Sawadee Chef

營業中

休息中

想食泰國菜，上Openrice 見到呢間幾好咁就去試下，環境唔計較只求食物好食，因為之前睇到有讀者話:好正宗，好好食。咁期待，去到叫左個生蝦、爐魚、豬頸肉、炒椰菜苗、海南雞、蝦餅、冬蔭功等。生蝦：汁幾好 蝦夠新鮮爐魚：烤得好熟，魚肉味道鮮美豬頸肉:個汁好味，肉質有咬口海南雞: 多人推薦，好好味，雞有雞味和夠新鮮冬蔭功:酸酸辣辣，飲左夠哂開胃椰菜苗: 但係個椰菜苗就真係搞唔掂，啲菜硬到我地硬唔到，味道又怪怪地咁，成餐飯就係比個椰菜苗毁滅咗。。。。

位於奧海城入面嘅Sawadee Chef, 裝修新淨闊落，午餐點左佢哋嘅泰式炒牛河同埋串燒。泰式炒牛河會配有冠益華記辣椒醬，味道酸酸辣辣，中和左炒河嘅油膩，炒牛河有10塊左右嘅牛肉，牛肉醃得好好香味濃郁，肉質軟滑彈牙，冇筋，唔會煮得過老，亦都唔係出面茶餐廳個種落好多粟粉好「滑潺潺」嘅醃法，值得一讚。串燒有牛、豬、雞各一，配一小碟沙嗲醬。每串都啖啖肉。雞肉用上香茅醃料，味道都唔錯。牛、豬串燒都好出色，香口肉味豐富。可以再黎食。

之前經過呢個商場都比呢間餐廳嘅門面吸引到，因為內部裝修做得幾好好開陽亦都好有格調，所以最近途經呢個商場都特意選擇咗呢間餐廳。星期日夜晚都接近唔使等位，坐得都算舒服，衛生狀況令人滿意，至於服務態度亦都冇其他食評講到咁差，我覺得還可以接受。因為之前已經食咗下午茶，所以夜晚唔算好肚餓，只係嗌咗三樣嘢，包括佢推薦嘅招牌魷魚、泰式拼盤(包括炸蝦餅、春卷、三串串燒)同埋泰式通菜。個通菜好有鑊氣，味道唔錯，至於個泰式拼盤同埋個魷魚就合乎水平，佢哋嘅賣相就可以參考我附送嘅圖片。價錢嚟講， CP值都算高。

本身諗住上年聖誕節6點去食，佢都話full booking要等到8點就無去到。咁見唔係節日，今次就食lunch，叫左金邊粉同埋炒飯，啲粉同飯硬到小朋友唔食，大人都差啲入唔到口😂金邊粉走左辣，變咗好偏甜嘅醬，同粉太硬，食唔晒。蝦醬炒飯，啲飯粒粒分明，好硬😂😂 冇咩蝦醬味。蝦餅，脆口彈牙~~👍🏻串燒，豬牛雞都正常發揮既，個醬都可以👌🏻叫左冬陰功湯，係可以既，夠酸辣，有啲蠔仔同埋蜆仔，有隻蝦👌🏻只但係食完，可能因為啲粉飯頂住晒，變左唔知食左啲咩😅 變相又貴又頂胃🥲

平時無論星期一到五都好，我見裏面成日都拍烏蠅既，甘我見佢開咗喺度都一段時間啦，雖然有朋友食過話性價比唔高，但我真係心血來潮，突然好想食泰國菜好掛住泰國🇹🇭今日諗住入去試吓啦，見到裏面八成座位都冇坐滿，有個身形比較豐滿嘅經理同我講，冇預約嘅話而家冇位㗎啦喎，你要拎飛喎，你一個半鐘頭之後再嚟試下啦。當時時間係傍晚6點半😑真係唔知佢扮乜嘢，食物未感受到，但係服務同態度就一定唔係咁好啦

1. 好咸2. 菜有蟲3.千祈唔好叫菠蘿炒飯 未食過咁難食嘅菠蘿炒飯4. 成餐飯得炸蝦餅好食5.海南雞都ok ge呢間第一次食，但唔會有下次。千祈唔好有期望揀其他餐廳好過

食物比起以前差咗，選擇少咗好多，而家有嘅都係比較平價嘅食物。但係價錢經濟都冇話唔好，可惜服務態度非常差。有一位四眼後生女話係新嘅，態度非常差，好似唔想do. 另外有位高嘅阿叔，又係講嘢串串共，服務態度奇差比起以前啲餸雖然貴啲，但起碼服務非常好， 10個員工10個都好。而家呢度除咗個別一兩個好少數態度比較好啲啲之外，大部份都係差包括經理。

行完街好想搵個舒服地方坐低食晚餐，經過餐廳門口，就覺得個環境幾靚，一於入去試吓。兩個人唔算好肚餓，就點咗3樣食物-青木瓜沙律：好清新，小小辣，不過就乜嘢料都無。睇返menu，原來可以加錢加材料嘅手打炸蝦餅：咬落好彈牙，食得出裡面有蝦肉，上枱時熱辣辣，幾好味😋豬肉鬆菠蘿雞粒炒飯：份量好大碟，味道就正常發揮啦味道整體上都唔錯，而且坐得都舒服。不過服務就有改善空間，唔忙時可以多d周圍望吓客人需要就更好。

I have been to here many times whenever I crave Tom yum. The restaurant offers a limited variety of skewers and authentic Thai choices. I’m very bad with fish with bone but luckily this time I checked with the waiter. Their grilled fish uses sea bass so only big bone and you can see the chef grill it for you if you seat at the bar table. Man their grilled fish is good and i went back the next week for it again! I wish they give me a bigger spoon for the fresh coconut coz I wanted to eat their co

每次經過，都被它的精美餐具吸引🥰終於可以嚐試泰式午餐！虎蝦炒金邊粉賣相同味道有驚喜😘豬肉鬆菠蘿雞粒炒飯炒飯炒得幾乾身👍菠蘿係用新鮮菠蘿，有誠意👍泰式船麵船麵有豬雜架😀味道唔錯😋洛神花柚子蜜適中酸酸甜甜！青檸梳打水

平時行過見到餐廳都幾高級，同埋行過都好香食物味！終於今日和同事食午餐生日飯，由於佢電子落單成日出錯，所以要求男員工幫協助！但大家將其一杯凍飲，點錯熱飲。之後到女員工遞飲品來時，我哋話來錯咗杯熱飲，但細看下原來係我哋襟錯。女員工就一句說“係你哋自己點錯㗎！”我哋要求佢換返杯凍飲！佢首先係好無禮貌咁拎走杯熱咖啡。之後再行埋嚟竟然說“凍咖啡買晒喇！自己係電話再落過”就走咗去之後我哋又再搵另一個男員工教我點樣可以再落單，他也好無奈咁唔識落，最後佢自己幫我哋落單女員工咁嘅服務態度絕對唔值咁嘅價錢***但男員工服務態度就好好

嚟澳海城同小朋友食飯，係我哋最愛嘅泰菜食💚《Sawadee Chef》💚🔰泰式脆皮豆腐🔰燒原隻鮮魷🔰炒泰式辣黑豚肉碎配芝麻葉🔰鮮胡椒炒虎蝦🔰泰式辣滷水豬手飯🔰燒豬頸肉🔰豬肉鬆菠蘿雞粒炒飯🥭芒果椰子拿鐵🍋檸檬梳打〰️🔘〰️🔘〰️🔘〰️🔘〰️🔘〰️🔘〰️老公最愛😻「燒魷魚🦑」，長長嘅魷魚烤到好剛好，唔會太靭！而我就勁喜愛「鮮胡椒炒虎蝦」，佢夠晒新鮮、彈牙，用胡椒炒，夠晒香！「燒豬頸肉」就係仔仔最愛，係必叫嘅！而佢個醬汁都係好好味，但有少少辣！而仔仔就最愛「豬肉鬆菠蘿雞粒炒飯」，材料豐足！留意！「泰式辣滷水豬手飯」個汁頗辣，所以食唔到辣嘅你要注意喇！飲品🥭芒果椰子拿鐵&🍋檸檬梳打都好啱我同豹爹口味，「檸檬梳打」清爽「芒果椰子拿鐵」夠creamy! 呢度環境好舒服，座位好闊落，好好坐！佢哋話下次黎玩，都可以再黎食泰菜😊

在大角咀，朋友介紹這間好好味的泰國餐廳，環境很舒服，好寬敞的空間感，還有獨立房間，同時員工態度友善餐廳所有菜式都唔錯，特別是那個蟹肉粉絲煲，粉絲吸咗蟹肉嘅味道，而且炒得好乾身還有那個炸魚，蠔餅，同樣好乾身，唔會成口油，而且食物材料好新鮮另外，炒菜，都是用煲仔上，打開個蓋時好多煙，鑊氣十足木瓜沙律、蝦餅，串燒沙嗲都唔錯，串燒沙嗲的汁都好好海南雞，我們叫了半隻，全部幫你去骨，不過這個味道沒有太大驚喜其他菜式都唔錯值得再嚟

/朋友一直推介呢間餐廳既泰菜好特別😌係中泰fusion 菜⚠️特登約埋朋友黎個新派泰菜體驗‼️ @sawadeechef .🎲泰式脆皮金磚分量好足既炸豆腐，配上秘製醬汁💦酸酸甜甜，好開胃又香口👍🏻.🦑燒原隻鮮魷四川花椒同雲南辣椒結合😳香、辣、麻有齊🤭鮮魷又夠彈牙，好食🤤.🐷炒泰式辣黑豚肉碎配芝麻葉用手切日本黑豚肉🐽同芝麻葉去代替傳統既豬肉碎同生菜🥬出乎意料地夾🤗又唔肥膩,味道一流，食完唔口渴～轉用芝麻葉而唔係平時嘅生菜更香.🦀蟹肉粉絲煲大讚👍🏽蟹肉非常足料粉絲入味，成煲唔會過份濕或乾.🐷泰式辣滷水豬手飯雖然賣相普通🤣豬手看似肥膩但入口即化🥳連埋個辣味無油林林嘅感覺，食落有滿滿嘅骨膠原😆真係超有驚喜‼️

今晚放工去咗奧海城，假期前夕，不如就去食好啲啦，行過呢間泰國菜館好似幾高級，就入去試吓啦。呢間泰國菜館啲座位好舒適，雖然價錢係有少少貴，不過質素真係好滿意。我哋今晚叫咗以下食物：馬拉盞泰國臘腸炒芥蘭 $98沙嗲拼盤 $98黃咖喱雞 $148白飯 $28椰青 $68龍眼水 $58我覺得咖喱雞用嚟撈白飯，簡直係一流，原本話要減肥嘅我，都食到停唔到口😭。臘腸炒芥蘭好入味，不過會有啲辣。沙嗲拼盤又係好出色，烤得啲肉好嫩滑，加埋啲沙嗲醬，又係令到我食到停唔到口。我自己就叫咗椰青解渴，屋企人叫龍眼水，佢話好清甜👍🏻