影片
港鐵尖沙咀/尖東站 P1 出口
繼續閱讀
電話號碼
22056018
開飯介紹
主打的越南及泰式料理足料以傳統風味為主；而餐廳以紅、綠色為主調，裝潢糅合懷舊及摩登感覺，在這裡用餐別有一番風味。
繼續閱讀
營業時間
今日營業
08:00 - 22:30
星期一至日
08:00 - 22:30
公眾假期
08:00 - 22:30
公眾假期前夕
08:00 - 22:30
以上資料只供參考, 請與餐廳確認詳情
有關獎賞計劃
約咗朋友今晚放工嚟呢度食飯輕鬆吓，傾吓偈，餐廳位置近海皮，環境又真係唔錯，好relax！1） 泰式柚子沙律 $118每次食泰菜都好鍾意嗌柚子沙律，就係因為佢夠開胃，但係有時會喺餐廳食到啲比較酸嘅柚子沙律。嘅柚子沙律一啲都唔酸，柚子仲係甜度好高，配埋花生、紅洋蔥粒，同埋蕃茄仔，再加啲酸酸「尾尾」嘅沙律汁，非常好食！2） 菠蘿海鮮炒飯 $138滿滿嘅一盤菠蘿海鮮炒飯！兩個人真係食唔晒啊！菠蘿海鮮炒飯材料好豐富，除咗菠蘿同海鮮之外，仲有啲提子乾、腰果、肉鬆一齊炒，令到個炒飯更加飽肚感up!3） 馬沙文咖喱魷魚釀豬肉 $148 + 蒜蓉包 $58第一次食唔辣嘅紅咖喱。好特別喎，見到係魷魚筒入面釀咗啲免治豬肉入去，完全唔知道泰菜係會咁樣整法。咖喱汁雖然唔辣，但係都好惹味，同蒜蓉包好夾！4） 炒蟹肉鹹蛋 $238呢個餸係喺廚師特別推介嘅Menu度揀嘅。呢個配搭又真係好新鮮喎！用原隻蟹肉、原隻鵪鶉蛋，加埋鹹蛋黃汁，同埋配菜去炒，啲汁甜甜地鹹鹹地。同樣，啲汁用嚟點蒜蓉包好正！呢個餸用嚟送飯都一流！5） 燉蛋黑糯米 $88好有創意嘅一道甜品，喺泰式甜品當中真係從未試過呢種食法。既有燉蛋嘅蛋香味、又有充滿椰香嘅爽脆椰絲，再加上暖暖哋嘅甜黑糯米嘅煙靭口感，層次真係好豐富呀！侍應態度好親切、好殷勤，態度又友善 。天氣涼涼哋喺度吹吓海風食住晚飯，感覺好舒服，簡直似係happy Friday，而唔係Blue Monday啊！
繼續閱讀
今次我地放假出街輕鬆下，去左尖沙咀果邊，行下星光大道hea下，咁樣又一日，尖東呢頭都唔太熟，呢間餐廳我地見環境幾正，有情調得黎又有d外國氣息，就揀左係度食😌呢間餐廳雖然有偏歐洲風格，佢其實係一間越泰菜既餐廳，裡面燈光偏暗，每枱自己都有盞燈，坐得舒服，店員都幾好客，佢地都係講英文，不過menu有中文，叫餸驚講英文，可以講個餸既number，輕鬆叫餐😆炭燒香茅西冷牛肉 （$138）呢個牛肉幾有特色，佢係燒牛肉包住條香茅上，之後有生菜，檬粉，同薄荷葉，佢有兩款醬點黎食，一款係花生醬，一款似海南雞飯既辣醬，牛肉燒得好香，肉質夠嫩，夾埋所有配料食幾有風味😋黑椒炭燒雞 ($118)呢個炭燒雞係兩塊大雞扒黎，唔係雞件，佢燒得好靚，完全冇燒到乾，雞肉鎖住肉汁，有好香既黑椒味，配埋食雞最夾既泰式辣醬仲正🐥泰式乾炒河粉 （$138）呢個炒河粉可以自己揀豬牛雞其中一款，全部同樣價錢，我地揀左牛肉，佢d餸都唔少，好多菜，肉都有好多塊，炒得唔錯👍菠蘿海鮮炒飯 ($138)菠蘿炒飯佢裝得勁滿，入面勁多海鮮，非常足料，個炒飯炒得夠乾身，菠蘿肉都幾新鮮，整體做得好好🍍Rainbow Float ($78)呢個環境食飯，我地就叫左杯Mocktail，呢杯rainbow float就係用左幾款水果整成既，分別有芒果，菠蘿，橙，椰子，同石榴，非常夏日既一杯飲品，依家咁熱岩曬🍹呢間餐廳環境好正，好少去呢類餐廳食飯，所以我感覺幾好，食物質素都唔錯，個燒牛肉最出色，員工夠殷勤，價錢我覺得配呢個環境就算平，同平時既泰菜餐廳差唔多，所以我都幾鐘意呢間餐廳，會有下次😛
繼續閱讀
嚟到尖東海旁，有好多好特別嘅餐廳，而呢間Ruen Thai & Vietnamese可以食泰菜之餘，又係開放式餐廳，可以一邊食美食，一邊欣賞靚景，就更加perfect！1️⃣Taro Milkshake ($78)先order咗呢款芋頭奶昔，都幾大杯！上面唧滿Cream，好fancy，係打卡之選奶香比較出，芋頭味尚算濃郁！2️⃣Beef Salad ($148)呢款牛肉沙律真係幾正，估唔到有咁多塊牛！牛半生熟，可以食到較煙韌嘅口感，亦有淡淡牛味，加埋青瓜同酸辣味，泰國味道就出曬嚟，作為開胃菜幾好！3️⃣ Grilled Pork Neck ($108)最愛食嘅燒豬頸肉，呢個價錢呢個份量，又幾抵喎！豬頸肉肥瘦均勻，加埋甜得嚟又濃稠嘅醬汁，蘸落好掛汁，係非常惹味嘅一款烤肉！4️⃣ Crab Omelette ($168)蟹肉奄列都係傳統泰式美食，煎過炸過嘅蛋漿，味道好濃，而當中有唔少嘅蟹肉絲，又令成個dish唔會變得太過油膩，再加埋一鹹一甜兩款辣醬，食落就更加可口！5️⃣ Cashew Chicken ($138)呢款係腰果炒雞肉，有啲似中式煮法，有種宮保雞丁嘅感覺，但係用嘅配菜又係好元化嘅，除咗腰果外，仲有鷹咀豆、筍條、辣椒等等，配搭得好好，亦好惹味，酸酸辣辣咁，會令人食唔停口！
繼續閱讀
呢日同朋友一齊嚟咗呢間泰國🇹🇭越南🇻🇳餐廳🍴食晚飯，叫咗幾樣食物全部都幾好味🤣$88「咸魚炒芥蘭 Pad Kha Na Pla Kam」：芥蘭菜🥬新鮮爽脆，加埋好有鹹香嘅鹹魚一齊炒，惹味🤣；餐牌仲咁樣形容《Savory Salted Fish Stir-Fried with Chinese Kale, a Delightful Flavor Combination》🤣$168「越式黃咖喱雞 Ga Ga Ri」：黃咖喱味道濃郁有椰汁香味，仲加咗少少生嘅紫洋蔥，食得特別開胃🤣；Flavorful Vietnamese Chicken Curry with Rich Coconut Milk and Fragrant Spices 🤣$58「蒜蓉包 Garlic Bread」：蒜蓉包焗到金黃色脆脆哋，沾「黃咖喱汁」眨吓眼就俾我哋2個人掃清🤣$108「越式鮮蝦米紙卷（四件）Por Pia Sod Goong （4 pcs） 」：幾清新🤣；《Fresh Rice Paper Wrapped with Shrimp》😋$248「梅薑肉沫蒸盲鰽魚 Pla Paea Sa」：盲鰽魚大大條肉質鮮甜😋；呢個可能係半蒸半煮方法，加咗 豬肉碎、南薑、香蔥、紅蘿蔔絲、芹菜、草菇、芫荽、紅椒絲等，材料真係幾豐富😋，咁樣更加惹味得嚟又可以辟腥👍；《Steamed Barramundi with Plum Ginger and Minced Pork》🤣
繼續閱讀
餐廳：Ruên Thai & Vietnamese地點：尖沙咀麼地道菜式：越南及泰式料理餐牌：湯，沙律，涼前菜，熱前菜，燒菜，傳統咖喱，風味小炒，海產，素食，蔬菜，經典粉麵，飯，甜點椰漿炒魷魚 $158 另加一椰漿炒魷魚係厨師推介。一上枱就聞到好香椰漿味，魷魚有圈有鬚，口感好彈牙，超新鮮。而個椰漿令口感更滑，而且味道甜甜地，加上面頭爽脆椰子絲，口感味道一流。冬蔭功湯 $108 另加一冬蔭功湯可揀配大蝦或者海鮮，我揀左大蝦，真係超大隻虎蝦開邊，肉質好甜，配冬蔭功一流，蝦頭都有膏。個湯味道夠，酸不過唔辣，配料有芫荽，車厘茄，草菇，洋蔥，香茅，材料豐富。越式金不換沙白蜆炒椰子肉 $158 另加一越式金不換沙白蜆炒椰子肉用鍋上，大大隻連殼蜆大概有十隻，蜆肉有大有細，肉質都好嫩。廚師仲加左好多細蜆仔，伴有好多香甜椰子肉同炒，口感味道都好特別。加上少少紅燈籠椒同金不換，個湯味道好清，又帶少少甜味。羅勒葉炒牛肉片 $138 另加一羅勒葉炒牛肉片熱辣辣上枱，份量好多，牛肉片好新鮮。同炒蔬菜有豆角，蘑菇，洋蔥，三色燈籠椒，紅蘿蔔片同粟米仔。放有羅勒葉係面。呢道菜炒得味道幾好，辣辣地，又唔太油，蒜頭味好香。椰子雪糕 $68 另加一椰子雪糕賣相不俗，兩大球椰子雪糕面頭灑上粟米粒同椰絲，伴有兩條椰子卷。椰子雪糕超滑溜，入口即溶，帶少少冰沙，撈有腰果，加上爽脆椰子同椰子卷，加添口感味道，好正。今餐食物質素不錯，服務員服務態度非常好。餐廳半露天，以紅、綠色為主調，播放住輕鬆音樂，吹住海風食飯真係別有一番滋味。
繼續閱讀
您可能會有興趣的...