影片
港鐵佐敦站 C2 出口, 步行約5分鐘
繼續閱讀
附加資料
星期六日 每人最低消費百二蚊用餐時間個半鐘
營業時間
星期一至四
11:00 - 20:00
星期五至日
11:00 - 21:00
公眾假期
11:00 - 21:00
以上資料只供參考, 請與餐廳確認詳情
位於佐敦嘅樓上cafe. 之前都嚟過幾次，不過冇食過佢哋嘅嘢，都係飲杯咖啡為主，今次下午茶就嚟試吓佢嘅食物啦。選擇唔算多，上網睇都係比較港式嘅意粉，不過唔緊要啦，今日帶埋毛孩一齊享受下午茶。叫咗一個卡邦尼意粉👍🏻，諗唔到外貌平平無奇，食落味道好濃郁，係會令人食得好開心嘅意粉。另外叫咗一杯美式咖啡👌🏻，普普通通，都算滿意嘅。幫毛孩叫咗一個鱷魚角豆杏仁健康批👍🏻，我就冇試食啦，不過毛孩嘅反應話俾我知，好好食，好快就清晒。******************************👍🏻好食 | 👌🏻可以 | 😔 難食評分 : 8/10簡評 : 有驚喜，又可以同毛孩嘆吓嘅地方
繼續閱讀
有寵物嘅朋友就會知道，想帶寵物一齊去一間餐廳食嘢，喺香港係幾咁困難嘅一件事！😢😢😢😢但依家就唔怕啦，越來越多餐廳都係可以帶寵物入內，可以同舞鞋一齊開開心心出街食嘢！🥰🥰🥰今日就嚟到呢一間喺佐敦嘅寵物有好餐廳，簡直就係毛孩嘅天堂！👍🏻👍🏻👍🏻🥳🥳🥳佢係一棟建築物三層，三層都係關於寵物嘅！🥳🥳🥳地下嗰層就專門買寵物用品， 2樓就係寵物酒店，如3樓就係我哋要去嘅餐廳啦！😋😋😋一入到去，就會見到有室內同室外座位俾你選擇，想同狗狗玩嘅朋友可以坐室外；想安心食嘢嘅就可以去室內！👏🏻👏🏻👏🏻佢入面仲有得賣專門比寵物食嘅小食同埋蛋糕！唔使怕得自己一個食寵物冇得食🥰🥰唔講啲咩，今次淨係講吓我叫咗啲乜嘢食啦！今次就叫咗一份雞翼同埋煙三文魚班尼狄蛋🥰🥰🥰雞翼有三隻味道，而我就揀咗蜜糖雞翼！份量都足夠，雞翼都幾大隻，最緊要係蜜糖味真係好重！而呢一個egg Benedict 一睇就知好足料，煙三文魚大大塊，唔知出面食嗰啲咁🥰😢😚
繼續閱讀
從鍾意寵物，而且屋企有狗狗🐶經過嚟呢一間寵物店shopping吓~🥰原來發現樓上，仲有一間咖啡店☕睇落去都幾開闊，而且環境好企理。因為自己一個人食lunch，咁今日就黎試吓啦！試咗兩款，分別係煙三文魚沙律🥬同埋軟殼蟹意粉❤軟殼蟹意粉非常之驚喜！大大隻軟殼蟹係即叫即炸，食落去非常之鬆脆。而且意粉都好香滑，配埋醬汁，令我自己一個人都可以食清晒🤩另外嘅煙三文魚沙律擺盤好靚，而且煙三文魚都幾大塊！
繼續閱讀
近年香港越開越多歡迎狗狗嘅餐廳。作為狗狗嘅主人（奴隸），就當然要去試下睇下好唔好喇。第一次嚟到呢間，就覺得呢度有户外位置俾主人同狗狗互動。餐廳唔算多嘢食，但竟然會有一頁menu 係for 狗狗的，真係好有趣。如果唔想嗌menu 食物俾狗狗，仲可以去夾零食，價錢係依gram數計的。卡邦尼意粉（$88）- 本身見無隻温泉蛋仲有啲失望。但個味道好好味，個醬汁好creamy 不特止，仲落咗好多煙肉粒，而上面再舖上芝士粉同辣椒碎，非常惹味！荔枝梳打（$38）- 好冰凍同唔會覺太甜，夠晒解渴。
繼續閱讀
今日同朋友嚟到呢間位於佐敦的寵物友善cafe。最下層係購物同寵物泳池，上一層是寵物美容同酒店，而最高那層天台就是cafe。喺搭呢部lift直上餐廳的。餐廳仲有boardgame 提供，啱晒同朋友一齊嚟hea。安格斯牛肉漢堡配薯條（$138）- 安格斯牛肉好juicy同有質感，蕃茄生菜都好新鮮爽口，就連塊麵包都好好味，用牛油烘得又香又脆口。配埋薯條真係美味。黑松露雞翼（$58）- 估唔到份量咁多，起碼有六至七隻雞翼。黑松露味好香，而雞翼熱辣辣得來肉質都好嫩滑。味道上除咗黑松露外，你仲可以揀芝士或者蜜糖。
繼續閱讀