RUD燒肉 (小西灣廣場)

營業中

休息中

阿女好鍾意食呢間燒肉店，一唔煮飯佢就話要嚟食，咁RUD又真係好抵食，我哋嗌咗200gram嘅肉，舊我哋同埋小朋友食，而且啲肉都幾新鮮好味，最緊要就係加紫菜，今晚小朋友就可以食曬一碗飯啦！

第1次光顧😵‍💫服務真係好差，不知所謂！姐姐們真係好不得了，又大聲又忟憎！要求換過燒肉只係一句所有肉都加晒汁，要落單前出聲!但成個餐單冇提及過已添加醬汁食物質素：燒肉冇肉味，湯勁鹹！仲有生肉碟係破爛😶‍🌫️😶‍🌫️😶‍🌫️😶‍🌫️真係試1次不會再來😑😑😑😑

一人燒肉可以獨自享用不用約朋友。鍾意幾時食夠幾時食，份量啱啱好。裝修新潮，食物惹味，價錢很便宜。價錢早午晚都唔貴，都只是幾十蚊一個餐，唔可以自己燒烤抵食，需要好似其他燒肉咁而且份量都10分多，而且價錢相就夠貴，我以為係平價享受啊

最近小西灣商場開咗間RUD燒肉呢間燒肉好似越嚟越多分店見佢平平地 一於試吓佢質素如何我嗌咗300g牛胸腹定食加咗$10 轉溫泉蛋紫菜飯啲肉雖然唔係高級和牛嗰隻但係以呢個價錢嚟講質素都唔錯感覺都算香 脂肪分佈平均加埋燒肉醬汁一齊食都幾惹味紫菜份量比想像中多 值得一讚店員服務都幾好 有禮貌仲會定時主動過嚟幫客人換烤網都算幾細心 值得一讚總括嚟講 唔算係超級好食但都算抵食 大份 未有假期去唔到日本食和牛留喺香港都可以叫頂下癮

屋企樓下開咗間一人燒肉店梗係去試吓啦，套餐價錢幾抵食有分100-200 g嘅套餐，套餐有湯、飯及沙律，一個女仔既100g都已經好飽，大約有6-8塊，仲有推出個300g牛盛合，岩哂大胃之人👍🏻同埋餐廳用無煙烤爐，無咩油煙唔使怕燒到成陣味蔥花薑漬牛五花肉質好嫩滑，又帶油香，加埋葱花真係十分惹味，配飯一流，最推介必叫之一牛舌x 牛胸腹牛舌切到好薄，好快就燒熟，食落好嫩口再配埋帶油花牛香嘅牛胸腹就岩哂牛小排牛肉較厚身，冇牛胸腹咁油膩，食落有口質同濃郁牛香牛胸腹 100g $10去到夜晚九點會有黑夜時段，叫一份餐可以加$10有100g肉，可選雞肉、豚腩肉及牛腹肉，今次就選了牛腹肉牛肉唔太薄，燒完油光閃閃又香，食落肉味濃郁帶油香

呢間燒肉店性價比都算OK，定價唔算太貴👍🏻 最緊要通風唔錯，唔會覺得身上好大陣燒肉味🤣今次叫左牛板腱 100g ($68)，肉片比較薄身，以佢咁平嘅價錢，肉質算唔錯🥩 定食包埋沙律，麵豉湯同白飯，餐廳嘅醬汁都調配得幾好👍🏻 另外加左$22飲佢地新出嘅士多啤梨特飲，味道不過不失