘅蛋液配上juicy既安格斯牛肉，夾住芝士、生菜、蕃茄同洋蔥食，好滋味！😋 薯條香脆，份量好足夠～🍟LOTUS脆餅半熟芝士蛋糕配海鹽焦糖醬 $78芝士味濃，唔係太甜，有塊LOTUS餅同餅碎係蛋糕上面～焦糖奶昔 $68推介焦糖奶昔！牛奶味濃郁！焦糖甜度岩岩好！Cream上面仲有啲焦糖爆谷，一到食爆谷，一到飲奶昔，口感提升👍🏻🍿推介食物：流心蘭王蛋美國安格斯牛肉漢堡、焦糖奶昔食物質素：🧸🧸🧸🧸🧸環境：🧸🧸🧸🧸🧸性價比：🧸🧸🧸🧸🧸泊車：翩滙坊停車場

今次嚟到將軍澳海旁食嘢😋 最近都開咗好多餐廳！呢一間餐廳又去過海旁都應該有見過，佢門口已經好多霓虹燈好靚！而且係寵物友善餐廳🐶🐱🍔 Texas Burger入面有煙肉，洋蔥，牛肉等等嘅配料～ 個人認為牛肉係幾好食不過夠煙肉硬到成條命咁😂😂😂 薯條就正常發揮🍳 All Day Breakfast有別於出邊嘅早餐！ 因為佢係可以揀熱香餅或者窩夫而且雞蛋可以揀太陽蛋或者炒蛋或者流心蛋🥚咁我哋就揀咗窩夫同埋流心蛋！ 得意嘅係佢竟然用煙肉包住隻蛋 幾好食！不過3隻有一隻本身嚟到嘅時候已經爛咗😥😥😥有啲失望然後窩夫入邊唔係好多空氣嗰隻係比較硬身少少既～🍓 Strawberry Milkshake靚得黎幾好飲～成杯飲曬！🍏 No So Sour Apple Juice因為係Detox黎，比較傑身小小，用飲筒唔係好飲到😂😂😂另外我見舖頭仲有Pet meun同埋狗狗嘅零食可以買😬

美國80年代復古風格佈置分為寵物區及非寵物區🐾一進場就被裝修驚艷到色彩繽紛壁畫區🎨 光彩奪目霓虹燈區🎆型格電單車區🏍 甜美雪糕招牌區🍦新年期間到訪 專門把🐶打扮成🐯去打卡主推西餐 快餐 小食 甜品 奶昔🍓☀ 𝐀𝐋𝐋 𝐃𝐀𝐘 𝐁𝐑𝐄𝐀𝐊𝐅𝐀𝐒𝐓 $𝟏𝟐𝟖☀️ 𝐓𝐄𝐗𝐀𝐒 𝐁𝐔𝐑𝐆𝐄𝐑 $𝟏𝟒𝟖比起其他𝐂𝐚𝐟𝐞更有水準 店員態度佳👍🏻更有寵物𝐌𝐄𝐍𝐔 🍽☀️ 𝐏𝐈𝐙𝐙𝐀 $𝟏𝟎𝟖無激素雞肉 甘筍 南瓜 鱷魚肉 🐊青口粉 南瓜蓉 西蘭花碎 風乾食物在寵物區狗狗互相打招呼⚡️聲浪較大非寵物區隔音效果佳 提供寧靜環境絕佳的人寵共融環境設計🧸店舖近海旁 用餐後可散散步 吹着海風感受悠閑一刻🌊環境: 💗💗💗💗💗美味度:💗💗💗💗推薦度: 💗💗💗💗📍 Route 99 (將軍澳)將軍澳唐俊街21號翩滙坊地下19號舖營業時間：星期一至日 11:00-21:30人均消費：約$150-200

3人加一狗去食lunch每人一個意粉 加一個芝士薯條 一杯caramel coffee 埋單$7xx食物用紙兜 快餐咁 portion細 完全唔值 同無服務可言 7舊水我寧願食其他 😀冇下次

老公放假一家四口去搵完爺爺就去呢間好靚嘅寵物餐廳⋯平時經過都好想入去，因為裝修得都幾靚🤭應該打咭一流，每張凳嘅位都好大，可以比大狗上埋去都得入到去第一樣就坐喺門口呢張搖搖凳打咭😝又真係幾靚嘅，我兩個港女打咭第一🤭我埋單幾錢係包埋打卡🤣🤣個個都話呢個椒鹽魷魚鬚好好食，又真係非常好味👍🏻👍🏻👍🏻我哋仲叫咗呢份牛扒，有驚喜，仲諗住呢啲靚餐廳只係得個外表，原來有內涵😎啲食物值得一試仲有寵物Menu，見到餐廳裏邊有大狗細狗⋯可以嗌啲嘢食比佢哋開心啲，餐廳店員都好細心問佢攞水比寵物養佢哋都會俾❤️見佢哋對住其他小動物都好有愛心👍🏻我哋仲叫咗三杯嘢飲，不過飲品就冇咩特別店內仲有啲小食同用品可以買俾寵物，店員仲好細心俾咗啲凍乾試食俾我哋隻小狗試，教我哋點樣去餵隻狗仔👍🏻

假日帶埋小狗🐶去將軍澳海濱散步，玩完去咗間美式風格復古風西餐廳，環境好闊落係寵物友善餐廳，有劃分寵物區同非寵物區入座，色彩繽紛嘅座椅設計得特別大張，方便主人做寵物更親密❤️✨Pet Menu 一共有4款套餐，我哋order咗漢堡包配薯條比小狗，🍟薯條用咗無激素雞肉而成，實係好滋味，坐定定比平時食量還要多🤣流心蘭王蛋美國安格斯牛肉漢堡 💰1️⃣7️⃣8️⃣🍔麵包用咗牛油微微烤香過，切開兩份見到燈黃色蘭王蛋醬超流心，成個漢堡特別香，牛肉漢堡扒唔算太厚但味道濃郁Route99美式早餐 💰1️⃣4️⃣8️⃣呢份All Day真係好有飽肚感🤣薯餅係用薯仔切絲煎成薯餅，口感更香脆有層次感，另外仲有肉腸、煙肉、烤蘑菇、油浸串茄、茄汁豆、雜菜沙律同窩夫🧇🎈Route 99🎈將軍澳唐俊街21號翩滙坊地下19號舖