S3 186

營業中

休息中

估唔到係深水埗搵到平價又高質既西餐，呢到都好近地鐵站。一開始係比佢個decoration吸引左入去，而家已經有曬聖誕佈置，好好氣氛。建議大家轉套餐，因為加少少錢就有埋沙律，湯，甜品同飲品都真係幾抵。一開始有田園沙律，都幾開胃。原先跟既餐湯就係粟米濃湯，好濃郁，好creamy，而且仲有蒜蓉包可以點湯食。蒜蓉包好香脆。另外我地轉左個法式龍蝦湯，好香濃既龍蝦味，仲有龍蝦肉架。主菜就係香蒜辣椒欖油珊瑚蚌扁意粉同埋海膽忌廉汁帶子闊條面。香蒜辣椒欖油珊瑚蚌扁意粉都幾辣，都香口。珊瑚蚌份量都幾多，而且爽口。扁意粉吸曬欖油同蒜味，食落好夠味。海膽忌廉汁帶子闊條面闊條面好有咬口，似人工面咁! 海膽忌廉汁好濃好香。帶子都有煎香過，夠厚肉。最後甜品係朱古力mousse，好岩打卡，又好食! 呢到環境好唔錯，好岩同伴侶/朋友黎食飯!

今日放假約咗朋友去深水埗行街,無意中喺深水埗見到一間好有格調嘅餐廳,無論環境氣氛同埋個感覺都係好舒適好浪漫。S3 186 西餐廳,地址喺深水埗北河街185至187號地舖。晚市套餐 154元田園沙律,是日餐湯,黑松露野菌意大利飯,芒果梳打。沙律菜好新鮮食落去清甜開胃,作為前菜真係好適合。黑松露野菌意大利飯賣相吸引,入口有黑松露獨特嘅香味,意大利飯亦都煮到啱啱好煙煙靭靭。芒果梳打味道清香,香甜嘅芒果味有解渴又好飲。另一個晚市套餐 214元田園沙律,是日餐湯,軟殼蟹海膽意大利飯,熱情果梳打。軟殼蟹炸毒金黃色,非常香口惹味,入口蟹味鮮甜肉質豐富,食得出廚師精心嘅製作,脆卜卜真係好好味,估唔到海膽配上原殼蟹令到個鮮味更加突出,每精飯都有海膽嘅香味,真係好好食。

S3 186 (深水埗)深水埗北河街185-187號地舖食物推介：超級夏威夷薄餅 $133，是日廚師餐湯、沙律、飲品、甜品 $48S3 186鄰近港鐵深水埗站B2出口，交通方便！超級夏威夷薄餅：今次點了厚批，材料有芝士、火腿、肉粒和菠蘿，配料豐富。餅皮經過烤製後變得脆口，連底部也有酥香感覺。芝士量多，味道濃郁，能造成拉絲效果，火腿和肉粒的焦香與菠蘿的鮮甜互相配合，組合成好滋味！是日廚師餐湯：今天的餐湯是南瓜湯，有蓉狀質地，口感滑順，味道濃郁，加上奶油及香草後味道更加豐富！沙律：蔬菜新鮮，蕃茄多汁，粟米鮮甜，青瓜爽脆，好味又健康！飲品：今次點了凍咖啡，以大玻璃杯盛載，咖啡味香濃，糖漿分開供應，可以根據個人喜好調整口味！甜品：今天的甜品是士多啤梨忌廉奶凍，奶凍的質地柔滑，口感細緻，能夠在舌頭上溶化，加上士多啤梨的酸甜，忌廉的奶香，美味可口！

今日放假和朋友去深水涉區行電腦商場跟住去晚餐。 朋友提議吃西餐，話附近有一間好有特色的多國菜西餐廳，名字S3 186 它位於深水涉北河街185-187號地舖。深水涉地鐵站B出口行幾分鐘就到。餐廳門口全以落地玻璃，光猛醒神！ 一入門口有一個漂亮的半月的燈飾，仲有聖誕樹呢！室內以星星和月亮為佈置的主調，環境優雅怡人。 餐廳面積都很大，入門口再轉入內，仲有另一個方。 枱椅擺設整齊，坐得舒服。 餐牌的食物都有許多選擇，還有期間限定的食品：時令生蠔、蟹肉盛宴等等。 最優惠的是凡惠顧主菜一份，即可加$48享用是日廚師湯、沙律、飲品及甜品各一份，真的超值！是日餐湯：菠菜忌廉湯， 好靚的賣相，綠色的湯上面以忌廉做圖案！菠菜味很濃，配上烤脆嘅蒜蓉士，美味！ 沙律：有青瓜、車厘茄和沙律菜，全都很新鮮和爽脆，是一道開胃的前菜！軟殼蟹海膽意大利飯：軟殼蟹炸得香脆可口。 意大利飯煮得剛剛好，有口感。海膽汁味濃香，完全人晒飯裏面，很滋味！烤大西洋比目魚柳：魚肉鮮嫩多汁，魚皮煎得好香脆。 仲有薯蓉、露筍、車厘茄和玉豆。材料豐富和很搭配！ 最後來杯咖啡和甜品。 忌廉芒果布甸，軟滑甜甜的，真係大滿足！這間以數字命名的

唔好以為深水埗只有平民飯堂，原來都有間充滿浪漫氣氛嘅隱世西餐廳😆 如果唔係咁岩行過，真係唔會發現到～ 經過時被門口嘅大月亮吸引眼球，裡面嘅天花仲要裝哂燈飾，真係好有feel~ 烤澳洲肉眼扒 $248 揀左五成熟，口感細嫩，肉味香濃 海膽忌廉汁帶子闊條麵 $168闊條麵煙韌彈牙 ，沾滿海膽忌廉汁，超正！ 而且帶子煎到金黃香口，鮮甜美味～ 👆我地加左$48轉做Set, 包田園沙律，法式龍蝦湯（加$18），飲品及甜品～ 另外再order左個Appetizers～ 🔸️香草忌廉汁煮藍青口 $128 藍青口鮮甜肥美，配搭埋香脆牛油多士跟香草忌廉汁好夾！

重返深水埗區，發現咗呢間有情調西餐廳食物勁多款 .. 仲有套餐價，性價比高 !但最搶眼 一定係門口嘅 巨型閃閃月亮 🌙連餐廳入面 都掛滿串串吊燈～幾靚主食、前菜都好多選擇，跟餐都幾抵～以下跟我最喜愛程度排序💓迷你棉花糖焦糖鮮果牛角包窩夫 $58雖然等呢份甜品 等咗好耐 ….......😑但食到個刻 又即刻gur晒😂以為係普通水果，但d菠蘿 用焦糖燒香咗架，好好味😭牛角窩夫中間嘅酥皮 有好多層，口感就偏實在左D～淡淡嘅牛油香，呢個一人份 食晒都唔覺膩 !!芝士黑松露薯條 +$28抵叫的薯條 !! $28咁大份 !!! 😍😍 叫任何主食都可以用優惠價加呢(MENU無寫到.. 落單時 記得問WAITER !!)除咗唔少嘅黑松露之外，仲另上咗芝士醬 ! 不過芝士味唔算太重薯條 夠熱夠香脆，邪惡好味 😋烤澳洲肉眼扒 $248烤大西洋比目魚柳 $168跟餐 +$48 包湯、沙律、飲品、甜品沙律淋上黑醋🖤 南瓜忌廉湯 幼滑最正係 配湯個塊蒜蓉包呀 !! 滿滿的蒜香～肉眼扒 我地揀咗7成熟～只能講 呢件扒 我好滿意 !! 滿滿的肉汁🤤濃郁嘅牛味 🤤 連拌菜都有用心烹調比目魚魚質細滑，底部除咗薯蓉，竟然

今次同朋友兩個人嚟食，叫咗一份牛扒同一份意大利飯，加$48可以變成套餐，有沙律餐湯餐包飲品同埋甜品。沙律，正常發揮，又唔同種類嘅沙律菜配上芝麻醬。餐湯係忌廉蘑菇薯仔湯，質地唔算好厚身，薯仔味道濃郁，口感棉密。餐包蒜蓉味香濃，而且烘到脆卜卜，用嚟點餐湯食就一流。軟殼蟹海膽意大利飯，軟殼蟹都幾大隻，炸漿唔會好厚，亦都唔會炸到好硬身。意大利飯嘅生熟程度都啱啱好，好creamy，忌廉味較重。牛扒就要做安格斯牛柳，五成熟。

餐廳：S3 186 (深水埗)地址：深水埗北河街185-187號地舖深水埗北河街最近新開咗一間以星星同月亮做主題嘅打卡西餐廳——S3 186 🍽，未入門口已經見到梵高《星夜》嘅畫作印咗喺餐廳嘅玻璃門上面🌃，行入去先見到巨型月亮打卡位🌙，經過吧枱去到用餐區，滿天閃閃發光嘅星星燈泡營造咗浪漫嘅氣氛✨，同至愛過嚟用餐最適合不過💕叫餐牌上面主菜、沙律、意粉、Pizza是但一樣，加$48就可以升級做套餐，包是日廚師餐湯🥣 、沙律🥗、飲品同甜品各一份。我去嗰日喺甘筍忌廉湯，配上香脆蒜蓉牛油多士一件；沙律喺雜菜粟米沙律，當中有啲車厘茄同青瓜🥒，上面加咗啲胡麻醬；飲品可以揀咖啡或者茶，我就加$8叫咗杯價值$38嘅Latte☕️；至於甜品喺牛奶奶凍，撒咗啲果仁同脆粒喺面，靚得嚟又增加咗口感層次，奶滑香濃都幾唔錯😋✝️香烤三黄雞(半隻) $138金黃皮薄嘅三黃雞，香烤過後色香味俱全🔥，用刀切開輕輕流出雞油同肉汁💦，連皮帶肉一齊放入口，香脆唔油膩嘅雞皮同肉質鮮嫩充滿雞香嘅雞肉互相輝映，配埋辛辣過癒嘅芥末醬或者甘香濃郁嘅蘑菇汁一齊食就更有風味；另外伴碟仲有唔少蔬菜同焗薯，份量一啲都唔少😻依家只要喺餐廳嘅F社交平台

去咗深水埗搵嘢食，搵到間平民西餐🍴餐廳裝修有以前西餐嘅嘅懷舊風。就到聖誕節門口仲有聖誕樹🎄嘅打卡位。餐廳冇水供應，收費每樽$10。我哋嗰日唔係好肚餓，所以嗌咗一個晚餐再加一個小食一齊食。任何主食加$48就可以加配套餐：有沙律🥗、餐湯、飲品及甜品。▶️水牛城香辣雞翼$78雞翼夠晒香辣，一份有六隻，幾惹味。▶️法式油封鴨脾$218 +$48配套餐 +$18升級龍蝦湯🦞🥣沙律有沙律菜、車厘茄、粟米粒，配上麻醬。龍蝦湯熱辣辣幾濃郁，配上香脆牛油多士。油封鴨髀鴨皮口感有少少炸嘅風味，滿滿油感。鴨肉切開一絲絲口感。配有薯蓉、粟米🌽、車厘茄、荷蘭豆。飲品叫咗凍檸茶。甜品係奶凍、奶味十足☺️

深水埗開了一家打卡餐廳 以星空為主題門口位置放了大月亮及藍色星空 非常浪漫室內每張枱都放有一個星球特色小燈OooooO香烤三黃雞 $138雞脾皮脆肉嫩 配以芥辣汁及蒜汁伴碟仲有薯仔及豆豆OooooO卡邦尼意大利粉 $88份量不錯, 二人SHARE 都夠食蒜香味較濃OooooO法式菠菜蟹肉釀酥皮撻 $128濃濃的陀忌廉菠菜餡 酥皮撻層層酥脆OooooO加配$48可享是日餐湯、沙律、飲品和甜品各一份是日係菠菜湯 呢個有驚喜又濃又好味餐湯配的蒜蓉包 熱熱的烤好即上仲有沙律, 飲品及奶凍布丁

深水埗都有好浪漫滿屋cafe😘門口有一個半月型月亮🌙燈飾仲有一棵Tiffany顏色聖誕樹🎄吸引到我😍周圍環境氣氛十分超浪漫👩🏻‍❤️‍👨🏻打卡一流📸主菜只需要加$48就可以升級套餐🍽️有湯🫕、有沙律🥗、飲品🍸、同埋甜品🍧吾錯😘今日係菠菜忌廉湯🫕濃郁菠菜味再配上脆卜卜嘅蒜蓉包👍👍叫咗個炭燒大蝦🦐蟹肉🦀意大利飯🤤一啖一口都充滿蟹肉🤤口感超豐富🤭仲厚厚肉嘅大蝦🥰唔少得嗌個超級夏威夷薄餅🍕😘薄餅🍕熱辣辣脆卜卜😃周圍充滿芝士菠蘿🍍😍I Like it🥰🥰🥰甜品嗌個曲奇🍪妙妙牛角包🥐窩夫🧇窩夫脆脆口😃最特別仲有啲彈牙😁好味😋食物有水準👍服務員充滿笑容😘將我一日嘅工作疲倦完全忘記曬🤭我見佢仲有紅酒🍷白酒飲🥂添😃環境有靜靜地👍約埋三五知己嚟傾吓偈飲下酒都唔錯cafe👍

#fafafoodblog西餐 #fafafoodblog深水埗🍴櫻桃蕃茄大蜆扁意粉 98 蚊🍅蜆肉新鮮 加埋好多 juicy既車厘茄 意粉好爽口 🍴蜜糖烤脆皮豬手188 蚊🐷 加48 蚊轉餐 有是日餐湯 沙律 甜品各一餐湯係菠菜湯 🥬 菠菜夠濃 加埋蒜蓉包點黎食 沙律夠新鮮 甜品有奶凍 都幾香甜豬手大大隻夠香脆 有荷蘭豆 薯格 車厘茄等等做配菜 豬手點 d蛋皇醬十分唔錯 🍴松露薯條68 蚊🥔 薯條夠香脆 好多松露醬 撈埋一齊再點芝士醬或茄汁都 ok#西餐 #薯條 #薯格 #豬手 #黑松露 #意粉 #蜆肉 #餐湯Score 平均分< 7.2/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~ #s3186深水埗北河街185 號地鋪~~~~~~~~~~~~#fafafoodblog #為食花太郎 #fafafoodblog深水埗 ====================

今晚同朋友黎深水埗買嘢，買完剛巧經過呢間餐廳，見到環境幾好，咁我哋就揀左佢食晚飯。餐廳環境幾有氣氛，裝修簡約，門口有個打卡位幾浪漫，感覺好好。餐牌都多嘢食，只要點一款主菜加$48就可能以變做set dinner，除左有湯、沙律同飲品外，仲有甜品添，都幾抵👍🏻餐湯及餐包：餐包焗得又香又脆口；忌廉南瓜湯夠creamy夠滑，味道幾好。沙律：新鮮乾淨，配日式胡麻醬已經好ok。軟殼蟹海膽意大利飯：軟殼蟹熱辣辣，炸得脆，意大利飯唔會煮得過淋，海膽汁濃，口感濕潤，唔錯。塔斯曼尼亞煙三文魚薄餅：點左薄批，薄餅皮焗到好香脆，煙三文魚鹹鹹香香，配薄餅幾夾，好味。飲品：凍奶茶茶膽都幾濃喎，少甜少冰，幾好飲。朱古力奶凍：自家製，朱古力味濃，口感結實，唔太甜，食埋佢就滿足晒。

這間位於深水埗的西餐廳，晚市有多款小食及主菜，加$48更可升級套餐，包餐湯、沙律、飲品及甜品，另有加一收費。南瓜忌廉湯忌廉湯質感幼滑，有淡淡南瓜香甜，配上香脆蒜茸包。沙律沙律菜新鮮爽脆，有些粟米、車厘茄，清新開胃。海膽忌廉汁帶子闊條麵闊條麵質感爽口，每條麵條都沾滿了忌廉汁，帶子煎至金黃，鮮甜嫩腍。三文魚薄餅薄餅是餅乾底，焗至餅底香脆，表面半溶芝士及煙三文魚。朱古力布甸濃郁朱古力香，十分幼滑。最後飯返杯餐飲。

這家餐廳以星空主題做為布置，特別是天花板上滿佈著燈泡，營造出滿天星星的夢幻的氛圍海膽忌亷汁帶子闊條麵新鮮的帶子煎得夠香口，搭配豐富的海膽忌廉汁，味道鮮美而豐富，加上闊條麵口感保持煙韌，沾滿帶子的鮮甜和濃郁海膽香，真是很不錯👍🏻凱撒沙律配煙三文魚新鮮的蔬菜和煙燻三文魚的組合恰到好處，加上我要求走沙律醬，味道相當清新😎水牛城香辣雞翼好岩食得辣的人，每一隻雞翼都炸至酥脆，外層包裹著香辣的醬汁。咬下去時，辣味在口中迸發，帶來一種辣椒的獨特風味，絕對能滿足辣味愛好者的口感需求🤣