影片
港鐵銅鑼灣站 D4 出口, 步行約5分鐘
繼續閱讀
開飯介紹
Ruby Tuesday 室內採取開放式設計，加上溫暖的原木色調及當代藝術品裝設，為舒適寫意的餐飲空間，平添幾分優質時尚的韻味。
在眾多招牌菜式中，首選推介我們享譽全城的田園沙律吧，顧客可隨意配搭各式色彩繽紛的新鮮蔬菜，健康有營完全自主；另外，足三層高的超級漢堡亦屬必試之選，兩塊原味多汁的肉排各重半磅，整個漢堡重逾一磅，份量絕不欺場，配合奶香滿盈的車打芝士，不禁令人食指大動。當然還少不了鬆化惹味的經典燒排骨，以及一系列嫩滑鮮美的頂級牛扒，其充滿彈性的口感，加上那份垂涎欲滴的肉香，試問你又怎能抗拒？壓軸之選還有多款滋味無窮的精選甜品，不容錯過招牌甜品巨型濃情朱古力，以香濃朱古力蛋糕配以軟滑的朱古力慕絲、雪糕球及甜美的朱古力焦糖醬，甜蜜感覺定能讓你一試上癮。
繼續閱讀
營業時間
星期一至五
11:30 - 22:00
星期六至日
11:00 - 22:00
公眾假期
11:00 - 22:00
公眾假期前夕
11:30 - 22:00
以上資料只供參考, 請與餐廳確認詳情
食家推介
招牌菜
相關文章
前排好想食扒，行開老銅就好又有張6折discount cupon 所以就去左Ruby Tuseday試試佢。Triple Play 露比三合一拼盤 $418Wagyu Cheeseburger 精選和牛芝士漢堡 $278Premium Aged Prime Sirloin 特級Aged Prime西冷扒 $468Onion Rings 炸洋蔥圈 $118Strawberry banana mango smoothie $138味道: 4/5 (唔考慮價錢因素)只評論食物質素‼️露比三合一拼盤 $418: 半條排骨+炸雞柳+炸蝦+薯蓉+配菜。佢啲雞柳都好大舊，啖啖肉，夠厚實，啲蝦好彈牙。雞柳同配菜輕輕調過味，薯蓉有啲胡椒味，好食。條排骨啲肉好軟淋，一咬就散，但醬汁唔入味，只係一大pat淋係表面拎去焗。而且得半條排骨只係得三楷肉食。和牛芝士漢堡 $278: 舊肉好Juice，不過一咬就散，砌得唔實。然後⋯冇咩特別，個人認為個burger相當普遍，係平時$100-$120的質素，周圍都試到。整體係唔錯，唔會覺得舊肉特別高級/好食。薯條係真材實料，唔會得個殼，係實心薯仔，炸得幾好食，但偏咸。西冷扒Medium $468:五成熟黎講我覺得口感偏韌，好多筋同好漏既脂肪膏，難食過普通價位$2xx專食扒既餐廳。建議可以將呢道菜落架，唔好做臭個朵。炸洋蔥圈$118:好好食，但唔會係好食到要我比$118 ⋯⋯係好新鮮香甜既洋蔥味，而且厚實既，並唔係好薄一片。好鬼甜！係靚洋蔥黎！炸衣唔會好厚，而且唔油～Strawberry banana mango $138:佢個cookies味賣哂，唯有揀呢杯。味道幾fresh，新鮮水果製成，但對比cookies，都係差啲。好大杯，兩個人都飲唔哂。冷氣都唔細，愈飲愈凍⋯⋯雖然普遍黎講係唔錯，但正價黎食我會卻步～
繼續閱讀
Ruby Relaxer, 足足有28 oz，是由vodka，rum，桃味梳打，菠蘿汁莓汁橙汁打成，成份適合給女士喝。酸酸地，酒精的成份不低，沒有苦澀味，顏色也漂亮，超多客人點。珍寶蟹肉餅，蟹肉味濃，全部都是一絲絲蟹肉，煎得很完整又不會乾巴巴，十分推介。
繼續閱讀
本身我係呢間餐廳嘅member, , 每個月都會送一份小食, 前題係你要惠顧至少一份main course, 而我個membership就每次會再包兩杯野飲, 所以我久唔久都會黎呢度食 今晚3人行叫左3個main courses & 2個 side dishes Onion Wings $59基本上食緊炸粉 我諗只食到一成洋蔥味 唔該哂 Fork-Tender Ribs (Full rack)$214(Honey BBQ)呢款食過3次覺得每間分店出嘅Ribs都有少少分別今次呢度食唔錯 肉骨容易分離 比上次腍 所以呢個價錢都算合理Impossible Nachoss$79肉米片好脆 唔鹹 勁多芝士 不過D芝士偏硬 唔係”腍啤啤”熔岩Feel 份量比想像中大好多 3個人都食唔哂 呢個價算抵食! Tarco Beef Salad $119份量又係比想像中大好多 牛柳好香好腍 絕對唔係得幾粒hea你 脆片唔會油 唔好睇佢得d菜&牛柳 男士都表示勁飽 一樣好大份食唔哂 Smoky Mountain Chicken $114🧐雞胸肉有兩塊 雞肉較乾 但好多芝士煙肉舖面 令味道層次豐富左 亦因為咁食左一舊已經好飽 🍹兩杯Free drinks叫左Hot chocolate &Cocktail – Blue Margarita (Regular)呢杯酒精味唔重 我好中意佢個味道似波子汽水 不過杯邊放鹽 個人口味唔中意帶鹹味嘅Cocktail 所以我都會避開鹽黎飲 😌整體黎講 有會員價食係幾抵!
繼續閱讀
話說好耐以前我成日黎食ruby tuesday，咁啱發現朋友係會員，食野嘅時候可以享有半價優惠，就一於黎食下啦🤣 其實佢嘅食物質素都唔錯，而且出名大份，最啱一班朋友一齊黎share食！我地試左佢嘅超級漢堡！漢堡真係超級大份，兩個人係食唔哂！呢個burger有兩塊超級厚嘅牛扒，煎到五成熟左右，完美地鎖住肉汁，一邊切就會一邊流啲肉汁出黎🤤 個包仲配有芝士、生菜、洋蔥等，好足料架！而拼盤都好正，可以選擇4款食物，私心推介potato skins同芝士條，熱焫焫仲可以拉到絲🤤 不過食完炸野好熱氣，可以飲翻iced tea balance翻，仲可以無限refill🤣
繼續閱讀
約咗朋友傾計聚舊 咁啱呢間餐廳 喺app上訂座有半價優惠 所以揀咗呢一間餐廳 地點方便 座位舒適 🍤露比三合一拼盤加焗薯$428👉有燒排骨 炸雞柳同埋炸蝦🍤燒排骨嘅肉質好嫩 啲汁好濃 炸雞柳同炸蝦炸得有少少乾身 另外揀咗配菜焗薯🥔 🍟露比芝士薯條$158👉薯條控必食😋有啲黑松露喺入面🧀芝士味勁濃郁 薯條份量較多🍄巨型蘑菇片香草意大利幼麵$218👉呢款麵啱啲素食人士☘ 清清地 如果個醬汁多少少會較好 最鍾意芝士薯條🍟下次再嚟都一定會叫平日晚上限時90分鐘 夠鐘時職員會提醒埋單同還枱 有少少趕 因為啲食物製作都需要時間 最後我哋都食得比較急😅如果多少少時間食會好啲😄
繼續閱讀